प्यूठानको तीन वटै क्षेत्रमा एमाले अघि

सलिम मिया

बिजुवार, मङ्सिर ७ गते । प्यूठानका तीन वटै क्षेत्रमा अहिलेसम्म एमालेका उम्मेदवारले अग्रता बनाएका छन् । प्रतिनिधि सभातर्फ हालसम्म गौमुखी, ऐरावती, सरुमारानी, नौबहिनी, झिमरुकको मत गणना सकिएको छ । मल्लरानीको वडा नम्बर १,२ को मतगणना सकिएर ३ र ४ कोे मत गन्ने क्रम जारी छ ।

अहिलेसम्म एमालेका सूर्य थापाले २२ हजार ९५३ र जनमोर्चाका दुर्गा पौडेलले १९ हजार ९५२ मत प्राप्त गर्नुभएको छ । प्यूठानमा प्रतिनिधीसभाको ४१ हजार ७७० मत गणना हुन बाँकी हुँदा थापा  दुई हजार ९६१ मतले अगाडि हुनुहुन्छ ।

प्रदेशसभा निर्वाचन क्षेत्र नम्बर १ मा तुल्सिराम शर्माले ११ हजार १४० र कृष्ण अधिकारीले ९ हजार १२० मत प्राप्त गरेका छन् । प्रदेशसभा निर्वाचन क्षेत्र नम्बर २ मा एमालेका हरि रिजालले ९ हजार ३२२ र नेपाली काङ्ग्रेसका रोज राणाले आठ हजार २७५ मत प्राप्त गर्नुभएको छ ।

मतगणनाको सुरुवातदेखि नै एमालेका उम्मेद्वारहरुले अग्रता कायम गरिरहेका छन् ।