सुकुम्वासी बसाउन आयोगसँग जग्गा अभाव
सुकुम्वासी, भूमिहीन, दलित तथा अव्यवस्थित बोसाेवासीको समस्या समाधानका लागि जग्गा व्यवस्थापन प्रमुख समस्याको रूपमा देखिएको छ । भूमि आयोगको एक वर्षको प्रगति विवरण हेर्दा सप्तरीमा सुकुम्वासी व्यवस्थित गर्न जग्गा यकिन हुन नसक्दा सो समस्या देखिएको हो ।
संसारीमाई महापूजाको तयारी
सदरमुकाम जलेश्वरमा पाँच वर्षपछि हुन लागेको संसारीमाई महापूजाको तयारी सुरु भएको छ। जलेश्वरको प्रसिद्ध जलेश्वरनाथ महादेव मन्दिर अगाडि रहेको वरुणसरको पूर्वी मुहारमा अवस्थित संसारीमाई मन्दिरका पुजारी महेन्द्र मुखियाले जेठ २६ गतेका लागि महापूजाको तिथि तय गरेपछि तयारी सुरु भएको हो। संसारीमाई महापूजा मूल समारोह समिति निर्माण गरेर साताव्यापी कार्यक्रम गर्ने गरी तयारी सुरु गरिएको समितिका अध्यक्ष अशोककुमार साहले जानकारी दिनुभयो। उहाँले जेठ २० गतेदेखि २६ गतेसम्म साताव्यापी कार्यक्रमको आयोजना गरी महापूजालाई भव्यता प्रदान गरिने बताउँदै यस कार्यक्रमबारे निर्णय भइनसकेको जानकारी दिनुभयो।
बीस पालिकामा एउटा दमकल
गत शनिबार साँझ सर्लाहीको सुदूरदक्षिण–पश्चिम भेगस्थित रामनगर गाउँपालिका–१, खैर्बामा भीषण आगलागी भयो। स्थानीय बासिन्दासहित प्रहरी चौकी खैर्बा र इलाका प्रहरी कार्यालय गडहियाबाट खटिएको प्रहरीले आगलागी नियन्त्रणमा लिने प्रयास गरे तर बाल्टिनले पानी हालेको भरमा आगलागी नियन्त्रण हुन सकेन।
मिथिलाञ्चलमा जुडशीतल पर्व मनाइँदै
मिथिलाञ्चलमा आज (शनिबार) हर्षोल्लासपूर्वक जुडशीतल पर्व मनाइँदैछ । वैशाख २ गते मनाइने यस पर्वमा मिथिलावासी एकअर्कालाई हिलोपानी लगाउने गर्दछन् ।
सलहेश फूलबारीमा भक्तजनको घुइँचो
ऐतिहासिक लोकनायकका रूपमा मानिँदै आएको सलहेशको लोकगाथा र कीर्तिको स्मरण गर्दै विभिन्न स्थानमा लाग्ने मेलाले सिरहा जिल्लालाई ‘सलहेशमय’ बनाएको छ। वि.सं. १३२५ ताकाका प्रतापी राजा सलहेशको सौर्य, पराक्रम, वीरता, साहस र प्रेमसँग गाँसिएका गाथाहरूको सम्झनास्वरूप यहाँका बासिन्दाले प्रत्येक वर्षको वैशाख १ गते लहान नगरपालिका–१२ स्थित सलहेश फूलबारी र सिरहा सदरमुकामको महिसोथा गढमा परम्परागत मेला आयोजना गर्दै आएका छन्।
सिरुवा पर्व मनाइँदै
मैथलीमा भनिन्छ, भोरक पाइनसे सबकियो जुराई ! चैतक रिनहल वैशाख खाई !! यसको अर्थ बिहानको पानीले सबै जीव शीतल रहोस् र चैतमा पकाएको वैशाखमा खाऊ भन्ने पुरानो भनाइ छ।
-original-thumb.jpg)
शम्भुनाथबाबा मन्दिरमा मेला सुरु
सप्तरीको शम्भुनाथ नगरपालिकास्थित शम्भुनाथ मन्दिरमा एक महिने मेला शुक्रबारबाट सुरु भएको छ । पूर्व–पश्चिम लोकमार्गसँग जोडिएको धार्मिक एवं पर्यटकीयउन्मुख शम्भुनाथ मन्दिरमा लाग्ने एक महिने मेलाको विधिवत सुरु भएको हो ।
वन्यजन्तुलाई पानीको व्यवस्था
सर्लाहीको बाँके जङ्गल क्षेत्रमा वन्यजन्तुलाई पानी पिउन सहज होस् भनी ठाउँ–ठाउँमा पानी भरिएको ड्रम राखिएको छ । ‘वनस्पती जोगाऔँ, वन्यजन्तुको संरक्षण गरौँ’ मूल नाराका साथ ईश्वरपुर सचेत नागरिकको तर्फबाट फूलजोर चोकदेखि बाँके चोकसम्मको जङ्गलमा वन्यजन्तुका लागि पानी पिउने व्यवस्था मिलाइएको हो ।
