रौतहटमा निर्वाचन तयारी सम्पन्न
शुक्रबार हुने स्थानिय तह निर्वाचनको लागि रौतहट जिल्लामा मतदान कार्यको सम्पूर्ण तयारी पूरा भएको छ ।
सरकारी प्रेस पास भएका पत्रकारलाई ‘सवारी अनुमतिपत्र’ आवश्यक नपर्ने
काठमाडौं, वैशाख २९ गते। शुक्रबार हुने स्थानीय तहको निर्वाचनको दिन सरकारी निकायको प्रेस पास भएका पत्रकारलाई निर्वाचन आयोगले दिने सवारी अनुमतिपत्र आवश्यक नपर्ने भएको छ। निर्वाचन आयोगले बिहीबार यस्तो निर्णय गरेको हो। यो निर्णसँगै नेपाल सरकार र प्रदेश सरकारको आधिकारीक निकायबाट जारी भएका प्रेस पास हुने सञ्चारकर्मीले आयोगबाट सवारी साधनका लागि सवारी अनुमति पत्र लिनु नपर्ने भएको हो। ‘नेपाल सरकार वा प्रदेश सरकारको आधिकारिक निकायबाट जारी भएको प्रेस पास भएका सञ्चारकर्मीका हकमा त्यस्ता सञ्चारकर्मीले प्रयोग गर्ने सवारी साधनका लागि सवारी अनुमतिपत्र आवश्यक नपर्ने’, आयोगको निर्णयमा भनिएको छ। प्रेस पास नभएका सञ्चारकर्मीको हकमा सम्बन्धित सञ्चारगृहको आधिकारिक पत्रमार्फत् अनुरोध आएमा प्रमुख जिल्ला अधिकारी, काठमाडौंले अनुमतिपत्र जारी गर्नसक्ने आयोगले जनाएको छ। आयोगकी शाखा अधिकृत जयकला राईले सार्वजनिक गर्नुभएको विज्ञप्तिमा भनिएको छ, ‘प्रेस पास नभएका सञ्चारकर्मीको हकमा सम्बन्धित सञ्चारगृहको आधिकारिक पत्रमार्फत् अनुरोध भइ आएमा प्रमुख जिल्ला अधिकारी, काठमाडौंले सवारी अनुमतिपत्र जारी गर्न सक्ने।’’
सप्तरीमा निर्वाचनको तयारी अन्तिम चरणमा, मतगणनास्थलमा तारजाली
स्थानीय तह निर्वाचनको तयारी अन्तिम अवस्थामा पुगेको जिल्ला निर्वाचन कार्यालय सप्तरीले जनाएको छ । मतदानस्थलको निर्माण तथा मतपत्र ढुवानी, मतदान स्थलमा सुरक्षा प्रबन्धलगायतका तयारी अन्तिम चरणमा पुगेकोे कार्यालयले जनाएको छ ।
तनहुँमा ३४ महिला मतदान अधिकृत
स्थानीय तह निर्वाचनका लागि तनहुँमा ३४ जना महिलालाई मतदान अधिकृतको जिम्मेवारी दिइएको छ । जिल्लास्थित २९७ मध्ये उक्त ३४ जना महिला अधिकृतलाई जिम्मेवारी दिइएको जिल्ला निर्वाचन कार्यालय तनहुँँकी सूचना अधिकारी दुर्गामाया आलेले जानकारी दिनुभयो ।
विशिष्ट व्यक्तित्व र शीर्षनेताले शुक्रबार मतदान गर्नुहुँदै
मुलुकको विशिष्ट व्यक्तित्व, प्रधानमन्त्री, विभिन्न राजनीतिक दलका शीर्ष नेता, मन्त्रिपरिषद्का सदस्य पनि मतदानका लागि आ–आफ्नो क्षेत्रमा पुगिसक्नुभएको छ । प्रधानमन्त्री शेरबहादुर देउवा मतदानका लागि डडेल्धुरा पुगिसक्नुभएको छ । प्रधानमन्त्री देउवाले डडेल्धुराको गन्यापधुरा गाउँपालिकाको रुवाखोलास्थित असिग्राम माध्यामिक विद्यालयस्थित मतदान केन्द्र (ख) बाट मतदान गर्नुहुने भएको छ ।
