उम्मेदवारको मृत्युपछि तुलसीपुर–१७ मा जेठ ३ गते निर्वाचन
नेकपा (एमाले)बाट वडाध्यक्ष पदमा उम्मेदवार दिनुभएको लबरु चौधरीको मृत्यु भएपछि निर्वाचन आयोगले जेठ ३ गते निर्वाचन गर्ने निर्णय गरेको दाङका मुख्य निर्वाचन अधिकृत रितेन्द्र थापाले जानकारी दिनुभयो ।
बाँकेमा निर्वाचनका लागि चार हजार सुरक्षाकर्मी परिचालन
बाँकेमा स्थानीय तह निर्वाचनका लागि चार हजार सुरक्षाकर्मी परिचालन गरिएको छ । खुला सीमानाका कारण बाँकेमा निर्वाचन सुरक्षा निकायको लागि ठूलो चुनौती रहेकोले सो चुनौतीको सामना गर्न जिल्लामा चार हजार सुरक्षाकर्मी परिचालन गरिएको हो ।
कैलालीमा निर्वाचन तयारी पूरा
वैशाख ३० गते शुक्रबार हुने स्थानीय तह निर्वाचनको लागि कैलालीमा सम्पूर्ण तयारी पूरा भएको छ । सफलता पूर्वक निर्वाचन सम्पन्न गर्नका लागि सम्पूर्ण तयारी पूरा भएको निर्वाचन कार्यालयले जानकारी दिएको हो ।
आर्थिक चलखेल रोक्न : मतदाताले नै प्रहरीको भूमिका निर्वाह गर्नुपर्छ
स्थानीय तह निर्वाचनलाई स्वतन्त्र, स्वच्छ, भयरहित र विश्वसनीय तरिकाले सम्पन्न गर्न निर्वाचन आयोगले मङगलबार राति १२ बजेदेखि मौन अवधि सुरु भएको जनाएको छ ।
नयाँ परिचयपत्र लिन आउनेलाई मतदाता शिक्षा अनिवार्य
स्थानीय तह निर्वाचनमा मतदान गर्नका लागि १८ वर्ष उमेर पूरा भएको नेपाली नागरिक हुनुपर्ने व्यवस्था छ। त्यसका लागि नयाँ मतदाता परिचय पत्र लिन आउने नागरिकलाई अनिवार्य मतदानसम्बन्धी शिक्षा दिएर पठाउने गरेको निर्वाचन आयोगले जनाएको छ।
मौन अवधिमा पालना गर्नुपर्ने आचरण
स्थानीय तह निर्वाचनका सन्दर्भमा मङ्गलबार राति १२ बजेबाट मौन अवधि सुरु हुँदैछ । मौन अवधिमा राजनीतिक क्रियाकलाप सम्पूर्ण बन्देज गरिएको छ । यसका लागि निर्वाचन आयोगले आचारसंहिता लागू गरेको छ । सो आचारसंहितामा मौन अवधिमा गर्न पाइने र नपाइने विषयका बारेमा स्पष्ट गरिएको छ ।
दुई लाख साठी हजार सुरक्षाकर्मी परिचालन
स्थानीय तह निर्वाचन स्वच्छ, भयरहित र निष्पक्ष वातावरणमा सम्पन्न गर्न आवश्यक सुरक्षा व्यवस्थापन तयारी पूरा भएको छ । यही ३० गते शुक्रबारलाई निर्धारित निर्वाचन सुरक्षाका लागि दुई लाख ६० हजार सुरक्षाकर्मी परिचालन गरिएको छ । गृह मन्त्रालयले स्थानीय तह निर्वाचन एकीकृत सुरक्षा योजना–२०७८ अनुरूप निर्वाचन सुरक्षा व्यवस्थापनका लागि आवश्यक सुरक्षा तयारी तथा परिचालन कार्य सम्पन्न भएको जनाएको छ । निर्वाचन सम्पन्न गर्न करिब तीन लाखको हाराहारीमा कर्मचारी खटाइएका छन् । मुलुकका ७५३ स्थानीय तहका लागि १० हजार ७५६ मतदान स्थल र २१ हजार ९५५ मतदान केन्द्र तोकिएका छन् । तीमध्ये दुई हजार ९४६ अति संवेदनशील र चार हजार ४२३ संवेदनशीलको सूचीमा छन् ।
