दशैँ नजिकिएसँगै खसीबोका महँगियो
दशैँ, तिहारजस्ता चाडपर्व नजिकिएसँगै ताप्लेजुङमा खसीबोका महँगिएको छ । अहिले सदरमुकाम फुङ्लिङ बजारको तोक्मेडाँडामा लाग्ने शनिबारे हाटमा बिक्री गर्न ल्याइएका खसीबोका महँगो मूल्यमा बिक्री हुन थालेका हुन् ।
जल, जमिन र जङ्गल बचाउन माग
चिसाङ खोला किनारमा बस्दै आएका सरोकारवालाले नदीजन्य पदार्थको टेन्डर लगाउँदा खोलानजिकैको बस्ती र खेतीयोग्य जमिनको संरक्षणमा ध्यान दिन आग्रह गरेका छन्। मोरङको लेटाङ नगरपालिकाले चिसाङ खोलाको नदीजन्य पदार्थ टेन्डर लगाउनु पूर्व शुक्रबार आयोजना गरेको सार्वजनिक सुनुवाई कार्यक्रममा सरोकारवालाले यस्तो आग्रह गरेका हुन्। नगरको विकासमा बर्सेनि छ÷सात करोड रुपियाँको योगदान दिने नदीजन्य पदार्थ उत्खनन गर्दा चिसाङ खोलाले त्योभन्दा ठूलो आर्थिक र वातावरणीय क्षति गरिरहेको सरोकारवालाहरूले बताएका छन्।
खोलाखोल्सी अभियान
सामान्यतया कुनै पनि औपचारिक कार्यक्रम उद्घाटन गर्दा ब्यानर पढ्ने, दियो सल्काउने, गमलामा राखिएको फूलमा पानी हाल्ने, रिबन काट्नेजस्ता कार्य गर्ने गरेको पाइन्छ तर झापाको दमकमा भने फरक रूपमा कार्यक्रमको उद्घाटन गरेर पुराना र मासिन एवं लोप हुन लागेका खोला तथा खोल्सी सफाइ तथा सौन्दर्यीकरणको अभियान सुरु गरिएको छ।
चौध महिनामा सात प्रतिशत काम
तीन देश जोड्ने उत्तर दक्षिण कोसी राजमार्गअन्तर्गत सङ्खुवासभा सदरमुकाम खाँदबारीदेखि नुमसम्मको सडक कालोपत्रे गर्न १४ महिनाअघि निर्माण कम्पनीसँग सम्झौता भएको थियो। सम्झौता भएदेखि यता हालसम्म सात प्रतिशत मात्र भौतिक प्रगति रहेको निर्माण कम्पनीले जनाएको छ।
बजारका अस्तव्यस्त तार व्यवस्थापन गरिँदै
झापा दमकको मुख्य चोक तथा बजार क्षेत्रमा अस्तव्यस्त राखिएका विभिन्न इन्टरनेट तथा केवल प्रदायक संस्थाका तारसहित बिजुलीको तार व्यवस्थापनको काम सुरु भएको छ ।
मोटरसाइकल दुर्घटना हुँदा दुईको मृत्यु
मृत्यु हुनेमा कनकाई नगरपालिका–४ निवासी ३८ वर्षीय कृष्णप्रसाद सिग्देल र अर्जुनधारा नगरपालिका–४ निवासी ४५ वर्षीय विष्णु थापामगर रहेका छन् ।
अपाङ्गता भएका व्यक्तिलक्षित रोजगार मेला
अपाङ्गता भएका व्यक्तिको रोजगारी सुनिश्चितताका लागि विराटनगरमा दुईदिने रोजगार मेला आयोजना गरिने भएको छ । नेपाल उद्योग वाणिज्य महासङ्घ, प्रदेश १ सहित निजी क्षेत्रका सङ्घसंस्थाको सहकार्यमा आगामी कात्तिक १८ र १९ गते मेला आयोजना गरिने भएको हो । सो मेलामा प्रदेश १ का आठ जिल्लाबाट तीन सय लाभग्राही र एक सय रोजगारदातालाई एकै थलोमा राखिने भएको छ । झापा, मोरङ, सुनसरी, इलाम, पाँचथर, धनकुटा, सङ्खुवासभा र भोजपुर सहभागिता रहने भएको छ ।