मतदाता शिक्षाबाट मतदाताहरु वञ्चित
विष्णुप्रसाद पोखरेलदमक, वैशाख २९ गते । दमकसहित झापाका अधिकांश मतदानस्थलहरुमा मतदाता शिक्षा प्रदान नगरिएको बताइएको छ । मतदानस्थलमा खटिएका मतदान अधिकृत तथा सहायक अधिकृत र कर्मचारीहरुले समेत नमुना मतपत्र नपाएकाले सिकाउन नसकिएको बताएका हुन् ।मतदाता परिचयपत्र लिन आउनेहरुलाई बुधबार र बिहीबार मतदाता शिक्षा प्रदान गरिने बताइएता पनि नमुना मतपत्र नै मतदानस्थलमा नरहेको पाइएको हो । दमक नगरपालिका भित्र रहेको मतदानस्थलमा पुग्दा त्यहाँ खटिएका कर्मचारीहरुले नमुना मतपत्र समेत देखाउन असमर्थ हुनुभयो । ‘अहिलेसम्म कसैले पनि मत हाल्ने तरिका सिक्न खोज्नु भएन र सिकाएका छैनौं’, एक मतदान अधिकृतले भन्नुभयो । आफूहरुलाई अनिवार्य रुपमा मत हाल्न मतदाता शिक्षा दिनु भनेर नभनिएको समेत उहाँको भनाइ थियो । हामीलाई त नमुना मतपत्र पनि दिइएको छैन र सिकाउनु भनिएको छैन, मतदानस्थलमा रहनु भएका अर्का एक कर्मचारीले भन्नुभयो ।मतदाताहरु मतदाता परिचयपत्र लिन पनि अत्यन्तै कम संख्यामा मात्र मतदान स्थलमा आएको बताइन्छ । हिमालय माविको मतदान केन्द्रका एक मतदान अधिकृतका अनुसार मत हाल्न सिक्न भनेर त यो दुई दिनको अवधिमा कोही एकजना पनि आउनु भएको छैन, उहाँले भन्नुभयो ।निर्वाचन अधिकृतको कार्यालय दमकका प्रमुख केशवप्रसाद पन्तकाअनुसार मतदाता शिक्षा प्रदान गर्ने कार्य व्यवस्थित हुन नसकेको स्वीकार गर्नुभयो ।‘मतदाता शिक्षा कार्यक्रम व्यवस्थित गर्न नसकिएको सत्य हो’, उहाँले भन्नुभयो । दमकमा ५८ हजारभन्दा बढी मतदाताहरु रहेका छन् । दमक नगरपालिकाभित्रको सुनसान मतदानस्थल । कर्मचारीहरु मतदाता परिचयपत्र लिनेआउने मतदाताको पखाईमा ।
दमकमा मतगणनास्थलमा तारजाली
झापाको दमकमा मतगणनास्थललाई सुरक्षित बनाउनका लागि तारजाली प्रयोग गरी सुरक्षा व्यवस्था कडा पारिएको छ । निर्वाचन अधिकृतको कार्यालय दमकका प्रमुख केशवप्रसाद पन्तका अनुसार मतगणना भइरहेको स्थलमा तोकिएका बाहेकका कोही पनि जान नसक्ने गरी आवश्यक व्यवस्था मिलाइएको छ ।
उपत्यकामा मतदानस्थल र केन्द्रको निर्माण धमाधम हुँदै
शुक्रबार हुने स्थानीय तह निर्वाचनका लागि उपत्यकाका विभिन्न स्थानमा मतदानस्थल तथा मतदान केन्द्र निर्माण गर्ने कार्य धमाधन भइरहेको छ । बिहीबार साँझसम्म सबै मतदानस्थल र मतदान केन्द्रको निर्माण पूरा गरी शुक्रबार बिहान ७ बजेदेखि अपराह्न ५ बजेसम्म मतदानको तयारी गरिएको छ ।
महोत्तरीमा निर्वाचनको तयारी पूरा, सुरक्षा व्यवस्थामा कडाइ