राति १२ बजेदेखि राजनीतिक दल र उम्मेदवारको प्रचार-प्रसार बन्द
काठमाडौं, वैशाख २७ गते। स्थानीय तह निर्वाचनको क्रममा मङ्गलबार राती १२ बजेपछि राजनीतिक दल र उम्मेदवारले गर्ने निर्वाचनको प्रचारप्रसार समाप्त भएको छ। निर्वाचन आयोगले गर्ने मतदाता शिक्षाका कार्यक्रम भने जारी रहने छन्। मतदानको समयभन्दा ४८ घन्टा अगाडि अर्थात् आज वैशाख २७ गते मङ्गलबार राति १२ बजेदेखि सुरु हुँदैछ। निर्वाचनको व्यवस्थापकीय कार्यलाई थप सहज बनाउन, राजनीतिक दल तथा उम्मेदवारबाट हुने अवाञ्छित गतिविधिलाई रोक्न तथा मतदानका लागि सुरक्षित तथा भयरहित वातावरण सिर्जना गर्न निर्वाचनमा मौन अवधि आवश्यक भएको निर्वाचन आयोगले जनाएको छ। यस अवधिमा राजनीतिक दलका पदाधिकारी वा उम्मेदवार तथा दलको भ्रातृ सङ्गठन वा सम्बन्धित व्यक्तिले निर्वाचन प्रचार प्रसारलगायत कुनै पनि प्रकारका छलफल, अन्तरक्रिया, सभा सम्मेलन, कार्यशाला गोष्ठी आदि गर्न हुँदैन। यसैगरी, राजनीतिक दल वा उम्मेदवारका प्रचार प्रसारका सामग्री राखिएको भए तत्काल हटाउनु पर्ने छ। साथै कुनै पनि विधि, प्रक्रिया वा माध्यमबाट मत माग्न वा निर्वाचन प्रचार प्रसार गर्न नहुने, सामाजिक सञ्जाल, अनलाइन, छापा वा अन्य कुनै माध्यमबाट राजनीतिक दल वा उम्मेदवारको पक्ष वा विपक्षमा कुनै सन्देश प्रवाह गर्न पाइदैन। यस्तै, सूचना वा प्रचार प्रसारका सामग्री पोष्ट वा शेयर गर्न, गराउन नहुने हुँदा यसबमोजिम आचरण पालन गरिदिन सम्बन्धित सबैमा आयोगले आग्रह गरेको छ। उच्चस्तरीय टोली खटियोआयोगले निर्वाचन आचार संहिता उलङ्घन गर्ने विभिन्न दल, उम्मेदवार र व्यक्तिलाई आयोगमा प्राप्त उजुरी र जानकारीका आधारमा आचार संहिता विपरीत भएका कार्यहरु हटाउने आदेश दिने गरिएको जानकारी आयोगका प्रवक्ता शालिकराम शर्मा पौडेलले बताउनु भयो। यसैगरी, आयोगले स्पष्टीकरण सोध्ने, सचेत गराउनेजस्ता कार्यहरु भइरहेका छन् भने प्राप्त जवाफको अध्ययन र छानबिनको कार्य भइरहेको जनाएको छ। निर्वाचन आचार संहिताको पूर्ण कार्यान्वयनका लागि आयोगले उल्लङ्घनका घट्नामा तत्काल कारबाही गर्न सक्ने अधिकारसमेत दिई १९ वटा उच्चस्तरीय टोली तुलनात्मक रुपमा संवेदनशील ठानिएका विभिन्न स्थानहरुमा परिचालन गरेको छ। यस्ता अनुगमन टोलीलाई निर्वाचनको