मन जितेर काम गर्ने प्रतिबद्धता
भक्तपुरको चाँगुनारायण नगरपालिकामा स्थानीय तह निर्वाचनमा त्रिपक्षीय प्रतिस्पर्धा हुँदैछ । नेकपा (एमाले), नेपाली काँग्रेस र राष्ट्रिय प्रजातन्त्र पार्टीबीच नगरप्रमुख र उप्रमुख पदमा प्रतिस्पर्धा हुन लागेको हो । नगरप्रमुखका लागि एमालेबाट बिना बास्तोला, नेपाली काँग्रेसबाट जीवन खत्री र राप्रपाबाट रवीन्द्रप्रताप शाहबीच मुख्य प्रतिस्पर्धा हुने देखिएको छ । प्रमुखको पदमा उम्मेदवारी दिनेहरूमा नेपाल मजदुर किसान पार्टीका केशवप्रसाद तिमल्सिना, नेकपा (माओवादी केन्द्र)का नरेश खड्का, नेपाल सुशासन पार्टीका विष्णुराज गिरी तथा स्वतन्त्र गरी २० जना हुनुहुन्छ । चाँगुनारायणमा ३४ हजार ५८८ मतदाता रहेको जिल्ला निर्वाचन कार्यालय भक्तपुरले जनाएको छ ।
लम्जुङमा दुई हजार बढी सुरक्षाकर्मी खटिए
बैशाख ३० गते हुने स्थानीय तह निर्वाचनका लागि लमजुङमा दुई हजार बढी सुरक्षाकर्मी खटिएका छन् ।
रोजाइमा काम गर्न सक्ने उम्मेदवार
स्थानीय निर्वाचनमा पहिलो पटक मतदान गर्न लागेका युवा मतदाता निकै उत्साहित भएका छन् । आफ्नो मताधिकार प्रयोग गरेर जनप्रतिनिधि छान्न पाउने कुराले उनीहरूमा उत्साह थपिएको छ । लोकतान्त्रिक प्रक्रियामा सहभागी हुन पाउने र आफ्नो एक मतको विशेष महìव हुने विषयले नयाँ मतदातालाई जिम्मेवार बनेको पनि अनुभव भइरहेको छ ।
बागी उम्मेदवारको प्रभाव नगन्य छ
भरतपुर महानगरपालिकाको प्रमुखको भूमिका निर्वाह गरिसक्नुभएकी रेनु दाहाल दोस्रो पटक पुनः सोही पालिका प्रमुखको उम्मेदवार बन्नुभएको छ । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहालकी छोरी रेनु दाहाललाई सत्ता गठबन्धनका पाँच दलकोे समर्थन छ । उहाँ आफू महानगरको प्रमुख पदमा पुनः निर्वाचित हुनेमा विश्वस्त हुनुहुन्छ । प्रस्तुत छ उहाँसँग गोरखापत्रका समाचारदाता वसन्त पराजुलीले गर्नुभएको कुराकानी : भरतपुर महानगरमा दोस्रो कार्यकालका लागि तपाईंको उम्मेदवारी किन ?पाँच वर्षअघि म जुन प्रतिबद्धतासाथ मतदातासँग पुगेकी थिएँ त्यसकै आधारमा निर्वाचित पनि भएँ । यसबीचमा मैले सुन्दर र समृद्ध भरतपुर महानगर बनाउन थुप्रै काम गरेकी छु । देशकै हेर्न लायक सुन्दर सहर बनाउने मार्गचित्र तयार गरी काम अगाडि बढाएकी छु । धेरै काम सम्पन्न भएका छन् भने केही काम सुरु गरिएको छ । अरू थुप्रै कामअघि बढाउनु छ । आफूले सुरु गरेका काम आफ्नै नेतृत्वबाट मात्रै कुशल ढङ्गले सम्पन्न गर्न सकिन्छ भन्ने विश्वाससाथ मैले पुनः दोस्रो कार्यकालका लागि उम्मेदवारी दिएर निर्वाचनको मैदानमा उत्रिएकी छु ।तपाईं अहिले घरदैलो कार्यक्रम गर्दै हुनुहुन्छ । कस्तो प्रतिक्रिया पाउनुभएको छ ? मतदाताको घरदैलोमा पुग्दा अत्यन्तै ठूलो उत्साह, सद्भाव र हौसला प्राप्त गरेकी छु । यसबाट यो पाँच वर्षमा समग्र भरतपुरको बृहत्तर विकासमा मैले निर्वाह गरेको भूमिकालाई जनसमुदायले अनुमोदन गर्नुभएको अनुभूति भइरहेको छ । घरदैलोका क्रममा म जहाँजहाँ पुगेकी ती त्यहाँ सबै ठाउँमा विकासप्रेमी मेयर भनेर हौसला प्रदान गर्नुभएको छ । यसलाई साथ सहयोग गरी मतदान गर्ने प्रतिबद्धता व्यक्त गर्नुभएको छ । यो सद्भावलाई मैले विगत पाँच वर्षमा प्रमुखको भूमिकामा रहेर जनचाहनाबमोजिम महानगरको समग्र विकासमा मैले निर्वाह गरेको भूमिकाको उपज हो भन्ने महसुस गरेकी छु । तपाईं यति धेरै उत्साहित हुनुहुन्छ तर काँग्रेस नेता जगन्नाथ पौडेलको