झापा ४ मा एमालेका लालप्रसाद साँवा विजयी
झापा क्षेत्र नम्बर ४ मा एमालेका लालप्रसाद साँवा (एलपी) विजयी हुनुभएको छ । साँवाले नेपाली कांग्रेसका उम्मेदवार कांग्रेस जिल्ला सभापति देउकुमार थेबेलाई ६ हजार ८६७ मतअन्तरले पराजित गर्दै साँवा बिजयी हुनुभएको हो ।
इलाम क्षेत्र १ मा मतगणना सुचारु हुन सकेन
इलाम जिल्ला निर्वाचन क्षेत्र १ को मतगणना कार्य अझ सुचारु हुन सकेको छैन । मङ्गलबार राति १० बजेबाट अवरुद्ध मतगणना कार्य निर्वाचन अधिकृतको त्रुटीका कारण सुचारु हुन नसकेको बताइएको छ ।
भक्तपुर –२ मा कांग्रेसका थापा विजयी
भक्तपुर – २ मा नेपाली कांग्रेसका दुर्लभ थापा क्षेत्री विजयी हुनुभएको छ । निर्वाचन अधिकृत लोकनाथ पराजुलीका अनुसार थापाले २४ हजार २३९ मत प्राप्त गर्नुभएको छ ।
झापा ५ (क) प्रदेश सभा सदस्यमा थापा विजयी
झापा ५ (क) बाट प्रदेश सभा सदस्यमा नेकपा (एमाले) का होमबहादुर थापा विजयी हुनुभएको छ । नेकपा (मावोबादी केन्द्र) का गगन पुरीलाई पराजित गर्दै थापा बिजयी हुनु भएको हो । थापाले २४ हजार १२९ मत प्राप्त गर्नुभएको छ ।
बैतडीमा माओवादीका कुँवरको अग्रता
एक मात्रै प्रतिनिधिसभा निर्वाचन क्षेत्र रहेको बैतडीमा नेकपा (माओवादी केन्द्रका) का उम्मेदवार नरेन्द्र कुँवर (विजयसुन्दर) ले अग्रता लिनुभएको छ ।
सिन्धुली–१ मा कांग्रेसका घिमिरे निर्वाचित
सिन्धुली – १ मा सत्तारुढ गठबन्धनबाट नेपाली कांग्रेसका श्यामकुमार घिमिरे चार हजार ८५३ मत अन्तरसहित विजयी हुनुभएकाे ।
रौतहट १ मा एसका अध्यक्ष माधवकुमार नेपाल विजयी
रौतहट १ मा नेकपा एकीकृत समाजवादीका अध्यक्ष माधवकुमार नेपाल विजयी हुनुभएकाे छ । उहाँले नेकपा एमालेका अजय गुप्तालाई ७ हजार मतान्तरले पराजित गर्नुभएकाे हाे ।
कञ्चनपुर १ (क) मा एमालेका थापा विजयी
कञ्चनपुर निर्वाचन क्षेत्र नं १ (क) प्रदेशसभा सदस्यमा नेकपा (एमाले)का वीरबहादुर थापा विजयी हुनुभएको छ ।
भक्तपुर १ मा नेमकिपाका प्रेम सुवाल विजयी
भक्तपुर १ मा नेपाल मजदुर किसान पार्टीका प्रेम सुवाल विजयी हुनुभएको छ । मुख्य निर्वाचन अधिकृत गोपालप्रसाद बास्तोलाका अनुसार सुवालले ४२ हजार ७६१ मत प्राप्त गर्नु भएको छ ।
भक्तपुर १ प्रदेशसभा (ख)मा नेमकिपाका गोसाइँ विजयी
भक्तपुर क्षेत्र नं १ प्रदेशसभा (ख) मा नेपाल मजदूर किसान पार्टीका उम्मेदवार सुरेन्द्रराज गोसाइँ विजयी हुनुभएको छ ।
ताप्लेजुङ (क) मा एमालेका मेन्याङ्बो निर्वाचित
ताप्लेजुङको निर्वाचन क्षेत्र (क) मा नेपाल कम्युनिस्ट पार्टी (एमाले) का उम्मेदवार तिलकुमार मेन्याङ्बो निर्वाचित हुनुभएको छ ।
-original-thumb.jpg)
कपिलवस्तु २ को प्रदेशसभा (क) मा एमालेका लामिछाने विजयी
कपिलवस्तुको क्षेत्र नं. २ को प्रदेश सभा (क) मा नेकपा (एमाले) का नवराज लामिछाने विजयी हुनु भएको छ । लामिछानेले आफ्ना प्रतिस्पर्धी नेपाली कांग्रेसका उम्मेदवार विक्रम सिंह थापालाई ५२२ मत अन्तरले पराजित गर्दै विजयी हुनुभएको हो ।
चितवन-२ मा रवि लामिछाने विजयी
चितवन क्षेत्र नम्बर २ बाट राष्ट्रिय स्वतन्त्र पार्टीका रवि लामिछाने भारी मतान्तरले निर्वाचित हुनुभएको छ ।
