खोटाङमा बालिका बलात्कृत, अवस्था नाजुक
खोटाङमा ५ वर्षीया बालिकालाई २४ वर्षीय युवकले बलात्कार गरेका छन् । शनिवार बलात्कृत भएकी बालिकाको जिल्ला अस्पताल गाईघाटमा उपचार भइरहेको छ ।
सभापति खनालको निधन
जिल्ला समन्वय समिति ओखलढुङ्गाका सभापति डिल्लीराम खनालको निधन भएको छ । शनिवार राती १० बजे शिक्षण अस्पताल महाराजगन्ज काठमाडाैँमा उपचारको क्रममा ७३ वर्षको उमेरमा खनालको निधन भएको हो ।
पाथीभरा सडक कालोपत्रे नहुँदा तीर्थयात्रीलाई सास्ती
ताप्लेजुङस्थित प्रसिद्ध तीर्थस्थल पाथीभरा जाने सडक कालोपत्रे नहुँदा तीर्थयात्रीलाई सास्ती भएको छ । पाथीभरा सडकको सुकेटार–देउराली–काफ्लेपाटी खण्ड ठेक्का लागे पनि कालोपत्रेको काम नहुँदा तीर्थयात्रीलाई दर्शनयात्रामा सास्ती भएको हो ।
१२० किलोग्राम गाँजासहित भारतीय नागरिक पक्राउ
वराहक्षेत्र मन्दिर जाने सडक खण्डबाट हिजो साँझ १२० किलोग्राम गाँजासहित ओसारपसारमा संलग्न चार जना भारतीय नागरिक र दुई जना नेपालीलाई सशस्त्र प्रहरीले पक्राउ गरेको छ ।
नगर सभापतिलाई अनुशासनको कारवाही
नेपाली कांग्रेसले पाँचथरको फिदिम नगरपालिकाका पार्टी सभापति प्रकाश गुरुङलाई अनुशासनको कारवाही गरेको छ । भ्रामक अडियो सामाजिक सञ्जाल र सञ्चार माध्यमबाट सार्बजनिक गरेर पार्टी र नेतृत्वको बदनाम गरको भन्दै गुरुङलाई तीन बर्षका लागि साधारण सदस्य समेत नरहने गरी कांगे्रसको केन्द्रीय अनुशासन समितिले कारवाही गरेको हो ।
गुडिरहेको स्कुटरमाथि रुख खस्दा एकको मृत्यु
मदन भण्डारी लोकमार्ग सडकखण्डमा गुडिरहेको स्कुटरमाथि रुख ढल्दा एक जनाको मृत्यु भएको छ । शनिबार पानीसहित आएको हावाहुरीले सुनसरीको पटनाली जङ्गलमा गुडिरहेको स्कुटरमाथि रुख ढल्दा एक जनाको मृत्यु भएको हो ।
ज्येष्ठ नागरिकलाई दिइँदै आएको निःशुल्क यातायात सेवा कटाइयो
खोटाङको दिप्रुङ चुइचुम्मा गाउँपालिकाले ज्येष्ठ नागरिकलाई दिइँदै आएको निःशुल्क यातायात सेवा कटाएको छ । गाउँपालिकाले पाँच वर्ष अघिदेखि ज्येष्ठ नागरिकलाई दिइँदै आएको निःशुल्क यातायात सेवा यस वर्षबाट कटाइएको हो ।
किसानको सहजताका लागि तोरी पेल्ने मिल
खोटाङको रावाबेसी गाउँपालिकाले तोरी पेल्ने मिल सञ्चालनमा ल्याएको छ । खाने तेलमा आत्मनिर्भर बन्ने योजना अघिसारेको पालिकाले किसानको सहजताका लागि मिल सञ्चालनमा ल्याएको जनाएको छ ।
भोटखोलामा विद्युतको राष्ट्रिय प्रसारणलाइन जोडियो
सङ्खुवासभाको उत्तरी क्षेत्र भोटखोला गाउँपालिकामा राष्ट्रिय प्रसारणलाइन जोडिएको छ । उत्तरी क्षेत्र चीनसँग सिमाना जोडिएको भोटखोला गाउँपालिका-४, गोलाबजारमा राष्ट्रिय प्रसारणलाइनको विद्युत बालिएको हो ।
पाठेघरको मुखको क्यान्सर र स्तन परीक्षण पूर्णरुपमा निःशुल्क
