• १७ मंसिर २०७९, शनिबार
नेकपा (एमाले)

नेकपा (एमाले)

प्रतिनिधिसभा ४४
प्रदेशसभा ९६

पाँचथर क्षेत्र नं १ मा नेकपा (एमाले)का उम्मेदवार बसन्तकुमार नेम्वाङ ३२ हजार १३५ मत ल्याई विजयी हुनुभएको छ । निकटतम प्रतिद्वन्द्वी नेपाली कांग्रेसका उम्मेदवार भीष्मराज आङदेम्वेलाई ४६ मतान्तरले पराजित गर्नुहुँदै नेम्वाङ विजयी हुनुभएको हो । आङदेम्वेले ३२ हजार ८९ मत ल्याउनुभएको छ ।

सुनसरीको निर्वाचन क्षेत्र नं. ३ को प्रतिनिधि सभा सदस्यतर्फको अन्तिम नतिजा सार्वजनिक भएको छ । नेकपा (एमाले) तर्फको उम्मेदवार भगवती चौधरीले ४० हजार ७८८ मतसहित विजयी हुनुभएको छ । उहाँको निकटतम प्रतिस्पर्धी नेपाली काग्रेंसका उम्मेदबार विजयकुमार गच्छदारले ३५ हजार ६०० मत ल्याउनुभयो ।


धनुषा क्षेत्र नम्बर ४ बाट प्रतिनिधि सभा सदस्यमा नेकपा (एमाले) का उम्मेदवार रघुवीर महासेठ विजयी हुनुभएको छ । उहाँले वाम–गठबन्धनतर्फका नेपाली काँग्रेसका उम्मेदवार महेन्द्र यादवलाई १२४ मतले पछि पार्दै विजयी हुनुभएको निर्वाचन अधिकृतको कार्यालयले जनाएको छ । 


पर्वत जिल्लाको प्रतिनिधि सभा सदस्यमा नेकपा एमालेका उम्मेदवार पदम गिरी विजयी हुनुभएको छ । गिरीले २९ हजार ८७२ मत प्राप्त गर्नुभएको छ । उहाँका प्रतिस्पर्धी अर्जुनप्रसाद जोशीले २७ हजार ६ सय ९ मत प्राप्त गर्नुभयो । 


धनकुटाबाट प्रतिनिधिसभा सदस्यमा नेकपा (एमाले)का राजेन्द्रकुमार राई निर्वाचित हुनुभएको छ । नेपाली कांग्रेसका सुनीलबहादुर थापालाई एक हजार ३८७ मतान्तरले पराजित गर्दै राई निर्वाचित हुनुभएको हो। राईले ३० हजार १०१ मत ल्याउनुभएको छ भने कांग्रेसका थापाले २८ हजार ७०४ मत ल्याउनुभयो। 


नेकपा (एमाले) इलामका अध्यक्ष महेश बस्नेत इलाम क्षेत्र नं. १ बाट प्रतिनिधि सभा सदस्यका लागि निर्वाचित हुनुभएको छ । पूर्व प्रधानमन्त्री तथा नेकपा समाजवादीका नेता झलनाथ खनाललाई हराउँदै उहाँ विजयी हुनुभएको हो ।


महोत्तरीको  निर्वाचन क्षेत्र नं. १ प्रतिनिधि सभा सदस्यमा पार्टी एमाले का नेता लक्ष्मी महतो विजयी हुनुभएको छ । 

संविधान सभाका अध्यक्ष तथा नेकपा (एमाले) का उपाध्यक्ष सुवासचन्द्र नेम्बाङ इलाम क्षेत्र २ बाट प्रतिनिधिसभा सदस्यका लागि निर्वाचित हुनुभएको छ । उहाँ पाँचौं पटक विजयी बन्नुभएको हो । यस पटक नेम्वाङ ३० हजार २० मत प्राप्त गर्दै विजयी बन्नुभयो । नेम्वाङका निकटतम प्रतिस्पर्धी गठबन्धन तर्फका उम्मेदवार नेपाली कांग्रेसका जिल्ला सभापति डम्बरबहादुर खड्काले २९ हजार ९०६ मत ल्याउनुभयो ।

सुनसरी २ मा नेकपा (एमाले) का उम्मेदवार भीम आचार्य निर्वाचित हुनुभएको छ । उहाँ ३२ हजार ८ मतसहित प्रतिनिधिसभा सदस्यमा निर्वाचित हुनुभएको हो । उहाँले निकटतम प्रतिस्पर्धी नेपाली कांग्रेसका सीताराम मेहताई पराजित गर्दै निर्वाचित हुनुभयो । आचार्यले ३२ हजार ८ मत प्राप्त गर्दा मेहताले २६ हजार ५८ मत प्राप्त गर्नुभयो । 


गुल्मी प्रतिनिधि सभा २ मा नेकपा (एमाले) का गोकर्ण विष्ट विजयी हुनुभएको छ । विष्टले नेकपा (एकीकृत समाजवादी) का उम्मेदवार रामकुमारी झाँक्रीलाई दुई हजार ४४ मतले पराजित गर्नुहुँदै विजयी बन्नुभएको हो । विष्टले २८ हजार ४८५ मत ल्याउनु भएको छ भने झाँक्रीले २६ हजार ४४१ मत प्राप्त गर्नुभएको छ ।


रुपन्देहीको १ मा नेकपा एमालेका छविलाल विश्वकर्मा विजयी हुनुभएको छ। उहाँले स्वतन्त्र उम्मेदवार तथा पूर्व एमाले नेता घनश्याम भुसाल भन्दा ३ हजार ५ सय ६४ बढी मतले विजयी हुनुभएको हो।


रुपन्देही –२ को प्रतिनिधिसभातर्फ नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेल विजयी हुनुभएको छ । एमाले उपाध्यक्ष पौडेलले निकटतम प्रतिस्पर्धी राष्ट्रिय स्वतन्त्र पार्टीका उम्मेदवार गणेश पौडेललाई १३ सय ६६ मतले पराजित गर्नुभएको हो । 


मोरङ निर्वाचन क्षेत्र नम्बर २ मा बाम लोकतान्त्रिक गठबन्धनको तर्फबाट उम्मेदवार हुनुभएकी नेपाली कांग्रेसकी सुजाता कोइरालालाई पराजित गर्दै नेकपा (एमाले) का उम्मेदवार ऋषिकेश पोखरेल विजयी हुनुभएकाे छ । पूर्व उपप्रधानमन्त्रीसमेत रहनुभएकी कोइरालालाई एक हजार २०८ मतको अन्तरले पोखरेलले पराजित गर्दै विजयी हुनुभएकाे हो ।


कपिलवस्तु क्षेत्र नं ३ को प्रतिनिधी सभाका नेकपा (एमाले) का उम्मेदवार मङ्गलप्रसाद गुप्ता विजयी हुनुभएको छ । गुप्ताले २२ हजार ६ सय १९ मत प्राप्त गरी विजयी हुनुभएको हो । कांग्रेस उम्मेदवार अभिषेकप्रताप शाहले १८ हजार ९ सय ८२ मत प्राप्त गर्नुभएको छ ।


बारा क्षेत्र नं १ बाट प्रतिनिधिसभा सदस्यमा नेकपा (एमाले) का अच्युत मैनाली निर्वाचित हुनुभएको छ । उहाँले ३९ हजार एक सय ९५ मत प्राप्त गरी प्रतिनिधिसभा सदस्य पदमा निर्वाचित हुनुभएको हो । उहाँको निकटतम प्रतिद्वन्द्वी नेपाली कांग्रेसका उमाकान्त चौधरीले  ३० हजार ५६ मत ल्याउनुभयो । 


बारा क्षेत्र नं ३ बाट नेकपा (एमाले) का ज्वालाकुमारी साहले २० हजार दुई सय ५१ मत प्राप्त गरी प्रतिनिधिसभा सदस्यमा निर्वाचित हुनुभएको छ । उहाँको प्रतिस्पर्धी  जनता समाजवादी पार्टीका रामबाबुकुमार यादवले  १७ हजार दुई सय ७९ मत प्राप्त गर्नुभयो । 


सिरहा –१ मा नेकपा (एमाले) का उम्मेदबार रामशङ्कर यादव  निर्वाचित हुनुभएको छ । यादवले २९ हजार ४६२ मत प्राप्त गरी नेपाली कांग्रेसका उम्मेदवार पदमनारायण चौधरीलाई पराजित गरी निर्वाचित हुनुभएको हो ।  दुई जार ८३ मतले यादव विजयी हुँदा चौधरीले २७ हजार ३७९ मत प्राप्त गर्नुभयो ।  


