हरिकृष्ण ऐडी
मुगु, मङ्सिर ७ गते । निर्वाचन सम्पन्न भएको दुई दिनपछि मुगुमा मतगणना सुरु भएको छ । सबै मतदानस्थलबाट मतपेटिका आइसकेपछि बुधबार बिहानबाट मतगणना सुरु भएको हो ।
मुगुको प्रदेश सभा (क) को मुगमकार्मारोङ गाउँपालिकाको डोल्पु र मुगुका वडा र प्रदेश सभा (ख) को सोरु गाउँपालिकाको रिखियाँ र सुकाडिँक मतदानकेन्द्रको मतगणना भइरहेको निर्वाचन कार्यालयले जनाएको छ ।
मतगणनाको अपडेट एक–एक घण्टामा गर्ने मुख्य निर्वाचन अधिकृतको कार्यालयका प्रमुख दिलकुमार बर्देवाले जानकारी दिनुभयो ।