गोपनीयतामा प्रतिकूल असर नपर्ने गरी निर्वाचनका कार्यसँग सम्बन्धित दृश्यको छायाङ्कन गर्न आवश्यकता अनुसार भिडियो क्यामेरा वा अन्य विद्युतीय उपकरण प्रयोग गरी दृश्य छायाङ्कन गर्न सक्ने र मौन अवधिमा आमसभा, कार्यशाला, गोष्ठी, सम्मेलन, भोजभत्तेर, पैसा बाँड्ने काम भए नभएको र सामाजिक सञ्जालमा मिथ्या सूचना, दुष्प्रचार र द्वेषपूर्ण अभिव्यक्ति दिने काम भए नभएको अनुगमन गरी त्यस्तो कार्य भए÷गरेको पाइएमा तत्काल आवश्यक कारवाही गरी आयोगलाई जानकारी गराउने अधिकार दिइएको छ। यसैगरी, टोलीले मौन अवधिमा कुनै माध्यमबाट निर्वाचन प्रचार प्रसार गर्न तथा मतदातालाई प्रभाव पार्ने किसिमका कुनै पनि गतिविधि गर्न नपाइने हुँदा सो अवधिमा उम्मेदवार, दलका कार्यकर्ता तथा सम्बन्धित व्यक्तिहरुको सम्बन्धमा निगरानी राख्ने छ। त्यस्तो गतिविधि हुन नदिने तथा मतदानको दिन मतदातालाई सुरक्षित रुपमा मतदान केन्द्रसम्म पुग्न र मतदान केन्द्रबाट फर्किन सक्ने वातावरण निर्माण गर्नुपर्ने भएकाले मतदातालाई कुनै पनि प्रकारको अवरोध हुन नदिन आवश्यक व्यवस्था मिलाउन मुख्य निर्वाचन अधिकृत, निर्वाचन अधिकृत तथा सबै स्थानीय प्रशासनहरुलाई आयोगले निर्देशनसमेत दिएको छ। निर्वाचन आचारसंहिता उल्लङ्घनको अनुगमनका लागि विभिन्न तहमा संरचना बनाइएका छन्। आयोगका अनुगमन हेर्ने आयुक्तको संयोजकत्वमा केन्द्रीय आचारसंहिता अनुगमन समिति, जिल्लामा मुख्य निर्वाचन अधिकृतको संयोजकत्वमा जिल्ला आचारसंहिता अनुगमन समिति र स्थानीय तहमा निर्वाचन अधिकृतको संयोजकत्वमा स्थानीय तहको आचारसंहिता अनुगमन समितिको प्रबन्ध गरिएको छ। यी संरचनाका अतिरिक्त विशेष संवेदनशील मानिएका जिल्ला र पालिकामा विशेष अनुगमनका लागि अधिकार प्रत्यायोजन सहित विशेष अनुगमन टोली खटाइएको छ। सो टोलीले आचारसंहिता विपरीत दल र उम्मेदवारले झण्डा, चिन्ह र गाडी प्रयोग गरेमा, अनधिकृतरुपमा सामानको ओसारपसार वा नगद वा जिन्सी वितरण गरेको पाइएमा कब्जामा लिएर तत्काल कारबाही गर्न सक्ने अधिकार दिइएको छ। निर्वाचनमा सुरक्षाको प्रत्याभूति हुने गरी आवश्यक व्यवस्था मिलाइएको छ, जस अन्तर्गत नेपाली सेनासहित तीन घेराको सुरक्षा प्रबन्ध गरिएको छ।
सरकारको विरोधसँगै चुनावमा छौं : बिजुक्छे
