बारा प्रतिनिधिसभा निर्वाचन क्षेत्र नं. २ मा जसपाका उम्मेदवार रामसहाय प्रसाद यादव विजयी हुनुभएको छ । यादवले १३ हजार ८२२ मत प्राप्त गरी विजयी हुनुभएको छ । उहाँका निकटतम प्रतिद्वन्द्वी नेकपा (माओवादी केन्द्र)का शिवचन्द्रप्रसाद कुशवाहाले १३ हजार ४६८ मत ल्याउनुभएको छ ।
सप्तरी १ बाट प्रतिनिधिसभा सदस्यमा जनता समाजवादी पार्टी (जसपा)का उम्मेदवार नवल किशोर साह सुडी विजयी हुनुभएको छ । साहले २३ हजार ६०४ मत प्राप्त गरी प्रतिनिधिसभा सदस्यमा विजयी हुनुभएको हो । उहाँका निकटतम प्रतिद्वन्द्वी जनमत पार्टीका उम्मेदवार जय कान्त राउतले १९ हजार ९९६ मत प्राप्त गर्नुभएको छ ।
धनुषा निर्वाचन क्षेत्र नं. १ प्रतिनिधिसभा सदस्यमा जनता समाजवादी पार्टीका उम्मेदवार दीपक कार्की विजयी हुनुभएको छ । उहाँले २७ हजार ४३२ मत प्राप्त गरी विजयी हुनुभएको हो । कार्कीले नेपाल कम्युनिस्ट पार्टी (माओवादी केन्द्र) का उपमहासचिव मातृकाप्रसाद यादवलाई पाँच हजार ९४८ मतको मतान्तरले पराजित गर्दै विजयी हुनुभभएको हो ।
सुनसरी क्षेत्र नं. १ प्रतिनिधिसभा सदस्यमा जनता समाजवादी पार्टीका उम्मेदवार अशोक कुमार राई विजयी हुनुभएको छ । उहाँले १७ हजार ५९ मत प्राप्त गरेर विजयी हुनुभएको हो ।
जनता समाजवादी पार्टी (जसपा) नेपालका उम्मेदवार राजकिशोर यादव निर्वाचित हुनुभएको छ । यादवले नेपाली कांग्रेसकी नेत्री चित्रलेखा यादवलाई पराजित गर्दै सिरहा–२ बाट प्रतिनिधिसभा सदस्यमा निर्वाचित हुनुभएको हो । विजयी यादवले २४ हजार १७८ मत प्राप्त गर्नुभएको छ । उहाँकी प्रतिद्वन्द्वी नेपाली कांग्रेसकी चित्रलेखाले २३ हजार २८ मत पाउनुभएको छ । उहाँहरू बीचमा एक हजार एक सय ५० मतान्तर रहेको छ ।
सिराहा –४ बाट जनता समाजवादी पार्टी (जसपा) का उम्मेदबार विरेन्द्रप्रसाद महतो निर्वाचित हुनुभएको छ । उहाँले २४ हजार १०२ मत प्राप्त गरी विजयी हुनुभयो । उहाँलाई जनमत पार्टीका उम्मेदबार बिरेन्द्रप्रसाद साहले १६ हजार २१४ मत ल्याई दोस्रो स्थान प्राप्त गर्नुभयो ।
पर्सा जिल्लाको निर्वाचन क्षेत्र नम्बर १ बाट प्रतिनिधिसभा सदस्यमा जसपाका उम्मेदवार प्रदीप यादव विजयी हुनुभएको छ । यादवले २२ हजार ५ सय ३७ मत ल्याउनु भएको छ। उहाँका निकटतम प्रतिद्वन्द्वी स्वतन्त्र उम्मेदवार अजय द्विवेदीले २० हजार ९ सय १७ मत पाउनु भएको छ।