प्रकाशविक्रम शाह
धनगढी, मङ्सिर ८ गते । एकीकृत समाजवादीका नेता तथा प्रदेश सरकारका आर्थिक मामिला तथा योजनामन्त्री प्रकाशबहादुर रावल दोस्रो पटक प्रदेश सभामा विजयी हुनुभएको छ । उहाँ कञ्चनपुर क्षेत्र नं. ३ को (क) बाट विजयी हुनुभएको हो ।
उहाँ आठ हजार ७१८ मत पाएर विजयी हुनुभयो । उहाँका प्रतिस्पर्धी नेकपा (एमाले) को समर्थनमा चुनाव लड्नुभएका राप्रपाका धर्मराज जोशीले ६ हजार ८५८ मत पाउनुभएको छ । यस्तै, सत्तारुढ गठबन्धनका उम्मेदवार नेकपा (माओवादी केन्द्र) का नेता टेकेन्द्र भट्टले छ हजार ९५ मत पाउनुभयो । भट्ट २०६४ मा संविधान सभामा विजयी भएका नेता हुनुहुन्छ ।
निर्वाचित रावल प्रतिस्पर्धी जोशीभन्दा एक हजार ६३२ बढी मत ल्याएर विजयी हुनुभयो । उहाँले २०७४ मा वाम गठबन्धनबाट नेकपा (एमाले) को उम्मेदवार हुँदा ६२ मतले चुनाव जित्नुभएको थियो ।
-square-thumb.jpg)
-original-thumb.jpg)
