एक हजार बढी सवारीसाधन कारबाहीमा
दुर्घटना न्यूनीकरण र ट्राफिक सचेतना अभियान सञ्चालन गरिरहेको प्रहरीले बाँकेमा गत एक महिनामा मात्रै एक हजार ७१३ सवारी साधनलाई कारबाही गरेको छ ।
गुल्मीमा राष्ट्रिय परिचयपत्र बनाउनेको भीड
जिल्ला प्रशासन कार्यालय गुल्मीमा राष्ट्रिय परिचयपत्र बनाउनेको भीड लागेको छ ।
प्युठान जिप दुर्घटना : घाइते एक जनाको मृत्यु
नौबहिनी गाउँपालिका–४ सुत्लावाङमा आइतबार राती भएको जिप दुर्घटनामा घाइतेमध्ये एक जनाको मृत्यु भएको छ ।
बर्दियामा चट्याङ लागेर मृत्यु
बर्दियामा चट्याङ लागेर एकजनाको मृत्यु भएको छ । गेरुवा गाउँपालिका–३ गणेशपुरस्थित आफ्नै खेतमा जोतिरहेका समयमा चट्याङ लाग्दा रोहित थारुको निधन भएको हो ।
मर्चवारमा बहुउद्देशीय सडक निर्माण
रुपन्देहीको कोटहीमाइ गाउँपालिकाले बहुउद्देशीय सडक निर्माण गरेको छ । लुम्बिनी प्रदेश सरकारको साझेदारीमा रु २५ लाखको लागतमा नालासहितको चार किमी सडक निर्माण गरेको हो ।
बजेटमा साना दलका गुनासैगुनासा
लुम्बिनी प्रदेशमा सत्तापक्षले आफ्नो अनुकूलको बजेट बनाएको भन्दै शुक्रबार अवरुद्ध गरिएको प्रदेश सभाको बैठक आइतबार सञ्चालन भयो । जनतामैत्री र सङ्घीयताविरोधी बजेट आएको भन्दै शुक्रबारको प्रदेश सभा बैठक अवरुद्ध गरेको प्रमुख प्रतिपक्षी दल नेपाली कांग्रेसले नेकपा (एमाले) र नेकपा (माओवादी केन्द्र) का प्रदेश सभा सदस्यसमेत रहेको संसदीय समिति बनाउने सहमतिपछि आइतबार सदन चलेको हो । सदनमा आर्थिक मामिला तथा योजनामन्त्री चेतनारायण आचार्यले प्रदेशमा रहेका मुख्य दलका नेताहरूबिच सहमति भएको जानकारी गराउनुभयो ।
छ करोडको अभावमा ५० हजार मानिस जोखिममा
छ करोड रुपियाँको अभावमा दुई गाउँपालिकाका करिब ५० हजार जनसङ्ख्या बाढी र डुबानको जोखिममा परेका छन् । बाँके जिल्लाको राप्तीसोनारी र नरैनापुर गाउँपालिकाका सातभन्दा बढी गाउँका बासिन्दा बाढी र डुबानको उच्च जोखिमसँगै त्रासमा रहेका हुन् । राप्ती सोनारी गाउँपालिका–७ स्थित खल्ला झगडियामा राप्ती नदीमा निर्माण गरिएको तटबन्ध एक वर्षअघि बाढीले बगाएको थियो । त्यसको पुनर्निर्माणका लागि माग गरिएको छ करोड रुपियाँको बजेट नपाई पुनर्निर्माण नहुँदा त्रास बढेको हो ।
घोराही उपमहानगरपालिकाको बजेट दुई अर्व ४२ करोड
दाङको घोराही उपमहानगरपालिकाले आर्थिक वर्ष २०८१–८२ का लागि अनुमानित दुई अर्व ४२ करोड ७७ लाख बढी रुपियाँको अनुमानित आयव्यय प्रस्तुत गरेको छ ।
भेरी अस्पतालमा ठुलो आन्द्राको क्यान्सरको दूरबिन प्रविधिबाट शल्यक्रिया
नेपालगन्जस्थित भेरी अस्पतालमा पहिलो पटक ठुलो आन्द्राको क्यान्सरको दूरबिन प्रविधिबाट सफल शल्यक्रिया गरिएको छ। विगत डेढ वर्षदेखि पेटको समस्याले पीडित पञ्चपुले नगरपालिका–१ की ७५ वर्षीया हस्ता शर्माको भेरी अस्पतालमा सफल शल्यक्रिया गरिएको हो।