जनकपुर–जयनगर रेल सेवा विस्तार, दिनको चार पटक सञ्चालन हुने
हाल नेपालको कुर्थादेखि भारतको जयनगरसम्म सञ्चालनमा रहेको नेपालको एक मात्र रेल सेवा नेपाल रेल्वे शुक्रबारदेखि दिनको चार पटक आवतजावत गर्दै सेवा विस्तार गरेको हो ।
वन क्षेत्रबाट हथियारसहित एक पक्राउ
हतियारसहित वन क्षेत्र प्रवेश गरेका अवैध सिकारीलाई प्रहरीले पक्राउ गरेको छ । प्रहरीले बर्दिबास १४ नमुना वस्तीका ४९ वर्षीय भीम भन्ने गणेशबहादुर मगरलाई सागरनाथ वन विकाश परियोजनाअन्र्तगत पर्ने हात्तीलेटको जङ्गलबाट बिहीबार साँझ नियन्त्रणमा लिएको हो ।
दारिमका फूलमा अमर प्रेमका गाथा
विक्रम संवत्को नयाँ वर्ष अर्थात् वैशाख नजिकिने क्रमसँगै राजा सलहेशको नाम चर्चामा आउँछ। अहिले यसका लोकगीतले मधेश गुञ्जायमान छ। मिथिला संस्कृतिका शिखर पुरुषमध्ये सलहेशको जन्म दिन पनि हो नयाँ वर्ष अर्थात् वैशाख १ गते। मधेशको जनजीवनले आत्मसात गरेको सलहेशको स्मरण मात्रले उहाँका अनेकन छवि एकसाथ उपस्थित हुन्छ।
सलहेश फूलबारी भरिभराउ
सलहेश फूलबारीमा भारत विहारका मधुबनी र दरभङ्गा जिल्लाका भक्तजनहरू सलहेशको दर्शन गर्न दुई दिनअगावै आइपुगेका छन्। नयाँ वर्ष वैशाख १ गते लाग्ने फूलबारी मेलामा लहान नगरपालिका वडा नं. १२ र २२ स्थित सलहेशको मन्दिरअगाडि रहेको हारमको रुखमा फूल्ने सुनाखरी फूल हेर्न भव्य मेला लाग्ने गर्दछ। दुई दिनअगावै आइपुगेका भक्तजनहरू सलहेश फूलबारीमा रहेको रुखमुनि सफा गरेर खाना पकाउने र रुखमुनि नै रात काटेर मेला सकिएपछि लहान–१८ स्थित पकडियागढ, लहान–२४ स्थित मानिकदह र सलहेशको जन्मस्थल सिरहा नगरपालिकाको महिसोथा पुगेर तीन दिनपछि गृहस्थानतर्फ फर्किने गर्छन्।
सरकार र मिटरब्याज तथा ठगीविरुद्ध किसान मजदुर सङ्घर्ष समितिको वार्ता भङ्ग
मिटरब्याज तथा ठगीविरुद्ध किसान मजदुर सङ्घर्ष समितिले सरकारी वार्ता टोलीसँगको वार्ता भङ्ग गरेको छ ।
खेतमा थापिएको विद्युतीय धरापमा जीवजन्तु मर्दै
सर्लाहीका किसानले बालीनालीको सुरक्षाको लागि आफ्नो खेतबारीमा थापेको विद्युतीय धराप (करेन्ट) मा परेर वन्यजन्तु मर्न थालेका छन् ।
बढ्दैगरेको पशु बाँझोपनबारे अनभिज्ञ छन् किसान
पशुलाई समयमा उपचार गराउनुपर्छ भनेर जनचेतना नभएर सप्तरीको ग्रामीण भेगमा पशुहरूमा बाँझोपन रोगको सङ्क्रमण बढ्दैगएको छ ।
गौशालाको जग्गा वर्गीकरण
गौशाला नगरपालिकाले नगर क्षेत्रको जग्गा वर्गीकरण कार्य सम्पन्न गरेको छ । नगरपालिकाले बुधबार पत्रकार सम्मेलन गरी भूउपयोग नियमावली २०७९ ले निर्देश गरेको मापदण्डको आधारमा जग्गा वर्गीकरण गरेको जनाएको हो । योसँगै जग्गा वर्गीकरण सम्पन्न गर्ने गौशाला मधेश प्रदेशकै दोस्रो नगरपालिका भएको जनाइएको छ । यसअघि बर्दिबासले यो कार्य सम्पन्न गरेको थियो ।
गर्मीमा खरबुजाको बढ्यो व्यापार