भूकम्पपीडितका लागि निर्मित बस्तीमा बाख्रापालन
खोटाङको दिक्तेल रूपाकोट मझुवागढी नगरपालिका–१५, विजयखर्कमा निर्माण गरिएको रामनाथ एकीकृत नमुना बस्तीमा बाख्रा मात्रै राखिएको छ। भूकम्प पीडितका लागि निर्माण गरिएका घरको कोठामा बाख्रा, दाउरा र घाँस राखिएको पाइएको हो। २०७५ सालमा निर्माण सुरु गरिएको बस्तीमा एक करोड रुपियाँभन्दा बढी खर्च भइसकेको छ। २०७७ सम्म आइपुग्दा १९ वटा घर निर्माण गरेर जस्तापाता हालिएको थियो। १९ वटामध्ये दुईवटा घरमा झ्याल, ढोका हालेर भूकम्प पीडित कहिलेकाहीँ बस्ने गरेको पाइएको छ। अन्य घरमा रङरोगन, भुइँ ढलानदेखि झ्याल, ढोका लगाउने कुनै काम अहिलेसम्म भएको छैन। बस्तीमा एउटा मात्र सामान्य बाँसको भाटाले बारेको शौचालय निमार्ण गरिएको छ भने खानेपानीको कुनै सुविधा छैन। विद्युत् विस्तार पनि अहिलेसम्म हुन सकेको छैन।
महोत्सव र चाडपर्वलाई शान्त बनाउन प्रशासनको आग्रह
ताप्लेजुङस्थित जिल्ला सुरक्षा समितिले चाडपर्व र मेला महोत्सवलाई शान्त वातावरणमा मनाउन साथै सम्पन्न गर्न सबै पक्षसँग आग्रह गरेको छ।
इटहरी–धरान सडक विस्तार सुस्त, यात्रुलाई सास्ती ठेक्कदारलाई मस्ती
व्यापारिक मार्ग विस्तार आयोजनाअन्तर्गतको विराटनगरको रानी हुँदै इटहरी–धरान जोड्ने ४९ किलोमिटर छ लेनको सडक विस्तार आयोजनाको काम सुस्त गतिमा हुँदा यात्रुलाई सास्ती हुने गरेको छ ।
करोड लागतमा निर्माण गरिएको एकीकृत बस्तीमा बाख्रा
खोटाङको दिक्तेल रुपाकोट मझुवागढी नगरपालिका –१५ विजयखर्कमा भूमिहिनका लागि निर्माण गरिएको रामनाथ एकीकृत नमूना बस्तीमा बाख्रा राखिएको पाइएको छ । भुकम्प पीडितका लागि निर्माण गरिएको घरको कोठामा बाख्रा‚ दाउरा, मकैको खोस्टा र ढोड राखिएको पाइएको हो ।
ताप्लेजुङमा दुई मतदान स्थल थप
ताप्लेजुङमा दुईवटा मतदान स्थल थप भएको छ । जिल्लामा थप भएको दुईसमेत अब आगामी प्रतिनिधि तथा प्रदेशसभा सदस्य निर्वाचनका लागि ७५ वटा मतदान स्थल कायम भएको छ ।
कालोबजारी नियन्त्रण गर्न अनुगमन
कालोबजारी नियन्त्रणका लागि ओखलढुङ्गामा बजार अनुगमनलाई तीव्रता दिइएको छ। चाडपर्वको अवसरमा हुने कालोबजारी साथै अखाद्य वस्तुको बिक्री रोक्न जिल्ला प्रशासन कार्यालयले बजार अनुगमनलाई प्रभावकारी बनाएको छ। चाडपर्वलाई लक्षित गरेर जिल्ला प्रशासन कार्यालय ओखलढुङ्गाले प्रहरी, उद्योग वाणिज्य सङ्घ र सरोकारवालाको समूह बनाई सदरमुकाम र जिल्लाका अन्य क्षेत्रका होटल र किराना पसलमा अनुगमन थालेको छ।