स्वतन्त्रमा उमेदवारीले तपाईंलाई असर गर्छ भन्छन् नि ? मलाई त्यस्तो लाग्दैन । उहाँलाई काँग्रेसले कारबाही पनि गरिसकेको बुझेकी छु । हामीले विगतका सबै निर्वाचनलाई हेर्दा बागी विद्रोही वा स्वतन्त्रले पार्ने प्रभाव नगन्य देखिन्छ । यो लोकतान्त्रिक गठबन्धन देशका लागि अहिलेको आवश्यकता हो । यस अर्थमा कुनै पनि काँग्रेसजनले पार्टीको निर्णयविपरीत गएर विद्रोही उम्मेदवारलाई भोट हाल्नुहोला भन्ने म कल्पना गर्न सक्दिन । हालै चुनावी सभामा तपाईंका पार्टी अध्यक्ष पुष्पकमल दाहाल प्रचण्डले देश दुर्घटनामा पर्ने भनी दिनुभएको मन्तव्यलाई लिएर काँग्रेसजनले चित्त दुःखाएका छन् । यसलाई कसरी लिनुभएको छ ?कुरो त्यस्तो हैन । उहाँले गठबन्धनको आवश्यकता विस्तृत शान्ति सम्झौतादेखि यहाँसम्म आइपुग्दा नेपाली काँग्रेससँग भएको सहमति र सहकार्यका आधारलाई व्याख्या गर्दै र विगतका निर्वाचनमा पनि एकले अर्कालाई मतदान गरिसकेको अभ्यासलाई काँग्रेसले कसरी भुल्न सक्छ ? भन्ने प्रसङ्गमा त्यसो भन्नुभएको हो । उहाँले हामी गठबन्धनले दायाँबायाँ ग¥यौँ भने व्यवस्था विरोधी, संविधान विरोधी, तानाशाही प्रवृत्तिले मलजल पाउँछ भन्नुभएको हो । त्यस्ता प्रवृत्तिलाई परास्त गर्न काँग्रेसले माओवादी केन्द्र र गठबन्धनका अन्य दललाई मतदान गर्ने तथा माओवादी केन्द्रले काँग्रेस र गठबन्धनका अन्य दलका उम्मेदवारलाई मतदान नगर्न कसरी सकिन्छ ? भन्ने प्रसङ्गमा उहाँको कुरा आएको हो । यसलाई केहीले विषय प्रसङ्ग तोडमोड गरी भ्रम सिर्जना गरेका मात्रै हुन् । यसलाई कसैले पनि अन्यथा लिनु जरुरी छैन । अघिल्लो पटक प्रमुखमा निर्वाचित हुँदै गर्दा तपाईंले महानगरको विकासका लागि धेरै प्रतिबद्धता व्यक्त गर्नुभएको थियो । कतिपय पूरा गरिएनन् भन्ने आरोप छ नि ?यस्तो मैले त सुनेको छैन तर कसैले भन्छ भने त्यो पूर्वाग्रह हो । मैले विगतको निर्वाचनका क्रममा जेजति प्रतिबद्धता व्यक्त गरेकी थिएँ त्योभन्दा धेरै गुणा बढी विकास निर्माणको काम भएका छन् । अन्तर्राष्ट्रियस्तरको सभाहल निर्माणाधीन छ । पुलचोक गोन्द्राङ छ लेन सडक दु्रत गतिमा निर्माण भइरहेको छ । महानगरीय रिङरोड र लिङ्क रोडको डीपीआर तयार भई ४१ किलोमिटर निर्माण सम्पन्न भएको छ, अरू निर्माण हुँदैछ । आँपटारी केन्द्रीय बसपार्क बाइपास सडक चार लेनमा निर्माण अन्तिम चरणमा छ । हुलाकी सडक निर्माणाधीन छ । रामपुर मेघौली साहायक राजमार्ग बनिरहेको छ । ७८ किलोमिटर सडकमा उज्यालो भरतपुर कार्यक्रम स्मार्ट स्ट्रिट लाइट जडान भएका छन् । सहरका मुख्य सडकमा हाई माक्सलाइट जडान गरिएको छ । मुख्य राजमार्गहरूमा बिजुलीका तारहरूलाई भूमिगत बनाउने काम भइरहेको छ । यो बीचमा ६२२ किलोमिटर भित्री सडक कालोपत्रे भएको छ । नालाहरू बनेका छन् । जन सहभागितामा निर्माण गर्न लागिएको गौतमबुद्ध अन्तर्राष्ट्रिय क्रिकेट रङ्गशाला धुर्मुस सुन्तली फाउन्डेसनले महानगरलाई बुझाएसँगै सङ्घीय सरकारको आगामी वर्षको बजेटमा समेट्ने गरी अगाडि बढेको छ र छिट्टै निर्माण सुरु हुनेछ । सार्वजनिक निजी साझेदारी मोडलमा दुई अर्ब रुपियाँभन्दा बढीको लगानीमा बहुतले व्यावसायिक भवन बन्दैछ । चार अर्ब रुपियाँभन्दा बढीका साना ठूला खानेपानी आयोजना निर्माणाधीन छन् । झन्डै पाँच अर्बको लगानीमा नारायणी नदीमा तटबन्धनको योजना बोलकबोल भई ठेकेदार छनोटको प्रक्रियामा छ । यसले नदी तटीय क्षेत्रका जनताको जिउधनको सुरक्षाको