सिरहा –३ बाट पूर्वमन्त्री लीलानाथ श्रेष्ठ विजयी हुनुभएको छ । एमालेका उम्मेदबार पूर्व कानुन न्याय तथा संसदीय मामिला व्यवस्थामन्त्री श्रेष्ठले २८ हजार ६४ मत प्राप्त गरी विजयी हुनुभयो । उहाँको निकटतम प्रतिद्वन्द्वी नेकपा (माओवादी केन्द्र) का स्थायी कमिटी सदस्य तथा पूर्व शान्तिमन्त्री समेत रहनुभएका विश्वनाथ साहले २६ हजार ८८२ मत प्राप्त गर्नुभयो । 


पाल्पा क्षेत्र नम्बर १ प्रतिनिधि सभा सदस्यमा नेकपा (एमाले)का नारायणप्रसाद आचार्य विजयी हुनुभएको छ। आचार्य ३१ हजार १०३ मत ल्याएर विजयी हुनुभएको हो। उहाँका निकटतम प्रतिद्वन्द्वी नेपाली कांग्रेसका ज्ञानबहादुर गाहाले २० हजार २५६ मत पाउनुभएको छ। 


पाल्पा क्षेत्र नं. २ मा प्रतिनिधिसभातर्फ नेकपा (एमाले) का उम्मेदवार ठाकुर गैरे निर्वाचित हुनुभएको छ । नेकपा (एकीकृत समाजवादी) का नेता सोमप्रसाद पाण्डेयलाई पराजित गर्दै गैरे विजयी हुनुभएको हो । 


काभ्रेपलाञ्चोक क्षेत्र नम्बर २ मा नेकपा (एमाले)का उम्मेदवार पूर्वमन्त्री गोकुलप्रसाद बाँस्कोटा विजयी हुनुभएको छ ।नेपाली कांग्रेसका नेता शिवप्रसाद हुमागाईंलाई पाँच हजार ८६३ मतले पछि पार्दै बाँस्कोटा प्रतिनिधिसभा २ बाट दोस्रो पटक विजयी हुनुभएको छ । बाँस्कोटाले ४५ हजार ३४५ मत प्राप्त गर्नुभएको छ भने कांग्रेसका हुमागााईंले ३९ हजार ४८२ मत प्राप्त गर्नुभएको छ ।


कास्की १ बाट प्रतिनिधिसभा सदस्यमा नेकपा (एमाले)का मनबहादुर गुरुङ विजयी हुनुभएको छ । उहाँले निकटम प्रतिद्वन्द्वी नेपाली कांग्रेसका किशोरदत्त बराललाई दुई हजार ५१९ मतान्तरले पछि पार्दै विजयी हुनुभएको हो ।गुरुङले २५ हजार ७०८ मत प्राप्त गर्नुभएको छ भने बरालले २३ हजार १८९ मत प्राप्त गर्नुभएको छ ।


कास्की ३ बाट  एमालेका दामोदर पौडेल वैरागी निर्वाचित हुनुभएको छ । गण्डकीका बहालवाला अर्थमन्त्रीलाई ५ हजार ४ सय ४५ मतान्तरले पछि पार्दै विजयी हुनुभएको हो । एमालेका वैरागी र  माओवादीका रामजी बराल जीवनको प्रतिस्पर्धालाई निकै रोचक ढङ्गले हेरिएको थियो ।

बाँके क्षेत्र नम्बर १ को प्रतिनिधिसभा सदस्यमा नेकपा एमालेका केन्द्रीय सदस्य सूर्य ढकाल विजयी हुनुभएको छ । निर्वाचन अधिकृतको कार्यालयले दिएको जानकारी अनुसार एमालेका ढकालले मन्त्री अथकलाई पाँच हजार ३९४ मतान्तरले पराजित गर्नुहुँदै निजयी हुनुभएको हो । ढकालले २५ हजार २६ मत प्राप्त गर्नुभएको छ भने अथकले १९ हजार ६३२ मत प्राप्त गर्नुभएको छ ।


धनुषा क्षेत्र नं.३ मा नेकपा (एमाले)का उम्मेदवार जुली कुमारी महतो सत्ता गठबन्धन दलको तर्फबाट उम्मेदवार बन्नुभएको लोकतान्त्रिक समाजवादी पार्टी (लोसपा)का वरिष्ठ नेता अनिलकुमार झाभन्दा नौ हजार ७०२ मत बढी ल्याएर विजयी हुनुभएको हो । महतोले ३३ हजार ३८८ मत प्राप्त गर्नुभएको छ भने झाले २३ हजार ६८६ मत प्राप्त गर्नुभएको छ ।


सर्लाहीको क्षेत्र नम्बर ३ बाट प्रतिनिधि सभा सदस्यमा नेकपा एमालेका हरि उप्रेती निर्वाचित हुनुभएको छ । 


एक मात्र प्रतिनिधि सभा निर्वाचन क्षेत्र रहेको बैतडीबाट नेकपा (एमाले) का सुदूरपश्चिम प्रदेश कमिटी अध्यक्ष दामोदर भण्डारी विजयी हुनुभएको छ । संसदीय राजनीतिमा भण्डारीको बैतडीबाट लगातार यो तेस्रो जित हो । उहाँले जितमा ह्याट्रिक गर्नुभएको छ ।


कञ्चनपुर क्षेत्र नम्बर १ मा नेकपा (एमाले)का तारा लामा तामाङ विजयी हुनुभएको छ । तामाङले गठबन्धनका उम्मेदवार नेकपा (माओवादी केन्द्र)की नेत्री बिना मगरलाई चार हजार ९११ मतले पराजित गर्नुभएको हो । तामाङले २० हजार ९६९ मत प्राप्त गर्दा मगरले १६ हजार ५८ मत प्राप्त गर्नुभएको छ।


कास्की क्षेत्र नम्बर २ मा नेकपा (एमाले) का उम्मेदवार विद्या भट्टराई विजयी हुनुभएको छ । राष्ट्रिय स्वतन्त्र पार्टीका उम्मेदवार माधवप्रसाद कँडेललाई पराजित गर्दै भट्टराई प्रतिनिधि सभा सदस्यमा निर्वाचित हुनुभएको हो । 


एक मात्र प्रतिनिधिसभा क्षेत्र रहेको सोलुखुम्बुमा नेकपा एमालेका मानवीर राई एमालेको ३२ वर्षीय संसदीय इतिहासमा पहिलो पटक विजयी हुनुभएको छ । लोकतान्त्रिक वाम गठबन्धनबाट उम्मेदवार बन्नुभएका नेपाली कांग्रेसका केन्द्रीय सदस्य बलबहादुर केसीलाई दुई हजार ७७९ मतको फराकिलो अन्तरले पछि पार्दै राई विजयी हुनुभएको हो । 


झापा क्षेत्र नम्बर ४ मा एमालेका लालप्रसाद साँवा (एलपी)  बिजयी हुनुभएको छ । साँवाले नेपाली कांग्रेसका उम्मेदवार कांग्रेस जिल्ला सभापति देउकुमार थेबेलाई ६ हजार ८६७ मतान्तरले पराजित गर्दै  साँवा विजयी हुनुभएको हो ।


मकवानपुरको प्रतिनिधि सभा क्षेत्र नं. २ मा लोकतान्त्रिक वाम गठबन्धनबाट उम्मेदवार बन्नुभएका विरोध खतिवडालाई पराजित गर्दै नेकपा [एमाले]का महेश बर्तौला निर्वाचित बन्नुभएको छ । एमालेका उम्मेदवार बर्तौलाले ३४ हजार ९१६ मत प्राप्त गर्दा खतिवडाले ३० हजार ३९६ मत प्राप्त गर्नुभएको छ । राष्ट्रिय स्वतन्त्र पार्टीका भरत पराजुलीले १२ हजार ३९ मत प्राप्त गर्नुभएको छ ।


रुपन्देही जिल्लाको प्रतिनिधि सभा क्षेत्र नं। ५  को पछिल्लो मत परिणाम अनुसार नेकपा एमाले उम्मेदवार वासुदेव घिमिरेले  फराकिलो मतान्तरले विजयी हुनुभएको छ । वासुदेव घिमिरेले  ३६ हजार  ८ सय  २२  मत प्राप्त गरेर विजयी हुनुभएको हो । 


प्रतिनिधि सभा सदस्यमा नेकपा (एमाले)का पृथ्वी सुब्बा गुरुङ विजयी हुनुभएको छ । उहाँले वाम–लोकतान्त्रिक गठबन्धनका तर्फबाट नेकपा(माओवादी केन्द्र)का उम्मेदवार देवप्रसाद गुरुङलाई हराउँदै विजयी हुनुभएको हो । 


