आँखाको नानी प्रत्यारोपण सेवा प्रभावकारी
नेपालगन्जस्थित फत्ते बाल आँखा अस्पतालमा सानो समयमै सय जनाभन्दा बढीको आँखाको नानी प्रत्यारोपण गरिएको छ । सेवा प्रभावकारी बन्दै गएपछि सेवा लिने दिनदिनै बढ्दै गएको अस्पतालले जनाएको छ । फत्ते बाल आँखा अस्पतालका कर्निया विशेषज्ञ डा. राजशी श्रेष्ठले अस्पतालमा सुरु गरिएको आँखाको नानी प्रत्यारोपण सेवा सफल हुँदै गएपछि नानी प्रत्यारोपणका लागि आउने बिरामी बढेको बताउनुभयो । उहाँले क्यामिकल इन्जुरीका कारण आउने बिरामीको कर्नियाको सर्जरीलगायत कर्नियाको धेरै प्रकारका सर्जरी सेवा अस्पतालले प्रदान गरिरहेको बताउनुभयो ।
मौरीपालन व्यवसायबाट पहिचानसँगै आम्दानी
दाङको घोराही उपमहानगरपालिका–१५, काठेकोहल निवासी विष्णु श्रेष्ठ मौरीपालन व्यवसायी हुनुहुन्छ । कम मेहनतमा राम्रो आम्दानी लिन सकिने मौरीपालन व्यवसायसँग जोडिएका श्रेष्ठले मौरीपालनलाई मह उत्पादनसँग जोडेर व्यवसाय गर्दै आउनुभएको छ । २०५१ सालमा ४२ घार मौरी ल्याएर व्यावसायिक उत्पादनमा लाग्नुभएका उहाँले अहिले राम्रो आम्दानी गर्दै आउनुभएको छ । उहाँले अहिले १५० घार मौरी छन् भने मह प्रशोधन उद्योगसमेत स्थापना गरेर मह खरिदबिक्रीको समेत कारोबार गर्दै आउनुभएको छ । साथै उहाँले मौरीपालक किसानलाई चाहिने मौरीका घार, मदानी, आधार चाकासमेत बनाउँदै बिक्री गर्ने गरेको बताउनुहुन्छ । उहाँका अनुसार दाङ जिल्लामा चिउरी, रुदेलो, तोरी र गोरक्ष बुटीको मह उत्पादन हुने भएकाले मौरीपालनका लागि उपयुक्त मानिन्छ । यसरी उत्पादन गरिएको मह घोराही र काठमाडौँबाट बिक्री गरेको श्रेष्ठले
सवारी जरिवाना बैङ्कबाट तिर्ने व्यवस्था लागू
जिल्लामा सवारी कारबाहीमा तिर्नुपर्ने जरिवाना बैङ्क मार्फत तिर्नुपर्ने व्यवस्था गरिएको छ । असार १ गतेदेखि लागु हुने गरी जिल्लामा सवारी नियम उल्लङ्घन कसुरको जरिवाना बापत राजश्व सङ्कलनलाई बैङ्किङ प्रणालीमा परिवर्तन गरिएको जिल्ला प्रहरी कार्यालय प्युठानले जनाएको छ ।
फुस्रो चैते चरा
रोल्पा सुनछहरी गाउँपालिका–३ स्थित बहिरीगामको जङ्गलमा समुद्री सतहदेखी दुई हजार आठ सय ५० मीटरको उचाइमा देखिएको फुस्रो चैते चरा ।
सहरी स्वास्थ्य केन्द्रको भवन प्रयोगविहीन
सहरी क्षेत्रका नागरिकलाई गुणस्तरीय स्वास्थ्य सेवा प्रदान गर्न निमार्ण गरिएको सहरी स्वास्थ्य केन्द्रको भवन लागूऔषध प्रयोगकर्ताको अखडा बनेको छ। घोराही उपमहानगरपालिका–१५ उत्साह टोलमा ५२ लाख २० हजार रुपियाँ खर्च गरेर निमार्ण गरिएको ४ कोठे भवन संरक्षण नहुँदा लागूऔषध प्रयोगकर्ताको अखडा बन्न पुगेको हो ।
वडास्तरीय पुरुष भलिबलको उपाधि रम्भा–१ लाई
जिल्लाको रामपुर नगरपालिका–४, मा भएको खुल्ला वडास्तरीय पुरुष भलिबल प्रतियोगिताको उपाधि रम्भा गाउँपालिका–१ ले जितेको छ । सोमबार भएको फाइनल खेलमा रामपुर नगरपालिका–१० लाई ३–१ सेटले हराउँदै उपाधि जित्न सफल भएको हो ।
ज्येष्ठ नागरिकका लागि सङ्घ स्थापना