ग्यारेन्टी गरेको छ । यो आयोजना सकिँदै गर्दा भरतपुरले बहुआयामिक लाभ हासिल गर्नेछ । शिक्षा, पर्यटन, कृषि, सुशासन र सामाजिक सुरक्षाका क्षेत्रमा हामीले अत्यन्तै ठूलो काम गरेका छौँ । अहिले मतदातालाई भेट्दै गर्दा तपाईं आफू जित्नेमा कत्तिको विश्वस्त हुनुहुन्छ ? सर्वप्रथम चितवन आफैँमा ७८औँ जिल्ला हो । यहाँको जनसमुदाय सचेत छ । मेरो उम्मेदवारीलले सुन्दर नगरी भरतपुरको विकास र समृद्धिमा केन्द्रीय स्रोतसाधनसँग जोडेर नमुना सहर बनाउने प्रण गरेकी छु । यो जनसमुदायले बुझेको छ । जनता नै निर्णायक शक्ति हो । मेरो जन्मभूमिमा दोस्रो पटक जनसेवा गर्ने अवसर दिनुहुन्छ भन्नेमा म विश्वस्त छु । तपाईंले जित्नुभयो भने महानगरमा गर्ने विकास योजना के–के छन् त ? अघिल्लो कार्यकालमा सञ्चालनमा रहेका योजनालाई पूर्णता दिनु मेरो पहिलो कर्तव्य रहनेछ । महानगरमा इन्टरनेट सर्भिस प्रोभाइडर स्थापना गरी सार्वजनिक ठाउँमा निःशुल्क वाइफाइ जडान गरी हरेक विद्यार्थीलाई निःशुल्क इन्टरनेट वितरण गर्नेछु । महानगरभित्र विभिन्न रुटमा विद्युतीय बस सञ्चालन गर्ने जसमा महिला, ज्येष्ठ नागरिक, अपाङ्गता भएकालाई निःशुल्क र विद्यार्थीलाई ५० प्रतिशत छुट दिइने छ । छोरी शैक्षिक बीमा कार्यक्रममार्फत हरेक छोरीलाई कक्षा १ मा भर्ना गर्दादेखि नै बीमा गरी २० वर्ष उमेरसम्म रकम बुझाइनेछ । किसान पेन्सन, घर–घरमा स्वास्थ्य, एक टोल एक उद्यम कार्यक्रम, टोल विकास संस्थाहरूको सशक्तीकरण, कृषि उपजको ब्रान्डिङ, कक्षा १२ सम्म निःशुल्क शिक्षा, नारायणी र राप्ती नदीको तटबन्धन गर्दै यहाँ उकास हुने दुई सय बिघा जग्गामा वृक्षरोपणसहित पर्यटन उद्योगको विकासमा लागिनेछ । रोजगार बैङ्कको स्थापना गरी बेरोजगारलाई रोजगारी दिइनेछ । भूमिहीनलाई पुर्जा, फोहोर व्यवस्थापनमा आधुनिक मोडलद्वारा व्यवस्थापन गर्ने, देशको खेलकुद केन्द्र चितवनलाई बनाउने, आधुनिक ढल निकास योजना अगाडि बढाइनेछ । नारायणी नदीमा सिबिज आयोजनालगायतका कार्यक्रम मेरो कार्यकालभित्रै पूरा गर्ने प्रतिबद्धता व्यक्त गर्दछु ।
रोजाइमा काम गर्न सक्ने उम्मेदवार
स्थानीय निर्वाचनमा पहिलो पटक मतदान गर्न लागेका युवा मतदाता निकै उत्साहित भएका छन् ।
परिचयपत्रको वैकल्पिक व्यवस्थाबारे अन्योल
स्थानीय तह निर्वाचन २०७९ मा मतदाता परिचयपत्र नहुने मतदाताले मतदान गर्न पाउने नपाउने विषयमा अन्योल कायम छ । निर्वाचन आयोगले मतदाता परिचयपत्र नभएका मतदाताको हकमा मतदानको पूर्वसन्ध्यामा मात्रै मतदानको वैकल्पिक व्यवस्थाबारे निर्णय गर्दै आएको छ ।
अन्य दलको झण्डा र चुनाव चिह्न प्रयोग गरे कारबाही हुने
निर्वाचन आयोगले स्थानीय तह निर्वाचन प्रचारप्रसारको क्रममा आफ्नो बाहेक अन्य दलको झण्डा र चुनाव चिह्न प्रयोग गरेको पाइए कानुन बमोजिम कारबाही गर्ने जनाएको छ । शनिबार आयोगका प्रवक्ता शालिग्राम शर्मा पौडेलले विज्ञप्ति जारी गर्दै सो कुराको जानकारी दिनुभएको हो ।
राष्ट्रिय सभामा नमुना मतदान (फोटो फिचर)
काठमाडौंको राष्ट्रिय सभा गृहमा शनिबार नमुना मतदान कार्यक्रम गरिएको छ । मुख्य निर्वाचन अधिकृतको कार्यालय बाहिर नमुना मतदान गरिएको हो ।
स्थानीय तहको चुनावबाटै एमालेलाई रोक्नुपर्छ : रामचन्द्र पौडेल