पर्सा क्षेत्र नं ३ बाट नेकपा (एमाले) का राजकुमार गुप्ता प्रतिनिधि सभा सदस्यमा निर्वाचित हुनुभएको छ । निकटतम प्रतिस्पर्धी नेपाली कांग्रेसका सुरेन्द्रप्रसाद चौधरीलाई १५१ मतले पराजित गर्दै गुप्ता विजयी हुनुभएको हो । २४ हजार २६० मत ल्याएर उहाँ प्रतिनिधि सभा सदस्यमा निर्वाचित हुँदा सुरेन्द्रले  २४ हजार १०९ मत प्राप्त गर्नुभयो । 


अर्घाखाँचीबाट प्रतिनिधि सभामा नेकपा (एमाले) का उम्मेदवार टोपबहादुर रायमाझी विजयी हुनुभएको छ । रायमाझीले  ४२ हजार ६ सय ७५ मत ल्याएर विजयी हुनुभएको हो । उहाँको निकतम प्रतिस्पर्धी गठबन्धनका साझा उम्मेदवार नेपाली कांग्रेस केन्द्रीय सदस्य तथा निवर्तमान उपसभामुख पुष्पा भुसालले ४० हजार ९ सय ४५ मत प्राप्त गर्नुभयो । रायमाझीले १७ सय ३० मत अन्तरले विजयी हुनुभयो ।


प्रतिनिधि सभा सदस्यमा नेकपा (एमाले) का सूर्य थापा प्यूठानबाट निर्वाचित हुनुभएको छ । अन्तिम मत परिणामअनुसार थापाले ४१ हजार ११८ मत प्राप्त गरी विजयी हुनुभएको हो । उहाँका निकटतम प्रतिस्पर्धी गठबन्धनका साझा उम्मेदवार जनमोर्चाका दुर्गा पौडेलले ३५ हजार ८४४ मत पाउनुभएको छ ।


झापा क्षेत्र नम्बर २ मा नेकपा (एमाले) का देवराज घिमिरे विजयी हुनुभएको छ । बुधवार राति सम्पन्न अन्तिम मतगणनामा एमालेका प्रदेश नम्बर १ का इन्चार्जसमेत रहनुभएका घिमिरेले स्वतन्त्र उम्मेदवार भद्रप्रसाद नेपाल स्वागतलाई २२५६ मतले पराजित गर्नुभयो ।घिमिरेले २८ हजार ६९७ मत ल्याउँदा उहाँका प्रतिस्पर्धी नेपालले २६ हजार ४४१ मत ल्याउनुभयो ।


पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओली झापा क्षेत्र नं. ५ बाट फराकिलो मतान्तरले विजयी बन्नुभएको छ । २८ हजार ५७६ मतान्तरले अध्यक्ष ओली विजयी बन्नुभएको हो । गठबन्धनको तर्फबाट उम्मेदवार रहनुभएका नेपाली कांग्रेसका खगेन्द्र पाण्डव अधिकारीलाई पराजित गर्दै दोब्बरभन्दा बढी मतान्तरले विजयी बन्नुभयो ।


ताप्लेजुङमा नेकपा (एमाले) का सचिव योगेशकुमार भट्टराई प्रतिनिधिसभा सदस्यमा निर्वाचित हुनुभएको छ । भट्टराईले वाम लोकतान्त्रिक गठबन्धनका साझा उम्मेदवार नेकपा (माओवादी केन्द्र) का खेलप्रसाद बुडाक्षेत्री ‘पराग’ लाई पराजित गर्दै निर्वाचित हुनुभएको हो ।


उदयपुरको निर्वाचन क्षेत्र नम्बर २ बाट नेकपा (एमाले)का उम्मेदवार अम्बरबहादुर रायमाझी विजयी हुनुभएको छ । उहाँ १५ हजार २५१ मत ल्याएर विजयी हुनुभएको हो । उहाँका निकटतम प्रतिद्वन्द्वी लोकतान्त्रिक वाम गठबन्धनका तर्फबाट नेकपा (एकीकृत समाजवादी)का जगन्नाथ खतिवडाले १२ हजार ८९३ मत प्राप्त गर्नुभएको छ ।  


ललितपुर निर्वाचन क्षेत्र नं २ मा नेकपा (एमाले) का उम्मेदवार प्रेमबहादुर महर्जन विजयी हुनुभएको छ । मतगणनाको परिणामअनुसार महर्जन १९,७३४ मतसहित निर्वाचित हुनुभएको हो । उहाँका निकटतम प्रतिद्वन्द्वी हाम्रो नेपाल पार्टीका उम्मेदवार सुदिन शाक्यले १०,४४० मत ल्याएर दोस्रो स्थान बनाउनुभयो ।


काठमाडौं निर्वाचन क्षेत्र नं. ९ मा नेकपा (एमाले) का कृष्णगोपाल श्रेष्ठ निर्वाचित हुनुभएको छ । एमाले केन्द्रीय सदस्य समेत रहनुभएका नेता श्रेष्ठले स्वतन्त्र उम्मेदवार टेकबहादुर पोखरेललाई पराजित गर्नुहुँदै निर्वाचित हुनुभएको हो । नेता श्रेष्ठका स्वकीय सचिव विवेक महर्जनका अनुसार श्रेष्ठले १० हजार ९४९ मत ल्याएर विजयी हुनुभयो । उहाँको निकटतम प्रतिस्पर्धी घण्टी चुनाव चिन्हका पोखरेलले ९ हजार ७५८ मत ल्याउनुभयो ।

सुनसरीको निर्वाचन क्षेत्र नम्बर ३ (क) मा प्रदेश सभा सदस्यका उम्मेदबार नेकपा एमालेका रोहित कार्की विजयी हुनुभएको छ । उहाँले १८ हजार ६४१ मतसहित विजयी हुनुभएको हो । 


सुनसरीको निर्वाचन क्षेत्र नं. ३ को प्रतिनिधि सभा र प्रदेश सभा सदस्यमा ३० वर्षपछि नेकपा एमालेका उम्मेदबारहरु विजयी भएका छन् । यसक्षेत्रमा प्रजातन्त्र स्थापनादेखि लगातार नेपाली काग्रेंसले जित्दै आएकोमा यसपाली प्रतिनिधि सभा र प्रदेश सभा सदस्य दुवैतर्फ नेकपा एमालेका उम्मेदवारहरु विजयी हुनुभएको हो । यहाँको निर्वाचन क्षेत्र नम्बर ३ (ख) मा प्रदेश सभा सदस्यमा एमालेका रामदेव यादव निर्वाचित हुनुभएको छ ।


डोल्पा १ को प्रदेश सभा (क) बाट नेकपा (एमाले)का शेरबहादुर बुढा विजयी हुनुभएको छ । उहाँले चार हजार ७४३ मत पाउनुभएको छ । उहाँका प्रतिद्वन्द्वी नेपाली कांग्रेसका दीपेन्द्रबहादुर शाहीले दुई हजार ४६५ मत पाउनुभएको छ । 


बाँके ३ को प्रदेश सभा (क) बाट नेकपा (एमाले)का रत्नबहादुर खत्री विजयी हुनुभएको छ । उहाँले १३ हजार १८० मत पाउनुभएको छ । उहाँका प्रतिद्वन्द्वी स्वतन्त्र उम्मेदवार दलबहादुर सुनारले ११ हजार ४८२ मत पाउनुभएको छ । 


कपिलवस्तु ३ को प्रदेश सभा (क) बाट नेकपा (एमाले)का अर्जुनकुमार केसी विजयी हुनुभएको छ । उहाँले ११ हजार ७४३ मत पाउनुभएको छ । उहाँका प्रतिद्वन्द्वी लोकतान्त्रिक समाजवादी पार्टीका रविदत्त मिश्राले ११ हजार ७३७ मत पाउनुभएको छ । 


कपिलवस्तु १ को प्रदेश सभा (ख) बाट नेकपा (एमाले)का मधुसूदन चरण चौधरी (कुर्मी) विजयी हुनुभएको छ । उहाँले ११ हजार ७४८ मत पाउनुभएको छ । उहाँका प्रतिद्वन्द्वी नेपाली कांग्रेसका सहसराम यादवले नौ हजार ६६ मत पाउनुभएको छ । 


पर्वत १ को प्रदेश सभा (ख) बाट नेकपा (एमाले)का मित्रलाल बस्याल विजयी हुनुभएको छ । उहाँले १४ हजार १३२ मत पाउनुभएको छ । उहाँका प्रतिद्वन्द्वी नेपाली कांग्रेसका ऋषिकेश तिवारी १२ हजार २१० मत पाउनुभएको छ । 