दमक अस्पतालमा औषधि अभाव
झापाको सरकारी दमक अस्पतालमा बिरामीले सरकारले निःशुल्क प्रदान गर्ने गरेको र बीमाबाट पाइने तोकिएको औषधि पाउन छाडेको गुनासो गरेका छन्। दमक नगरपालिकासहित झापाको कमल गाउँपालिका, गौरादह नगरपालिका, शिवसताक्षी नगरपालिकालगायत आसपासका क्षेत्रका बीमाका बिरामीहरूका लागि पहिलो बिन्दु अस्पतालका रूपमा दमक अस्पताल रहेको छ।
किसानलाई बङ्गुर बेच्नै गाह्रो
बङ्गुरपालन गर्ने किसानले राष्ट्रिय किसान आयोगको अन्तक्र्रिया कार्यक्रममा आक्रोश पोखेका छन् । राष्ट्रिय किसान आयोगले बिहीबार मोरङको उर्लाबारीमा बङ्गुरपालक किसानका समस्या र तिनको समाधान उपाय खोजी गर्न अन्तक्र्रिया आयोजना गरेको थियो । पछिल्लो समय बङ्गुरमा देखिएको अफ्रिकन फिवर नेपालमा नभित्रिँदै हल्लाका कारण बङ्गुर व्यवसाय चौपट भएको किसानको गुनासो थियो । उर्लाबारी–९, भोटेपुलका किसान रमण बस्नेतले बङ्गुरपालकलाई बजारको समस्या रहेको बताउनुभयो ।
तराईभन्दा पहाडमा डेङ्गुको सङ्क्रमण बढी
पछिल्लो समय प्रदेश १ मा डेङ्गुको सङ्क्रमण बढ्दो छ। स्वास्थ्य निर्देशनालय धनकुटाका अनुसार लामखुट्टेको टोकाइबाट हुने डेङ्गुका बिरामीको सङ्ख्या प्रदेश १ मा दिन प्रतिदिन बढिरहेको छ। प्रदेश १ का १४ जिल्लाभरि डेङ्गुका बिरामीको सङ्ख्या ५७९ पुगेको छ।
सङ्क्रामक रोग तथा सघन उपचार केन्द्र सञ्चालन
प्रदेश १ सरकारले सङ्क्रामक रोग तथा सघन उपचार केन्द्र अस्पताल सञ्चालनमा ल्याएको छ। कोभिड–१९ सङ्क्रमणमा प्रदेश सरकार मातहत विराटनगर–१० स्थित नेसनल ट्रेडिङको भवन प्रयोग गरेर सञ्चालनमा ल्याइएको कोसी कोभिड उपचार केन्द्रलाई सङ्क्रामक रोग तथा सघन उपचार केन्द्रमा रूपान्तरण गरेर सञ्चालनमा ल्याइएको हो।
तराईमा भन्दा पहाडमा डेंगुको सङ्क्रमण बढी
पछिल्लो समय प्रदेश नं. एकमा डेङ्गुको सङ्क्रमण वढ्दो छ । स्वास्थ्य निर्देशनालय धनकुटाका अनुसार लामखुट्टेको टोकाइवाट हुने डेंगुका बिरामीको सङ्ख्या प्रदेश नं. १ मा दिन प्रतिदिन बढिरहेको छ ।
सङ्खुवासभाका ९५८ उम्मेदवारलाई १८ करोड ९० लाख रुपियाँ जरिवाना
गत वैशाख ३० गते सम्पन्न स्थानीय तहको निर्वाचनमा उम्मेदवार बनेका ९५८ जनालाई निर्वाचन आयोगले जरिवाना तोकेको छ । जिल्लाका दश स्थानीय तहका लागि उम्मेदवार बनेर खर्च विवरण पेस नगरेकाहरूलाई १८ करोड ९० लाख रुपैयाँ जरिवाना तोकेको हो ।
स्कुल र बस्तीबीच जग्गाको झ्याउलो