काठमाडौं, वैशाख २७ गते। नेपाल मजदुर किसान पार्टीका अध्यक्ष नारायणमान बिजुक्छेले वर्तमान सरकारको विरोधसँगै स्थानीय निर्वाचनमा सहभागी भएको बताउनुभएको छ। मंगलबार भक्तपुरमा आयोजित चुनावी सभामा उहाँले पार्टीको सिद्धान्तलाई नछोडिकन, अनुशासित भएर आगामी दिनमा आन्दोलनलाई थप अघि बढाउनुपर्ने बताउनुभयो।विगतको नेकपा सरकारको विश्लेषण गर्नुहुँदै उहाँले पार्टीको आन्तरिक झगडाका कारण माधव नेपाल र प्रचण्डको पार्टी फुटेको आशय व्यक्त गर्नुभयो। “त्यस समय चुनाव गारउने भने पनि को जित्छ, को हार्छ ? ठेगान भएन, जर्बजस्ती नयाँ सरकार बनाएर एमसीसी पास गरियो, हामी यसको विरोधमा छौं”, उहाँले बताउनुभयो। बहुमत भएको पार्टीको नेता प्रधानमन्त्री हुने प्रजातान्त्रिक नियम नै भएको तर, न्यायाधीशबाट सरकार तोक्ने कामप्रति असहमत रहेको उहाँको भनाइ छ। नेमकिपालाई पनि धोका भएको जसकारण पार्टीमा पहिलेजस्तो ठूलो संख्या नरहेको उहाँ बताउनुहुन्छ। निर्वाचनका कर्मचारीसमेत पार्टीसँग मिल्ने खालका विभिन्न प्रवृत्ति देखिदै आएको उहाँले बताउनुभयो।गलत ठाउँमा दिइएको मतले नकरात्मक असर पर्ने बताउनुहुदै उहाँले भक्तपुरमा मात्रै नभई देशैभरका मतदाता समक्ष विवेकपूर्ण ढंगबाट मतदान गर्न आह्वान गर्नुभएको छ।
उत्साहजनक ढंगबाट मतदान गर्न कमल थापाको आह्वान
राप्रपा नोपलका अध्यक्ष कमल थापाले वैशाख ३० गते हुने स्थानीय तहको निर्वाचनमा उत्साहजनक ढंगबाट सहभागी हुन सम्पूर्ण मतदातालाई आह्वान गर्नुभएको छ ।
निर्वाचनमा सहभागी हुन पाँच दलीय गठबन्धनको अपील
काठमाडौं, वैशाख २७ गते । वैशाख ३० गतेको स्थानीय तह निर्वाचनमा सहभागी भएर उपलब्धिको रक्षा गर्न पाँच दलीय गठबन्धनले मतदातालाई आह्वान गरेको छ । मंगलबार साँझ संयुक्त रुपमा सत्तारुढ पाँच दलीय गठबन्धनले अपील गरेको हो । संयुक्त अपीलमा काँग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव, राष्ट्रिय जनमोर्चाकी उपाध्यक्ष दुर्गा पौडेलले हस्ताक्षर गर्नुभएको छ । पाँच दलको अपील जस्ताको तस्तै : बैशाख २७, २०७९हाम्रो अपीलआदरणीय दिदीबहिनी तथा दाजुभाइहरू,पटकपटकको बलिदानीपूर्ण संघर्ष र त्याग पश्चात निरङ्कुशताको अन्त्य भई मुलुकमा संघीय लोकतान्त्रिक गणतन्त्रात्मक शासन व्यवस्था स्थापना भएको तथ्य सबैमा अवगत नै छ । देशमा निरङ्कुशता विरुद्धको संघर्षमा तेस्रो पुस्तासम्मले रगत र पसिना बगाउनु परेको छ । हामी लोकतन्त्र र स्वतन्त्रताको संघर्षमा होमिदै दिवंगत हुनुभएका प्रातः स्मरणीय महान शहिदहरुप्रति भावपूर्ण हार्दिक श्रद्धाञ्जली व्यक्त गर्दछौं ।