महोत्तरीमा शुक्रबार हुने स्थानय तह निर्वाचनको सम्पूर्ण तयारी पूरा भएको छ । महोत्तरीमा १० नगरपालिका र पाँच गाउँपालिकासहित १५ वटै पालिकामा रहेको २५८ मतदान स्थल र ४९७ मतदान केन्द्रमा निर्वाचनको तयारी पूरा भएको मुख्य निर्वाचन अधिकृतको कार्यालय महोत्तरीले जनाएको छ ।
-original-thumb.jpg)
आचारसंहिताको गम्भीर उल्लङ्घन पाइए जरिवाना र कारबाही हुन्छ : आयुक्त भण्डारी
निर्वाचन आयोगले शुक्रबार हुने स्थानीय तह निर्वाचनको मौन अवधिमा आचारसंहिताको पालनामा कडाइ गर्दै सुक्ष्म अनुगमन संयन्त्र सक्रिय तुल्याएको छ । गत चैत २५ गतेदेखि लागू भएको निर्वाचन आचारसंहिता, २०७८ निर्वाचन हुने ४८ घण्टा अघि सुरु भएको मौन अवधिका लागि थप कडाइ गरिएको हो ।
रुपन्देहीका ६२ मतदानस्थल अतिसंवेदनशील
शुक्रबार हुने स्थानीय तहको निर्वाचनका लागि रुपन्देहीमा सुरक्षा व्यवस्था कडा पारिएको छ । निर्वाचन अवधिका लागि रुपन्देहीमा चार हजार ६०४ सुरक्षाकर्मी परिचालन गरिएको हो । मतदानस्थलमा सुरक्षाकर्मी र कर्मचारी मतपत्रसहित पुगिसकेका छन् ।
काठमाडौं महानगरमा १५६ मतदान स्थल र ३६३ केन्द्र
वैशाख ३० गते शुक्रबार हुने स्थानीय तह सदस्य निर्वाचनमा काठमाडौं महानगरमा १५६ मतदान स्थल र ३६३ मतदान केन्द्रबाट जनप्रतिनिधि चुनिँदै छन् । तीन लाख २४२ मतदाता रहेको महानगरमा सबैभन्दा धेरै वडा नं. १६ मा २० हजार १७५ जना मतदाता छन् ।
स्थानीय सरकारको पाँच वर्ष : सफल कार्यकाल, सफल अभ्यास
जनताबाट प्रत्यक्ष निर्वाचित कार्यकारीका रूपमा स्थानीय सरकारको पाँच वर्षे कार्यकाल पूरा भएको छ । स्थानीय सरकारको पाँच वर्षे कार्यकाल समग्रमा सफल अभ्यासका रूपमा रहेको विज्ञहरूले बताउनुभएको छ ।देशका ७५३ वटा स्थानीय तहमा प्रत्यक्ष निर्वाचनमार्फत कार्यकारी प्रमुखका रूपमा स्थानीय सरकार जनताले गठन गर्ने व्यवस्था छ ।
हुम्लामा पाँच जना महिला मतदान अधिकृत
शुक्रबार सम्पन्न हुने स्थानीय तहको निर्वाचनका लागि मुख्य निर्वाचन अधिकृतको कार्यालयले विभिन्न पाँच जना महिलालाई मतदान अधिकृतका रुपमा खटाएको छ । निर्वाचन सम्पन्न गर्न कर्मचारी खटाउने कार्यलाई सक्षमता र समावेशी बनाउन महिला कर्मचारीलाई जिम्मेवारी दिइएको मुुख्यनिर्वाचन अधिकृत जगतबहादुुर पौडेलले बताउनुभयो ।
मतदान केन्द्र निर्माण र परिचयपत्र वितरण
स्थानीय निर्वाचन २०७९ को पूर्वसन्ध्यामा मतदान केन्द्र निर्माण भइरहेका छन् तर केन्द्र निर्माणमा केही कठिनाइ देखिएको छ । निर्वाचन आयोगले २०७४ को चुनावका आधारमा मतदान केन्द्र निर्धारण गर्दा ‘बुथ’ निर्माणमा कठिनाइ उत्पन्न भएको छ ।