पर्वत १ को प्रदेश सभा (क) बाट नेकपा (एमाले)का भक्तबहादुर कुँवर विजयी हुनुभएको छ । उहाँले १६ हजार ८२५ मत पाउनुभएको छ । उहाँका प्रतिद्वन्द्वी नेकपा (माओवादी केन्द्र)का सुदीप कुँवरले १४ हजार ४२७ मत पाउनुभएको छ । 


कास्की १ को प्रदेश सभा (ख) बाट नेकपा (एमाले)का वेदबहादुर गुरुङ विजयी हुनुभएको छ । उहाँले १२ हजार ६६१ मत पाउनुभएको छ । उहाँका प्रतिद्वन्द्वी नेपाली कांग्रेसका दीपक गुरुङले ११ हजार ७९४ मत पाउनुभएको छ । 


ललितपुर ३ को प्रदेश सभा (ख) बाट नेकपा (एमाले)का प्रेमभक्त महर्जन विजयी हुनुभएको छ । उहाँले नौ हजार ५८ मत पाउनुभएको छ । उहाँका प्रतिद्वन्द्वी नोपली कांग्रेसका जितेन्द्रकुमार श्रेष्ठले आठ हजार ३० मत पाउनुभएको छ । 


ललितपुर ३ को प्रदेश सभा (क) बाट नेकपा (एमाले)का रघुनाथ महर्जन विजयी हुनुभएको छ । उहाँले नौ हजार ७६६ मत पाउनुभएको छ। उहाँका प्रतिद्वन्द्वी नेकपा (माओवादी केन्द्र)का राजकाजी महर्जनले नौ हजार ८० मत पाउनुभएको छ। 


ललितपुर १ को प्रदेश सभा (क) बाट नेकपा (एमाले)का मधुसूदन पौडेल विजयी हुनुभएको छ । उहाँले ११ हजार २९९ मत पाउनुभएको छ। उहाँका प्रतिद्वन्द्वी नेकपा (माओवादी केन्द्र)का हरि दाहालले आठ हजार ६५६ मत पाउनुभएको छ । 


भक्तपुर २ को प्रदेश सभा (क) बाट नेकपा (एमाले)का किरण थापामगर विजयी हुनुभएको छ । उहाँले १५ हजार २४२ मत पाउनुभएको छ । उहाँका प्रतिद्वन्द्वी नेपाली कांग्रेसका विष्णुराज कार्कीले ११ हजार ९३५ मत पाउनुभएको छ । 


काठमाडौं ९ को प्रदेश सभा (ख) बाट नेकपा (एमाले)का केशवप्रसाद पोखरेल विजयी हुनुभएको छ । उहाँले आठ हजार ४५९ मत पाउनुभएको छ। उहाँका प्रतिद्वन्द्वी नेपाली कांग्रेसका श्यामकृष्ण खड्काले सात हजार ३४१ मत पाउनुभएको छ। 


काठमाडौं ६ को प्रदेश सभा (ख) बाट नेकपा (एमाले)का अमनकुमार मास्के विजयी हुनुभएको छ । उहाँले आठ हजार ६६ मत पाउनुभएको छ । उहाँका प्रतिद्वन्द्वी नेपाली कांग्रेसका विष्णुभक्त तिमिल्सिनाले ६ हजार ६७७ मत पाउनुभएको छ । 


काठमाडौं ४ को प्रदेश सभा (ख) बाट नेकपा (एमाले)का जयराम थापा विजयी हुनुभएको छ । उहाँले १० हजार ६३२ मत पाउनुभएको छ। उहाँका प्रतिद्वन्द्वी नेकपा (एकीकृत समाजवादी)का कुसुमकुमार कार्कीले आठ हजार ३८२ मत पाउनुभएको छ। 


बारा ४ को प्रदेश सभा (क) बाट नेकपा (एमाले)का देवनारायण थारु विजयी हुनुभएको छ । उहाँले १३ हजार ६३२ मत पाउनुभएको छ । उहाँका प्रतिद्वन्द्वी नेकपा (माओवादी केन्द्र)का क्षेत्रबहादुर श्रेष्ठले १० हजार १७ मत पाउनुभएको छ । 


बारा ३ को प्रदेश सभा (ख) बाट नेकपा (एमाले)का महम्मद समिर विजयी हुनुभएको छ । उहाँले आठ हजार ३२३ मत पाउनुभएको छ। उहाँका प्रतिद्वन्द्वी जनता समाजवादीका पारसप्रसाद साहले आठ हजार २५५ मत पाउनुभएको छ। 


बारा ३ को प्रदेश सभा (क) बाट नेकपा (एमाले)का रवीन्द्रदास श्रेष्ठ विजयी हुनुभएको छ । उहाँले आठ हजार १९५ मत पाउनुभएको छ। उहाँका प्रतिद्वन्द्वी नेकपा (माओवादी केन्द्र)का मुकेश साहले सात हजार ३०९ मत पाउनुभएको छ। 


बारा १ को प्रदेश सभा (क) बाट नेकपा (एमाले)का त्रिलोकीप्रसाद विजयी हुनुभएको छ । उहाँले १६ हजार ७९८ मत पाउनुभएको छ । उहाँका प्रतिद्वन्द्वी नेपाली कांग्रेसका रमेशप्रसाद दंगालले १४ हजार २७० मत पाउनुभएको छ । 


महोत्तरी ४ को प्रदेश सभा (क) बाट नेकपा (एमाले)का सरोजकुमार यादव विजयी हुनुभएको छ । उहाँले १० हजार ५३६ मत पाउनुभएको छ । उहाँका प्रतिद्वन्द्वी लोकतान्त्रिक समाजवादी पार्टीका कौशलकुमार यादवले आठ हजार ६८० मत पाउनुभएको छ । 


महोत्तरी १ को प्रदेश सभा (क) बाट नेकपा (एमाले)का शारदादेवी थापा विजयी हुनुभएको छ । उहाँले आठ हजार ३०४ मत पाउनुभएको छ । उहाँका प्रतिद्वन्द्वी लोकतान्त्रिक समाजवादी पार्टीका पीताम्बर महतोले सात हजार ५८५ मत पाउनुभएको छ । 


धनुषा ४ को प्रदेश सभा (ख) बाट नेकपा (एमाले)का हरिनारायण महतो विजयी हुनुभएको छ । उहाँले १७ हजार ३०२ मत पाउनुभएको छ । उहाँका प्रतिद्वन्द्वी नेकपा (एकीकृत समाजवादी) का शत्रुधन महतोले १५ हजार ९६० मत पाउनुभएको छ ।  


सिराहा ३ को प्रदेश सभा (क) बाट नेकपा (एमाले)का मनोजकुमार सिंह विजयी हुनुभएको छ । उहाँले १५ हजार ८८६ मत पाउनुभएको छ । उहाँका प्रतिद्वन्द्वी नेपाली कांग्रेसका रामसुगन यादवले १२ हजार ८९९ मत पाउनुभएको छ । 


सिराहा २ को प्रदेश सभा (ख) बाट नेकपा (एमाले)का शत्रुघनप्रसाद सिंह विजयी हुनुभएको छ । उहाँले १३ हजार ७९७ मत पाउनुभएको छ । उहाँका प्रतिद्वन्द्वी नेकपा (एकीकृत समाजवादी)का मदन सेनप्रसाद श्रीवास्तवले ले ११ हजार २५ मत पाउनुभएको छ। 


सिरहा १ को प्रदेश सभा (क) बाट नेकपा (एमाले)का राजेन्द्रप्रसाद चौधरी विजयी हुनुभएको छ । उहाँले ११ हजार ७२१ मत पाउनुभएको छ । उहाँका प्रतिद्वन्द्वी नेपाली कांग्रेसका सुनिलकुमार महतोले ११ हजार ५५० मत पाउनुभएको छ। 


सुनसरी ३ को प्रदेश सभा (ख) बाट नेकपा (एमाले)का रामदेव यादव विजयी हुनुभएको छ । उहाँले १५ हजार ३८० मत पाउनुभएको छ । उहाँका प्रतिद्वन्द्वी नेपाली कांग्रेसका सरस्वती पोखरेलले १४ हजार ३१५ मत पाउनुभएको छ । 


सुनसरी ३ को प्रदेश सभा (क) बाट नेकपा (एमाले)का रोहितबहादुर कार्की विजयी हुनुभएको छ । उहाँले १८ हजार ६४१ मत पाउनुभएको छ । उहाँका प्रतिद्वन्द्वी नेकपा (माओवादी केन्द्र)का सरस्वती पोखरेलले ९ हजार ४९८ मत पाउनुभएको छ । 


