झिलिमिली मायादेवी मन्दिर
बुद्ध पूर्णिमाको पूर्व सन्ध्यामा सिंगारिएको मायादेवी मन्दिर ।
जमेको बरफ पग्लिएन तिलिचो
मनाङ, वैशाख २८ गते । मनाङको ङिस्याङ गाउँपालिकामा अवस्थित तिलिचो ताल । वैशाख महिना सकिन लाग्दा पनि तालमा जमेको बरफ पग्लिएको छैन । समुद्री सतहदेखि चार हजार ९१९ मिटर उचाइमा अवस्थित यो तालले चार दशमलव आठ किलो मिटर क्षेत्रफल ओगटेको छ । तस्बिरः रासस
अछामको बाटुल्ला ताल
अछाम, वैशाख २७ गते । अछामको रामारोशन गाउँपालिका ५ स्थित पर्यटकीयस्थल रामारोशन क्षेत्रमा रहेको मनमोहक बाटुल्ला ताल । तस्बिरः रासस
बेलहिया नाकामा नवनिर्मित नेपालद्वार
नेपाल–भारत सीमा नाका बेलहियामा नवनिर्मित नेपालद्वार ।
रातो मच्छिन्द्रनाथको रथ
काठमाडौँ उपत्यकाको सबैभन्दा लामो जात्राको रूपमा रहेको प्रख्यात रातो मच्छिन्द्रनाथको रथ बिहीबार लगनखेलमा तीन पटक परिक्रमा गराइएको छ ।
ढकमक्क फुलेको गुलमोहर
सुर्खेत, वैशाख २६ गते । सुर्खेतको वीरेन्द्रनगर मध्यपश्चिम विश्वविद्यालयको केन्द्रीय कार्यालयस्थित सडक किनारमा ढकमक्क फुलेको गुलमोहर । तस्बिरः रासस
मर्स्याङ्दी र त्रिशुली नदीको दोभान
तनहुँको आँबुखैरेनी गाउँपालिका–४, गोरखाको शहिदलखन गाउँपालिका–३, र चितवनको इच्छाकामना गाउँपालिका–५, को सङ्गम स्थलमा रहेको मर्स्याङ्दी र त्रिशुली नदीको दोभान ।
सुन्दर सिस्नेरागाउँ
बागलुङको जैमिनी नगरपालिका–४ स्थित सर्कुवाको सुन्दर सिस्नेरागाउँ ।
कालीगण्डकी नदीमा झोलुङ्गेपुल
मुस्ताङ, वैशाख २५ गते । मुस्ताङको घरपझोङ गाउँपालिका ३ स्याङ पुलचोक र वडा नं ५ ठिनी, ढुम्बागाउँ जोड्न कालीगण्डकी नदीमा निर्माण गरीएको झोलुङ्गे पुल मोटरसाइकल मार्फत पार गर्दै विदेशी पर्यटक । पर्यटकीयस्थल ढुम्बा ताल पुगेर फर्किने पर्यटक र स्थानीयहरु दैनिक यही पुलबाट आउजाउ गर्ने गर्छन् । तस्बिरः रासस
गोरखापत्र प्रकाशन १२५ औँ वर्षमा प्रवेश
काठमाडौँ, वैशाख २४ गते । गोरखापत्रको प्रकाशन वैशाख २४ गते बुधबार १२५ औँ वर्षमा प्रवेश गरेको छ । मुलुककै जेठो समाचारमूलक पत्रिका गोरखापत्रको प्रकाशन आरम्भ भएको विसं १९५८ वैशाख २४ गतेको स्मरणमा हरेक वर्षको वैशाख २४ गते राष्ट्रिय पत्रकारिता दिवस मनाइन्छ । विसं २०७३ देखि राष्ट्रिय पत्रकारिता दिवस मनाउन सुरु गरिएको हो ।एक शताब्दीभन्दा लामो इतिहास बोकेको गोरखापत्र मुलुकको गौरवशाली प्रकाशन हो । गोरखापत्र प्रकाशनको प्रारम्भदेखि १९९१ साल वैशाख ८ गतेसम्म हप्ताको एक दिन सोमबार र त्यसपछि २००१ साल असोजसम्म बुधबार प्रकाशन हुन थाल्यो । पछि साताको दुई र तीन पटक हुँदै २०१७ साल फागुन ७ बाट दैनिक भएको हो ।
कञ्चनजङ्घा हिमाल
ताप्लेजुङको दक्षिण आधारशिविर सिरिजङ्घा गाउँपालिका–८ स्थित ओक्ताङबाट देखिएको कञ्चनजङ्घा हिमाल । ८ हजार ५८६ मिटर उचाइ रहेको कञ्चनजङ्घा विश्वको तेस्रो अग्लो हिमाल हो ।
आहा रारा ताल
मुगु, वैशाख २३ गते । मुगुको छायाँनाथ रारा नगरपालिकास्थित रारा राष्ट्रिय निकुन्ज भित्र रहेको रारा ताल र तालकोे किनारमा चर्दै गरेका भेडा । तस्बिरः रासस
मनमोहक गुलमोहर फूल
कोहलपुर नगरपालिका –११ दश विघास्थित सडक किनारमा ढकमक्क फुलेको गुलमोहरको फूल । मनमोहक रुपमा रातै फुलेको गुलमोहर फूलले सहरको सौन्दर्य बढाएको छ ।
