• गोरखापत्र अनलाइन
• २६ कात्तिक २०७९, शनिबार

सुख, शान्ति र आनन्दको बाटो

सुखको प्राप्ति हुन्छ, आनन्दको रसास्वादन गर्न पाइन्छ भनेर मानिस चाहिँदो नचाहिँदो अनेकथरी लत, कुलत र दुव्र्यसनमा फस्न पुग्छन्। यस्ता अनेकौँ उदाहरण खोज्न कहीँ टाढा जानु पर्दैन। आफ्नै घर, टोल/छिमेक, नातागोता र समाजमा बग्रेल्ती भेटिन्छन्। मानिसले विवाह गर्छ सुख, शान्ति र आनन्द प्राप्तिका लागि, छोराछोरीको चाहना पनि हुन्छ। कता गएर ? के कस्तो काम गरेर धन÷सम्पत्ति आर्जन गर्न सकिन्छ र सुख, शान्ति र आनन्द प्राप्ति हुन्छ भनी देश/विदेशमा अनेक किसिमका दुःख, कष्ट र हण्डर खान तयार हुन्छ तिनै तीनवटाको तृष्णाले।