ज्येष्ठ नागरिकको सामाजिक, आर्थिक र स्वास्थ्य सुरक्षा लगायत राज्यबाट प्राप्त हुने सेवा सुविधा व्यवस्थापनका लागि ज्येष्ठ नागरिक सङ्घ गठन गरिएको छ ।
नौमती बाजा बजाएर प्रशंसा बटुल्दै महिला (भिडियोसहित)
महिलाले बाजा बजायो भने जुँगा आउँछ’ पहिलो पटक बाँसुरी बजाउने प्रयास गर्दा कमला परियारका बुवाले रोक्दै भन्नुभएको थियो । महिलाले बाजा बजाउन त परै जाओस् छोए पनि पाप लाग्छ भन्ने अन्धविश्वासको कारण कमलाले बाँसुरी बजाउँदा बजाउँदै रोकिनुभयो ।
बाँकेमा धुमधामका साथ मनाइयो बकर इद
इस्लाम धर्मावलम्बीहरुको दोस्रो ठूलो पर्व इद–उल–अजहा (बकर इद) बाँकेमा धुमधामका साथ सोमबार मनाइएको छ । तीन दिनसम्म मनाइने सो पर्वलाई कुरबानी र बलिदानको पर्व पनि भनिन्छ ।
चट्याङ लागेर प्रधानाध्यापकको मृत्यु
पाल्पामा चट्याङ लागेर एक जनाको मृत्यु भएको छ । मृत्यु हुनेमा रैनादेवी छहरा गाउँपालिका–३, भुवनपोखरीका ५६ वर्षीय विमलप्रसाद पन्त रहेको प्रहरीले जनाएको छ ।
प्राथमिकतामा कृषि,उद्योग, पर्यटन र स्वास्थ्य
लुम्बिनी प्रदेश सरकारले शनिबार ल्याएको आर्थिक वर्ष २०८१/८२ को बजेटले कृषि, उद्योग, पर्यटन र स्वास्थ्य क्षेत्रलाई प्राथमिकता दिएको छ । त्यसै गरी बजेटले पूर्वाधार क्षेत्रको विकासका साथै तालिम, सिप विकास, आर्थिक सामाजिक सशक्तीकरण, विपन्न वर्ग क्षेत्रको विकासमा प्राथमिकता दिएको छ । बजेटले अधिकांश पुराना र साना आयोजना पूरा गर्न प्राथमिकता दिएको छ । लुम्बिनी प्रदेशका ५२ वटै प्रदेश निर्वाचन क्षेत्रमा एक बहुवर्षीय आयोजनाका लागि बजेट विनियोजन गरिएको छ ।
सवारीसाधन किन्न विद्यालयलाई अनुदान
रुपन्देहीको तिलोत्तमा नगरपालिकामा नगरभित्रका सामुदायिक विद्यालयलाई पालिकाले सवारीसाधन सञ्चालनका लागि अनुदानको व्यवस्था गरेको छ । नगरपालिकाले नगरभित्रका सामुदायिक विद्यालयलाई सवारीसाधन खरिद गर्न ५० प्रतिशत अनुदान रकम उपलब्ध गराएको हो । तिलोत्तमा नगरपालिकाका नगरप्रमुख रामकृष्ण खाणले समुदायमा शिक्षाको पहुँच बढाउन यस्तो अनुदानको कार्यक्रम लागु गरिएको जानकारी दिनुभयो । २०७४ सालदेखि यस्तो अनुदानको कार्यक्रम सुरु गरिएको हो । हालसम्म मावि तहका १५ वटा विद्यालयलाई १० लाखका दरले पालिकाले रकम उपलब्ध गराएको छ । यो ५० प्रतिशत रकम हो ।
चोरेर जम्मा गरेको लाखौँको सामान सहित कोइराला पक्राउ
चोरीको सामानसहित पाल्पामा एक जना व्यक्ति पक्राउ परेका छन् । पक्राउ पर्नेमा बगनासकाली गाउँपालिका–२, पोखराथोकका अर्जुन कोइराला रहेका छन् ।
साहित्यकार न्यौपानेको 'ज्योतिर्गमय' कृति लोकार्पण
साहित्यकार एवम् पत्रकार नीलकण्ठ न्यौपानेले लेख्नुभएको ‘ज्योतिर्गमय’ आत्मकथाको लोकार्पण गरिएको छ । पाल्पाको पर्यटकीय एवम् धार्मिक स्थल रम्भादेवीको मन्दिर परिसरमा प्रश्रित प्रतिष्ठान नेपाल रुपन्देहीका अध्यक्ष एवम् साहित्यकार प्रा.डा. कपिल लामिछाने, प्रतिनिधि सभाका सदस्य नारायणप्रसाद आचार्य लगायतले उक्त कृतिको लोकार्पण गर्नुभएको हो ।