७० घरका अग्निपीडितलाई आर्थिक सहयोग
गुल्मेली समाज जापानले गुल्मीका ७० घर अग्निपीडितलाई सात लाख रुपियाँ आर्थिक सहयोग गरेको छ । गत बैशाख र जेठमा जिल्लाका विभिन्न स्थानमा भएका आगलागीका घटनाबाट घरबास गुमाएका प्रतिपरिवारलाई नगद १० हजारका दरले सहयोग गरिएको गुल्मेली समाज जापानका अध्यक्ष महेन्द्रकुमार अधिकारीले जानकारी दिनुभयो ।
७५ परिवारलाई त्रिपाल वितरण
बुधबार राति आएको हावाहुरीका कारण घरका छाना उडेर, पर्खाल भत्किएर क्षति भएका बाँकेको कोहलपुर नगरपालिका –१५ का ७५ घर परिवारलाई त्रिपाल वितरण गरिएको छ ।
‘नेपालको श्रमबजारलाई विदेशिनबाट रोक्नुपर्ने’
लुम्बिनी प्रदेशका मुख्यमन्त्री जोखबहादुर महराले नेपालको श्रमबजारलाई विदेशिनबाट रोक्नुपर्ने बताउनुभएको छ ।
लुम्बिनी प्रदेशलाई दिएको समर्थन समाजवादी पार्टीले फिर्ता लियाे
समाजवादी पार्टी नेपालले लुम्बिनी प्रदेश सरकारलाई दिएको समर्थन फिर्ता लिएको छ । पार्टी संसदीय दलकी प्रमुख सचेतक अम्बिका काफ्लेले आज विज्ञप्ति जारी गर्दै आजका मिति देखि नै प्रतिपक्ष दलको भूमिकामा बस्ने निर्णय भएको जानकारी गराएकी हुन् ।
खडेरीले पिउने पानीदेखि ब्याड हुर्काउन समस्या
लामो समयको खडेरीले जनजीवन प्रभावित भएको छ । दिउँसोको चर्को घाम र तातो हावाका कारण पानीको स्रोत सुकेपछि पिउने पानीदेखि धान लगाउन तयार पारिएको बिउ हुर्काउन समेत समस्या भएको छ । दाङको राप्ती नदीको पानी लाग्ने राप्ती गाउँपालिकाबाहेकका स्थानमा रोपाइँ सुरु नै भएको छैन । अन्यत्र धानको बिउ राखे पनि सिँचाइ गर्न नसक्दा समस्या भएको छ । लामो खडेरीले पानीका मुहान सुकेसँगै धान लगाउने किसानले खेती गर्न पाएका छैनन् । धानको ब्याड हुर्काउन समेत पानीकै अभावमा समस्या भएको किसानको गुनासो छ । लमही नगरपालिका–६ का किसान दोलबहादुर चौधरीले कुलोमा पानी नहुँदा खानेपानीको धाराबाट सामान्य छम्केर ब्याड हुर्काउने अवस्था रहेको बताउनुभयो ।
पर्यटकीय गन्तव्य जितगढी किल्ला
तत्कालीन अङ्ग्रेज साम्राज्यलाई परास्त गरेको ऐतिहासिक जितगढी किल्लाको मुहार फेरिएको छ । वीरताको प्रतीकका रूपमा रूपन्देहीको जितगढी किल्ला परिचित छ । नयाँ स्वरूपमा यसको विकास भइरहेको छ । इस्ट इन्डिया कम्पनीसँग विसं १८७१ देखि १८७२ सम्म भएको युद्धमा वीर नेपाली सेनाले यही क्षेत्रबाट विजय हासिल गरेका थिए । कर्णेल उजिरसिंह थापा नेतृत्वको नेपाली फौजले अङ्ग्रेज फौजमाथि विजय हासिल गरी अङ्ग्रेज फौजलाई फिर्ता पठाएको इतिहाससँग जोडिएको यो किल्ला हेर्नलायक बनेको छ । बुटवल वडा नं. १ मा रहेको यो स्थल आन्तरिक तथा बाह्य पर्यटकका लागि गतिलो गन्तव्य बन्दै छ ।
खोलाले बगाएर एकको मृत्यु
गुल्मीमा खोलाले बगाएर एक जनाको मृत्यु भएको छ । यस जिल्लाको रेसुङ्गा नगरपालिका १४ पराल्मीका ६८ वर्षीय खुमबहादुर सामतको छल्दी खोलाले बगाएर मृत्यु भएको जिल्ला प्रहरी कार्यालय गुल्मीले जनाएको छ ।