संविधानसभा मार्फत नेपाली नागरिकले जारी गरेको संविधान र नागरिकले निर्वाचित गरेको संसदमाथि भएको प्रहारलाई परास्त गर्दै आन्दोलनबाट प्राप्त परिवर्तनका उपलब्धीलाई जोगाउन नेपाली कांग्रेस, नेपाल कम्युनिष्ट पार्टी (माओवादी केन्द्र), नेपाल कम्युनिष्ट पार्टी (एकीकृत समाजवादी), जनता समाजवादी पार्टी र राष्ट्रिय जनमोर्चाबीच गठबन्धन भएको विदितै छ । दुई दुईपटक संसद विघटन भएपछिको असहज परिस्थितिमा ‘संकीर्ण र निषेध’ को राजनीतिकाविरुद्ध ‘सहमति र सहकार्य’ को जगमा अहिलेको सरकार गठन भएको होे । राजनीतिक स्थिरता कायम राख्दै सुशासन र विकासका प्रक्रियालाई निरन्तरता दिई मुलुकलाई निकास दिनु पर्ने दायित्व बोध गरी पाँच दलीय एकता कायम गरिएको हो । यो एकतालाई अक्षुण राख्दै स्थानीय तहको निर्वाचनमा गठबन्धनमा रहेका पाँच दलबीच तालमेल गरी हामीले उम्मेदवारी दिएका छौं । आजको दिन लोकतन्त्र, मानवअधिकार, कानूनी राज, देशको विकास र समृद्धि, सामाजिक न्याय र स्वतन्त्रताको लागि गठबन्धनका हामी पाँच दल सदा अविचलित रहने प्रण गर्दछौं ।संघीय लोकतान्त्रिक गणतन्त्र स्थापनार्थ भएको संघर्षकै परिणाम आज राज्य संरचना बदलिएर समावेशी चरित्रको बन्न सम्भव भएको छ । लोकतान्त्रिक शासन व्यवस्थामा स्थानीय सरकारको विशेष अर्थ र महत्व रहन्छ । संघीय लोकतन्त्रको जग नै स्थानीय तह हुन् । निर्वाचनमार्फत स्थानीय तह बलियो र सुदृढ हुँदा नै लोकतान्त्रिक गणतन्त्रको रक्षा हुने छ । अतः स्थानीय तहको नागरिकसँग प्रत्यक्ष सम्बन्ध अझ सुदृढ गर्न यो निर्वाचनको विशेष महत्व छ ।स्थानीय जनप्रतिनिधिले नै जनताका सुख–दुःखमा रहेर प्रत्यक्ष रुपमा काम गर्ने हुन् । स्थानीय तहको निर्वाचनले विकासको गतिलाई अघि बढाउने छ । निर्र्वाचित जनप्रतिनिधिहरु नागरिकका पीरमर्कासँग घुलमिल हुँदा लोकतन्त्र थप मजबुत हुने छ । नागरिक अधिकार सुदृढ पार्न समेत स्थानीय निर्वाचनले विशेष भूमिका निर्वाह गर्ने भएकाले यहाँहरुको अमूल्य मत मुलुकको भाग्य र भविष्य निर्धारणमा निर्णायक रहन्छ ।प्रतिगमनविरुद्धको संघर्षको परिणाम नै मुलुकको राजनीतिले निकास पाएको ध्रुब सत्य हो । असंवैधानिक रुपमा संसद विघटन गरिएपछि संघीय लोकतान्त्रिक गणतन्त्र, शक्तिपृथकीकरण, संविधानवादका मूल्य, मान्यता, मुलुकको स्वाभिमान र सुरक्षा जस्ता बिषयमा अनेक प्रश्न खडा भए । कोरोना महाव्याधिका कारण मुलुक यसै पनि मानवीय संकटको अवस्थामा थियो । पटकपटक संसद विघटनपछि दशकौं लडेर ल्याएको लोकतन्त्र संकटमा परी प्रतिगमनले फेरि टाउको उठाउने खतरा थियो । यी सबै परिस्थितिलाई सह्मालेर अघि बढ्नुपर्ने आवश्यकता गठबन्धन सरकारको थियो । स्थानीय निर्वाचन संघारमा आइसकेको अवस्थामा अब यो ऐतिहासिक अभिभारालाई पूरा गरी चुनौतीलाई अवसरमा बदल्ने दायित्व आम मतदाताहरुको काँधमा आएको छ ।