बर्दिया निर्वाचन क्षेत्र नं. २ को प्रदेशसभा (ख)मा नागरिक उन्मुक्ति
पार्टीका उम्मेदवार धर्मबहादुर चौधरी विजयी हुनुभएको छ । उहाँले २० हजार
१२७ मत प्राप्त गरी विजयी हुनुभएको हो । उहाँका निकटतम प्रतिद्वन्दी नेकपा ( माओवादी केन्द्र)का उम्मेदवार मानबहादुर थारुले १० हजार ९८४ मत ल्याउनुभएको छ ।
बर्दिया –१ प्रदेश सभा (ख) मा नागरिक उन्मुक्ति पार्टीका राजकुमार चौधरी विजयी हुनुभएको छ । चौधरीले नेकपा (एमाले) का भक्तबहादुर विश्वकर्मालाई एक हजार ४३ को मतअन्तरले पछि पार्दै विजयी हुनुभएको हो । नागरिक उन्मुक्ति पार्टीका चौधरीले १३ हजार २३० मत प्राप्त गर्दा एमालेका विश्वकर्माले १२ हजार १८३ मत पाउनुभएको मुख्य निर्वाचन अधिकृतको कार्यालयले जनाएको छ ।
कैलाली क्षेत्र नम्बर २ (ख) मा नागरिक उन्मुक्ति पार्टीका उम्मेदवार रामेश्वर चौधरी विजयी हुनुभएको छ । चौधरीले दश हजार ६६५ मत प्राप्त गरी विजयी हुनुभएको हो । उहाँका निकटतम प्रतिस्पर्धी नेकपा (एमाले) का डेजी पाँण्डेले छ हजार ९१२ मत पाउनुभयो ।
कैलाली निर्वाचन क्षेत्र नम्बर १ प्रदेश सभा (ख) बाट नागरिक उन्मुक्ति पार्टीका उम्मेदवार लक्ष्मणकिशोर चौधरी ११ हजार ३१७ मत ल्याई विजयी हुनुभएको छ । उहाँका निकटतम प्रतिद्वन्द्वी गठबन्धनका तर्फबाट नेपाली का्ंग्रेसका उम्मेदवार डा. रणबहादुर रावलले आठ हजार ५३ मत पाउनुभएको छ ।
कैलाली निर्वाचन क्षेत्र नम्बर १ प्रदेशसभा (क) बाट नागरिक उन्मुक्ति
पार्टीका उम्मेदवार कैलाश चौधरी विजयी हुनुभएको छ । चौधरीले १५ हजार १०१ मत
प्राप्त गर्नुभएको छ । उहाँका निकटतम प्रतिद्वन्दी गठबन्धनका
तर्फबाट नेकपा (माओवादी केन्द्र)का उम्मेदवार दीर्घराज विनाडीले १० हजार
३७७ मत प्राप्त गर्नुभएको छ ।
कैलाली क्षेत्र नम्बर ३ (क) र (ख) दुवै प्रदेशसभा सदस्यमा नागरिक उन्मुक्ति पार्टीका उम्मेदवार विजयी हुनुभएको छ । बुधबार दिउँसो १२ बजे घोषणा भएको अन्तिम मतपरिणाम अनुसार ३ (क) मा घनश्याम चौधर र (ख)मा खुशीराम चौधरी विजयी हुनुभएको हो ।घनश्यामले
१३ हजार ९२३ मत प्राप्तगरी विजयी हुनुभएको छ भने खुशीरामले सात हजार ५३९
प्राप्त गर्नुभएको छ । उहाँहरुको प्रतिद्वन्दी (क)का गठबन्धनका तर्फबाट
नेपाली कांग्रेसका खेमराज डगौंरा थारुले ११ हजार ५७२ मत प्राप्त गर्नुभएको छ
भने (ख) का गठबन्धनका तर्फबाट नेकपा (एकीकृत समाजवादी)का अम्मरबहादुर
साउँदले छ हजार ६१९ मत प्राप्त गर्नु भएको छ ।
