पाँचथरमा रोचक प्रतिस्पर्धा, कांग्रेस ३२ मतले अगाडि : प्रदेशसभामा गठबन्धनको अग्रता
पाँचथरको प्रतिनिधिसभातर्फ नेपाली कांग्रेसका भीष्मराज आङदेम्बेले अग्रता लिनुभएको छ । आङदेम्बेले नेकपा (एमाले)का वसन्तकुमार नेम्वाङलाई ३२ मतले पछाडि पार्नुभएको हो ।
चितवन २ मा रवि लामिछानेको अग्रता
चितवन क्षेत्र नम्बर २ मा राष्ट्रिय स्वतन्त्र पार्टीका रवि लामिछानेले अग्रता लिनुभएको छ ।
कञ्चनपुर ३ मा नेता लेखक अगाडि, पालले पछ्याउनुहुँदै
कञ्चनपुर क्षेत्र नं. ३ को प्रतिनिधिसभा निर्वाचमा नेपाली कांग्रेसका उम्मेदवार पूर्वमन्त्री रमेश लेखकले नेकपा (एमाले) की पोलिटब्युरो सदस्य नेत्री निरुदेवी पाललाई झण्डै दोब्बर मतले पछाडि पार्नुभएको छ । नेता लेखकले १० हजार १६४ मत पाउँदा नेत्री पालले ५ हजार ९०४ मत पाउनुभएको छ ।
ललितपुर १ मा एक हजार ४७ मतले कांग्रेसको अग्रता
ललितपुर निर्वाचन क्षेत्र नं. १ मा नेपाली कांग्रेसतर्फका प्रतिनिधिसभा सदस्यका उम्मेदवार उदयशमशेर राणाको अग्रता कायम छ ।
ललितपुर १ को प्रदेशसभा ‘क’ मा एमाले र ‘ख’ मा कांग्रेसको अग्रता
ललितपुर प्रतिनिधिसभा निर्वाचन क्षेत्र नं १ अन्तर्गत प्रदेशसभा क मा नेकपा एमाले का मधुसूदन पौडेलको अग्रता रहेको छ ।
ओखलढुङ्गामा कांग्रेसका रामहरि अगाडि
ओखलढुङ्गा जिल्लाको प्रतिनिधि सभा सदस्यमा नेपाली कांग्रेसका उम्मेदवार रामहरि खतिवडाले पाँच हजार ७३ मत ल्याएर अग्रस्थानमा हुनुहुन्छ ।
बैतडी (क)मा खसेको भन्दा ९५ मत बढी भेटिए
बैतडी, मङ्सिर ६ गते । बैतडी जिल्लाको प्रदेश सभा (क) अन्तर्गत डिलाशैनी गाउँपालिकाका–४, स्थित हाडाकोट मतदान केन्द्रको मतपेटिकामा खसेको भन्दा ९५ मत बढी भेटिएका छन् ।
प्युठान क्षेत्र नं १ मा एमालेका थापाको अग्रता
प्युठान निार्वाचन क्षेत्र नं १ मा प्रतिनिधिसभा सदस्य पदका एमालेका उम्मेदवार सूर्यबहादुर थापाले अग्रता लिनुभएको छ ।
-original-thumb.jpg)
जाजरकोटमा बस्नेतको अग्रता, आचार्यले पछ्याउँदै
प्रदेश सभा तथा प्रतिनिधि सभाको मत गणना जारी छ । सत्ता गठबन्धन दल नेकपा (माओवादी केन्द्र) का उपमहासचिव शक्तिबहादुर बस्नेतले अग्रता कायम गर्नुभएको छ ।
सिन्धुलीको सबै निर्वाचन क्षेत्रमा गठबन्धनको अग्रता
सिन्धुली जिल्लाको प्रतिनिधिसभाको दुई वटै निर्बाचन क्षेत्रमा सत्तारुढ गठबन्धन दलका उम्मेद्वारको सुरुवातदेखि नै अग्रता रहेको छ । प्रतिनिधिसभा निर्वाचन क्षेत्र नं. १ मा दिउँसो २ बजेसम्म १४ हजार ११७ मतगणना हुदा गठबन्धनबाट नेपाली काँग्रेसका उम्मेद्वार श्यामकुमार घिमिरेले निकटतम प्रतिद्वन्द्वी नेकपा एमालेका प्रदिप कटुवाललाई एक हजार ७२१ मतान्तरले अग्रता लिनु भएको छ ।