स्थानीय तहको निर्वाचनपछि मुलुकले निर्णायक मोड र दिशा लिने निश्चित छ । स्थानीय निर्वाचनका माध्यमबाट मुलुकको एकता बलियो बनाउँदै राजनीतिलाई सहि ढंगले लोकतन्त्रको बाटोमा दोहो¥याउन सक्ने हाम्रो ठहर छ । जनताले दिएको जिम्मेवारीलाई अवसरका रुपमा लिँदै मुलुकको वृहत्तर हितका खातिर जनभावना अनुरुप नेतृत्वदायी भूमिका निर्वाह गर्न लागि पर्ने प्रण समेत हामी गर्दछौं ।स्थानीय निर्वाचनले लोकतन्त्रको रक्षा गर्ने छ । अर्को अर्थमा स्थानीय तह नै लोकतन्त्रको प्राणवायु हो । गठबन्धनको बलमा मुलुकको विकास, समृद्धि र लोकतन्त्रको जगेर्ना सम्भव छ । यसर्थ गठबन्धनको पक्षमा मतदानका लागि यहाँहरुले विवेकको प्रयोग गर्नुहुने विश्वास लिएका छौं । यस क्षणमा हामी सदैव जनताको सुख, दुःखमा एकसाथ रहने प्रतिबद्धता जाहेर गर्दछौं । हामी सबै क्षेत्र, वर्गको हक अधिकार सुनिश्चित गर्न समर्पित रहने छौं । महिला, दलित, आदिवासी, जनजाति, मधेशी, थारू, मुस्लिम, पिछडिएको क्षेत्र, अपांगता भएका व्यक्ति सबैको हक हित र अधिकारको जगेर्नाका लागि हाम्रो साझा प्रयत्न, संकल्प र प्रतिबद्धता रहने छ । आम मतदाता नागरिक नै हाम्रो शक्तिका स्रोत हुन् । यसर्थ, बैशाख ३० गते हुन लागेको स्थानीय तह निर्वाचन सम्पन्न गर्न सबैलाई एकजुट भएर लाग्न आग्रह गर्दछौं ।अन्त्यमा, गठबन्धनमा रहेका दलहरुबीच तालमेलको अधिक प्रयत्नका बावजुद कतिपय पालिकामा ‘मैत्रीपूर्ण प्रतिस्पर्धा’ गर्ने सहमति भएको विदितै छ । मतदानको सन्निकट आइपुग्दै गर्दा ‘मैत्रीपूर्ण प्रतिस्पर्धा’ मा उत्रेका विभिन्न पालिकाका विभिन्न पदका आफ्ना पार्टीका उम्मेदवारको अवस्था आकंलन गरी विजयको नजिक रहेका गठबन्धन दलका उम्मेदवारलाई मतदान गर्न पार्टी तहमा आह्वान गर्दछौं । साथै, उत्साहका साथ निर्वाचनमा सहभागी भई पाँच दलीय गठबन्धनका उम्मेदवारलाई मतदान गरी अत्याधिक बहुमतका साथ विजयी गराउन सम्पूर्ण आमाबुवा, दिदीबहिनी तथा दाजुभाइमा हार्दिक अपील गर्दछौं ।धन्यवाद ।
काठमाडौं महानगरलाई महान् घर बनाउछु : सिर्जना सिंह
काठमाडौं महानगरपालिका प्रमुख पदमा नेपाली कांग्रेस उम्मेदवार सिर्जना सिंहले महानगरलाई महान् घरको रुपमा स्थापित गर्ने बताउनुभएको छ।
निर्वाचनको सबै तयारी पूरा, निर्धक्कसाथ मतदान गर्न आह्वान