कपिल ज्ञवालीसिद्धार्थनगर, वैशाख २४ गते। नेपाली कांग्रेसका वरिष्ठ नेता रामचन्द्र पौडेलले एमालेले संसद विघटन गरेर अस्थिरता ल्याएकाले उसलाई स्थानीय तहको चुनावबाटै रोक्नुपर्ने बताउनुभएको छ।नेता पौडेलले एमाले अध्यक्ष केपी ओली राजनीतिक स्थिरता खलबल्याउने निम्ति नायक भएको आरोप लगाउनुभयो। उहाँले ओली र उनका अनुयायीलाई स्थानीय, प्रदेश र संघ गरेर तीनै तहका चुनावमा पराजित गर्नुपर्ने बताउनुभयो।‘‘एमालेलाई स्थानीय तहको चुनावमै रोकेर तालिम दिनुपर्छ’’, पौडेलले भन्नुभयो। ओलीकै कारण संसद, अदालत, संवैधानिक निकायमा अस्थिरता निम्तिएको उहाँको भनाइ छ।ओलीले तत्कालीन राजा महेन्द्र र ज्ञानेन्द्रले जस्तै राष्ट्रवादको नाममा प्रतिगमन गरेर ठगेको पौडेलको आरोप छ। ‘‘दिउँसो चुच्चे नक्सा देखाउने राति भारतीय खुफिया एजेन्सीका प्रमुख सामन्त गोयलसँग लम्पसार पर्ने’’ पौडेलले ओलीतर्फ लक्षित गर्दै भन्नुभयो। नेता पौडेलले जनताको घर घरमा पुग्ने, अस्पतालको बेड बेडमा पुग्ने सबैको अगाडि सजिलै उपलब्ध हुने गठबन्धनका उम्मेदवार खेलराज पाण्डे जस्तै मेयर चाहिएको बताउनुभयो ।कांग्रेस प्रवक्ता प्रकाशशरण महतले गफ भन्दा कामका पछि लाग्न आग्रह गर्दै गठबन्धनलाई जिताउनुपर्ने बताउनुभयो। सो अवसरमा गृहमन्त्री बालकृष्ण खाणले गठबन्धन नै अहिलेको आवश्यकता रहेको बताउनुभयो। कार्यक्रममा समाजवादी नेतृ रामकुमारी झांक्री, राजमोका कार्यकारी अध्यक्ष रश्मीराज नेपाली, माओवादीका स्थायी कमिटी सदस्य चक्रपाणि खनाल बलदेब, जसपाका नेता नवराज सुवेदी, मेयरका उम्मेदवार खेलराज पाण्डे, उपमेयरका उम्मेदवार चीनबहादुर गुरुङ, माओवादी रुपन्देही प्रमुख निर्मल जिसी, कांग्रेस नेता युवराज गिरीलगायतले धारणा राख्नुभयो।
अब नागरिकताको समस्या समाधान हुन्छः अध्यक्ष प्रचण्ड
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेकपा एमालेका कारण नागरिकताको समस्या समाधान हुन नसकेको बताउनुभएको छ।
उम्मेदवारका प्रतिबद्धता कार्यान्वयनका लागि लिखित करारनामा
निर्वाचनको बेलामा गरिएका प्रतिबद्धता पूरा गराउन मतदाताले उम्मेदवारहरुसँग लिखित करारनामा गराउन थालिएका छन् ।
मतदाता शिक्षा सिकाउँदै गठबन्धनका उम्मेदवार घरघरमा
तिलोत्तमाको प्रमुख पदका उम्मेदवार रामकृष्ण खाँणले निर्वाचनमा नयाँ मतादाता तथा ज्येष्ठ नागरिकले आफुले चाहेको निर्वाचन चिह्नमा कसरी मतदान गर्दा बदर हुँदैन भनेर सिकाउन जनताकै घरदैलोमा पुगेको बताउनुभयो ।
प्रधानमन्त्री देउवालगायत गठबन्धनका शीर्षनेता जनकपुरधाम आउँदै
नेपाली कांग्रेसका सभापति एवम् प्रधानमन्त्री शेरबहादुर देउवासहित पाँच दलीय गठबन्धनका शीर्ष नेता आज धनुषाको जनकपुरधाम आउँदै हुनुहुन्छ । पाँच दलीय गठबन्धनद्वारा आज जनकपुरधाममा आयोजना हुन लागेको चुनावीसभालाई सम्बोधन गर्न प्रधानमन्त्री देउवासहित गठबन्धनका शीर्ष नेता यहाँ आउन लाग्नुभएको छ ।
वातावरणमैत्री घोषणापत्र
जलवायु परिवर्तनले मुलुकलाई पेचिलो ढङ्गले प्रभावित पारिरहेका बेला स्थानीय तहको निर्वाचनमा प्रमुख राजनीतिक दलहरूले वातावरणमैत्री घोषणापत्र सार्वजनिक गरेका छन् । जलवायु परिवर्तन र विश्व तापमानमा आएको वृद्धिसँगै अतिवृष्टि, खण्डवृष्टि भई बाढीपहिरो र डुबानले बर्सेनि ला
हेटौँडामा गठबन्धन र एमाले मुख्य प्रतिस्पर्धी
हेटौँडा उपमहानगरपालिकाको निर्वाचन परिणाम आफ्नो पक्षमा पार्न सत्तारूढ गठबन्धन र नेपाल कम्युनिस्ट पार्टी (एमाले) योजनाबद्ध रूपमा चुनावी मैदानमा छन् । गठबन्धन र नेकपा (एमाले)ले प्रदेश राजधानीसमेत रहेको उपमहानगरपालिकाको जितलाई प्रतिष्ठा बनाइरहेका छन् । गठबन्धन र नेकपा (एमाले)का उम्मेदवार, नेता र कार्यकर्ता कोण सभा, घरदैलो र व्यक्तिगत भेटघाटमा व्यस्त छन् ।
