सात लाखभन्दा बढी नक्कली नोटसहित महिला पक्राउ
धनुषा प्रहरीले सात लाखभन्दा बढीको नक्कली नोटसहित एक महिलालाई पक्राउ गरी सार्वजनिक गरेको छ ।
बारा–२ मा उपेन्द्र यादवले कटाउनुभयो १३ हजार मत
बारा निर्वाचन क्षेत्र नम्बर २ मा जनता समाजवादी पार्टीका उम्मेदवार उपेन्द्र यादवले १३ हजार मत कटाउनुभएको छ ।
कमला गहिरिँदा चिसापानीमा पानी अभाव
धनुषाको उत्तरी चुरे क्षेत्र गणेशमान चारनाथ नगरपालिका–५, चिसापानीमा पानीका स्रोत सुकेपछि २४५ घरधुरी रहेको सो बस्ती पानीको सङ्कटमा परेको छ। गाउँका इनार, चापाकल प्रायः सुकेका छन्। एउटा सार्वजनिक चापाकलमा थोरै पानी आएपछि दिनरात नै पानी लिनेको मेला लाग्दै आएको छ।
सेवाग्राहीलाई छेकेर लेखापढीको धर्ना
जग्गाको कित्ताकाट खुलाउनुपर्ने माग राख्दै लहानस्थित मालपोत कार्यालयमा लेखापढी व्यवसायीले आन्दोलन थालेका छन्। कार्यालयको मुख्य प्रवेशद्वारमा आइतबार अनशन बसेका लेखापढी व्यवसायीले सेवाग्राहीलाई भित्र पस्नसमेत दिएनन्। छबुँदे मागसहित आन्दोलनमा उत्रिएका खेलापढी व्यवसायीले कार्यालयको काम ठप्प पारेका थिए। आफ्नो माग पूरा नभए सात दिनपछि कडा आन्दोलनमा उत्रने चेतावनी लेखापढी व्यवसायीले दिएका छन्।
बारा–२ मा उपेन्द्र यादवको अग्रता कायमै
बारा क्षेत्र नम्बर २ को मङ्गलबार बिहान ८ बजेसम्म भएको मतगणनामा जनता समाजवादी पार्टीका अध्यक्ष उपेन्द्र यादवले अग्रता कायमै राख्नुभएको छ ।
बारा २ मा उपेन्द्रलाई तीन हजार मतको अग्रता
बारा २ को उपनिर्वाचनमा जनता समाजवादी पार्टीका उम्मेदवार उपेन्द्र यादवले अग्रता बढाउनु भएको छ । उहाँले जनमत पार्टीका उम्मेदवार शिवचन्द्र कुशवाहकसँगको मतान्तर तीन हजार पुर्याउनु भएको हो ।
आर्थिक सङ्कटमा सागरनाथ वन विकास परियोजना
लामो समयदेखि तलब नपाउँदा सागरनाथ वन विकास परियोजनाका कर्मचारी बिचल्लीमा छन् । भदौ महिनादेखि परियोजनाको आर्थिक कारोबार ठप्पप्रायः छ । वैशाखसमेत जोड्दा नौ महिनादेखि तलब नपाएको कर्मचारीको भनाइ छ । यसबीच चाडबाड बिते, छोराछोरीको पढाइ प्रभावित भयो, उपचार र छाक टार्न ऋण लिनु परेकोजस्ता अनेक समस्या झेल्न बाध्य भएको पीडित कर्मचारीको दुखेसो छ । तलब नपाएकै कारण गुजारा चलाउन गाह्रो भएपछि ४० जना कर्मचारीले राजीनामा दिएर पेसा नै परिवर्तन गरिसकेका छन् । परियोजनामा २० वर्षदेखि सेवा दिँदै आएका चौकीदार कृष्णबहादुर तामाङले बाध्य भएर राजीनामा दिएको बताउनुभयो ।
