काठमाडौँ, असार २० गते । इङ्लिस क्लब चेल्सी फिफा क्लब विश्वकप फुटबलको सेमिफाइनल प्रवेश गरेको छ ।
शनिबार बिहान भएको क्वार्टरफाइनल खेलमा चेल्सीले ब्राजिलको पाल्मेइरासलाई २–१ गोलले हरायो । सेमिफाइनलमा चेल्सीले ब्राजिलकै फ्लुमिनेससँग प्रतिस्पर्धा गर्नेछ ।
चेल्सीको जितमा कोल पाल्मरले १६औँ मिनेटमा एक गोल गर्नुभयो । चेल्सीले अर्को गोल खेलको अन्तिममा पाल्मेइरासबाट आत्मघाती उपहार पाएको थियो । पाल्मेइरासका एस्तिभाओले ५३औँ मिनेटमा सान्त्वना गोल फर्काउनुभयो ।
शनिबारनै भएको अर्को खेलमा फ्लुमिनेसले साउदी अरबको क्लब अल हिलालमाथि जित निकाल्नै सेमिफाइनलमा स्थान बनाएको हो । एजेन्सी