उम्मेदवारको निर्वाचन खर्चबारे आयोगको ध्यानाकर्षण
निर्वाचन आयोगले स्थानीय तह निर्वाचनका क्रममा उम्मेदवारले खर्च गर्न पाउने रकमको सीमा निर्धारण भएकाले सोको पालना गर्न आग्रह गरेको छ।
स्थानीय तह निर्वाचनमा २४ प्रतिशत मात्र युवा उम्मेदवार
काठमाडौं, वैशाख २३ गते । स्थानीय तह सदस्य निर्वाचन २०७९ मा कुल उम्मेदवारको २४ प्रतिशत मात्र युवाहरुको उम्मेदवारी परेको छ । २१ देखि ३५ वर्ष उमेर समूहका ३५ हजार २६७ युवाले उम्मेदवारी दिएको आयोगको तथ्याङ्क छ । वैशाख ३० गते हुने निर्वाचनका लागि कुल १ लाख ४५ हजार १० जनाले उम्मेदवारी दिनुभएको छ । त्यसमध्ये २१ देखि ३५ वर्ष उमेर समूहका पुरुष १८ हजार ७८० र महिला १६ हजार ४८७ ले उम्मेदवारी दिनुभएको हो । पुरुषको एकल प्रतिशत १२.९५ छ भने महिलाको एकल ११.३६ प्रतिशत हुन्छ । त्यस्तै, ३६ देखि ५० वर्ष उमेर समूहमा उम्मेदवारको संख्या सबैभन्दा बढी छ । सो उमेर समूहको पुरुषमा ३९ हजार ६६९ र महिला २७ हजार ४९३ जना उम्मेदवार हुनुहुन्छ । दुवैलाई जोड्दा ६७ हजार १६२ हुन्छ । प्रतिशतमा यो ४६ हो । पुरुषको प्रतिशत २७ हो भने महिलाको मात्र प्रतिशत १८.९५ हो । सोहीअनुसार ५१ देखि ६५ वर्ष उमेर समूहको उम्मेदवार संख्यामा पुरुष २६ हजार ५१५ र महिला १० हजार ५३९ छ । दुवै जोड्दा यो संख्या ३७ हजार ५४ हुन्छ । प्रतिशतमा यो २५.५५ हो । पुरुषको मात्र १८ प्रतिशत हो भने महिलाको प्रतिशत ७ हो । त्यस्तै, ६५ भन्दा माथि उमेर समूहका उम्मेदवारको संख्या ५ हजार ५२७ छ । यसमा पुरुष ४ हजार ३५० र महिला उम्मेदवार संख्या १ हजार १७७ छ । यसलाई प्रतिशतमा हेर्दा ३.८१ हुन्छ । त्यस्तै, परुषको मात्र प्रतिशत २.९९ हो भने महिलाको प्रतिशत ०.८१ छ । निर्वाचन आयोगको सूचना प्रविधि शाखाले उपलब्ध गराएको तथ्याङ्क अनुसार प्रदेश १ मा कुल २१ हजार ५२२ जनाको उम्मेदवारी परेको छ । त्यस्तै, मधेस प्रदेशमा ४० हजार ९२४ जनाको उम्मेदवारी परेको छ । बागमती प्रदेशमा २२ हजार ६६५, गण्डकी प्रदेशमा १२ हजार ९, लुम्बिनी प्रदेशमा २२ हजार ४२६, कर्णाली प्रदेशमा १२ हजार ५९६ र सुदूरपश्चिम प्रदेशमा १२ हजार ८६८ जनाको उम्मेदवारी परेको छ । प्रदेश १ को नगर प्रमुखमा पुरुषबाट ३४८ र महिलाको २७ गरी ३७५ जनाको उम्मेदवारी परेको छ । गाउँपालिका अध्यक्षमा पुरुष ४२६ र महिला २६ गरी जम्मा ४५६ जनाको उम्मेदवारी परेको छ । सोहीअनुसार नगर उपप्रमुखमा पुरुष ८० र महिला २०९ गरी २८९ जनाको उम्मेदवारी परेको छ । त्यस्तै, सो प्रदेशबाट वडा अध्यक्षमा पुरुष ४ हजार ६०५ र महिला १३६ गरी ४ हजार ७४१ जनाले उम्मेदवारी दिनुभएको छ । त्यस्तै, सुदूरपश्चिम प्रदेशबाट प्रमुखमा पुरुष १८९ र महिला १३ गरी २०२ जनाको उम्मेदवारी परेको छ । त्यस्तै, अध्यक्ष पदमा पुरुष २२५ र महिला ५ गरी २३० जनाको उम्मेदवारी परेको देखिन्छ । सोहीअनुसार सो प्रदेशको उपप्रमुखमा पुरुष ३२ र महिला १२७ गरी १५९ जनाको उम्मेदवारी परेको छ । उपाध्यक्षमा पुरुष ४३ र महिला १३५ गरी १७८ जनाको उम्मेदवारी परेको छ । त्यस्तै, वडा अध्यक्षमा पुरुष २ हजार ७२२ र महिला ७६ गरी २ हजार ७९८ जनाको उम्मेदवारी परेको छ ।
विकासका योजना बटुल्दै उम्मेदवार