महोत्तरीमा नौ राउण्ड हवाई फायर, सुरक्षाकर्मीसहित ११ घाइते
महोत्तरीमा सोमबार मध्याह्न नौ राउण्ड हवाई फायर भएको छ । गौशाला नगरपालिका –४ स्थित मल्हनीया पोखरी गाउँमा प्रहरी र प्रदर्शनकारीबीच झडप हुँदा सुरक्षाकर्मीले नौ राउण्ड हवाई फायर गरेको हो ।
बारा–२ मा मतगणना सुरु
बारा क्षेत्र नं. २ को मतगणना सोमबार दिउँसो १२ः४० देखि सुरु भएको छ । क्षेत्र उत्तरी भेगमा रहेका करैयामाई गाउँपालिका र सुवर्ण गाउँपालिका मतपेटिका खुलेको प्रमुख निर्वाचन अधिकृत मुकेश उपाध्यायले जानकारी दिनुभयो ।
बारा–२ मा ११ बजेदेखि मतगणना सुरु हुने
बारा क्षेत्र नं. २ मा आइतबार सम्पन्न उपनिर्वाचनको मतगणनाका लागि सोमबार बिहान ८ बजे बसेको सर्वदलीय बैठक सम्पन्न भएको छ ।
आचारसंहिता उल्लङ्घन गरेको छैन : मुख्यमन्त्री
मधेश प्रदेशका मुख्यमन्त्री सरोजकुमार यादवले निर्वाचन आयोगको विज्ञप्तिप्रति ध्यानाकृष्ट भएको भन्दै उक्त विज्ञप्तिमा उल्लेख गरिएको विषयमा कुनै सत्यता नभएको बताउनुभएको छ। आचारसंहिताविपरीत काम गरेको भन्दै निर्वाचन आयोगले स्पष्टीकरण सोधेपछि उहाँले यस्तो जवाफ दिनुभएको हो। मुख्यमन्त्री यादवले आइतबार एक विज्ञप्ति जारी गरेर आयोगको विज्ञप्तिको भ्रममा नपर्न र निर्वाचनलाई स्वतन्त्र, निष्पक्ष र भयरहित तवरमा सम्पन्न गर्न बारा प्रतिनिधि सभा क्षेत्र नं. २ का सम्पूर्ण मतदातालाई पुनः एक पटक अपिल गर्नुभएको छ।
दमकल बिग्रिएर हैरान
जताततै आगलागी भइरहेका बेला सर्लाहीमा रहेका दुईवटा दमकल पालैपालोजसो बिग्रिएर हैरान पार्न थालेका छन्। सदरमुकाम मलङ्गवा नगरपालिकाको दमकल तीन महिनापछि मर्मत गरेर ल्याएको एक साता भएको छ भने हरिवन नगरपालिकाको दमकल बिग्रिएर थन्किएको छ। हरिवन नपाले बिग्रिएको दमकल मर्मतका लागि आइतबार बिहान वीरगञ्ज पठाइएको नगरपालिका कार्यालयले जनाएको छ।
निजी स्कुलका बसलाई गाउँ प्रवेशमा रोक
निजी स्कुलका बसलाई गाउँ प्रवेशमा रोक लगाएपछि बर्दिबास–३, पाटु गाउँ तनावमा छ। आइतबार बिहान विद्यार्थी लिन निजी स्कुलका बसलाई गाउँ प्रवेशमा अवरोध गरेपछि गाउँलेबीच विवाद भएको थियो। गाउँलेले अवरोध गरेपछि निजी स्कुलले तीनवटा बसलाई बीच सडकमा तेर्साएर बीपी राजमार्ग करिब ४५ मिनेट अवरुद्ध पारे। घटनास्थल पुगेको प्रहरीले सम्झाई बाटो खुलाएको थियो। प्रहरीले तत्काल आवागमन खुलाए पनि विवाद यथावत् रहेकाले कुनै पनि बेला राजमार्ग पुनः अवरुद्ध हुने सम्भावना नटरेको स्थानीयवासीको भनाइ छ।
