पविता पौडेल
रुपन्देही, मङ्सिर ७ गते । रुपन्देही जिल्लाको प्रतिनिधि सभा क्षेत्र नम्बर ५ को पछिल्लो मतपरिणाम अनुसार नेकपा एमाले उम्मेद्वार वासुदेव घिमिरेले फराकिलो मतान्तरले अग्रता लिनुभएको छ। वासुदेव घिमिरेले १८ हजार पाँच सय ६७ मत प्राप्त गरी अग्रता लिनुभएको हो ।
उहाँका निकटतम प्रतिस्पर्धी नेपाली कांग्रेसका उम्मेदवार भरत शाहले १३ हजार पाँच सय ५१ मत प्राप्त गर्नुभएको छ ।
यसैगरी, प्रदेश सभा (१) तर्फको मतगणनामा नेकपा (एमाले) का उम्मेद्वार भूमिश्वर ढकालले दश हजार चार सय ३७ मत पाउनुभएको छ । उहाँका निकटतम प्रतिस्पर्धी नेकपा (माओवादी केन्द्र) का उम्मेद्वार विनोद पहाडीले छ हजार दुई सय ६० मत ल्याएर पछ्याउँदै हुनुहुन्छ ।
रुपन्देहीको मतगणना स्थलमा सुरक्षा व्यवस्था कडा पारिएको छ ।
-square-thumb.jpg)