स्थानीय तह सदस्य निर्वाचन २०७९ को सबै तयारी पूरा भएको निर्वाचन आयोगले जानकारी गराएको छ । मौन अवधि सुरु हुनुअघि मंगलबार विशेष पत्रकार सम्मेलनमार्फत् आयोगले सो जानकारी गराएको हो ।
राजनीतिक दलको अन्तिम शक्ति प्रदर्शन (फोटो फिचर)
एकै चरणमा वैशाख ३० हुने स्थानीय तहको निर्वाचनका लागि मङ्गलबार विभिन्न राजनीतिक दलहरूले आ-आफ्नो तर्फबाट र्याली र आमसभा गरेर शक्ति प्रदर्शन गरेका छन्।
देशभर निर्वाचनको चहलपल (फोटो फिचर)
वैशाख ३० गते हुने स्थानीय तहको निर्वाचनका लागि अहिले देशभर निर्वाचनको चहलपल सुरु भएको छ ।
एमाले शान्तिपूर्ण निर्वाचनका लागि दृढ छ : अध्यक्ष ओली
नेकपा (एमाले) अध्यक्ष केपी शर्मा ओलीले स्वतन्त्र, निष्पक्ष र शान्तिपूर्ण वातावरणमा स्थानीय निर्वाचन हुनुपर्ने बताउनुभएको छ। मंगलबार काठमाडौंमा आयोजित चुनावी सभामा बोल्नुहुँदै ओलीले यस्तो बताउनुभएको हो।
-original-thumb.jpg)
भोट हाल्न उपत्यका छाड्दै नागरिक
कार्यालयका अनुसार सोमबारको तथ्याङ्क हेर्दा उपत्यकाबाट ७ हजार ९११ सवारीमार्फत ५५ हजार ७४६ यात्रु बाहिरिएका छन् । उपत्यका भित्रिने सङ्ख्या भने ४२ हजार ५४४ छन् । अघिपछि दैनिक भित्रिने र बाहिरिने मानिसको सङ्ख्या बराबरजस्तै हुने गरेकामा अहिले भने १० देखि १५ हजार बढी बाहिरिएका छन् ।
मतदान केन्द्रतर्फ जाँदै सुरक्षाकर्मी
वैशाख ३० गते शुक्रबार हुने स्थानीय तह निर्वाचनका लागि बेनीबाट मतदान केन्द्रको सुरक्षाका लागि सुरक्षाकर्मीहरु त्यसतर्फ लागेका छन् । मङ्गलबार नेपाल प्रहरी, सशस्त्र प्रहरी र म्यादी प्रहरीसहितको टोली निर्वाचन सुरक्षाका लागि मतदान केन्द्रतर्फ लागेका हुन् ।
पश्चिम सेती भारतको सहयोगमा बन्छ : प्रधानमन्त्री देउवा
प्रधानमन्त्री तथा नेपाली काँग्रेसका सभापति शेरबहादुर देउवाले पश्चिम सेती परियोजनाको काम अगाडि बढाइने बताउनुभयो।
निर्वाचन सामग्री बुझेर मतदानस्थलतर्फ कर्मचारी
एकै चरणमा वैशाख ३० गते शुक्रबार हुन लागेको स्थानीय तह निर्वाचनका लागि निर्वाचनमा खटिएका कर्मचारीहरुले निर्वाचन सामग्री बुझेर मतदानस्थलतर्फ लैजान थालेका छन् । मङ्गलबार ६४ प्रकारका निर्वाचन सामग्री बुझेर कर्मचारी मतदानस्थलतर्फ लागेका हुन् ।
परिवर्तनकारीको पक्षमा लाग्न प्रचण्डको आग्रह