सार्वजनिक बाटो अवरुद्ध
महादेवा गाउँपालिका–१ स्थित एक सार्वजनिक बाटो बाँसको टाटी लगाएर बन्द गरिएको छ। स्थानीय श्रवण मण्डलले सो सार्वजनिक बाटो अवरुद्ध गरेका हुन्। छिमेकी रामकुमार यादवसँग जग्गासम्बन्धी विवाद उत्पन्न भएपछि मण्डलले हिँड्न समस्या हुने गरी घरको टाटी लगाएर बाटो छेकेको स्थानीयवासीले बताएका छन्। बाटो छेकेपछि सर्वसाधारणलाई आवतजावतमा समस्या हुने गरेको छ। बाटो ठप्प हुँदा दैनिक उपभोग्य वस्तुसमेत ओसारपसारमा कठिनाइ हुनुका साथै घर पुग्न पनि समस्या रहेको स्थानीय अशोक यादवले बताउनुभयो।
बारामा सर्वदलीय बैठक बस्दै, त्यसपछि मत गणना सुरु
बारा–२ मा मत गणनाका लागि सर्वदलीय बैठक बस्ने तयारी भएको छ । बाराका प्रमुख जिल्ला अधिकारी नवराज सापकोटाले मत गणना सुरु गर्ने वातावरण तयार गर्न सूचना जारी गरी बिहान ७ बजेका लागि बैठक आव्हान गरेको हो ।
मटिहानीमा आगलागी, आठ घर जलेर नष्ट
महोत्तरीको सीमावर्ती नगरपालिका मटिहानी –६ स्थित जरहलवा टोलको घनावस्तिमा आगलागी हुँदा आठ घर जलेर नष्ट भएको छ । प्रहरी उपरीक्षक प्रकाश मल्लका अनुसार आइतवार दिउँसो स्थानीय गफार शेषको घरबाट लागेको आगो छिमेकी सतार शेष, सदरे शेष, अंसारुल मोमिन, इझारुल मोमिन, अतिम नदाफ, तालिम मोमिन र राजकिशोर मुखियाको घर खरानी भएको छ ।
उपनिर्वाचन : बारा–२ मा ६० प्रतिशत मत खस्यो
बारा क्षेत्र नम्बर २ मा ६० प्रतिशत मतदान भएको छ। सबै मतदान केन्द्रमा शान्तिपूर्ण रूपमा मतदान भइरहेको र ५ बजेसम्म ६० प्रतिशत मतदान भइसकेको सहायक मुख्य निर्वाचन अधिकृत नवराज जोशीले जानकारी दिनुभयो।
-original-thumb.jpg)
बारा २ मा ५० प्रतिशत बढी मतदान
बारा क्षेत्र २ मा आइतबार दिउँसो अढाई बजेसम्म ५० प्रतिशत बढी मतदान भएको छ । सबै मतदान केन्द्रमा शान्तिपूर्णरुपमा मतदान भइरहेको छ । केहीबेर अघिसम्म ५० प्रतिशत बढी मतदान भइसकेको सहायक मुख्य निर्वाचन अधिकृत नवराज जोशीले जानकारी दिनुभयो ।
उपनिर्वाचन : बारा -२ मा २२ प्रतिशत मतदान
बारा क्षेत्र नं. २ मा आइतबार दिउँसो १ बजेसम्म २२ प्रतिशत मतदान भएको भएको छ । बारा क्षेत्र नं. २ को सबै मतदान केन्द्रमा शान्तिपूर्णरुपमा मतदान भइरहेको र १ बजेसम्ममा २२ प्रतिशत मतदान भइसकेको मुख्य निर्वाचन अधिकृत मुकेश उपाध्यायले जानकारी दिनुभयो ।
मधेस प्रदेशका मुख्यमन्त्री यादवलाई सोधियो स्पष्टीकरण
