विद्यालयलाई सहयोग गर्नेहरू सम्मानित
पाँचथरको फिदिम ७ मा सञ्चालित रानिटार माध्यमिक विद्यालयले विद्यालयको विकास र उन्नयनमा सहयोग पुर्याएको भन्दै जग्गादाता, चन्दादाता, पूर्व अध्यक्ष र पूर्व शिक्षकलाई सम्मान गरेको छ ।
‘रि–रुट’को समस्या अन्त्य
विराटनगर भन्सार कार्यालयदेखि चार किलोमिटर दक्षिण भारतको मिरगञ्जस्थित परमान नदीको पुल सञ्चालनमा आएको छ । डेढ महिनाअघिदेखि भारतबाट आउने मालवाहक सवारीसाधन आवातजावत भइरहे पनि भारतीय पक्षले शुक्रबार औपचारिक निर्णय गरेपछि तेस्रो मुलुकबाट आयात गरिएका मालवस्तु बोकेका सवारी साधनसमेत सो पुलबाट आवातजावत गर्न पाउने भएका हुन् ।
बचत फिर्ता दिन नसकेपछि सहकारी बन्द
तुलसी बहुमुखी सहकारी संस्थाले झापाको दमकमा सञ्चालन गरेको सेवा केन्द्र र डिपार्टमेन्ट स्टोर बन्द गरेको छ । मोरङको विराटनगरमा मुख्य कार्यालय रहेको सो सहकारी संस्थाले बचतकर्ताको रकम फिर्ता गर्न नसकेपछि सेवा बन्द गरेको जनाइएको छ । अन्य सहकारी संस्थाले दिएकोभन्दा उच्च ब्याज दिएर दमकबाट सङ्कलन गरेको ठूलो रकम अहिले जोखिममा परेको छ ।
गाउँपालिकाद्वारा निःशुल्क स्वास्थ्य बीमा
खोटाङको साकेला गाउँपालिकाले चार सयभन्दा बढीको निःशुल्क स्वास्थ्य बीमा गरेको छ । गाउँपालिकाले ७० वर्ष माथिका चार सय ७ जना ज्येष्ठ नागरिक र पूर्ण अपाङ्गता भएका २१ जनाको निःशुल्क स्वास्थ्य बीमा गरिदिएको हो ।
भीरबाट लड्दा ७३ वर्षीय बृद्धको ज्यान गयो
पाँचथरमा भीरबाट लड्दा बृद्धको ज्यान गएको छ । जिल्लाको मिक्लाजुङ गाउँपालिका ७ स्थित भीरबाट लड्दा ७३ वर्षीय हस्तबहादुर लिम्बूको ज्यान गएको हो ।
सूर्योदयमा ‘गुनासो चौतारी’
सूर्योदय नगरपालिकाले वडावडामा पुगेर नगरवासीको गुनासो सुन्न ‘गुनासो चौतारी’ कार्यक्रम सुरु गरेको छ। जनप्रतिनिधि, कर्मचारीसहितका विषयमा खुलेर सोध्न पाउने भएपछि स्थानीयले मनमा लागे जति प्रश्न सोध्ने गरेका छन्। सूर्योदय नगरपालिका–१३ र १४ को सङ्गम स्थल उत्तरेको माङ्खिम भवनको प्राङ्गणमा गुनासो चौतारी कार्यक्रम सम्पन्न भएको छ। जनताका गुनासो सिधै नगर समक्ष राख्न पाउने अधिकारलाई घरदैलोमै पु-याउने उद्देश्यले कार्यक्रमको आयोजना गरिएको नगरले जनाएको छ।
शिक्षक नहुँदा पढाइ प्रभावित
ताप्लेजुङको सिदिङ्वा गाउँपालिकाको एक विद्यालयमा विषय शिक्षक व्यवस्था नहुँदा पढाइ प्रभावित हुँदै आएको छ। सिदिङ्वा गाउँपालिका–४, साब्लाखुस्थित सरस्वती माध्यमिक विद्यालयमा गणित विषयको शिक्षक नहुँदा विगत दुई वर्षयता पढाइ प्रभावित हुँदै आएको हो।
डिजेल महँगिएपछि चिया उद्योग बन्द
चियामा राम्रो भविष्य देखेर २०५५ सालमा धनकुटाको पाख्रिबास नगरपालिका–७, राम्चेका कृषकले चियाखेती सुरु गरे । चिया लगाएको केही वर्षपछि उत्पादन पनि हुन थाल्यो, सँगै बजारबाट माग पनि आउन थाल्यो ।
खेतबारीबाटै आलु चोरी
मोरङको पथरीशनिश्चरे २ कालापानीमा खेतबाटै आलु चोरी भएको छ। पथरी कृषि फर्मका सञ्चालक रुद्रमणि न्यौपानेले लगाएको दुई बिगाहा क्षेत्रफलमध्ये १ कट्ठा जग्गाको आलु गत राति चोरी भएको हो।
