दुर्घटनामा घाइते युवतीको मृत्यु
आठ दिनअघि मोटरसाइकल दुर्घटनामा परी घाइते हुनुभएकी झापा बुद्धशान्ति –१ का २१ वर्षीया एलिसा अधिकारीको उपचारका क्रममा शनिवार मृत्यु भएको छ ।
आर्थिक समृद्धि हासिल गर्न कृषि क्षेत्रको विकास आवश्यक : मन्त्री भुसाल
कृषि तथा पशुपन्क्षी मन्त्री डा.बेदुराम भुसालले मुलुकमा आर्थिक समृद्धि हासिल गर्न कृषि क्षेत्रको विकास अपरिहार्य रहेकोले कृषि र पशुपालनलाई सँगसँगै जोडेर अगाडी लैजानुपर्ने बताउनु भएको छ ।
विपन्न परिवारलाई नयाँ घर
छारे रोग र विपन्नतासँगै जीर्ण छाप्रोमा दुई जना छोराछोरीका साथ जीवनयापन गरिरहेका मिक्लाजुङ गाउँपालिका–८, दुरदिम्बा निवासी भीमबहादुर तामाङको परिवारलाई नयाँ घर बनाएर हस्तान्तरण गरिएको छ। तामाङ परिवारका लागि नेपाली कांग्रेसका सहमहामन्त्री भीष्मराज आङदेम्बेले नयाँ घर बनाइदिनुभएको हो। काठ र टिन प्रयोग गरेर निर्माण गरिएको तीनकोठे घर हस्तान्तरण गरिएको छ। घर निर्माणका लागि जिल्लामा क्रियाशील सामाजिक संस्था जनसेवा समाज पाँचथरले समन्वय गरेको थियो।
धिमाल समुदायले फुड फेष्टिवल आयोजना गर्दै
धिमाल जातीय विकास केन्द्र कानेपोखरी गाउँपालिकाले मोरङको कानेपोखरी –७ मा धिमाल सांस्कृतिक महोत्सव एवम् फुड फेष्टिवलको आयोजना गर्नेभएको छ । पालिका भित्रका ६ वटै गाउँटोलमा जातिरि र सिरिजात सम्पन्न भएपछि कानेपोखरीमा सांस्कृतिक महोत्सव आयोजना गरी यस वर्षको जातिरि पर्व समापन गर्न लागिएको हो । शुक्रबार पत्रकार सम्मेलन गरी फेष्टिवलका विषयमा जानकारी गराइएको हो ।
गोलिया काठ लक्ष्यभन्दा दोब्बर निकासी
डिभिजन वन कार्यालयको पञ्च वर्षीय योजनामा समावेश लक्ष्यभन्दा बढी गोलिया जिल्लाबाट निकासी भएको हो ।
कांग्रेसले जनताको मन जित्ने काम गर्नुपर्छ : नेता पौडेल
नेपाली कांग्रेसका केन्द्रीय सदस्य एवं सांसद प्रदीप पौडेलले कांग्रेसले जनपक्षीय काम गरेर जनताको मन जित्दै आउँदो निर्वाचनमा पार्टीका उम्मेद्वारले जित्ने आधार तयार गर्नुपर्ने बताउनुभएको छ।
झापाको बुद्धशान्तिमा सवारी दुर्घटना हुँदा एक जनाको मृत्यु
झापाको बुद्धशान्ति गाउँपालिका ३ स्थित सयपत्री चौकमा सवारी दुर्घटना हुँदा एक जनाको मृत्यु भएको छ।
कीचकवध पोखरी निर्माणमा तीव्रता
विराट राजाको दरबार क्षेत्रमा कीचकवध पोखरी निर्माण भइरहेको छ। विराटनगर महानगरपालिका प्रमुख नागेश कोइरालाले बिहीबार पोखरी निर्माणको अवस्थाका विषयमा स्थलगत निरीक्षण गर्नुभएको छ।
त्रियुगा नगरपालिकाद्वारा प्रगति विवरण सार्वजनिक
उदयापुरको त्रियुगा नगरपालिकाका नगरप्रमुख वसन्तकुमार बस्नेतले अपर्याप्त बजेटका कारण स्थानीय तहका जनताको आवश्यकताअनुसार विकास निर्माणका योजनाहरू सञ्चालन गरी काम गर्न नसकिएको बताउनुभएको छ ।
शहीद पार्क निर्माण अलपत्र
धनकुटाको शहीदभूमि गाउँपालिकामा बन्दै गरेको शहीदपार्कको काम सुरु भएको २३ वर्ष बितेको छ ।
अरुण तेस्रोकै ढाँचामा तल्लो अरुण अगाडि बढाउन पिडिएमा हस्ताक्षर
अरुण तेस्रो जलविद्युत आयोजना निर्माण गरिरहेको भारतीय कम्पनी सतलज विद्युत निगमले नै तल्लो अरुण जलविद्युत आयोजना पनि निर्माण गर्ने भएको छ ।
अत्यधिक गर्मीले झापाको दमक र कचनकवलका विद्यालय बन्द
केही दिनयता अधिक गर्मी बढेपछि झापाको दमकस्थित सामुदायिक तथा निजी विद्यालयहरू २ दिन सार्वजनिक बिदा दिइएको छ ।
झापामा गर्मी बढेपछि विद्यालय बन्द