मीना कंडेल कावासोती, वैशाख २३। स्थानीय चुनाव आउन एक साता मात्र बाँकी छ। उम्मेदवारले घरदैलो र भेटघाटलाई तीव्र बनाएका छन्। आफ्नो पक्षमा मतदान गर्न आग्रह गर्दै मतदातासम्म पुगेका उम्मेदवारले उनीहरुसँग सुझाव मागेका हुन्। उम्मेदवारले आफ्ना प्रतिवद्धता पत्र सार्वजनिक गर्दै घरदैलो अभियानलाई तीव्र पारेका छन्। तर, बुलिङटार गाउँपालिका उम्मेदवार तथा चुनावी प्रचारप्रसार समिति भने अरु भन्दा फरक तरिकाले जनता माझ गएको छ। चुनावी घोषणा पत्र सबैले बनाएका छन्। तर, अध्यक्ष र उपाध्यक्षको घरदैलो समूहले जनताका गुनासो र समस्या टिपोट गरेर समाधानका उपायसहित विज्ञको टोली नै लिएर घरदैलो गरेको छ। जनताबाट के कसरी गाउँपालिकाको विकास गर्न सकिन्छ भन्ने सुझाव टिप्दै उनीहरु भोट माग्न व्यस्त छन्। मतदाताले प्रहरी बिट स्थापना गर्नुपर्ने, घुमारीघाटको मन्दिरको निमार्ण, नालासहितको ग्रावेल बाटो लगायत निःशुल्क शिक्षा र रोजगार मुलक सीपको आवश्यकतामा ध्यान दिन सुझाव दिएका छन्।बुलिङटार गाउँपालिकाका जनताले दिएको विकासका योजनालाई आफूले पुरा गर्नै र त्यही अनुसार आफू लागि पर्ने उम्मेदवारले प्रतिवद्धता व्यक्त गरेका छन्। अघिल्लो कार्यकालमा बुलिङटार क्षेत्रमा जनताका सामान्य समस्यादेखि पालिकाले गर्नसक्ने सम्पूर्ण काम उम्मेदवारले गरेका कारण पुनः जनताले आफूलाई विजयी गराउने बुलिङटार गाउँपालिकाका प्रमुखका उम्मेदवार शशीकिरण बस्ताकोटीले बताउनुभयो।घरदैलो अभियानसँगै योजना संकलन गर्दै पालिका प्रमुख उम्मेदवार शशीकिरण बस्ताकोटी। तस्बिरः गोप
निर्भयसाथ मतदानमा सहभागी हुन मुख्यमन्त्री शाहीको आग्रह
राजन रावतहुुम्ला, वैशाख २३ गते । आसन्न वैशाख ३० गते हुने स्थानीय तहको निर्वाचनमा निर्भयसाथ मतदानमा सहभागी हुन मुख्यमन्त्री जीवनबहादुर शाहीले मतदातालाई आग्रह गर्नुभएको छ । निर्वाचन गतिविधिको अनुुगमनका लागि जिल्लामा आई पुुग्नुुभएको कर्णालीका मुख्यमन्त्री शाही सो कुरा बताउनुुभएको हो ।गृह जिल्लामा आई पुुगेलगत्तै मुख्यमन्त्री शाहीले सञ्चारकर्मीसँग संक्षिप्त कुरा गर्नुहुँदै निर्वाचन निष्पक्ष, स्वतन्त्र र धाँधलीरहित हुनुपर्ने बताउनुभयो । भयरहित बातावरणमा मतदान गर्न सबै मतदातालाई आग्रह पनि उहाँले गर्नुभयो । मुख्यमन्त्री शाहीले मतदातालाई आगामी पाँच वर्षका लागि आफ्ना जनप्रतिनिधि योग्य र सक्षमलाई छान्न आग्रह गर्नुभयो । निर्वाचनका लागि हालसम्म भएका गतिविधिको जानकारी समेत उहाँले लिनुुहुने भएको छ । उहाँले निर्वाचनका लागि सुुरक्षाको अवस्थाबारेमा पनि जानकारी लिने बताउनुुभयो । एक अर्को प्रसंगमा मुख्यमन्त्री शाहीले आफू पनि हुम्ला जिल्लाकै मतदाता भएको कारण मतदान कार्यमा भाग लिने बताउनुुभयो । मुख्यमन्त्री शाही खार्पुनाथ गाउँपालिका–५ का स्थायी बासिन्दा हुनुुहुन्छ । वैशाख ३० गतेको निर्वाचनमा खार्पुनाथ गाउँपालिकाको भकुुण्डा मतदान केन्द्रमा उहाँले मतदान गर्नुहुनेछ् । यसअघि सिमकोट विमानस्थलमा मुख्यमन्त्री शाहीलाई प्रमुख जिल्ला अधिकारी सीता परियार, सुरक्षा निकायका प्रमुख काँग्रेस तथा माओवादी केन्द्रका नेता तथा कार्यकर्ताले स्वागत गर्नुभएको थियो । यो मुख्यमन्त्री शाहीको तेस्रो पटक जिल्लामा आगमन हो । उहाँ एक हप्ता जिल्लामा बस्नुुहुनेछ । स्थानीय तहको निर्वाचनको अनुुमगनका लागि हवाईजहाजबाट मुख्यमन्त्री शाही जिल्लामा आज आउनुभयो ।
काठमाडौं बनाउने योजना बनाउँदा ५० देखि सय वर्षलाई ध्यान दिनुहोस् : माधवकुमार नेपाल