मोरङ ४ को प्रदेश सभा (क) बाट नेकपा (एमाले)का जयप्रकाश चौधरी विजयी हुनुभएको छ । उहाँले १५ हजार ४६४ मत पाउनुभएको छ। उहाँका प्रतिद्वन्द्वी नेपाली कांग्रेसका गुरुराज घिमिरेले १५ हजार ६० मत पाउनुभएको छ। 


झापा ३ को प्रदेश सभा (ख) बाट नेकपा (एमाले)का छविलाल चुडाल विजयी हुनुभएको छ । उहाँले १९ हजार ८७५ मत पाउनुभएको छ । उहाँका प्रतिद्वन्द्वी नेकपा (माओवादी केन्द्र)का पूर्णप्रसाद राजवंशीले १३ हजार ८२२ मत पाउनुभएको छ । 


धनुषा निर्वाचन क्षेत्र नं.४ को प्रदेशसभा (ख) मा नेकपा (एमाले)का हरिनारायण महतो निर्वाचित हुनु भएको छ । हरिनारायणले १७ हजार ३०२ मत ल्याउनुभएको छ भने उहाँको निकटतम प्रतिस्पर्धी शत्रुधनले १५ हजार ९६० मत प्राप्त गर्नुभएको छ ।


स्याङ्जा जिल्लाको क्षेत्र नं. १ को प्रदेश सभा सदस्य (ख) बाट नेकपा (एमाले) का सुधिरकुमार पौडेलले जित निकाल्नुभएको छ । यस्तै, प्रदेश सभा सदस्यमा पहिलो पटक निर्वाचित पौडलेले कांग्रेसका बुद्धिबहादुर रानालाई छ मतले पराजित गर्नुभएको हो ।


सुनसरी क्षेत्र नं १ प्रदेशसभा (ख) मा नेकपा (एमाले)का विजयकुमार राई विजयी हुनुभएको छ । राई राप्रपाका अनीश ढकाललाई ४ हजार ९८२ मतान्तरले पराजित गर्दै विजयी हुनुभएको हो । राईले १२ हजार ४ सय ६४ मत पाउनुभएको छ भने राप्रपाका ढकालले ७ हजार ४८२ मत पाउनुभयो ।


दैलेख जिल्ला निर्वाचन क्षेत्र न २ प्रदेश ख नेकपा एमालेका विनोदकुमार शाह विजयी हुनुभएको छ । उहाँले सत्तारुढ गठबन्धन दल नेकपा माओवादी केन्द्रका योगेन्द्रबहादुर शाहीलाई पराजित गर्नुभएको हो । शाहले ९ हजार ४६४ मत प्राप्त गरी विजयी हुनुभएको हो भने निकटतम प्रतिद्वन्द्वी माओवादीका योगेन्द्रबहादुर शाहीले ९ हजार ३८९ मत प्राप्त गर्नुभयो । 


मुगुको निर्वाचन क्षेत्र नं. १ को प्रदेश सभा (क) बाट नेकपा (एमाले)का जितबहादुर मल्ल विजयी हुनुभएको छ। मल्लले छ हजार ६१८ मत प्राप्त गर्नुभएको छ। प्रतिस्पर्धी गठबन्धनको  तर्फबाट  नेकपा एकीकृत समाजवादीका उम्मेदवार  गोपालबहादुर  बमले पाँच हजार ५४५ मत प्राप्त गर्नुभएको छ। 


सुनसरी क्षेत्र नं २ (ख) बाट नेकपा (एमाले) का रामप्रसाद मेहता विजयी हुनुभएको छ । उहाँले नेपाली कांग्रेसका केन्द्रीय सदस्य राजीव कोइरालालाई चार सय ६२ मतले पराजित गर्दै विजयी हुनुभएको हो । मेहताले १७ हजार ९७ मत प्राप्त गर्नुभएको छ भने उहाँका निकटतम प्रतिद्वन्द्वी कोइरालाले १६ हजार छ सय ३५ मत प्राप्त गर्नुभयो ।


नेकपा (एमाले)का तर्फबाट रुपन्देही निर्वाचन क्षेत्र ३ (ख) का उम्मेदवार तुलसीप्रसाद चौधरी विजयी हुनुभएको छ । एमालेका चौधरीले नेपाली कांग्रेसका रामचन्द्र ढकाललाई २०१ मतको अन्तरले पराजित गर्नुभएको हो ।


प्रदेश नं. १ को मोरङ निर्वाचन क्षेत्र १ (ख) मा नेकपा (एमाले) का नेता खड्गबहादुर बस्नेत निर्वाचित हुनुभएको छ । उहाँसँग संयुक्त लोकतान्त्रिक वाम गठबन्धनका तर्फबाट उम्मेदवार बन्नुभएका नेकपा (एकीकृत समाजवादी) का नेता उपेन्द्रप्रसाद घिमिरे पराजित हुनुभयो ।


जितबहादुर मल्ल प्रदेशसभा सदस्यमा निर्वाचित हुनुभएको छ । उहाँ नेकपा एमाले मुगुको क्षेत्र १ (क) बाट निर्वाचित हुनुभएको हो । उहाँले छ हजार ६१८ मत प्राप्त गर्नुभएको छ भने निकटतम प्रतिस्पर्धी नेकपा एकीकृत समाजवादीका उम्मेदवार गोपालबहादुर बमले पाँच हजार ५४५ मत प्राप्त गर्नुभयो ।


बाँके क्षेत्र नम्बर १ को प्रदेशसभा ख बाट नेकपा एमाले लुम्बिनी प्रदेशका उपसचिव दुर्गाप्रसाद चौधरी निर्वाचित हुनुभएको छ । उहाँले आफ्ना निकटतम प्रतिस्पर्धी नेपाली काँग्रेसका फुलाराम चौधरीलाई ८७७ मतको अन्तरले पराजित गर्दै प्रदेशसभा सदस्यमा निर्वाचित हुनुभएको हो । 

मोरङको निर्वाचन क्षेत्र नम्बर ३ (ख) मा नेकपा (एमाले)का ज्ञानेन्द्र सुवेदी १७ हजार ४२८ मत ल्याएर विजयी हुनुभएको छ ।  नेकपा (एकीकृत समाजवादी)का लक्ष्मीकुमार श्रेष्ठले १५ हजार ३५८ मत ल्याउनुभएको छ । सुवेदीले श्रेष्ठलाई दुई हजार ७० मतान्तरले पराजित गर्नुभएको हो ।


सङ्खुवासभा प्रदेश सभा ख तर्फ नेकपा एमालेका उम्मेदवार विदुर लिङ्थेप निर्वाचित हुनुभएको छ । उहाँको निकटतम प्रतिद्वन्द्वी नेकपा (एकीकृत समाजवादी)का उम्मेदवार सरिता थापालाई २४० मत अन्तरले हराउँदै उहाँ निर्वाचित हुनुभएको हो ।


तेह्रथुमको प्रदेशसभा (क) मा नेकपा (एमाले) का उम्मेदवार किशोरचन्द्र दुलाल निर्वाचित हुनुभएको छ । उहाँले १० हजार ६३ मत प्राप्त गरी प्रदेशसभा सदस्यमा विजयी हुनुभएको हो । उहाँका निकटतम प्रतिद्वन्द्वी नेपाली कांग्रेसका सन्तोष सुब्बाले नौ हजार आठ सय ५५ मत प्राप्त गर्नुभयो । 


झापा क्षेत्र नं ४ को प्रदेशसभा (क) मा नेकपा (एमाले) का राधाकृष्ण खनाल निर्वाचित हुनुभएको छ । गत आइतबार सम्पन्न प्रतिनिधिसभा तथा प्रदेशसभा निर्वाचनको  मतपरिणामअनुसार खनालले १३ हजार नौ सय ५१ मत प्राप्त गर्नुभएको थियो । उहाँका निकटतम प्रतिस्पर्धी लोकतान्त्रिक–वाम गठबन्धनका उम्मेदवार नेकपा (माओवादी केन्द्र) का झलकसिंह दर्लामीले १२ हजार तीन सय ७३ मत प्राप्त गर्नुभयो । 


सुनसरी क्षेत्र नं १ को प्रदेशसभा (क) मा नेकपा (एमाले) का उम्मेदवार रमेशकुमार बस्नेत विजयी हुनुभएको छ । आज सार्वजनिक भएको प्रदेशसभाको अन्तिम मतपरिणामअनुसार बस्नेतले निकटतम प्रतिद्वन्द्वी सत्ता गठबन्धनबाट नेपाली कांग्रेसका उम्मेदवार उमेश थापालाई एक हजार ३५० मतान्तरले पराजित गर्नुभएको हो । 