झापाको दमक नगरपालिकाले पाठेघरको मुखको क्यान्सर तथा स्तन परीक्षण पूर्णरुपमा निःशुल्क गर्ने कार्यलाई पुनः सुचारु गर्ने भएको छ ।
पाथीभरा मन्दिरको रकमबारे छानबिन गरिने
इलामको कोल्बुङमा रहेको प्रसिद्ध पाथीभरा मन्दिरमा उठेको भेटी र दाताको सहयोग रकम हिनामिना भएको पाइएपछि जिल्ला प्रशासन कार्यालय इलामले छानबिन गर्नेभएको छ ।
कोशी प्रदेश सभाको चौथो अधिवेशन आह्वान
कोशी प्रदेश सभाको चौथो अधिवेशन आह्वान गरिएको छ । कोशी प्रदेश सभा सचिवालयले सूचना प्रकाशित गरी असोज १७ गतेबाट चौथो अधिवेशन सुरु हुने जानकारी दिएको हो ।
पाथीभरामा सिसी क्यामरा जडान
ताप्लेजुङस्थित प्रसिद्ध धार्मिकस्थल पाथीभरामा सिसी क्यामरा जडान गरिएको छ । पाथीभरा दर्शनमा आउने दर्शनार्थीको सुरक्षा तथा भेटी व्यवस्था निगरानीका लागि सिसी क्यामरा जडान गरिएको हो । दर्शनार्थीका सुरक्षा तथा भेटी व्यवस्थापनलाई मजबुत (चुस्त) बनाउने उद्देश्यसहित पाथीभरा क्षेत्रमा सिसी क्यामरा जडान गरिएको पाथीभरा क्षेत्र विकास समितिले जनाएको छ । समितिका कार्यकारी निर्देशक मनमणि काफ्लेका अनुसार पाथीभरा मन्दिर परिसर तथा तीर्थयात्रीको बासस्थान रहने फेदी बजार क्षेत्रमा सिसी क्यामरा जडान गरिएको छ । तीर्थयात्री बस्ने मुख्य बासस्थान रहेको पाथीभरा क्षेत्रको माथिल्लो फेदी र मन्दिर परिसरमा सिसी क्यामरा जडा
जिप र मोटरसाइकल ठोकिँदा एक घाइते
ताप्लेजुङमा शुक्रबार दिउँसो बोलेरो जिप र मोटरसाइकल एकापसमा ठोकिँदा एकजना सख्त घाइते हुनुभएको छ । मेची राजमार्गअन्तर्गत फुङ्लिङ नगरपालिका –७ दोखुको ऐश्वर्यचोक सडक खण्डमा जिप र मोटरसाइकल ठोकिँदा मोटरसाइकलमा सवार २८ वर्षीय अनिल शेर्पा गम्भीर घाइते हुनुभएको हो ।
घुस लिएको आरोपमा मालपोतका सुब्बा र खरिदार पक्राउ
भूमिसुधार तथा मालपोत कार्यालय, इनरुवा सुनसरीमा कार्यरत नायब सुब्बा सुदिप कटुवाल र खरिदार रमेश अधिकारीलाई जग्गा नामसारी गरेवापत सेवाग्राहीसँग डेढ लाख रुपियाँ घुस लिएको आरोपमा पक्राउ गरिएको छ ।
सत्ताको दुरुपयोग भइरहेको छ : अध्यक्ष ओली
नेकपा (एमाले) का अध्यक्ष केपी शर्मा ओलीले सत्ताको दुरुपयोग भइरहेको आरोप लगाउनुभएको छ । सत्तामा बसेकाहरुले देश र जनताको पक्षमा काम गर्न नसकेको उहाँको भनाइ छ ।
विमल गुरुङ कृति पुरस्कारका लागि २१ कृति सार्वजनिक
कवि विमल गुरुङ स्मृति पुस्तकालयले २०७९ सालको प्रकाशित कृतिहरुमध्ये उत्कृष्ट एक कृतिलाई दुई लाख नगद राशी, ताम्रपत्र र दोसल्लाले सम्मान गरिने भएको छ ।
‘रोड रेस’को उपाधि गोकुल र निवालाई
गोकुल याम्फु राई र निवा लिम्बूले धनकुटामा भएको तेस्रो रोड रेसको उपाधि जित्नुभएको छ । ८ किलोमिटर रोड रेस पुरुषतर्फ गाुकलले निर्धारित दूरी २८ मिनेट २ सेकेन्डमा पूरा गर्नुभयो ।