पाल्पाको प्रदेश सभामा कांग्रेस र एमाले अगाडि
पाल्पाका चार प्रदेश सभामध्ये दुई वटा प्रदेश सभातर्फको मतगणना भइरहेको छ । त्यसमध्ये प्रदेशसभा १(१)मा एमालेका राजुप्रसाद श्रेष्ठको अग्रता कायम गरिएको छ ।
रुकुमपूर्वमा माओवादीका पूर्णबहादुर घर्तीमगरकाे अग्रता
रुकुमपूर्व एक मात्र रहेको प्रतिनिधि सभामा सत्ता गठबन्धनका साझा उम्मेदवार नेकपा माओवादी केन्द्रका पूर्णबहादुर घर्तीमगर र प्रदेश निर्वाचन क्षेत्र (क)मा स्वतन्त्र उम्मेदवार बिजुली बल्ब चुनाव चिन्हका सुरुल पुनमगर (अजयशक्ति)ले अग्रता कायम गरिराख्नुभएको छ ।
दार्चुलामा मन्त्री बडूको अग्रता, पूर्वमन्त्री ठगुन्ना पछ्याउँदै
दार्चुलामा प्रतिनिधिसभा सदस्यमा गठबन्धनका साझा उम्मेदवार एवं नेपाल सरकारका उद्योग वाणिज्य तथा आपूर्ति मन्त्री दिलेन्द्रप्रसाद बडूको अग्रता कायमै रहेको छ । अपिहिमाल गाउँपालिका र व्याँस गाउँपालिकाको मतगणना सम्पन्न हुँदा बडूले चार हजार ५१६ मत र उहाँका निकटतम् प्रतिद्वन्द्वी नेकपा एमालेका उम्मेदवार गणेशसिंह ठगुन्नाले चार हजार ७४ मत प्राप्त गर्नुभएको छ । दार्चुलामा मन्त्री बडू र पूर्वमन्त्री ठगुन्नाबिच निकै प्रतिस्पर्धा हुने अनुमान गरिएको छ ।
जुम्ला (क) मा स्वतन्त्र उम्मेदवार देवेन्द्र शाहीको अग्रता
जुम्ला प्रदेश सभा निर्वाचनमा गठबन्धनलाई पछि पार्दै स्वतन्त्र उम्मेदवार देवेन्द्रबहादुर शाहीले अग्रता लिएका छन् । मुख्य निर्वाचन अधिकृतको कार्यालयका अनुसार १०६१२ मत गणना हुँदा देवेन्द्रबहादुर शाहीले ४ हजार ४१ मत ल्याएर अग्रस्थानमा छन् ।
भक्तपुर १ (क) मा कांग्रेस अगाडि
प्रदेश सभा सदस्यकाे निर्वाचन क्षेत्र नम्बर १ (क) भक्तपुरमा नेपाली कांग्रेस अगाडि छ । मङ्गलबार दिउँसो १ बजेर ५० मिनेटसम्म कांग्रेसका उम्मेदवार सुरेश श्रेष्ठले सात हजार २५६ मत ल्याएर अग्रता लिनुभएको हो ।
काठमाडौं ९ मा नेता श्रेष्ठ निर्वाचित : एमालेको दोस्रो जित
काठमाडौं निर्वाचन क्षेत्र नं. ९ मा नेकपा (एमाले) का कृष्णगोपाल श्रेष्ठ निर्वाचित हुनुभएको छ । एमाले केन्द्रीय सदस्य समेत रहनुभएका नेता श्रेष्ठले स्वतन्त्र उम्मेदवार टेकबहादुर पोखरेललाई पराजित गर्नुहुँदै निर्वाचित हुनुभएको हो ।
पूर्वी नवलपरासी क्षेत्र १ र २ मा कांग्रेसको अग्रता