केही सातादेखि गर्मी बढ्दै जाँदा सर्लाहीसहित तराईका जिल्लामा खरबुजाको व्यापार बढ्न थालेको छ । विशेष गरी पूर्व–पश्चिम राजमार्ग दायाँबायाँ खरबुजा राखेर बिक्री गर्नेहरू बढेका छन् । सर्लाहीमा पूर्व–पश्चिम राजमार्ग क्षेत्रका बागमती, नयाँरोड, हरिवन, नवलपुर, लालबन्दीलगायत स्थानमा खरबुजाको व्यापार बढ्न थालेको हो ।
माग सम्बोधन नभए हरवा–चरवाले थप आन्दोलन गर्ने
राष्ट्रिय हरवा–चरवा अधिकार मञ्चले आफ्ना माग सम्बोधन नभए आगामी दिनमा चरणबद्ध रूपमा आन्दोलन गर्ने चेतावनी दिएको छ । आवश्यक परे सङ्घीय राजधानीमा गएर सशक्त आन्दोलन गर्ने मञ्चले चेतावनी दिएको छ ।
माग सम्बोधन गराउन हरवा–चरवाहरु प्रदर्शनमा (फोटोफिचर)
राष्ट्रिय हरवाचरवा अधिकार मञ्चको छातामुनी गोलबद्ध हुँदै मधेस प्रदेशका आठ जिल्लाका हरवा–चरवाहरु ६ बुँदे माग सम्बोधन गराउन प्रदेश राजधानी जनकपुरमा सडक प्रदर्शन गरेका छन् ।
नेपाल नेत्र ज्योति सङ्घ रौतहटको सभापतिमा सिंह निर्वाचित
नेपाल नेत्र ज्योति सङ्घ जिल्ला कार्यसमिति रौतहटको सभापतिमा विजय कुमार सिंह निर्वाचित हुनुभएको छ ।
मजदुरमाथि अमानवीय व्यवहार गर्ने ठेकेदार पक्राउ
महोत्तरी जिल्लाको लोहारपट्टीमा काम गरेको ज्याला माग गर्ने एक मजदुरलाई चोरी गरेको आरोप लगाउँदै अमानवीय व्यवहार गरेका एक ठेकेदारलाई पक्राउ परेका छन् ।
सप्तरीका चार पालिकामा आगलागी : दुई घाइते, छ घर जलेर नष्ट
सप्तरीको चार पालिकामा आगलागी हुँदा दुई जना घाइते भएका छन् भने छ घर जलेर नष्ट भएको छ । जिल्लाको कञ्चनरुप नगरपालिका, रुपनी गाउँपालिका, महादेव गाउँपालिका र शम्भुनाथ नगरपालिकामा आगलागी भएको हो ।
छालाजन्य रोगका बिरामी बढ्दै
धनुषालगायत वरपरका जिल्लामा छालाजन्य बिरामीको सङ्ख्या बढ्दै गएको छ । छाला चिलाउने, दाद, एलर्जी र फोकोफुन्सीलगायत छालाजन्य बिरामीको सङ्ख्या बढ्दै गएको हो ।
सलहेश फूलबारी मेलामा सीमित
सलहेश फूलबारी प्रत्येक वैशाख १ गते नयाँ वर्षको वार्षिकी मेलामा मात्रै सीमित हुनपुगेको छ। मधेश प्रदेशको धार्मिक पर्यटीय स्थलका रूपमा विकास हुनुपर्ने चर्चा भए पनि त्यस रूपमा गति लिन नसकेको स्थानीय बासिन्दाले गुनासो गरेका छन्। लहान नगरपालिका १२ र २२ नम्बर वडास्थित नौ बिघा क्षेत्रमा फैलिएको सलहेश फूलबारी मेला भर्न लाखाैँको सङ्ख्यामा नेपाल र भारतका भक्तजन आउने गर्छन्। फूलबारी मेला हेर्न एक दिन आएर अर्को दिन सुनसान हुने गर्छ। फूलबारीमा पर्यटक नरोकिने हुँदा यसले पर्यटन क्षेत्रमा खासै उपलब्धि हुन नसकेको लहान–१२ का स्थानीय बासिन्दा बताउँछन। स्थानीय दशमीलाल चौधरी भन्नुहुन्छ, “सलहेश फूलबारीको धार्मिक ऐतिहासिक पक्षलाई समेटेर पर्यटकीय हिसाबले विकास गर्ने हो भने राम्रो आम्दानी हु
विज्ञापनलाई हाबी हुन नदिन नियमन गर्न आवश्यक : राज्यमन्त्री अन्सारी
मधेश प्रदेशका उद्योग, पर्यटन तथा वन राज्यमन्त्री रहबर अन्सारीले समाजमा विज्ञापनले झन्डु बामको काम गर्ने हुँदा यसलाई हाबी हुन नदिन नियमन गरेर लैजानु पर्ने बताउनुभयो ।