निर्वाचन आयोगले मधेस प्रदेश सरकारका मुख्यमन्त्री सरोजकुमार यादवलाई स्पष्टीकरण सोधेको छ । उपनिर्वाचनको स्वच्छता, स्वतन्त्रता र निष्पक्षतामा प्रतिकूल असर पर्ने गरी अनुमतिबिना निर्वाचन आचारसंहिता विपरीत कार्य गरेको भन्दै आयोगले २४ घण्टे स्पष्टीकरण सोधेको हो ।
पर्यटकीय आकर्षण बन्दै लहानको ‘हात्तीदह सिमसार’
एक समय जङ्गली हात्तीको क्रिडास्थल रहने गरेको सिरहाको लहान नगरपालिका–१५ मा अवस्थित हात्तीदह सिमसार क्षेत्रमा हिजोआज भने आन्तरिक तथा बाह्य पर्यटकको रोजाइमा पर्न थालेको छ ।
उदाहरणीय मुसहर बस्ती
दलित भन्नासाथ गरिबीको रेखामुनि रहेका, रोगी, फोहोरी, अशिक्षित, अबुझ, असभ्य मानिस हुन् भन्ने बुझाइ समाजमा अझ पनि विद्यमान छ तर रौतहटको गुजरा नगरपालिका–५, लक्ष्मीपुरको दलित मुसहर बस्ती जिल्लाकै उदाहरणीय र नमुना बस्तीका रूपमा परिचित छ। कुल २८ घरधुरी रहेको सो बस्तीमा दुई/तीन जना ज्येष्ठ नागरिकबाहेक सबै साक्षर र शिक्षित छन्। आधारभूत शिक्षादेखि स्नातकोत्तरसम्मका शिक्षा हासिल गरी जागिर पेसामा आबद्ध युवा पनि छन् यस बस्तीमा।
प्रादेशिक अस्पतालको सेवा प्रभावकारी
जिल्ला सदरमुकाम गौर नगरपालिकास्थित प्रादेशिक अस्पतालको व्यवस्थापन समिति सक्रियपछि स्वास्थ्य सेवा प्रभावकारी बन्दै गएको छ। रेफर अस्पतालका रूपमा चिनिँदै आएको यस अस्पतालको व्यवस्थापन समिति, चिकित्सकलगायत सम्पूर्ण कर्मचारी सक्रिय भएपछि सेवा प्रभावकारी बनेको हो। बिरामीको स्वास्थ्य सेवालाई ध्यानमा राखेर उपचारका लागि भिडियो एक्स–रे, डिजिटल एक्स–रे मेसिन, ईसीजी सेवा, ओपीडी, इमरजेन्सी सेवा, वार्ड सेवा, शल्यक्रिया व्यवस्थापन, प्रसूति सेवा, जनरल सर्जरी, निःशुल्क औषधिलगायत खानेपानी र सरसफाइमा सुधारसँगै अस्पतालको सेवामा पनि सुधार देखिएको छ।
बारा–२ उपनिर्वाचन : एक घण्टामा पाँच प्रतिशत मतदान
बारा क्षेत्र नम्बर २ मा उपनिर्वाचनअन्तर्गत आज (आइतबार) बिहान ७ बजेदेखि मतदान सुरु भएको छ । बारा–२ का सबै मतदान केन्द्रमा मतदान सुरु भइसकेको मुख्य निर्वाचन अधिकृत मुकेश उपाध्यायले जानकारी दिनुभयो ।
परेन पानी फुलेन गुराँस
चैत–वैशाख महिना वनपाखामा ढकमक्क फुलेर राताम्मे हुनु गुराँसको विशेषता हो । यसैले त अन्य फूलभन्दा उच्च कोटीमा आफ्नो अस्तित्व राख्न सफल भएको हुनसक्छ । गुराँसका बोट अहिले ठिङ्ग्रिङ्गै छन् । चैत–वैशाख ढकमक्क फुल्ने गुराँस यस वर्ष फुलेको देखिएन ।
