‘जमाना आजकल’ सार्वजनिक
गीतकार नारायण खतिवडाले शब्द सिर्जना गर्नुभएको नयाँ गीत ‘जमाना आजकल’ सार्वजनिक भएको छ । गीतले शीर्षककै झल्को दिने गरी वर्तमान समाजमा भइरहेको तीव्र सांस्कृतिक रूपान्तरण र त्यसका असरलाई व्यङ्ग्यात्मक शैलीमा प्रस्तुत गरेको छ ।
विन्ध्यवासिनी हल छ वर्षदेखि बन्द
पोखराको पुरानो चलचित्र घर ‘विन्ध्यवासिनी हल’ विगत छ वर्षदेखि बन्द रहेको छ । पछिल्लो क्रममा चलचित्रले घाटाको व्यापार गर्न थालेपछि हल बन्द गरेको हल सञ्चालक बताउँछन् । हल सञ्चालक उत्तम द्धावका अनुसार चलचित्रमा दर्शकको सङ्ख्या घट्नु र नयाँ नआउँदा हल बन्द गर्नु परेको हो ।
सोमबारदेखि देशभर चलचित्र हल सुचारु हुने
‘जेनजी पुस्ता’ को आन्दोलनका कारण बन्द रहेका देशभरका चलचित्र भवन सोमबारदेखि खुल्ने भएका छन् । चलचित्र भवन सञ्चालक तथा चलचित्र वितरकको छाता संस्था नेपाल चलचित्र सङ्घको आज बसेको बैठकले दर्शक र चलचित्र भवनको सुरक्षामा ध्यान दिँदै सञ्चालनमा ल्याउने निर्णय गरेको हो ।
नवनियुक्त प्रधानमन्त्रीलाई कलाकारको बधाई
नवनियुक्त प्रधानमन्त्री सुशीला कार्कीलाई कलाकारले बधाई दिँदै सफल कार्यकालको शुभकामना दिएका छन् । उनीहरूले सामाजिक सञ्जालमार्फत बधाई दिँदै देशले भोगेको मानवीय र जनधनको क्षति, भ्रष्टाचार र बेथितिविरुद्ध उभिएका युवाको सपना पूरा हुने अपेक्षा गरेका छन् ।
‘मैझारो’ का दुई पोस्टर सार्वजनिक
चलचित्र ‘मैझारो’ का दुई वटा पोस्टर सार्वजनिक गरिएको छ । निर्माण पक्षले प्रदर्शन मिति तय गर्दै दुई पोस्टर सार्वजनिक गरेको हो । एउटा पोस्टरमा मुख्य कलाकार धीरज मगर, मिरुना मगर र दिया पुन देखिनुभएको छ ।
जेनजीको समर्थन गर्दा कलाकार गिरीलाई धम्की
कलाकार दीपकराज गिरीले जेनजी आन्दोलनलाई समर्थन गर्दा आफूलाई धम्की आउन थालेको बताउनुभएको छ । केही दिनअघिदेखि मानिसले धम्क्याउन थालेको उहाँको भनाइ छ ।
‘अभिमन्यु’ अन्य चलचित्रभन्दा फरक
अभिनेतृ सरिता गिरीले चलचित्र ‘अभिमन्यु’ अन्य चलचित्रभन्दा फरक भएको बताउनुभएको छ । सामाजिक कथामा बन्दै आएका चलचित्रलाई अवश्य नै अभिमन्युले माथ दिने उहाँले बताउनुभयो ।
हल तत्काल नखुल्ने, सत्र करोडको क्षति
जेनजी आन्दोलनका कारण चलचित्र हल तत्काल खुल्ने अवस्था नरहेको चलचित्र सङ्घका महासचिव तथा प्रवक्ता सुरेन्द्र थापाले बताउनुभएको छ । उहाँका अनुसार अझ पनि अवस्था पूर्ण रूपले साम्य भएको छैन ।
धमाधम रोकियो चलचित्र प्रदर्शन
जेनजी आन्दोलनपछि उत्पन्न राजनीतिक परिस्थितिको कारण गत साता ‘अभिमन्यु’ को प्रदर्शन स्थगित भएको छ । यसै गरी संविधान दिवसका अवसरमा असोज ३ गते प्रदर्शन तयारीमा रहेको प्रतीक्षित नेपाली चलचित्र ‘जारी २’ को प्रदर्शन पनि रोकिएको छ ।