मोरङको रतुवामाई–५, उलुघुटुस्थित सुनवर्षी माविले स्थानीय ३९ परिवारलाई राजीनामा पास गरिदिने भनेर लिखित सम्झौता गरेको १२ वर्ष बितिसक्दा पनि अझै जग्गा पास गरिदिन सकेको छैन। २०६७ सालमा उच्च मावि सञ्चालनका लागि पूर्वाधार निर्माण एवं स्वीकृति प्राप्त गर्न आर्थिक अभाव भएपछि विद्यालयले आफ्नो नाममा रहेको राजघाट–६(प) को कित्ता नं. ४७ को १ बिघा ७ कट्ठा १४ धुर जग्गा बिक्री गर्ने निर्णय गरेको थियो। २०६६ को जेठ ८ गते अभिभावकको आम भेलाले जग्गा बिक्री गर्ने निर्णय गरेको थियो। सोही निर्णयबमोजिम सो क्षेत्रका ३९ परिवारले प्रति कट्ठा दुई लाखको दरले २०६७ साल पुस १६ गते विद्यालयको जग्गा खरिद गरेका थिए।
खसीको मासु पकाउँदा बाख्राको गन्ध
विराटनगर महानगरपालिकाले माछा–मासु बिक्री गर्ने फ्रेस हाउसको अनुगमन सुरु गरेको छ। चाडपर्व नजिकएसँगै माछा–मासु पसलको स्वच्छता, सुरक्षित भण्डारण, मार हान्ने ठाउँदेखि, मासु टुक्य्राउने अचानो र खुकुरीसम्मको सरसफाइमा सचेत गराउन महानगरले अनुगमनलाई तिव्रता दिएको हो। फ्रेस हाउसको स्वच्छताको अभावमा मानवीय स्वास्थ्यमा पर्नसक्ने असरलाई ध्यानमा राखेर सुरु गरिएको अनुगमनमा मङ्गलबार विराटनगर–९ स्थित एक मासु पसलमा खसी भन्दै बाख्राको मासु बिक्री गरेको भेटिएको छ।
पाँचथरमा मतदाता घटे
पाँचथरमा मतदाता घटेका छन् । निर्वाचन आयोगले हालै सार्वजनिक गरेको तथ्याङ्कअनुसार गत बैशाख ३० गते सम्पन्न स्थानीय तह निर्वाचनको तुलनामा १ हजार २ सय ९२ मतदाता घटेको देखिएको छ ।
पर्यटकीय स्थलको प्रवर्द्धन गर्न सूर्योदयमा फोटो प्रतियोगिता
विश्व पर्यटन दिवसको अवसरमा इलामको सूर्योदय नगरपालिकाले फोटो प्रतियोगिता गर्ने भएको छ । एक्सप्लोर दि अनएक्सप्लोर नारा राखेर आगामी असोज ११ गते प्रतियोगिता हुन लागेको हो ।
नौ सय साठी मतदाता घटे
खोटाङमा नौ सय ६० मतदाता घटेका छन्, स्थानीय तह निर्वाचनको तुलनामा खोटाङमा मतदाता सङ्ख्या घटेको जिल्ला निर्वाचन कार्यालयको तथ्याङ्कले देखाएको छ।
चौध सय मतदाता थपिए
प्रतिनिधि सभा र प्रदेश सभा निर्वाचनमा सोलुखुम्बुमा एक हजार चार सयभन्दा बढी मतदाता थपिएका छन्। अघिल्लो स्थानीय तह निर्वाचनमा भन्दा आसन्न सङ्घ र प्रदेश सभा निर्वाचनका लागि एक हजार ४८३ जना मतदाता थपिएको जिल्ला निर्वाचन कार्यालय सोलुखुम्बुले जनाएको छ। कार्यालय प्रमुख रामनारायण शाहका अनुसार गत वैशाखमा सम्पन्न स्थानीय तह निर्वाचनमा ८० हजार १९ मतदाता थिए भने पछिल्लो समय निर्वाचन आयोगले प्रकाशन गरेको अन्तिम नामावलीअनुसार हाल जिल्लाको कुल मतदाताको सङ्ख्या ८१ हजार ५०२ पुगेको छ। जसमा पुरुष ४२ हजार १३३ र महिला ३९ हजार ३६९ रहेका छन्।