निजी स्वार्थ त्यागेर काम गर्नसके आर्थिक समृद्धि सम्भव: मन्त्री किराँती
संस्कृति, पर्यटन तथा नागरिक उड्ययन मन्त्री सुदन किराँतीले निजी स्वार्थ त्यागेर काम गर्न सके आर्थिक समृद्धि सम्भव भएको बताउनु भएको छ ।
गहुँको सिजन कुर्दै उद्योगी
भारतबाट गहुँ आयातमा कडाइ गरिएपछि त्यसको असर आँटा र मैदा मिलसँगै अन्य उद्योगमा परेको छ । भारतले १० महिनाअघि गहुँ निर्यातमा रोक लगाएपछि भण्डारण रित्तिँदै गएर मिल तथा आश्रित उद्योग समस्यामा परेका हुन् । गहुँको अभावमा ३० प्रतिशत उत्पादन क्षमतामा मात्रै उद्योग चलिरहेको गौमती आँटा उद्योगका सञ्चालक हरिवंश राठीले जानकारी दिनुभयो । गहुँ पाक्ने सिजन नजिक आएकाले भण्डारण गरिएको गहुँबाट केही आपूर्ति भए पनि मागअनुसार नभएको राठीले बताउनुभयो ।
दुई सय २९ कुकुर र बिरालोको स्थायी बन्ध्याकरण
पाँचथरमा २ सय १९ कुकुर र १० बिरालोको स्थायी बन्ध्याकरण गरिएको छ । रेबिज रोग नियन्त्रण कार्यक्रम अन्तरगत यत्तिका कुकुर बिरालोको स्थायी बन्ध्याकरण गरिएको हो ।
विराटनगर विमानस्थलमा नयाँ टर्मिनल भवन बन्ने
विराटनगर विमानस्थलमा अन्तर्राष्ट्रियस्तरको नयाँ र आधुनिक टर्मिनल भवन बन्ने भएको छ । तीन वर्षभित्र निर्माण गरिसक्ने गरी भवनको ठेक्का लागेपछि सोमबार संस्कृति, पर्यटन तथा नागरिक उड्डयनमन्त्री सुदन किराँतीले टर्मिनल भवनको शिलान्यास गर्नुभयो ।
कोरिया जान भाषा सिक्दै आमाहरू
पाँचथर फिदिमकी २८ वर्षीय सरु मगर झिसमिसे उज्यालो नहुँदै कोरियन भाषा सिक्न सिकाइ केन्द्र पुग्नुहुन्छ। सात वर्षीया छोरीकी आमा सरु भाषा सिकेर कोरिया जाने सपना बुन्दै घरधन्दा, बालबच्चा र घर व्यवहार धान्दै तालिम केन्द्र धाउन थाल्नुभएको हो। सात वर्षीया छोरीकै आमा बिन्दु लिम्बू (२६ वर्ष) पनि भाषा सिक्न बिहान ६ बजे फिदिमको सेवारो कोरियन भाषा केन्द्रमा पुग्नुहुन्छ। स्नातक तहसम्म अध्ययन गरेकी लिम्बू नेपालमा रोजगारीको सम्भावना नदेखेर कोरियन भाषा पढ्न थाल्नुभएको हो।
पर्यटन क्षेत्र आर्थिक समृद्धिको खम्बा : मन्त्री किराती
संस्कृति, पर्यटन तथा नागरिक उड्डयन मन्त्री सुदन किरातीले पर्यटन क्षेत्र मुलुकको आर्थिक समृद्धिको खम्बा भएको बताउनुभएको छ ।
सरकार ढाल्ने षडयन्त्र भइरहेको छ : अध्यक्ष ओली
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले देशमा काम गर्न नदिने र अरूलाई पनि गर्न नदिने तत्त्वहरू सक्रिय रहेको बताउनुभएको छ । अहिले सरकार ढाल्ने षडयन्त्र भइरहेको उहाँको भनाइ छ ।
ओलाङचुङगाेलालाई केन्द्रबिन्दु बनाएर भूकम्प
ताप्लेजुङको फक्ताङलुङ गाउँपालिका–७ स्थित ओलाङचुङगाेलालाई केन्द्रबिन्दु बनाएर आज बिहान भूकम्प गएको छ ।
गाउँमै प्रसूति केन्द्र
धनकुटा नगरपालिका–२ स्थित भीरगाउँ स्वास्थ्य चौकीमा प्रसूति सेवा सुरु भएको छ । भीरगाउँबासीलाई गाउँमै सुरक्षित प्रसूति सेवा उपलब्ध गराउँन धनकुटा नगरपालिकाले स्वास्थ्य चौकीमा ‘वर्थिङ सेन्टर’ सञ्चालन गर्ने व्यवस्था मिलाएको हो ।