प्रविधिको सदुपयोग गरे समृद्धि प्राप्त हुन्छ : मुख्यमन्त्री महरा
लुम्बिनी प्रदेशका मुख्यमन्त्री जोगबहादुर महराले विज्ञान र प्रविधिको क्षेत्रमा विकास भएको सिप र क्षमतालाई सही रुपमा प्रयोग गर्न सके देशको समृद्धि हासिल गर्न सकिने बताउनुभएको छ।
राप्तीले भत्काएको तटबन्धको निरीक्षण
बाँकेको राप्तीसोनारी गाउँपालिकाको खल्ला झगडियामा राप्ती नदीमा निर्माण गरिएको तटबन्ध बाढीले बगाएको एक वर्ष पुग्दा पनि पुनःनिर्माण हुन सकेको छैन।
संसदमा प्रतिपक्षको भूमिका थप प्रभावकारी बनाउँछौँ : पूर्वप्रधानमन्त्री देउवा
नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले संसदमा प्रतिपक्षको भूमिका थप प्रभावकारी बनाउने बताउनुभएको छ ।
ज्येष्ठ र अशक्त नागरिकलाई राष्ट्रिय परिचयपत्र बनाउन समस्या
बाँकेको खजुरा गाउँपालिका वडा नं. २ एल गाउँका ६१ वर्षीय शेरबहादुर बुढा प्यारेलाइसिसको रोगी हुनुहुन्छ । उहाँ उठबस गर्न, हिँडडुल गर्न तथा बोल्नसमेत सक्नुहुन्न । शुक्रबार करिब १२ः३० बजे बुढा जिल्ला प्रशासन कार्यालय बाँकेको ढोका अगाडि भुईँमा सुतेको अवस्थामा हुनुहुन्थ्यो ।
एकीकृत समाजवादी बाँकेद्वारा महाधिवेशन प्रतिनिधि छनोट
नेपाल कम्युनिस्ट पार्टी (एकीकृत समाजवादी) बाँकेले १० औँ महाधिवेशनका लागि १९ जना प्रतिनिधि सर्वसम्मत रूपमा चयन गरेको छ।
सत्ता समीकरण बदलिने सम्भावना छैन : महासचिव पोख्रेल
नेकपा (एमाले) का महासचिव शङ्कर पोख्रेलले सत्ता समीकरण बदलिने कुनै सम्भावना नरहेको बताउनुभएको छ। तुलसीपुर उपमहानगरपालिका वडा नम्बर ११ माले डाँडामा नेकपा एमालेका नेता श्रीमणि आचार्यको सालिक अनावरण कार्यक्रममा महासचिव पोख्रेलले अहिलेको सत्तासमीकरण २०८४ को निर्वाचन पछिसमेत कायम रहने बताउनुभयो।
कारागारबाट सुरुङ खनेर फरार भारतीय नागरिक १४ वर्षपछि पक्राउ
सुरुङ खनेर कपिलवस्तु कारागारबाट फरार भारतीय नागरिक १४ वर्षपछि पक्राउ परेका छन् । भारत उत्तर प्रदेश जिल्ला सिद्धार्थनगर चिल्हिया घर भएका स्कुलमिया अन्सारी भनिने मोहम्मद स्कुल पक्राउ परेका हुन् । कारागारबाट २०६६ साल माघ २ गते स्कुलसहित आठ जना सुरुङ खनेर फरार भएका थिए ।
सत्तासमीकरण २०८४ सालसम्म निरन्तर : महासचिव पोख्रेल
नेकपा (एमाले) का महासचिव शङ्कर पोख्रेलले २०८४ सम्म नै सत्तासमीकरण यथावत् रहने बताउनुभएको छ । तुलसीपुर उपमहानगरपालिका वडा नम्बर ११ माले डाँडामा एमालेका नेता श्रीमणि आचार्यको सालिक अनावरण गर्नुहुँदै महासचिव पोख्रेलले अहिलेको सत्तासमीकरण २०८४को निर्वाचन पछिसमेत कायम रहने बताउनुभयो ।
गाउँपालिकामा बाँदर आतङ्क
बाँकेको जानकी गाउँपालिकामा केही समय यता ठुलो सङ्ख्यामा आएका बाँदरका कारण स्थानीयहरू आतङ्कित बनेका छन् ।