मोरङको निर्वाचन क्षेत्र नम्बर २ (ख) बाट नेकपा (एमाले)का लीलावल्लभ अधिकारी विजयी हुनुभएको छ । प्रदेश नम्बर १ सरकारका पूर्व राज्यमन्त्री अधिकारी १७ हजार ५५२ मत ल्याएर विजयी हुनुभएको हो। अधिकारीले कांग्रेस उम्मेद्वार विनोद कार्कीलाई दुई हजार २०० मतले पराजित गर्नुभएको हो । कार्कीले १४ हजार ९५२ मत पाउनुभएको छ । 


गुल्मी जिल्ला क्षेत्र नम्बर १ को प्रदेश सभा (क) मा नेकपा (एमाले) का चिन्तामणि पाण्डे निर्वाचित हुनुभएको छ । पाण्डेले १५ हजार १२७ मत ल्याएर प्रदेश सभामा विजयी भएको मुख्य निर्वाचन अधिकृत वसन्तराज पौडेलले जानकारी दिनुभयो ।


पाल्पा क्षेत्र नं. १ (ख) बाट प्रदेशसभा सदस्यमा नेकपा (एमाले) का उम्मेदवार खेमबहादुर सारु निर्वाचित हुनुभएको छ । सारु १४ हजार २९४ मतसहित विजयी हुनुभएको निर्वाचन अधिकृतको कार्यालय रामपुरले जनाएको छ । 


धनुषा क्षेत्र १ को (ख) बाट प्रदेशसभा सदस्यमा नेकपा (एमाले) का उम्मेदवार रामचन्द्र मण्डल निर्वाचित हुनुभएको छ । उहाँले सत्ता गठबन्धनको तर्फबाट लोसपाका उम्मेदवार रहनुभएका सञ्जयकुमार सिंहलाई पराजित गरी निर्वाचित हुनुभएको हो ।


धनुषा निर्वाचन क्षेत्र नं. ३ को (ख) बाट प्रदेशसभा सदस्यमा नेकपा एमालेका उम्मेदवार दीपेन्द्र ठाकुर निर्वाचित हुनुभएको छ । उहाँले सत्ता गठबन्धनको तर्फबाट लोसपाका उम्मेदवार रहनुभएका परमेश्वर साहभन्दा एक हजार ४०३ मत बढी ल्याएर निर्वाचित हुनुभएको हो । 


सुनसरीको निर्वाचन क्षेत्र नं २ को प्रदेशसभा (क) तर्फ नेकपा (एमाले) का रेवतीरमण भण्डारी विजयी हुनुभएको छ । उहाँले नेकपा माओवादी केन्द्रका द्वारिकलाल चौधरीलाई पराजित गर्दै विजयी हुनुभएको हो । एमाले सुनसरीका अध्यक्षसमेत रहनुभएका भण्डारीले १४ हजार ५२८ मत प्राप्त गर्नुभयो ।


कास्की निर्वाचन क्षेत्र नम्बर १ को (क) मा नेकपा (एमाले)का खगराज अधिकारी विजयी हुनुभएको छ । अधिकारीले नेकपा (माओवादी केन्द्र)का दीपक कोइरालालाई तीन हजार ९९६ मतले पछि पार्दै विजयी बन्नुभएको हो । अधिकारीले १५ हजार ६२३ मत ल्याउँदा कोइरालाले ११ हजार ६२७ मत प्राप्त गर्नुभयो ।


प्रदेशसभा सदस्यअन्तर्गत मोरङ १ (क) मा नेकपा एमालेका उम्मेदवार उमाकान्त गौतम विजयी हुनुभएको छ । मोरङ १ को निर्वाचन अधिकृतको कार्यालय उर्लाबारीले घोषणा गरेको अन्तिम मतपरिणामअनुसार गौतम १३ हजार ५३१ मत प्राप्त गरी विजयी हुनुभएको हो । ५८ वर्षीय गौतम उर्लाबारी–८ का पुराना कम्युनिस्टभित्र पर्नुहुन्छ । 

रूपन्देही निर्वाचन क्षेत्र नम्बर २ (ख) बाट नेकपा (एमाले) का भोजप्रसाद श्रेष्ठ प्रदेशसभा सदस्यमा विजयी हुनुभएको छ। उहाँले १६ हजार ३ सय  मत प्राप्त गरी विजयी हुनुभएको हो । उहाँका निकटतम प्रतिस्पर्धी माओवादी केन्द्रका वामदेव घिमिरे क्षेत्रीले ९ हजार ४ सय १० मत प्राप्त गर्नुभएको छ  ।


रौतहट क्षेत्र नम्बर २ को प्रदेशसभा (क) बाट नेकपा (एमाले)का मोहम्मद जैद आलम विजयी हुनुभएको छ। आलमले १३ हजार ५३२ मत ल्याउनुभएको छ। उहाँको निकटतम प्रतिद्वन्द्वी निवर्तमान प्रदेशसभा सदस्य एवं स्वतन्त्र उम्मेदवार नागेन्द्रप्रसाद सिन्हाले ६ हजार ८७२ मत प्राप्त गर्नुभएको छ।


कपिलवस्तु १ (क) प्रदेश सभा सदस्य पदमा नेकपा (एमाले) का विष्णु पन्थी विजयी हुनुभएको छ । पन्थीले नेपाली कांग्रेसका डोलकराम घिमिरेलाई ४ हजार ४५० मतान्तरले पराजित गर्नुभएको हो । 


इलाम क्षेत्र नं २ को  (ख) मा प्रदेश सभाका लागि नेकपा (एमाले) का रामबहादुर रानामगर विजयी हुनुभएको छ । रानाले उहाँका निकटतम प्रतिस्पर्धी गठबन्धनतर्फका उम्मेदवार माओवादी केन्द्रका उम्मेदवार हर्क लावती (कान्छा) लाई २५ सय ७८ मतले पछि पार्दै विजयी हुनुभएको हो । 


धनुषा निर्वाचन क्षेत्र नं.२ को (क) बाट प्रदेशसभा सदस्यमा नेकपा (एमाले) का उम्मेदवार लखन दास निर्वाचित हुनुभएको छ । उहाँले जनमत पार्टीका उम्मेदवार दीपेन्द्रकुमार यादवभन्दा चार हजार १५१ मत बढी ल्याएर निर्वाचित हुनुभएको हो । 


झापा ५ (क) मा नेकपा (एमाले) का नेता एवम् प्रदेश १ सरकारका पूर्वमन्त्री हिक्मत कार्की विजयी हुनुभएको छ । गठबन्धनको तर्फबाट उम्मेदवार बन्नु भएका नेपाली काङ्ग्रेसका जीवन राईलाई पराजित गर्दै उहाँ निर्वाचित हुनुभएको हो । नेता कार्कीले २२ हजार ५३० र राले १७ हजार ५८ मत प्राप्त गर्नुभयो ।

धनकुटा प्रदेशसभा (ख)मा नेकपा (एमाले) इन्द्रमणि पराजुली निर्वाचित हुनुभएको छ । पराजुली १५ हजार ७ सय ९७ मत ल्याएर विजयी हुनुभएको छ। उहाँका प्रतिद्वन्द्वी  (माओवादी केन्द्र)की कुसुमकुमारी श्रेष्ठले ११ हजार २३० मत प्राप्त गर्नुभयो। 


धनकुटा प्रदेशसभा (क)मा नेकपा (एमाले)का निरन राई १७ हजार १८ मत ल्याएर विजयी हुनुभएको छ। उहाँका प्रतिद्वन्द्वी नेकपा (एकीकृत समाजवादी)का अर्जुन राईले १० हजार २ सय २५ मत पाउनुभएको छ। जनता समाजवादीका रकम चेम्जोङले आठ हजार २ सय ४७ मत ल्याउनुभएको छ।


शोकमा रहनुभएका स्याङ्जा १ (क) सीताकुमारी सुन्दास विजयी हुनुभएको छ । मङ्सिर ४ गते निर्वाचनको दिनमा ९० वर्षीया आमा चित्रकुमारी सुन्दासको निधन भएको थियो । नेकपा (एमाले)का केन्द्रीय कमिटी सदस्य सुन्दासले प्रतिस्पर्धी माओवादी केन्द्रकी स्थायी समिति सदस्य अमृता थापामगरलाई पराजित गर्नुभएको थियो । 


चितवन १ (क) बाट बागमती प्रदेश सभाको सदस्यमा नेकपा एमालेका जगन्नाथ थपलिया भारी मतान्तरले निर्वाचित हुनुभएको छ । यद्यपि, निर्वाचन आयोगले भने यसको आधिकारिक घोषणा गर्न बाँकी छ । चितवन १ का निर्वाचन अधिकृत रेशम सिक्देलका अनुसार थपलियाले १७ हजार ६८८ मत प्राप्त गर्नुभएको छ ।


