दैलेख निर्वाचन क्षेत्र न १ बाट प्रतिनिधि सभाका लागि सत्तारुढ गठबन्धन दल नेकपा एकीकृत समाजबादीका अमर बहादुर थापा १८ हजार २९७ मत सहित विजयी हुनुभएको छ । उहाँको निकटतम प्रतिद्वन्द्वी नेकपा एमालेका उम्मेदवार रबिन्द्रराज शर्मा १७ हजार ४४७ मतमै सीमित हुनुभयो । थापाले ८२५ मतको फराकिलो अन्तरले जित हासिल गर्नु भयको हो । त्यस्तै दुई मुख्य प्रतिस्पर्धीलाई पछ्याउँदै राष्ट्रिय प्रजातन्त्र पाटीकी उम्मेदवार कुन्ती कुमारी शाहीले ४ हजार ६१२ मत प्राप्त गर्नु भयो ।
शहरी विकासमन्त्री मेटमणी चौधरी विजयी हुनुभएको छ । दाङ क्षेत्र नं. १ बाट नेकपा (एकीकृत समाजवादी)का तर्फबाट उम्मेदवार बन्नुभएको चौधरी पाँच हजार ८४ को मतान्तरणसहित विजयी हुनुभएको छ । उहाँले २६ हजार ५६३ मत प्राप्त गर्नुभएको छ भने उहाँका प्रतिद्वन्दी नेकपा (एमाले)का शान्ता चौधरीले २१ हजार ४७९ मत प्राप्त गर्नुभएको छ ।
धादिङ प्रतिनिधिसभा क्षेत्र नम्बर १ मा सत्ता गठबन्धनका साझा उम्मेदवार राजेन्द्र प्रसाद पाण्डे विजयी हुनुभएको छ ।
रौतहट १ मा नेकपा एकीकृत समाजवादीका अध्यक्ष माधवकुमार नेपाल विजयी हुनुभएकाे छ । उहाँले नेकपा एमालेका अजय गुप्तालाई ७ हजार मतान्तरले पराजित गर्नुभएकाे हाे । नेपालले ३३ हजार ५२२ मत प्राप्त गर्नुभयाे । उहाँका प्रतिद्वन्द्वी एमालेका गुप्ताले २६ हजार ५२२ मत प्राप्त गर्नुभएकाे थियाे ।
बझाङमा प्रतिनिधि सदस्य नेकपा (एकिकृत समाजबादी) का भानुभक्त जोशी बिजयी हुनुभएको छ । उहाँका निकट्तम प्रतिद्वन्द्वी नेकपा (एमाले)का ऐन महरलाई पछि पार्दै ९ सय ९८ मतान्ततरले जोशी बिजयी हुनु भएको हो ।
सल्यानबाट प्रतिनिधिसभा नेकपा (एकीकृत समाजवादी) का उपमहासचिव प्रकाश ज्वाला विजयी हुनुभएको छ। ज्वाला १५ हजार ९११ मतको फराकिलो अन्तरले विजयी हुनुभएको हो। उहाँले ३५ हजार ७ सय प्राप्त गर्नुभएको छ। उहाँका निकटतम प्रतिद्वन्द्वी नेपाली कांग्रेसका महासमिति सदस्यसमेत रहेका स्वतन्त्र उम्मेदवार राजेन्द्रबहादुर शाहले १९ हजार ७८९ मत प्राप्त गर्नुभएको छ।
डोटीमा नेकपा (एकीकृत समाजवादी)का उम्मेदवार ५१ वर्षीय प्रेमबहादुर आले निर्वाचित भएका हुनु भएको छ । बिहीबार बिहान मतगणना सम्पन्न हुँदा पूर्वमन्त्री समेत रहनु भएका आले डोटीबाट लगातार तेस्रो पटक निर्वाचित हुनु भएको हो । आले २०७० र २०७४ मा नेकपा (एमाले) को उम्मेदवारको रुपमा विजयी हुनु भएको थियो ।
बारा क्षेत्र नम्बर–४ मा नेकपा (एकीकृत समाजवादी)का कृष्णकुमार श्रेष्ठ (किसान) विजयी हुनुभएको छ । श्रेष्ठका निकटतम प्रतिद्वन्द्वी नेकपा एमालेका एकवाल मियाँ पराजित हुनुभएको छ । श्रेष्ठले २० हजार २ सय ९१ मत ल्याउनुभएको छ भने मियाँले १३ हजार ८ सय ६३ मत पाउनुभएको छ ।
नेकपा एकीकृत समाजवादी पार्टीले प्रतिनिधि सभा सदस्य निर्वाचनमा ढोका खोलेको छ । अछाम क्षेत्र नम्बर १ बाट प्रतिनिधि सभा सदस्य उम्मेदवार श्रम, रोजगार तथा सामाजिक सुरक्षा मन्त्री शेरबहादुर कुँवर विजयी हुनुभएको छ। कुँवर चार हजार ४८९ मतान्तरले विजयी हुनुभएको छ ।