गाउँका घर जल्दा औचित्यहीन भए सदरमुकामका दमकल
ओखलढुङ्गामा सुक्खा महिना लागेसँगै आगलागीका घटना बढ्न थालेका छन्। करिब एक महिनाको अवधिमा जिल्लाका विभिन्न स्थानमा आधा दर्जनभन्दा बढी घरमा आगलागी भएको छ। गाउँका घरहरू जल्दा सदरमुकामका दमकल प्रयोगविहीन अवस्थामा छन्।
पूर्वाधार निर्माण उच्च प्राथमिकतामा
प्रदेश १ सरकारका सडक पूर्वाधार तथा सहरी विकासमन्त्री दुर्गाप्रसाद चापागाईंले विकासको मेरुदण्ड भनेकै सडक र पक्की पुल भएकाले प्रदेश १ सरकार अब भौतिक पूर्वाधार निर्माणलाई उच्च प्राथमिकता दिएर अगाडि बढ्ने बताउनुभएको छ। सङ्घ, प्रदेश र स्थानीय तहहरूका बीचमा आपसी सहकार्य र समन्वय नहुँदा एउटै कामका लागि तीनतिर बजेट विनियोजन हुनसक्ने र त्यसो हुँदा अन्य कतिपय महत्वपूर्ण काममा रकम अभाव हुनसक्ने भएकाले प्रदेश सरकारले स्थानीय तहहरूसँग समन्वय गरेर योजनालाई अगाडि बढाउने
प्याराग्लाइडिङलाई व्यावसायिक बनाइँदै
पर्यटक आकर्षित गर्ने उद्देश्यले दुई वर्षअघि देखि सञ्चालन गरिएको प्याराग्लाडिङको अभ्यास उडान उदयपुरका विभिन्न स्थानबाट भइरहेका छन् । उदयपुरको त्रियुगा, चौदण्डीगढी, बेलका र कटारी नगरपालिका तथा रौतामाई गाउँपालिकामा गरिएका सबै परीक्षण सफल भएपछि व्यवसायीले चासो दिन थालेको त्रियुगा नगरपालिकाका पर्यटन सल्लाहकार जितु रोइलाले बताउनुभयो ।
तोरी किन्न उपभोक्ता खेतबारीमा
शुद्ध तेल उपभोग गर्ने सहरी उपभोक्ता किसानको खेतमै पुगेर तोरी ‘बुकिङ’ गर्न थालेका छन् । मोरङको कानेपोखरी गाउँपालिकाले सङ्घीय सरकारको प्रधानमन्त्री कृषि आधुनिकीकरण परियोजना साना व्यवसायी बाली उत्पादन कार्यक्रमअन्तर्गत तोरी पकेट कार्यक्रम सञ्चालन गरेको छ । ५० प्रतिशत अनुदानमा सञ्चालन भएको कार्यक्रमअन्तर्गत गाउँपालिकामा ५६ बिघामा तोरी खेती भएको छ । साना किसानका लागि लक्षित तोरी उत्पादन कार्यक्रमबाट मात्र होइन । व्यावसायिक किसानले पनि गहुँ खेती घटाएर तोरी लगाएका छन् । यसले गर्दा कानेपाखेरी गाउँपालिका क्षेत्रमा तोरीको उत्पादन विगत वर्षको तुलनामा दोब्बर भएको गाउँपालिकाका कृषि शाखा प्रमुख सागर पौडेलले जानकारी दिनुभयो ।
‘सहकारीलाई वितरणको माध्यम बनाउनुपर्छ'
प्रदेश १ का उद्योग, वाणिज्य र सहकारीमन्त्री भक्तिप्रसाद सिटौलाले कृषि र उद्योगलाई उत्पादनमा र सहकारीलाई वितरणको माध्यम बनाउनुपर्ने बताउनुभएको छ ।
ओखलढुङ्गाबाटै अब सवारीचालक अनुमतीपत्र
पूर्वी पहाडी जिल्ला ओखलढुङ्गाबाटै अब सवारीचालक अनुमतिपत्र वितरण हुनेभएको छ । जिल्लाको सिद्धिचरण नगरपालिका –४ रुम्जाटारमा स्थापना गरिएको रुम्जाटार यातायात कार्यालयबाट सवारीचालक अनुमतिपत्र वितरण गर्न लागिएको हो ।
एक जना कर्मचारीले धानेको विकास बोर्ड कार्यालय
राष्ट्रिय चिया तथा कफीको विकास बोर्डको हिलेस्थित कार्यालयमा ६ जना कर्मचारीको दरबन्दी रहेको छ । तर अहिले कार्यालय लेखा प्रमुखले मात्र चलाउनु भएको छ ।