नामावलीमा नाम भए नागरिकता वा राहदानीका आधारमा पनि मत दिन पाउने
निर्वाचन आयोगले यही वैशाख ३० गते हुने स्थानीय तह सदस्य निर्वाचन, २०७९ का लागि मतदाता नामावलीमा समावेश भएका मतदाताले मतदाता परिचयपत्र वा अन्य सक्कली सरकारी कागजपत्रका आधारमा मतदान गर्न सकिने निर्णय गरेको छ ।
जनस्वास्थ्य विदकाे सुझाव - मतदान गर्न जाँदा स्वास्थ्य मापदण्ड पालना गरौँ
शुक्रबार देशभर एकसाथ स्थानीय तहको निर्वाचन हुँदैछ। भोट हाल्न उपत्यकासहित देशका विभिन्न सहरबाट गाउँघर फर्किनेको संख्या बढ्दै गएको छ।
प्रधानमन्त्री देउवाले रुवाखोलाको असिग्रामबाट मतदान गर्नुहुने
प्रधानमन्त्री एवम् नेपाली काँग्रेस सभापति शेरबहादुर देउवाले स्थानीय तहको निर्वाचनमा गन्यापधुरा गाउँपालिकाको असिग्राम मावि रुवाखोलामा रहेको मतदान केन्द्र ‘ख’ बाट मताधिकार प्रयोग गर्नुहुने भएको छ ।
उपत्यका छाड्नेको सङ्ख्या बढ्दै
वैशाख ३० गतेको स्थानीय निर्वाचनका लागि एक दिन मात्रै बाँँकी रहँदा काठमाडौं उपत्यका छाड्नेको सङ्ख्या बढ्दैछ ।
सासूको मृत्युपछि बुहारी उपप्रमुख पदको उम्मेदवार
कपिलवस्तुको महाराजगञ्ज नगरपालिकाका उपप्रमुख पदका उम्मेदवारको मृत्यु भएपछि नयाँ उम्मेदवार चयन गरिएको छ । नेपाली कांग्रेसबाट उपप्रमुख पदका उम्मेदवार दिनुभएका सुभावती कुर्मीको हृदयाघातबाट मृत्यु भएपछि सो पदमा उहाँकै बुहारीलाई उम्मेदवारी बनाइएको छ ।
मतदाता शिक्षा : लोकदोहोरीदेखि भजनसम्म
“पहिला पहिला निर्वाचन आयोगले मत दिने स्थानहरुमै टोली खटाएर मतदाता शिक्षा दिने गर्दथ्यो ? यस पटक त्यस्तो टोली आउँदैन ?”
नयाँ मतदाता परिचयपत्र वितरण गरिँदै
काठमाडौंस्थित सङ्कटा मन्दिर परिसरमा रहेको वडा कार्यालय अगाडि स्थानीय तह निर्वाचनका लागि नयाँ मतदाता परिचयपत्र वितरण गरिँदैछ । निर्वाचन आयोगले नयाँ मतदाताहरुका लागि बुधबार र बिहीबार मतदाता परिचयपत्र वितरण गर्दै आएको छ ।
अतिसंवेदनशील मतदान स्थलको सुरक्षा व्यवस्था कडा
वैशाख ३० गते शुक्रबार हुने स्थानीय तह निर्वाचनका लागि तोकिएको मतदान स्थलमध्ये २२ वटा मतदान स्थल अतिसंवेदनशीलको सूचिमा रहेको छ ।
-original-thumb.jpg)
रुपन्देहीमा स्थानीय तह निर्वाचन तयारी पूरा
स्वच्छ, मर्यादित र व्यवस्थित तरिकाले निर्वाचन सम्पन्न गर्न मतदान केन्द्रको व्यवस्थापन गर्ने र जनशक्ति परिचालनका लागि कर्मचारीको व्यवस्थापन भएको कार्यालयले जनाएको छ ।
बाजुरामा अत्यावश्यक बाहेकका सबै सेवा बन्द
जिल्ला प्रशासन कार्यालय बाजुराले चुनावको समयलाई मध्यनजर गर्दै अत्यावश्यक बाहेकका सबै सेवा बन्द गर्ने भएको छ ।