बाँके-१ मा एमालेको अग्रता
बाँके क्षेत्र नम्बर १ को मतगणना अन्तिम चरणमा पुग्दा एमालेका केन्द्रीय सदस्य सूर्य ढकालले अग्रतालाई फराकिलो पार्दै गएका छन् ।
चितवन २ ख बाट प्रदेश सभामा कांग्रेसका उत्तम जोशी निर्वाचित
चितवन २ ख बाट वागमति प्रदेश सभा सदस्यमा नेपाली काँग्रेसका उत्तम जोशी निर्वाचित हुनुभएको छ । उहाँले निकटतम प्रतिस्पर्धी भन्दा ५६२ मत बढी ल्याएर जित्नु भएको हो ।
कैलाली १ (क) मा नागरिक उन्मुक्तिका कैलाश विजयी
कैलाली निर्वाचन क्षेत्र नम्बर १ प्रदेशसभा (क) बाट नागरिक उन्मुक्ति पार्टीका उम्मेदवार कैलाश चौधरी विजयी हुनुभएको छ । चौधरीले १५ हजार १०१ मत प्राप्त गर्नुभएको छ ।
लमजुङ प्रदेश (क) मा कांग्रेसका गुरुङ विजयी
लमजुङ प्रदेशसभा निर्वाचनअन्तर्गत प्रदेश ‘१’ मा गठबन्धनतर्फबाट नेपाली कांग्रेसका जिल्ला सभापति डा. टकराज गुरुङ विजयी हुनुभएको छ ।
धनुषा क्षेत्र २ 'ख' बाट जसपाका यादव निर्वाचित
धनुषा क्षेत्र नम्बर २ 'ख' बाट जनता समाजवादी पार्टीका उम्मेदवार रामअशिष यादव दोस्रो पटक प्रदेश सभा सदस्यमा निर्वाचित हुनुभएको छ । मङ्सिर ४ गते सम्पन्न निर्वाचनबाट १० हजार ६१४ मत प्राप्त गरी यादव दोस्रो पटक प्रदेशसभा सदस्यमा निर्वाचित हुनुभएको हो ।
दाङ २ मा माओवादी नेत्री शर्मा विजयी, एमाले महासचिव पोखरेल पराजित
दाङ निर्वाचन क्षेत्र न २ मा नेकपा माओवादी केन्द्रका उम्मेदवार रेखा शर्मासँग १९७ मतको मतान्तरले नेकपा एमालेका महासचिव शङ्कर पोखरेल पराजित हुनुभएको छ ।
कञ्चनपुर क्षेत्र नं. ३ (क) बाट नेकपा (एस) का रावल विजयी
एकीकृत समाजवादीका नेता तथा प्रदेश सरकारका आर्थिक मामिला तथा योजनामन्त्री प्रकाशबहादुर रावल दोस्रो पटक प्रदेश सभामा विजयी हुनुभएको छ । उहाँ कञ्चनपुर क्षेत्र नं. ३ को (क) बाट विजयी हुनुभएको हो ।
दाङ क्षेत्र नम्बर २ (ख) मा कांग्रेसका न्यौपाने विजयी
दाङ क्षेत्र नम्बर २ (ख) मा नेपाली कांग्रेसका नेता प्रचण्डविक्रम न्यौपाने विजयी हुनुभएको छ । न्यौपानेले आफ्ना प्रतिस्पर्धी नेकपा एमालेका उम्मेदवार गिरीराज केसीलाई सात सय २४ मत अन्तरले पराजित गर्दे विजयी हुनुभएको हो ।
गुल्मीमा भण्डारीको अग्रता कायमै
प्रतिनिधि सभाको गुल्मी क्षेत्र नम्बर १ मा गठबन्धका उम्मेदवार चन्द्र भण्डारीको अग्रता कायमै छ ।
पाँचथर प्रदेश सभा क बाट जवेगू विजयी
पाँचथरको प्रदेश सभा निर्वाचन क्षेत्र १ बाट वाम–लोकतान्त्रिक गठबन्धनका उम्मेद्वार कमलप्रसाद जवेगू विजयी हुनु भएको छ । नेकपा एमालेका राजकुमार भण्डारीलाइ ६ सय ३३ मत अन्तरले हराँउदै जवेगू प्रदेश सभा सदस्यमा निर्वाचित हुनु भएको हो ।
धादिङ क्षेत्र नं २ (ख) मा राप्रपाका डम्बर तामाङ विजयी
धादिङ प्रतिनिधिसभा क्षेत्र नम्बर २ को प्रदेशसभा २ मा राप्रपाका डम्बर तामाङ विजयी हुनुभएको छ ।
प्यूठानको प्रदेशसभा (क)मा एमाले र (ख) मा कांग्रेस विजयी
प्यूठानको प्रदेशसभा निर्वाचन क्षेत्र नम्बर (क) मा नेकपा (एमाले)का तुल्सिराम शर्मा विजयी हुनुभएको छ । उहाँले २० हजार २१० मत प्राप्त गरी विजयी हुनु भएको हो ।