एमाले कोशी प्रदेशको प्रथम अधिवेशन सुरु
नेकपा (एमाले) कोशी प्रदेशको पहिलो अधिवेशन सुरु भएको छ । पार्टी अध्यक्ष केपी शर्मा ओलीले समारोहस्थलमा राखिएको डिजिटल ब्यानरलाई रिमोट कन्ट्रोलको स्वीच थिचेर अधिवेशनको उद्घाटन गर्नुभयो ।
टोल आफैँ सरसफाइ गर्ने अभियान प्रभावकारी
ताप्लेजुङको फुङ्लिङ नगरपालिका –५ ले सरसफाइ अभियान सुरु गरेसँगै टोलबस्तीहरु सरसफाइयुक्त हुन थालेका छन् । आफ्नो टोल आफैँ सरसफाइ गर्नुपर्छ भन्ने सन्देशसहित हप्ताको एक दिन श्रमदान अभियान सुरु गरेपछि टोल तथा बस्तीहरु सरसफाइयुक्त हुन थालेका हुन् ।
आफ्नै अस्पताल सञ्चालन गर्दै मनमोहन प्राविधिक विश्वविद्यालय
सञ्चालनमा रहेको अस्पतालको स्वामित्व ग्रहण गरेर वा छुट्टै अस्पताल स्थापना गरेर विश्वविद्यालयले स्वास्थ्य सङ्कायका विद्यार्थीहरुका लागि आवश्यक परेको अस्पतालको अभाव पूर्ति गर्ने छ ।
-original-thumb.jpg)
ललितपुरको महालक्ष्मीको टोली धनकुटाको महालक्ष्मीमा
ललितपुरको महालक्ष्मी नगरपालीकाका प्रमुख र उपप्रमुखसहितको टोली धनकुटाको महालक्ष्मी नगरपालिका आउनुभएको छ ।
एमाले कोशीमा नेतृत्वका लागि चार आकाङ्क्षी, अधिवेशन आजबाट सुरु
नेपाल कम्युनिस्ट पार्टी (एमाले) कोशी प्रदेशको पहिलो अधिवेशन आजबाट विराटनगरमा सुरु हुँदै छ । एमाले अध्यक्ष तथा पूर्व प्रधानमन्त्री केपी शर्मा ओलीले विराटनगरस्थित होटेल मनासलुमा अधिवेशन उद्घाटन गर्ने कार्यक्रम छ । अधिवेशन उद्घाटन गर्न अध्यक्ष ओली केही बेरमा विराटनगर आउँदै हुनुहुन्छ ।
दुध उत्पादन बढ्यो, किसान मर्कामा
कोशी प्रदेशमा तीन वटा डेरी उद्योगले पाउडर दुध उत्पादन गर्न थालेका छन् । गएको चैत महिनासम्म एउटा उद्योगले मात्र पाउडर उत्पादन गरिरहेकामा बजारमा दुधको उत्पादन बढेपछि तीन वटा प्लान्टले नियमित धुलो दुध उत्पादन गरिरहेका छन् । कोशी प्रदेशमा दुध उत्पादन बढेको र उत्पादन भएको दुधले बजार नपाउँदा दुधलाई पाउडरमा परिणत गरेर मौज्दात राख्न थालिएको छ । तीन वटा पाउडर प्लान्ट नियमित सञ्चालन गर्दा पनि उत्पादित सबै दुध खपत हुन सकेको छैन । किसानले उत्पादन गरेको दुध सहकारीहरूले सङ्कलन नगर्दा किसानले अहिले अघोषित मिल्क होलिडे सामना गरिरहेका छन् । पाँच लिटरभन्दा कम उत्पादन गर्ने किसानको साँझको दुध डेरीहरूले सङ्कलन गर्न छोडेका छन् । यसले किसान समस्यामा परिरहेको भेषराज आचार्यले बताउनुभयो ।
ओलाङचुगोलावासीलाई घाँसको जोहो गर्न चटारो
ताप्लेजुङको हिमाली बस्तीका बासिन्दालाई यतिबेला याक र चौँरीलाई खुराक (घाँस) को जोहो गर्ने चटारो लागेको छ । हिउँदमा हिमपात हुने हुँदा उनीहरु चौँरी र याकको लागि हिउँदे खुराकको जोहो गर्न व्यस्त भएका हुन् ।