नेकपा (एमाले) का नेता राजकुमार लेखी सप्तरी १ (क) बाट प्रदेश सभा सदस्य पदमा निर्वाचित हुनुभएको छ । उहाँले १४ हजार २९१ मत ल्याएर निर्वाचित हुनुभएको हो । उहाँको निकटतम प्रतिस्पर्धी जनमत पार्टीका शवनन्द मेहताले ९ हजार ९३ मत ल्याएर पराजित हुनुभयो । त्यस्तै, नेकपा (माओवादी केन्द्र) बाट उम्मेदवार रहनुभएका बेचनप्रसाद चौधरीले ७ हजार ५७२ मत ल्याउनुभयो । 


झापा ५ (क) बाट प्रदेश सभा सदस्यमा नेकपा (एमाले) का होमबहादुर थापा विजयी हुनुभएको छ । नेकपा (माओवादी केन्द्र) का गगन पुरीलाई पराजित गर्दै थापा विजयी हुनुभएको हो । थापाले २४ हजार १२९ मत प्राप्त गर्नुभएको छ ।


कञ्चनपुर निर्वाचन क्षेत्र नं १ (क) प्रदेशसभा सदस्यमा नेकपा (एमाले)का वीरबहादुर थापा विजयी हुनुभएको छ । निर्वाचन अधिकृत कार्यालयको अन्तिम मतगणनाको परिणामअनुसार उहाँले १२ हजार ३५९ मत ल्याएर विजयी हुनुभएकामा निकटतम प्रतिद्वन्द्वी नेपाली कांग्रेसका बन्धु रानाले ११ हजार छ मत ल्याउनुभएको छ ।


ताप्लेजुङको निर्वाचन क्षेत्र (क) मा नेपाल कम्युनिस्ट पार्टी (एमाले) का उम्मेदवार तिलकुमार मेन्याङ्बो निर्वाचित हुनुभएको छ । नेपाल कम्युनिस्ट पार्टी (एकीकृत समाजवादी) का प्रत्याशी खेमबहादुर वनेमलाई पराजित गर्दै प्रदेशसभा सदस्यमा मेन्याङ्बो निर्वाचित हुनुभएको हो ।


कपिलवस्तुको क्षेत्र नं. २ को प्रदेश सभा (क) मा नेकपा (एमाले)का नवराज लामिछाने विजयी हुनुभएको छ । लामिछानेले आफ्ना प्रतिस्पर्धी नेपाली कांग्रेसका उम्मेदवार विक्रमसिंह थापालाई ५२२ मत अन्तरले पराजित गर्दै विजयी हुनुभएको हो । प्रदेशसभा सदस्यमा विजयी लामिछाने २१ हजार १३६ मत प्राप्त गर्नुभएको छ ।


प्यूठानको प्रदेशसभा निर्वाचन क्षेत्र नम्बर (क) मा नेकपा (एमाले)का तुल्सिराम शर्मा विजयी हुनुभएको छ । उहाँले २० हजार २१० मत प्राप्त गरी विजयी हुनुभएको हो  । उहाँका प्रतिद्वन्दी नेकपा (माओवादी केन्द्र)का उम्मेदवार कृष्ण अधिकारीले १७ हजार ६२७ मत प्राप्त गर्नुभएको छ ।


प्रदेश सभा निर्वाचनमा  बैतडी क बाट नेकपा एमालेका उम्मेदवार सुरेन्द्र पाल १२ हजार ८३१ मत लिएर विजयी हुनुभएको छ । नेकपा एमालेका बैतडी अध्यक्षसमेत रहनुभएका पालले मुख्य प्रतिस्पर्धी नेपाली काँग्रेसका वीरबहादुर विष्ट र काङ्ग्रेसबाटै बागी उम्मेदवार बन्नुभएका हरि मोहन भण्डारीलाई पछार्दै जित हासिल गर्नुभएको  हो । 


रुपन्देही क्षेत्र नम्बर २ प्रदेशसभा (क) मा नेकपा एमालेका लीला गिरी निर्वाचित हुनुभएको छ । गिरीले १७ हजार ६३२ मत प्राप्त गरेर विजयी हुँदा सत्ता गठबन्धनबाट उम्मेदवार रहनुभएका नेपाली काँग्रेसका युवा नेता दीर्घबहादुर केसीले १४ हजार ९९८ मत पाउनुभयो ।


प्रदेशसभा सदस्यतर्फको पाल्पा क्षेत्र नं. १(क) मा नेकपा (एमाले)का राजुप्रसाद श्रेष्ठ निर्वाचित हुनुभएको छ । श्रेष्ठ १७ हजार ६२४ मतसहित विजयी भएको निर्वाचन अधिकृतको कार्यालयले जनाएको छ ।


बागमती  प्रदेश सभातर्फ चितवन २ ख बाट नेकपा एमालेका उम्मेदवार कृष्णप्रसाद सिलवाल निर्वाचित हुनुभएको छ । उहाँले १६ हजार पाँच सय मत प्राप्त गरी निर्वाचित हुनुभएको सहायक निर्वाचन अधिकृत श्वर आचार्यले जानकारी दिनुभयो । 


स्याङ्जा क्षेत्र नं १ प्रदेश (क) मा नेकपा (एमाले)का उम्मेदवार सीताकुमारी सुन्दास विजयी हुनुभएको छ । नेकपा (माओवादी केन्द्र)का अमृता थापा मगरलाई एक हजार ४२४ मतले पछाडि पार्दै उहाँ विजयी हुनुभएको हो । थापाले १३ हजार २६६ मत प्राप्त गर्नुभएको छ भने सुन्दासले १४ हजार ६९० मत प्राप्त गर्नुभएको हो ।


सुर्खेत निर्वाचन क्षेत्र नं. २ प्रदेशसभा (क) मा नेकपा (एमाले)का यामलाल कँडेल विजयी हुनुभएको छ । कँडेलले १८ हजार ५६१ मत प्राप्त गरेर विजयी हुँदा काङ्ग्रेसका शाक्यले १८ हजार चार सय मत प्राप्त गर्नुभएको छ ।


खोटाङ प्रदेशसभा (क) मा नेकपा (एमाले)का पाँचकर्ण राई (पिके) विजयी हुनुभएको छ । राईले  वाम लोकतान्त्रिक गठबन्धनका साझा उम्मेदवार एकीकृत समाजवादीका वीरबलकाजी राईलाई एक हजार १९२ मतले पछि पार्दै विजयी हुनुभएको छ । पिकेले १३ हजार १५७ मत प्राप्त गर्नुभएको छ भने वीरबलले ११ हजार ९६५ मत प्राप्त गर्नुभयो ।


सोलुखुम्बुको प्रदेश सभा (ख) मा नेकपा (एमाले) का बुद्धिकुमार राजभण्डारी दोस्रो कार्यकालका लागि विजयी हुनुभएको छ । राजभण्डारीले भारी मतान्तरका साथ गठबन्धनबाट माओवादी केन्द्रका उम्मेदवार शिवबहादुर बस्नेत(राजेन्द्र)लाई पराजित गर्नुभएको हो । 


अर्घाखाँचीमा प्रदेश सभा (ख) मा नेकपा (एमाले) का उम्मेदवार रामजीप्रसाद घिमिरे विजयी हुनुभएको छ । घिमिरेले २२ हजार ७ सय ७६ मत ल्याएर विजयी हुनुभएको हो । उहाँको निकटतम प्रतिस्पर्धी गठबन्धनका साझा उम्मेदवार कमलप्रसाद भुसालले २१ हजार ९ सय ७५ मत प्राप्त गर्नुभयो । घिमिरेले  ८ सय १ मतान्तरले विजयी हुनुभएको हो ।


प्रतिनिधि सभा तथा प्रदेश सभा सदस्यका लागि आइतबार भएको निर्वाचनबाट मकवानपुरको निर्वाचन क्षेत्र नं. १ को (ख) को प्रदेश सभा सदस्यमा नेकपा (एमाले) का एकालाल श्रेष्ठ निर्वाचित हुनुभएको छ । बुधबार साँझ सम्पन्न मतगणनाको अन्तिम मत परिणामअनुसार प्रतिनिधि सभा क्षेत्र नं. १ को (ख) मा श्रेष्ठले सत्ता गठबन्धनका उम्मेदवार आनन्दराम पराजुलीलाई ८६९ मतान्तरसहित पराजित गर्नुभयो । 


बाराको निर्वाचन क्षेत्र नम्बर–४ प्रदेशसभा (क) मा नेकपा (एमाले)का उम्मेदवार देवनारायण चौधरी निर्वाचित हुनुभएको छ । चौधरी १३ हजार ६ सय नौ मतसहित निर्वाचित हुनुभएको हो । उहाँका निकटतम प्रतिद्वन्द्वी नेकपा (माओवादी केन्द्र)का क्षेत्रबहादुर श्रेष्ठले नौ हजार नौ सय ८९ मत पाउनुभएको छ । 