बिम र डाँडागाउँ
म्याग्दीको मालिका गाउँपालिका–७ प्रभुचेलाबाट देखिएको बिम र डाँडागाउँ । मालिका धुरी र प्रभुचेलाको फेदीमा रहेको मगर समुदायको बाहूल्य बसोवास रहेको बिम गाउँ पर्यटकीय हिसाबले सम्भावनायुक्त छ ।
ढकमक्क फूलेको गुलमोहर
दाङको घोराही उपमहानगरपालिका–१५, जिल्ला समन्वय समिति परिसरमा गुलमोहरको फूल ढकमक्क फूलेको छ ।
जाकाराण्डा फुलेपछि सुन्दर बनेका सडक (फोटो फिचर)
हरेक वर्ष वसन्त ऋतुमा काठमाडौँको रत्नपार्क, टुँडिखेल क्षेत्रहुँदै ललितपुरको सातदोबाटोदेखि एकान्तकुनासम्मको सडक छेउमा जाकाराण्डा यसरी नै ढपक्कै फुलेको देखिन्छ ।
मनाङ गाउँको पृष्ठभूमिमा गङ्गापूर्ण हिमाल, ग्लेसियर र ताल
मनाङ ङिस्याङ गाउँपालिका–६ मा अवस्थित मनाङ गाउँको पृष्ठभूमिमा गङ्गापूर्ण हिमाल, ग्लेसियर र गङ्गापूर्ण ताल । गाउँको नामबाट नै जिल्लाको नामकरण गरिएको हो ।
हिमाली क्षेत्रमा सामान ढुवानी गर्दै फम्जो (फोटो फिचर)
हिमाली क्षेत्रका बासिन्दा सामान ढुवानीका लागि अझै पनि फम्जो (भारी बोक्ने चौँरी) को प्रयोग गर्ने गर्दछन्। विषेश गरी ताप्लेजुङ जिल्लाको सिरिजङ्घा गाउँपालिका, फक्ताङ्लुङ गाउँपालिका र मिक्वाखोला गाउँपालिकाको हिमाली क्षेत्रमा सामान ढुवानीका लागि फम्जो प्रयोग गरिने गरिन्छ।
मुग्लिन–पोखरा सडक
पृथ्वीराजमार्गको पोखरा–मुग्लिन सडक विस्तार आयोजनाअन्तर्गत तनहुँको पूर्वी खण्ड छिर्कन, बेलभन्ज्याङ, नाहाला क्षेत्रमा ४ लेन सडक विस्तारसँगै चिटिक्क देखिएको सडक ।
मुस्ताङको मार्फा गाउँ
मुस्ताङ, वैशाख १९ गते । मुस्ताङको घरपझोङ गाउँपालिका २ मा अवस्थित मार्फा गाउँ । धार्मिक र साँस्कृतिक हिसाबले महत्त्वपूर्ण मानिएको मार्फा गाउँका प्रत्येक घरका छानाहरुमा दाउराले भरिएको हुन्छ । छानामाथी यसरी दाउरा राख्दा घर बलियो हुनुका साथै पानी चुहिने सम्भावना कम हुने जनविश्वास रहेको छ।तस्बिरः रासस
सुरु भयो रातो मच्छिन्द्रनाथको जात्रा (फोटो फिचर)
बिहीबारदेखि रातो मच्छिन्द्रनाथको रथ यात्रा सुरु भएको छ। मच्छिन्द्रनाथको मूर्तिलाई ललितपुरको तःबहालबाट खटमा राखेर पुल्चोकमा बनाइएको रथमा पुर्याएर बिराजमान गराएपछि विधिवत रुपमा मच्छिन्द्रनाथको जात्रा सुरु भएको मानिन्छ।
मादी नदी र आसपासको दृश्य
तनहुँको व्यास नगरपालिका क्षेत्रको मादी नदी, दमौली बजार र वरपर ड्रोनबाट देखिएको दृश्य ।
मुस्ताङको पाक्लिङ गाउँ र उवा खेती
मुस्ताङ, वैशाख १८ गते । मुस्ताङको वारागुङ मुक्तिक्षेत्र ४ मा पर्ने पाक्लिङ गाउँ र मुस्ताङ(डोल्पा जोड्ने सडक । पृष्ठभूमिमा पाक्लिङ गाउँको उवा र फापर खेत । तस्बिरः रासस
नागढुङ्गा सिस्नेखोला सुरुङमार्ग
नागढुङ्गा सिस्ने खोलास्थित सुरुङमार्ग जोड्न सडक निर्माणको काम अन्तिम चरणमा पुगेको छ । २.६८ कि.मी सो सुरुङमार्ग जापान सरकारको सहुलियत ऋण सहयोगमा निर्माण गरिएको हो ।
जाँतोमा मकै पिस्दै
म्याग्दी, वैशाख १७ गते । म्याग्दीको धवलागिरी गाउँपालिका–१ गुर्जाकी वृद्धा कुटानी पिसानीको परम्परागत घरेलु उपकरण जाँतोमा मकै पिसेर पिठो बनाउँदै । भौगोलिक रुपमा विकट र दुर्गम क्षेत्रमा अवस्थित हालसम्म सडक यातायातको सुविधा नपुगेको गुर्जाका बासिन्दाले कुटानी पिसानीका लागि जाँतो, ढिकी र घट्टको प्रयोग गर्छन् । तस्बिरः रासस