प्रतिनिधिसभा तथा प्रदेशसभा निर्वाचनअन्तर्गत पूर्वी नवलपरासीमा क्षेत्र नं १ र २ मा गठबन्धनबाट नेपाली कांग्रेसको अग्रता कायम छ । क्षेत्र नं १ मा नेपाली कांग्रेसका डा. शशाकंले छ हजार १३५ ल्याउँदा नेकपा एमालेका उम्मेदवार कृष्ण पौडेलले चार हजार ४४४ मत ल्याउनुभएको छ । दुई उम्मेदवारबीचको मतान्तर एक हजार ६८९ रहेको छ ।
काठमाडौं १० मा कांग्रेसका केसीको अग्रता
काठमाडौं निर्वाचन क्षेत्र नं १० मा नेपाली कांग्रेसतर्फका प्रतिनिधिसभा सदस्यका उम्मेदवार राजेन्द्रकुमार केसीले अग्रता लिनुभएको छ ।
भक्तपुर २ मा कांग्रेसकै अग्रता
भक्तपुर प्रतिनिधि सभा निर्वाचन क्षेत्र नम्बर २ मा नेपाली कांग्रेस अगाडि छ । मङ्गलबार दिउँसो १ बजेर ५० मिनेटसम्म नेपाली कांग्रेसका उम्मेदवार दूर्लभ थापाले १४ हजार ०९६ मतसहित अगाडि हुनुहुन्छ।
कालिकोटमा मतगणना सुरु
एक निर्वाचन क्षेत्र रहेको कालिकोटको मतगणना सुरु भएको छ। मङ्गलबार बिहान आठ बजे बसेको सर्वदलीय बैठकपश्चात् मतगणना २ बजेदेखि सुरु भएकाे छ। दुई प्रदेश सभा सदस्य रहेको कालीकोटमा प्रदेश सभा क बाट मतगणना सुरु गरिएको छ ।
काठमाडौं २ को प्रदेश (क) मा राप्रपाका केसी विजयी
काठमाडौं क्षेत्र नं. २ को प्रदेशसभा (क)मा राष्ट्रिय प्रजातन्त्र पार्टी (राप्रपा)का सुनील केसी विजयी हुनुएको छ । केसीले एक हजार ५१९ मत अन्तरले विजयी हुनुभएको हो ।
मोरङ ५ मा स्वतन्त्र उमेदवार मण्डलको अग्रता
मोरङको निर्वाचन क्षेत्र नम्बर ५ मा स्वतन्त्र उम्मेदवार योगेन्द्र मण्डलले अग्रता लिनुभएको छ । मोरङ क्षेत्र नम्बर ५ मा प्रतिनिधिसभा सदस्यमा स्वतन्त्र उम्मेदवार मण्डलले ६ हजार २८१ मतका साथ अग्रता लिनुभएको छ ।
तनहुँको दुवै निर्वाचन क्षेत्रमा कांग्रेस उम्मेदवारको अग्रता
तनहुँको दुई वटै निर्वाचन क्षेत्रमा नेपाली कांग्रेसले अग्रता लिएको छ । प्रतिनिधि सभा सदस्यमा क्षेत्र नम्बर १ मा झिनो मतान्तरले अग्रता लिएको छ भने क्षेत्र नम्बर २ मा फराकिलो मतान्तरले अगाडि छ ।
सल्यानमा गठबन्धनकाे एस र प्रदेशसभामा माओवादीकाे अग्रता
प्रतिनिधि र प्रदेश सभामा सत्ता गठवन्धनका उम्मेदवारको अग्रता छ । सल्यानमा नेकपा एकीकृत समाजवादीका उपमहासचिव प्रकाश ज्वालाले छ हजार ७५१ मत लिनुभएको छ । ज्वालाले ११ हजार ७९६ मतका साथ अग्रता कायम गर्नुभएको छ ।
डडेल्धुरामा प्रधानमन्त्री देउवा ४५ सय मतले अगाडि
डडेल्धुरा जिल्लाको प्रतिनिधिसभा सदस्यमा प्रधानमन्त्री एवम् नेपाली कांग्रेसका सभापति शेरबहादुर देउवा चार हजार ५८० मतले आफ्नो प्रतिस्पर्धीभन्दा अगाडि हुनुहुन्छ ।