नेकपा (एकीकृत समाजवादी) पार्टीका अध्यक्ष माधवकुमार नेपालले काठमाडौं बनाउने योजना तयार पार्दा ५० देखि सय वर्षलाई ध्यानमा राख्नुपर्ने बताउनुभएको छ।
म्याग्दीमा निर्वाचनको तयारी अन्तिम चरणमा
अमृतप्रसाद पौडेलम्याग्दी, बैशाख २३ गते । हिमाली जिल्ला म्याग्दीमा स्थानीय तह निर्वाचनको मतदानको दिन नजिकीदै जाँदा तयारी पनि अन्तिम चरणमा पुग्नलागेको छ । मतदानका लागि पूर्व तयारीस्वरुप मतदान अधिकृत र सहायक मतदान अधिकृतलाई बैशाख २४ र २५ गते तालिम पछि मतदान स्थलमा खटाइने भएको छ ।जिल्ला सदरमुकामदेखि टाढा रहेका मतदान केन्द्रका कर्मचारीलाई पहिलो दिन र नजिकका कर्मचारीहरुलाई दोस्रो दिन तालिम दिएर सम्बन्धित कार्यक्षेत्रमा खटाइने जिल्ला निर्वाचन कार्यालय म्याग्दीले जनाएको छ । ७४ स्थानका एक सय १४ मतदान केन्द्रमा एक जना मतदान अधिकृत र एक जना सहायक मतदान अधिकृत, एक सय १४ मतदान केन्द्रमा दुई सय १९ जना सहायक कर्मचारी एवम् प्रत्येक केन्द्रमा एक÷एक जना कार्यालय सहयोगी खटाइएको जिल्ला न्यायाधीश एवम् मुख्य निर्वाचन अधिकृत तेजनारायण पौडेलले बताउनुभयो । मुख्य निर्वाचन अधिकृतको कार्यालयले पाँच सय ६१ जना खटाएको र प्रत्येक केन्द्रमा तीन जनाका दरले स्वयंसेवक मतदान अधिकृतले तोक्ने मुख्य निर्वाचन अधिकृत पौडेलले बताउनुभयो । मुख्य निर्वाचन अधिकृत पौडेलका अनुसार जिल्लामा ९६ हजार थान मतपत्र एवम् निर्वाचनका लागि आवश्यक सम्पूर्ण सामग्रीहरु आइपुगेको छ । मतदान अधिकृतलाई नियुृक्ती दिएपछि मतदानस्थलका लागि आवश्यक सम्पूर्ण सामग्री बुझाएर मतदान केन्द्रतर्फ पठाइने पौडेलले बताउनुभयो ।म्याग्दीका मतदानस्थलको स्थलगत निरीक्षण पछि भौगोलिक विकटता र मतदाता संख्याको आधारमा १५ स्थानका ३० मतदान केन्द्र अति संवेदनशील, ४९ स्थानका ७२ मतदान केन्द्र सम्मेदनशील र १० स्थानका १२ मतदान केन्द्र सामान्य गरी वर्गीकरण गरिएको प्रमुख जिल्ला अधिकारी चिरञ्जीवि रानाले बताउनुभयो । कुल ७४ स्थानका ११४ मतदान केन्द्रमा ४१ हजार ४ सय १४ पुरुष, ४३ हजार ९ सय ६० महिला र १ अन्य गरी कुल ८५ हजार ३ सय ७५ जना मतदाता रहेको प्रजिअ रानाको भनाइ छ । प्रजिअ रानाका अनुसार जिल्ला सुरक्षा समितिले गरेको स्थलगत अनुगमनपछि गरिएको वर्गीकरणको आधारमा सुरक्षाकर्मी खटाइनेछ । प्रत्येक बुथमा नेपाल प्रहरी, म्यादी प्रहरी रहनेछन् भने त्यस बाहिरको घेरामा सशस्त्र प्रहरी र तेस्रो घेरामा नेपाली सेनाले सुरक्षा दिनेछ । जिल्ला सुरक्षा समितिको बैठकले सुरक्षा संवेदनशीलताका आधारमा सुरक्षाकर्मी परिचालन गर्ने प्रजिअ रानाले बताउनुभयो । हिमाली जिल्ला म्याग्दीमा रहेको छ वटा स्थानीय तहका ४५ वडामध्ये धौलागिरि गाउँपालिका–१, गुर्जामा निर्विरोध भएसँगै अन्य ४५ वडा एवम् स्थानीय तहका प्रमुख उपप्रमुखका लागि वैशाख ३० गते मतदान हुँदैछ । ४४ वडामा एक अध्यक्ष र ४ जना सदस्यसहित ५ जनाका दरले दुई सय २० र छ वटा स्थानीय तहको प्रमुख उपप्रमुख गरी १२ जना गरी कुल दुईसय ३२ पदका लागि ७ सय १८ जना चुनावी प्रतिस्पर्धामा छन् ।जिल्लाका छ वटा स्थानीय तहको प्रमुखमा २९ जना उपप्रमुखमा २३ जना उम्मेदवार छन् । त्यस्तै अब निर्वाचन हुन बाँकी ४४ वडा अध्यक्षका लागि १ सय ४८ जना, ८८ जना खुल्ला सदस्यका लागि २ सय ७३, ४४ महिला सदस्यका लागि एक सय २४ र ४४ दलित महिला सदस्यका लागि एक सय १६ जना चुनावी मैदानमा छन् ।केन्द्रीय तहमा गठबन्धन भएको भएपनि म्याग्दीको धौलागिरी गाउँपालिका, अन्नपूर्ण गाउँपालिका र बेनी नगरपालिकामा मात्रै सामान्य गठबन्धन भए पनि मालिका गाउँपालिका, मंगला गाउँपालिका र रघुगंगा गाउँपालिकामा भने एकल प्रतिस्पर्धा हुँदैछ । म्याग्दीमा ४३ हजार नौ सय ६० महिला, ४१ हजार चारसय १४ पुरुष र १ जना अन्य गरी कुल ८५ हजार तीनसय ७५ जना मतदाता छन् ।
