रुपन्देही ५ मा वासुदेव घिमिरे विजयी
रुपन्देही जिल्लाको प्रतिनिधि सभा क्षेत्र नम्बर ५ को पछिल्लो मत परिणाम अनुसार नेकपा (एमाले) उम्मेदवार वासुदेव घिमिरेले फराकिलो मतान्तरले विजयी हुनुभएको छ ।
प्रतिनिधि सभा–१ मा गठबन्धनका माधव विजयी
सिन्धुपाल्चोक प्रतिनिधिसभा–१ मा सत्तारुढ गठबन्धनबाट नेकपा (माओवादी केन्द्र) का माधव सापकोटा (सुबोध) विजयी हुनु भएको छ ।
मतगणना नसकिँदै कमल थापाद्वारा हार स्वीकार
मकवानपुरको प्रतिनिधि सभा क्षेत्र नम्बर १ बाट प्रतिनिधि सभा सदस्यका लागि उम्मेदवार बन्नुभएको राष्ट्रिय प्रजातन्त्र पार्टी नेपालका अध्यक्ष कमल थापाले मतगणना जारी हुँदा हार स्वीकार गर्नुभएको छ ।
सिन्धुपाल्चोक २ को (क) माओवादीका युवराज विजयी
प्रतिनिधि सभा–२ को (क) मा सत्तारुढ गठबन्धनबाट नेकपा (माओवादी केन्द्र) का युवराज दुलाल ‘शरद’ विजयी हुनु भएको छ ।
उपत्यकामा माओवादी केन्द्र शून्य
प्रतिनिधि सभा निर्वाचनमा उपत्यकाभित्र नेपाल कम्युनिस्ट पार्टी (माओवादी केन्द्र) शून्य भएको छ । प्रतिनिधि सभातर्फ काठमाडौँ जिल्लाका १० वटा निर्वाचन क्षेत्रमध्ये माओवादीबाट गठबन्धनका साझा उम्मेदवार चार जना थिए ।
तनहुँ १ (ख) बाट माओवादी केन्द्रका चुमान विजयी
तनहुँ १ (ख) बाट हरिबहादुर चुमान विजयी हुनु भएको छ । नेकपा (माओवादी केन्द्र) का चुमानले एमालेका पूर्णबहादुर गुरुङलाई हराउँदै उहाँ विजयी हुनु भएको छ ।
स्याङ्जा १ को प्रदेशसभा (क) मा सुन्दास विजयी
स्याङ्जा क्षेत्र नं १ प्रदेश (क) मा नेकपा (एमाले) का उम्मेदवार सिता कुमारी सुन्दास विजयी हुनु भएको छ ।
दाङ ३ (क) बाट कांग्रेसका डिल्लीबहादुर चौधरी विजयी
दाङ निर्वाचन क्षेत्र नम्बर ३ (क) मा नेपाली काँग्रेस डिल्लीबहादुर चौधरी विजयी हुनुभएको छ ।
नवलपुर–१ को प्रदेश (क) मा कांग्रेस सभापति जिसी विजयी
पूर्वी नवलपरासीको प्रदेशसभा निर्वाचन क्षेत्र नम्बर १ को (क) मा नेपाली कांग्रेसका उम्मेदवार महेन्द्रध्वज जिसि विजयी हुनुभएको छ ।
दैलेख निर्वाचन क्षेत्र नम्बर २ मा कांग्रेसका शाही विजयी
दैलेख निर्वाचन क्षेत्र नम्बर २ प्रतिनिधि सभा सदस्यमा बाम–लोकतान्त्रिक गठबन्धनका तर्फबाट नेपाली कांग्रेसका दिकपाल कुमार शाही विजयी हुनुभएको छ ।
समानुपातिकमा एमाले अगाडी कांग्रेस पछिपछि
बिहान ७ः३० बजेसम्म निर्वाचन आयोगले अद्यावधिक गरेको मतपरिणामअनुसार प्रतिनिधिसभा समानुपातिक तर्फ नेकपा एमालेले चार लाख ७० हजार ३५२ मत ल्याएको छ भने नेपाली कांग्रेसले चार लाख ३३ हजार ५२८ मत प्राप्त गरेको छ ।
सुर्खेत २ को प्रदेश सभा (क) मा एमालेका कंडेल विजयी
सुर्खेत निर्वाचन क्षेत्र नं. २ प्रदेश सभा (क) मा नेकपा (एमाले)का यामलाल कंडेल विजयी हुनु भएको छ ।
प्रतिनिधि सभातर्फ ६२ निर्वाचन क्षेत्रको मतपरिणाम सार्वजनिक