सञ्जयकुमार मिश्र गौर, वैशाख २७ गते। नेकपा (माओवादी केन्द्र)का अध्यक्ष पुष्पकमल दहाल ‘प्रचण्ड’ले स्थानीय तहको चुनावमा प्रतिगमनकारीलाई परास्त गरेर परिवर्तनकारीको पक्षमा लाग्न आग्रह गर्नुभएको छ। रौतहटको दुर्गा भगवती गाउँपालिकाको गंगा पिपरामा आयोजित चुनावी सभालाई मंगलबार सम्बोधन गर्दै नेकपा माओवादी केन्द्रका अध्यक्ष प्रचण्डले यस्तो आग्रह गर्नुभएको हो।प्रचण्डले संघीय लोकतान्त्रिक गणतन्त्रविरुद्ध विभिन्न षड्यन्त्र रच्दै अहिलेको संविधान र व्यवस्थालाई पल्टाउन खोजिरहेको आरोप लगाउँदै स्थानीय तहको निर्वाचनमा त्यस्ता संघीयता विरोधी तत्त्वलाई तह लगाएर संघीय लोकतान्त्रिक गणतन्त्रलाई मजबुती प्रदान गर्न माओवादी केन्द्रको पक्षमा लाग्न जोड दिनुभयो।तराई मधेसमा नागरिकता समस्या अहिलेको गठबन्धकै सरकारले हल गरेर अघि बढ्ने कुरामा उहाँले विश्वास व्यक्त गर्नुभयो। अध्यक्ष प्रचण्डले संसद सुचारु भएपछि नागरिकता सम्बन्धी समस्या समाधान गर्ने पक्षमा माओवादी केन्द्र सक्रिय रहेको उल्लेख गर्नुभयो। प्रचण्डले गाउँगाउँमा स्थापित भएको सिंहदरबारलाई सुदृढ व्यवस्थित पार्नका प्रतिगमनलाई परास्त गरी संघीयताको पक्षमा माओवादी केन्द्रका उम्मेदवारलार्ई विजयी बनाउन आह्वान गर्नुभयो ।कार्यक्रममा दुर्गा भगवती गाउँपालिकाको अध्यक्ष उम्मेदवार शम्भु सिंह, संविधानसभा सदस्य अशोक जयसवाल, पूर्वराज्यमन्त्री सत्यनारायण भगत, वडाध्यक्षको उम्मेदवार धर्मेन्द्रकुमार झा सहितका नेता एवं कार्यकर्ताको उपस्थिति थियो।
विवेक पुर्याएर मतदान गर्न अध्यक्ष ओलीको आग्रह
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले कसैको लै लै मा नलागी स्थानीय तहको निर्वाचनमा मतदान गर्न आग्रह गर्नुभएको छ । उहाँले विकास र समृद्धिको योजनाबद्ध खाका आफ्नो पार्टी र उम्मेदवारसँग रहेको जनाउँदै विवेक पुर्याएर मतदान गर्नु उहाँले आग्रह गर्नुभयो ।
अबको सरकार पनि गठबन्धनकै : कांग्रेस नेता प्रधान
पूर्वमन्त्री एवम् नेपाली कांग्रेसका नेता भीमसेन दास प्रधानले अब बन्ने सरकार पनि गठबन्धनकै हुने बताउनुभएको छ ।
जुम्लामा निर्वाचन अधिकृतको सबै कार्यालयमा सीसी क्यामरा
जिल्लाका सबै स्थानीय तहमा सीसी क्यामरा जडान गर्न सुरु गरिएको छ । निर्वाचन अधिकृतको कार्यालयमा सुरक्षाका लागि सीसी क्यामरा जडान गर्न सुरु गरिएको हो ।
मतदान स्थलमा खटाइएका कर्मचारी गन्तव्यतर्फ प्रस्थान
वैशाख ३० गते हुने स्थानीय तह सदस्य निर्वाचन २०७९ का लागि हिमालपारीको जिल्ला मुस्ताङको मतदान केन्द्रमा खटिने कर्मचारीहरु मतदान स्थलतर्फ प्रस्थान गर्नुभएको छ । मुख्य निर्वाचन अधिकृतको कार्यालयबाट नियुक्ती बुझेपछि कर्मचारीहरु मतदान स्थलतर्फ लाग्नुभएको हो ।