नेकपा (एमाले) को तर्फबाट रुपन्देही क्षेत्र नं. ५ (क) बाट प्रदेश सभामा उम्मेदवारी दिनुभएका भूमिश्वर ढकाल विजयी हुनुभएको छ । एमालेका उम्मेदवार ढकाल १९ हजार ७८ मत ल्याएर विजयी बन्नुभयो । 


झापाको क्षेत्र नं. २ (ख) मा प्रदेश सभा सदस्यमा नेकपा (एमाले) का चिन्तन पाठक विजयी बन्नुभएको छ । पाठक ३ हजार ८४० मतान्तरसहित विजयी हुनुभएको हो । पाठकले २० हजार १ सय ८४ मत प्राप्त गर्नुभएको छ  । 


झापाको क्षेत्र नं. २ (क) मा प्रदेश सभा सदस्यमा नेकपा एमालेका एकराज कार्की निर्वाचित हुनुभएको छ । कार्की दोस्रो कार्यकालका लागि प्रदेशसभा सदस्य निर्वाचित हुनुभयो । कार्की १८ हजार ७३१ मत ल्याएर विजयी बन्नुभएको हो । 


गुल्मी क्षेत्र नं २ को प्रदेश सभा (ख) मा एमालेका दिनेश पन्थी विजयी हुनुभएको छ । पन्थीले गठबन्धनको तर्फबाट उम्मेदवार बन्नुभएका माओबादी केन्द्रका बुद्धिबहादुर घर्तीलाई ११० मत अन्तरले पराजित गर्नुभयो । पन्थीले १३ हजार ९२९ मत प्राप्त गर्नुभयो भने घर्तीले  १३ हजार ८१९ मत प्राप्त गर्नुभयो ।


डोटी प्रदेश सभा (क) मा एमाले उम्मेदवार चक्रबहादुर मल्ल विजयी हुनुभएको छ । नेकपा (एमाले) का जिल्ला अध्यक्ष समेत रहनुभएका मल्लले कांग्रेस जिल्ला सभापति नरेन्द्रबहादुर सिंहलाई सामान्य मतान्तरले पराजित गर्नुभएको हो ।


गुल्मी क्षेत्र नं २ को प्रदेश सभा (क) मा एमालेका डिल्लीराज भुसाल विजयी बन्नुभएको छ । भुसालले गठबन्धनको तर्फबाट उम्मेदवार बन्नुभएका कांग्रेसका भुवन श्रेष्ठलाई एक हजार ५० मत अन्तरले पराजित गर्नुभएको हो ।


कास्की क्षेत्र नं ३ (क) प्रदेश सभा सदस्यमा नेकपा (एमाले) का उम्मेदवार गणेशमान गुरुङ निर्वाचित हुनुभएको छ । उहाँका निकटतम प्रतिस्पर्धी गठबन्धनका तर्फबाट माओवादीका दुर्गादत्त भण्डारीलाई ४ हजार ४०९ मतान्तरले पछि पार्दै निर्वाचित हुनुभएको हो । 


कास्की क्षेत्र नम्बर २ प्रदेश सभा (क) मा नेकपा (एमाले) का उम्मेदवार विजयी हुनुभएको छ । राष्ट्रिय प्रजातन्त्र पार्टीका उम्मेदवारलाई पराजित गर्दै एमालेका भीमबहादुर कार्की प्रदेश सभा सदस्यमा निर्वाचित हुनुभएको हो । विजयी कार्कीले १० हजार ५३१ मत प्राप्त गर्नुभयो ।


अर्घाखाँचीमा प्रदेश सभा (क)मा नेकपा एमालेका उम्मेदवार चेतनारायण आर्चाय विजयी हुनुभएको छ । आर्चायले २० हजार ५१८ मत लिएर विजयी हुनुभएको हो । गठबन्धनका साझा उम्मेदवार राष्ट्रिय जनमोर्चाका उम्मेदवार सागर केसीले १९ हजार ७७८ मत प्राप्त गर्नुभयो । आर्चायले  ७४० मत अन्तरले विजयी हुनुभएको हो ।


नवलपरासी (बर्दघाट सुस्ता पूर्व)–२ को प्रदेशसभा (क)मा नेकपा (एमाले)का पदमा जिसी श्रेष्ठ विजयी हुनुभएको छ । श्रेष्ठले १९ हजार ३९६ मत पाउनुभएको छ । उहाँका प्रतिद्वन्द्वी नेकपा (माओवादी केन्द्र)का सौगमकुमार सिरपालीले १४ हजार ७५८ मत ल्याउनुभएको छ ।


नवलपरासी (बर्दघाट सुस्ता पूर्व)–२ को प्रदेशसभा (ख) नेकपा (एमाले)का लक्ष्मणबहादुर पाण्डे विजयी हुनुभएको हो । श्रेष्ठले १८ हजार तीन सय २२ ल्याएर विजयी हुनुभएको छ भने उहाँका प्रतिस्पर्धी नेकपा (एकीकृत समाजवादी)का गोपालप्रसाद खनालले १४ हजार ७७६ मत ल्याउनुभएको छ ।


तनहुँ निर्वाचन क्षेत्र नम्बर २ प्रदेशसभा (क) मा नेकपा (एमाले)का श्यामराजा महत निर्वाचित हुनुभएको छ । बुधबार बिहान सम्पन्न मतपरिणामअनुसार वाम लोकतान्त्रिक गठबन्धनका उम्मेदवार माओवादी केन्द्रका राजेन्द्रकेशरी न्यौपानेलाई एक हजार ७६६ मतान्तरले पराजित गर्नुहुँदै महत निर्वाचित हुनुभएको हो । महतले १५ हजार ६६५ मत प्राप्त गरेका भएको र न्यौपानेले १३ हजार ८९९ मत प्राप्त गर्नुभएको निर्वाचन अधिकृत गोविन्द उपाध्यायले जानकारी दिनुभयो ।


काठमाडौं निर्वाचन क्षेत्र नम्बर ९ मा प्रदेशसभा (क) सदस्यमा नेकपा (एमाले) का हरिकृष्ण डङ्गोल विजयी हुनुभएको छ । निर्वाचन अधिकृत पूजा खत्रीका अनुसार उहाँ चार हजार ४५२ मतसहित विजयी हुनुभएको हो । उहाँले प्रतिस्पर्धी नेपाली कांग्रेसका नानुमैया बाँस्तोलालाई ४३२ मतले पछि पार्नुभयो । कांग्रेसका बाँस्तोलाले चार हजार २० मत प्राप्त गर्नुभएको छ ।

काठमाडौं क्षेत्र नं ७ को प्रदेशसभा (ख) मा नेकपा (एमाले) का उम्मेदवार प्रकाश श्रेष्ठ विजयी हुनुभएको छ। गत मङ्सिर ४ गते सम्पन्न प्रतिनिधिसभा तथा प्रदेशसभा निर्वाचनको केहीबेर अघि सम्पन्न प्रदेशसभा (२) को मतगणनामा एमालेका श्रेष्ठले पाँच हजार दुई सय १८ मत प्राप्त गरी विजयी हुनुभएको निर्वाचन अधिकृत उषा श्रेष्ठले जानकारी दिनुभयो ।


ललितपुर प्रतिनिधिसभा क्षेत्र नम्बर २ प्रदेशसभा (क) मा नेकपा (एमाले)का रामेश्वर श्रेष्ठ विजयी हुनुभएको छ । श्रेष्ठले आठ हजार २९८ मतसहित विजयी हुनुभएको हो । उहाँका निकटतम प्रतिद्वन्द्वी राष्ट्रिय प्रजातन्त्र पार्टीका धनराम केसीले ६ हजार ८५१ मत प्राप्त गर्नुभएको छ।


जुम्ला प्रदेश (ख) नेकपा (एमाले) का टेकराज पछाई विजय भएका छन् । गठवन्धनका उम्मेदवार पदमबहादुर रोकायालाई पछि पार्दै पछाई विजयी हुनुभएको हो ।  मुख्य निर्वाचन अधिकृतको कार्यालयका अनुसार पछाईले ७ हजार ८२७ मत प्राप्त गरेर विजयी हुनुभयो । पछाईले गठबन्धनका रोकायालाई एक हजार ११२ मतान्तरले विजयी भएको मुख्य निर्वाचन अधिकृत कार्यालयका अधिकृत विष्णुप्रसाद गौतमले जानकारी दिनुभयो ।