प्रतिनिधि सभातर्फ १६५ निर्वाचन क्षेत्रमध्ये ६२ निर्वाचन क्षेत्रको मतपरिणाम सार्वजनिक भएको छ । जसमध्ये नेपाली कांग्रेसले २५ स्थानमा जित निकालेको छ । नेकपा एमालेले १४ स्थानमा जित निकालेको गरेको छ ।
पाँचथर प्रदेशसभा (ख)मा माओवादी केन्द्रका इन्द्रवहादुुर आङवो विजयी
पाँचथरको प्रदेशसभा निर्वाचन क्षेत्र (ख) बाट सत्ता गठबन्धनका साझा उम्मेदवार इन्द्रबहादुर आङबो (मौसम) विजयी हुनु भएको छ ।
कैलाली–४ मा कांग्रेसका वीरबहादुर बलायर विजयी
कैलाली निर्वाचन क्षेत्र नं. ४ मा वाम गठबन्धन उम्मेदवार नेपाली कांग्रेसका वीरबहादुर बलायर प्रतिनिधि सभा सदस्यमा निर्वाचित हुनु भएको छ ।
प्रतिनिधि सभामा आलेको ह्याट्रिक
डोटीमा प्रतिनिधि सभा सदस्यमा नेकपा ( एकीकृत समाजवादी )का उम्मेदवार ५१ वर्षीय प्रेमबहादुर आले निर्वाचित भएका हुनु भएको छ ।
गोरखाका चार वटै प्रदेशसभा गठबन्धनका उम्मेदवार विजयी
गोरखाका चार वटै प्रदेशसभा निर्वाचन क्षेत्रमा बाम गठबन्धन विजयी भएको छ । क्षेत्र नं. १ को प्रदेशसभा (क) मा नेकपा (माओवादी केन्द्र) का कृष्ण धिताल विजयी हुनुभएको छ ।
अछाम–१ (क) मा कांग्रेसका खड्का विजयी
सुदूरपश्चिम प्रदेशसभाको सदस्यमा अछाम–१ को ‘क’ मा वाम–लोकतान्त्रिक गठबन्धनको तर्फबाट नेपाली काँग्रेसका मेघराज खड्का विजयी हुनुभएको छ ।
महोत्तरी ३ (क), (ख) मा लोसपाका अभिराम र तिवारी विजयी
महोत्तरी निर्वाचन क्षेत्र नं. ३ को (क)मा लोकतान्त्रिक समाजवादी पार्टी (लोसपा) नेपालको अभिराम शर्मा र (ख) मा रानी कुमारी तिवारी विजयी हुनु भएको छ ।
सिन्धुपाल्चोक २ (क) मा दुलाल विजयी
सिन्धुपाल्चोकको प्रतिनिधि सभा २ को प्रदेशसभा क बाट नेकपा माओवादी केन्द्रका युवराज दुलाल विजयी हुनुभएको छ ।
दार्चुलाको प्रतिनिधिसभामा बडू र प्रदेश सभामा धामी निर्वाचित
दार्चुलाबाट नेपाली कांग्रेसका नेता दिलेन्द्रप्रसाद बडू दुई हजार १३४ मतान्तरसहित प्रतिनिधिसभा सदस्यमा निर्वाचित हुनुभएको छ ।
पाल्पा २ (क) मा कांग्रेसका राना विजयी
नेपाली कांग्रेसका उम्मेदवार वीरबहादुर राना प्रदेश सभा सदस्यमा निर्वाचित हुनुभएको छ । रानाले १६ हजार ३९ मत ल्याएर विजयी हुनुभएको हो ।
म्याग्दीमा कांग्रेसका गर्बुजा विजयी
म्याग्दी प्रतिनिधि सभा सदस्य तर्फ बाम–लोकतान्त्रिक गठबन्धनका उम्मेदवार नेपाली कांग्रेसका खमबहादुर गर्बुजा (खम्बिर) विजयी हुनुभएको छ ।
सल्यानको प्रदेश सभा (ख) मा कांग्रेसका सुरेश अधिकारी विजयी
सल्यानको प्रदेश सभा क्षेत्र नम्बर (ख) मा नेपाली कांग्रेसका सुरेश अधिकारी तीन हजार ७९० मतान्तर विजयी हुनुभएको छ । उहाँले २० हजार ४०८ मत प्राप्त गर्नुभएको छ ।
कञ्चनपुर २ बाट कांग्रेसका एनपी साउद विजयी
ञ्चनपुर क्षेत्र नम्बर २ को प्रतिनिधि सभा सदस्यमा वाम–लोकतान्त्रिक गठबन्धनका तर्फबाट नेपाली कांग्रेसका नेता नारायण प्रकाश साउद विजयी हुनु भएको छ ।