झापामा अत्यधिक गर्मीका कारण केही स्थानीय तहले विद्यालय बन्द गर्ने निर्णय गरेका छन् । मेचीनगर नगरपालिकाले दुई दिन तथा कचनकवल गाउँपालिकाले पाँच दिन विद्यालयको पठनपाठन बन्द गर्ने निर्णय गरेका छन् ।
कृषि, उद्योग र पर्यटन विकासमा जोड
कोशी प्रदेश सरकारले आगामी आर्थिक वर्ष २०८०/८१ को विनियोजन विधेयकका प्राथमिकता र सिद्धान्त बुधबार प्रदेश सभामा पेस गरेको छ। आर्थिक मामिला तथा योजना मन्त्रालयको जिम्मेवारीसमेत लिनुभएका मुख्यमन्त्री हिक्मतकुमार कार्कीले प्रदेश सभा बैठकमा विधेयकका प्राथमिकता र सिद्धान्त प्रस्तुत गर्नुभएको हो।
ताप्लेजुङमा पन्ध झोलुङ्गे पुल निर्माण
पाँचथर र ताप्लेजुङका विकट क्षेत्रमा गत असोजदेखि निर्माण थालिएका १५ वटा नयाँ झोलुङ्गे पुल निर्माण भएको छ । कोशी प्रदेश सरकारको आर्थिक सहयोग तथा पूर्वाधार विकास कार्यालय पाँचथरले स्थानीय उपभोक्ता समितिसँगको सहकार्यमा पुल निर्माण भएको हो ।
'हार्वेस्टर' आएपछि किसानलाई राहत
सुनसरीको गढी गाउँपालिका ३ छिटाहामा मकै काट्ने र छोडाउने मेसिन (कम्बाईन हार्वेस्टर) को बुधाबार उद्घाटन गरिएको छ ।
सात वर्षमा पनि बनेन धाप्लाङघाटमा पुल
खोटाङ र उदयपुर जोड्ने धाप्लाङघाटमा पुल निर्माणको लागि ठेक्का लागेको ७ वर्ष भयो । ठेक्का सम्झौता अनुसार पुल निर्माण भएको भए यतिबेला पक्की पुलबाट सवारीसाधन वारिपारि गर्ने थिए ।
कानेपोखरी अस्पतालको निर्माण कार्य रोकियो
जग्गामा विवाद भएपछि मोरङको कानेपोखरी–४ मा निर्माणाधीन कानेपोखरी अस्पतालको निर्माण कार्य रोकिएको छ । अस्पताल भवनकोे डिपीआर भएको क्षेत्रफल व्यक्तिको नाममा देखिएपछि अस्पतालको निर्माण कार्य रोकिएको हो ।
नर्सिङ कलेज भवन स्थापना
सप्तरीको राजविराजमा ५० बेडको १४ कोठे दुई तल्ले नर्सिङ कलेज स्थापना गरिएको छ । प्रतिनिधि सभा सदस्य तथा जनता समाजवादी पार्टीका अध्यक्ष उपेन्द्र यादवले बुधवार भवनको उद्घाटन गर्नुभएको हो ।
धनकुटामा पानीको हाहाकार
पानी ल्याउन प्रयोग गरिएको पम्प र पाइपलाइन जलेपछि धनकुटा बजारमा खानेपानीको हाहाकार भएको छ ।
बिर्तामोडको प्रकाश आयल ट्रेडर्स सिल
झापाको बिर्तामोड–भद्रपुर सडकखण्डअन्तर्गत रहेको प्रकाश आयल ट्रेडर्सको पेट्रोलमा पानी मिसावट भेटिएपछि प्रहरी र नेपाल आयल निगमले तालाबन्दी गरेको छ ।
मातृशिशु मृत्युदर शून्य
सिद्धिचरण नगरपालिका, ओखलढुङ्गाको तथ्याङ्क अनुसार मातृ तथा नवजात शिशु मुत्युदर शून्य रहेको छ। मातृ तथा नवजात शिशुको अकालमै मृत्यु हुन नदिन नगरपालिकाले सुरक्षित मातृत्व कार्यक्रम सञ्चालन गरेको छ।
विपद् व्यवस्थापन तथा खोज उद्धार सम्बन्धी सेमुलेसन कार्यक्रम
कोशी प्रदेशका मुख्यमन्त्री हिक्मत कार्कीले सीमित श्रोत साधन र न्यून जनशक्तिकाबीच पनि नेपाली सेना, नेपाल प्रहरी र सशस्त्र प्रहरीको टोलीले देशमा आइपरेका अनेकौँ प्राकृतिक प्रकोपबाट हुने धनजनको क्षति न्यूनीकरण गर्नमा ठुलो सहयोग पुर्याउँदै आएको बताउनुभएको छ ।
विषादी प्रयोग गरिएका आँप छ्यापछ्याप्ती
मोरङको विराटनगर बजार क्षेत्रमा विषादी प्रयोग गरी पकाइएका आँप छ्यापछ्याप्ती रूपमा बिक्री वितरण भइरहेका छन् ।
दश महिनामा दुई करोड बढी राजस्व सङ्कलन
यातायात व्यवस्था कार्यालय रुम्जाटार ओखलढुङ्गामा राजश्व सङ्कलन वृद्धि भएको छ । कार्यालयले चालु आर्थिक वर्षको दश महिनाको अवधिमा दुई करोड ४४ लाख ५९ हजार पाँच सय २० रुपियाँ राजश्व सङ्कलन गरेको हो ।