निर्वाचनमा विना अनुमतिपत्र यातायात चलाउन प्रतिबन्ध
निर्वाचन आयोगले ‘स्थानीय तह सदस्य निर्वाचन, २०७९ को मतदान दिनको सवारी आवागमन व्यवस्थापन सम्बन्धी मापदण्ड, २०७९’ स्वीकृत गरेको छ।
कागेश्वरी मनोहरामा काँग्रेस र माओवादीको गठबन्धन, अन्य दलले चुनाैती दिने
कागेश्वरी मनोहरामा काँग्रेस र माओवादीको गठबन्धनसँगै नेकपा एकीकृत समाजवादी, राष्ट्रिय जनमोर्चा र नेकपा एमालेबीच प्रतिस्पर्धा हुँदैछ । कागेश्वरी मनोहरा नगरपालिका प्रमुखमा सत्ता गठबन्धनका तर्फबाट नेपाली कांग्रेसका उपेन्द्र कार्की र उपप्रमुखमा नेकपा (माओवादी केन्द्र)का भोला चापागाईं हुनुहुन्छ ।
भक्तपुरमा निर्वाचन प्रचार सामग्री हटाइँदै
मध्यपुरथिमि नगरपालिका क्षेत्रमा निर्वाचन आचारसंहिताविपरीतका प्रचार सामग्री हटाउने काम सुरु गरिएको छ ।
निर्वाचन आचारसंहिता कार्यान्वयनमा नरैनापुर गाउँपालिका उदाहरणीय
सिराज खाननेपालगञ्ज, वैशाख २३ गते । निर्वाचन आचारसंहिता कार्यान्वयनमा बाँकेको नरैनापुर गाउँपालिका जिल्ला भरिकै पालिकाहरुका लागि उदाहरणीय बनेको छ ।दलहरुसँग गरिएको सामान्य आग्रहकै भरमा सो गाउँपालिकामा पूर्ण रुपमा निर्वाचन आचारसंहिता कार्यान्वयन भइरहेको नरैनापुरका निर्वाचन अधिकृत रेशम आचार्यले बताउनुभयो ।पालिकामा आचारसंहिता पूर्ण रुपमा पालना गराउन दल र उम्मेदवारहरु नै निकै गम्भीर भएर लागिपरेको उहाँले जनाउनुभयो । बाँकेका अन्य पालिकाबाट आचार संहिता उल्लङ्घन भएको सुनिए पनि नरैनापुरमा पूर्ण पालना भैरहेकोमा खुशी लागेको समेत आचार्यको भनाइ छ ।‘हामीले दल तथा उम्मेदवारले गरिरहेका निर्वाचन लक्षित गतिविधिमा देखिएका सामान्य त्रुटिलाई मौखिकरुपमै औंल्याइदिन्छौं । उहाँहरु निर्वाचन आचारसंहिता कार्यान्वयनमा सचेत हुनुहुन्छ । सबैको सहयोगले निकै सजिलो भएको छ,’ निर्वाचन अधिकृत आचार्यले भन्नुभयो ।जिल्लाकै सबैभन्दा दुर्गम र पिछडिएको मानिने सो गाउँपालिकामा सुरुमा खटिँदा काम गर्न गाह्रो हुन्छ कि भन्ने लागेकोमा अहिले त निकै सजिलो र सहज भएको उहाँले बताउनुभयो ।नरैनापुरमा दलहरुले आचारसंहिताको पालना गर्न सक्रिय सहयोग गरिरहेका छन् भने प्रहरीले पनि निकै सक्रियता देखाएको छ । अध्यक्ष पदका उम्मेदवार इश्तियाक अहमद शाहले आचारसंहिता पालना गर्न सबै कार्यकर्ता र समर्थकलाई गम्भीर रुपमा निर्देशन दिइएको बताउनुभयो ।उहाँले अन्य दलका उम्मेदवारहरुले पनि सो कार्यमा राम्रो सहयोग गरिरहेको पाइएको बताउनुभयो ।यस्तै, अध्यक्ष पदका अर्का उम्मेदवार रामचन्द्र मौर्यले पनि आचारसंहिता पालना र शान्तिपूर्ण प्रतिस्पर्धा गर्न सबै नेता कार्यकर्तालाई कडा निर्देशन दिइएकाले राम्रो परिणाम आएको बताउनुभयो ।उता, इलाका प्रहरी कार्यालय भगवानपुरका प्रमुख प्रहरी निरीक्षक बीरबहादुर सुनारले आचारसंहिता कायान्वयनमा कडाई गरिएको जनाउँदे आफ्नो क्षेत्रमा आचारसंहिता विपरीतका कुनै पनि गतिविधि हुन नदिएको बताउनुभयो ।वैशाख ३० गते हुने निर्वाचनलाई शान्तिपूर्ण सम्पन्न गर्न सबै दल र उम्मेदवारहरु प्रतिबद्ध रहेको उहाँले बताउनुभयो ।