हल अनिश्चितकालका लागि बन्द
जेनजीको आन्दोलन तथा देशमा प्रतिकूल परिस्थितिको कारण मल्टिप्लेक्स हलहरू अनिश्चितकालका लागि बन्द गरिएको छ ।
ज्ञात र अज्ञातबिचको रोमाञ्चक यात्रा ‘अन्धेरा’
बलिउडमा मात्र होइन, हरर चलचित्रले अब ओटिटी प्लार्टफर्ममा पनि आफ्नो बलियो स्थान बनाउन थालेका छन् । ‘खौफ’, ‘छोरी २’ र ‘अन्धर माया’ पछि निर्देशक राघव धरले दर्शकमाझ ‘अन्धेरा’ नामक नयाँ वेभ सिरिज लिएर आउनुभएको छ । जुन सिरिजमा सस्पेन्स र थ्रिलर शैलीमा दर्शकलाई ज्ञात र अज्ञातबिचको रोमाञ्चक यात्रामा लैजान्छ ।
जेनजीको कार्यक्रममा अभिनेता हमाल
अभिनेता राजेश हमाल अस्ट्रेलियाको सिड्नीस्थित स्ट्रयाथफिल्डमा जेन जीद्वारा आयोजित ऐक्यबद्धता तथा श्रद्धाञ्जली सभामा सहभागी हुनुभएको छ । युवालाई सम्बोधन गर्दै हमालले नेपालमा जेनजीले गरेको साहसको प्रशंसा गर्नुभयो ।
‘वरिष्ठ बलराम’ को पोस्टर र टिजर सार्वजनिक
चलचित्र ‘वरिष्ठ बलराम’ को पोस्टर र टिजर सार्वजनिक भएको छ । निर्माण पक्षले एकसाथ दुई पोस्टर र टिजर सार्वजनिक गरेको हो । पोस्टरमा चलचित्रका मुख्य दुई कलाकार दयाहाङ राई र विजय बराल देखिनुभएको छ । साथै अन्य कलाकार पनि छन् ।
जेन जीलाई कलाकारको समर्थन
नेपालमा भ्रष्टाचारविरुद्ध सुरु भएको युवा पुस्ता (जेन जी) को प्रदर्शनलाई कलाकारले पनि खुलेर साथ दिएका छन् । वरिष्ठ कलाकार हरिवंश आचार्य र मदनकृष्ण श्रेष्ठ दुवैले (जेन जी) को प्रदर्शनलाई समर्थन जनाउनुभएको छ । सामाजिक सञ्जालमा कलाकार आचार्यले लेख्नुभएको छ, “मेरो घरछेउको बाटो पिच गरेको केही समयमै भत्कियो । म हरेक दिन मनमा सोच्थेँ यो बाटो यति चाँडो कसरी भत्कियो ? तर अहिलेको पुस्ता यस्ता प्रश्न मनभित्र मात्र राख्दैनन्, प्रश्न उठाउँछन् । जनताको करले बनेको बाटो किन भत्कियो ? कसरी भत्कियो ? यसको जिम्मेवारी कसको ?”
देशभरका हल बन्द
चलचित्र सङ्घको आह्वानमा मङ्गलबार देशभरका फिल्म हल बन्द भएका छन् । जेन जीको प्रदर्शनमा प्रहरीको गोलीबाट मृत्यु भएका १९ जनाको शोकमा हल बन्द गरिएका हुन् ।
‘मोहर’ हेर्दा ‘सुनको मोहर’ जित्ने अफर
चलचित्र ‘मोहर’ हेर्दा ‘सुनको मोहर’ जित्ने निर्माण पक्षले ‘अफर’ ल्याएको छ । चलचित्र प्रदर्शन भएको एक महिनापछि दर्शकका लागि ‘सुनको मोहर’ जित्ने अफर ल्याएको हो ।
सोनामको ‘गुनासो’ सार्वजनिक
नेपाल आइडल सिजन–६ की विजेता गङ्गा सोनामको पहिलो गीत ‘गुनासो’ सार्वजनिक भएको छ । गीतमा अभिनेता राज कटुवाल र सनिशा भट्टराईको अभिनय रहेको छ ।
-(1)-original-thumb.jpg)
‘जाली रुमाल फूलबुट्टे’ सार्वजनिक
गायक आनन्द कार्की र ममता गुरुङको युगल स्वरमा ‘जाली रुमाल फूलबुट्टे’ गीतको म्युजिक भिडियो सार्वजनिक भएको छ । हाइटेक इन्टरटेनमेन्टले निर्माण गरेको गीतमा सुषमा सिग्देलको शब्द रचना र अनिल शाहीको सङ्गीत रहेको छ ।
हीरक महोत्सवमा मधुमय सन्ध्या
नेपालको जेठो शिक्षण संस्थाका रूपमा परिचित पद्मकन्या बहुमुखी क्याम्पसले हीरक महोत्सव मनाएको छ ।
रुवाउने शैलीको निरन्तरता ‘कोसेढुङ्गा’
ब्लकबस्टर चलचित्र ‘पूर्णबहादुरको सारङ्गी’ बाट चर्चामा आएका निर्देशक हुनुहुन्छ, सरोज पौडेल । निर्देशक पौडेल निर्देशित दोस्रो चलचित्र ‘कोसेढुङ्गा’ अहिले प्रदर्शनरत छ । चलचित्र ‘कोसेढुङ्गा’ ले दर्शकमाझ जति छाप छोड्ने अपेक्षा गरिएको थियो त्यो चलचित्र कथ्यशैली हेर्दा खासै पूरा नहुने देखिन्छ । ‘पूर्णबहादुरको सारङ्गी’ ले जस्तो दर्शकलाई हलसम्म तान्ने दम ‘कोसेढुङ्गा’ मा छैन ।
सङ्गीतकार दुवालको ‘पलेँटी’
नेपालयको ‘आर’ शालामा सङ्गीतकार रामकृष्ण दुवालको ‘पलेँटी’ सम्पन्न भएको छ । करिब दुई घण्टा चलेको पलेँटीमा दुवालले सङ्गीत भर्नुभएको एक दर्जनभन्दा धेरै गीत घन्किएका थिए । दाफा गायनबाट कार्यक्रम थालनी गर्नुभएका दुवालले ‘श्यामसुन्दर वसन्त बेला’ बोलको नेपाल भाषाको गीत गाउनुभयो । गीतमा उहाँले प्रदर्शन गरेको नृत्य मुद्राको धेरै दर्शकले खुलेर प्रशंसा गरे ।
गायक नारायण थापाको “माया मारिगयौ” सार्वजनिक
विगत दुई दशक भन्दा बढि समयदेखि नेपाली गीत संगीतमा सक्रिय गायक नारायण थापाको आवाजमा रहेको नयाँ गीत “माया मारिगयौ” सौगात जंग थापा युट्युब च्यानलमार्फत भर्खरै सार्वजनिक भएको छ। गीतमा पिटर दर्नालको शब्द, विशाल निरौलाको संगीत र एरेन्ज, रञ्जन राईको मिक्सिंग मास्टरिंग रहेको छ भने सुशान्त ढकाल र एलिना गुरुङ्ग लगायतका कलाकारको अभिनय, दिपक गिरीको छायांकन राकेश दाहालको सम्पादन र राजिव समरको निर्देशन रहेको छ।
मालती मङ्गले चलचित्रको छायाङ्कन तनहुँमा सुरु
नेपाली चलचित्र ‘मालती मङ्गले’को छाँयाङ्कन तनहुँबाट सुरु गरिएको छ । शुक्लागण्डकी नगरपालिकामा रहेको ढोरवाराही मन्दिरबाट शुभारम्भ गरिएको हो । शुक्लागण्डकी नगर उद्योग वाणिज्य संघले चलचित्रको टोललिाई स्वागत गरेको छ ।
कलाकारले स्वस्थ जीवनशैली अपनाउन सन्देश प्रवाह गरौँः सञ्चारमन्त्री गुरुङ
सञ्चार तथा सूचना प्रविधिमन्त्री पृथ्वीसुब्बा गुरुङले चलचित्रकर्मीलाई कलाकारितासँगै स्वास्थ्यको ख्याल राख्न र नियमित जाँच गराउन आग्रह गर्नुभएको छ।
मिस नेपालको उपाधि लुना लुइटेललाई
शनिबार ललितपुरको गोदावरीको सनराइज कन्भेन्सन सेन्टरमा सम्पन्न ग्रान्ड फिनालेमा मिस नेपालको ३१ औं संस्करणमा २५ सुन्दरीलाई पछि पार्दै लुना ‘मिस नेपाल वर्ल्ड’ बन्नुभएको हो। उहाँलाई पूर्वमिस नेपाल आस्मा कुमारी केसीले ताज लगाइदिनुभयो।