गर्मीले बाँकेमा दुई जनाको मृत्यु
पछिल्लो समयमा बाँकेलगायतका जिल्लामा बढेको गर्मी र तातो हावा लु का कारण जनजीवन अति नै प्रभावित भएको छ। उच्च गर्मीकै कारण बाँकेमा दुई जनाको मृत्यु भएको छ। मृत्यु हुनेमा खजुरा गाउँपालिकाका सुन व्यवसायी टोपेन्द्र सुनारको गर्मीका कारण बेहोस भएर मृत्यु भएको हो।
प्रभावकारी बन्दै कृत्रिम पोखरी
बाँकेका विभिन्न सामुदायिक वनमा वन्यजन्तुका निम्ति पानी पिउने व्यवस्थाका साथ बनाइएका मानवनिर्मित कृत्रिम पोखरीहरू प्रभावकारी बनेका छन् ।
पुरन्धारा झरना जोड्ने सडक कालोपत्रे हुँदै
दाङको पर्यटकीयस्थल पुरन्धारा झरना जोड्ने सडक कालोपत्रे गर्ने काम सुरु भएको छ । बबई गाउँपालिका –५ को गँगटेदेखि पर्यटकीय केन्द्र पुरन्धारा झरनासम्म जोड्ने सडक कालोपत्रे गर्ने काम सुरु भएको बबई गाउँपालिका पूर्वाधार शाखाका इन्जिनियर राजेश देवकोटाले जानकारी दिनुभयो ।
पाल्पामा स्काेर्पियो दुर्घटना हुँदा नौ जना घाइते
पाल्पामा स्काेर्पियो दुर्घटना हुँदा नौ जना घाइते भएका छन् । जिल्लाको निस्दी गाउँपालिका–४, स्थित झ्याङ्लिङ् सडक खण्डमा आइतबार बिहान सवा ४ बजेतिर दुर्घटना हुँदा नौ जना घाइते भएका हुन् ।
सबस्टेसन निर्माण सम्पन्न
गुल्मी जिल्लाको रेसुङ्गा नगरपालिका वडा नम्बर–७, उनायचौरमा बनेको विद्युत् सबस्टेसनको निर्माणको काम सकेर अहिले ट्रान्सफर्मर चार्ज गर्ने काम भइरहेको छ । तम्घासको उनायचौर सबस्टेसनको निर्माण कार्य सम्पन्न भएको र अहिले परीक्षणका क्रममा रहेको बुर्तिबाङ, पौदीअमराइ, तम्घास, सन्धिखर्क, गोरुसिङ्गे १३२ केभी प्रशारण लाइन आयोजना प्रमुख मनोज चौधरीले जानकारी दिनुभयो । अहिले परीक्षणका क्रममा रहेको र परीक्षण सफल भएपश्चात् वितरणको प्रक्रिया अगाडि बढाउने गरी तयारी गरेको चौधरीको भनाइ छ । लामो दुरीबाट आउने लाइनमा विभिन्न समस्या आउँदा लामो समयसम्म विद्युत् नहुने समस्याबाट अब मुक्त हुने र भोल्टेजको समेत समस्या नहुने उहाँको दाबी छ । लामो समयदेखि विद्युत्को समस्या झेल्दै आएका गुल्मेली समस्याबाट मुक्त हुने भएका छन् । हावा चल्दा पनि विद्युत्को समस्या झेल्दै आएका गुल्मेलीले तम्घासको उनायचौरमा बनेको १३२ केभिए सबस्टेसनको निर्माण सम्पन्न भएकाले उक्त समस्याबाट मुक्त हुने भएका छन् । लामो दुरी बुटवलबाट ३३ केभिएमार्फत आएको लाइनबाट प्रसारण हुँदा सामान्य समस्या आउँदा पनि विद्युत् जाने र लामो समयसम्म आउन नसक्ने हुँदा गुल्मेलीले समस्या झेल्दै आएका थिए ।
नयाँ रक्तदाता खोज्नुपर्ने बाध्यता
दाङमा रगत खपत बढ्दा नयाँ रक्तदाता खोजी गर्नुपर्ने चुनौती देखिएको छ । जिल्लामा नियमित रूपमा रक्तदान गर्ने रक्तदाता कम हुँदा रगतको आवश्यकता पूरा गर्न जिल्लामा नयाँ रक्तदाताका लागि कार्यक्रमहरूको भर पर्नुपर्ने अवस्था छ । अस्पतालमा बिरामीको चाप बढ्दै जाँदा नियमित रक्तदानबाट रगत आपूर्ति धान्न नसक्ने भएपछि नयाँ रक्तदाताको खोज्नुपर्ने अवस्था रहेको रक्तसञ्चार केन्द्र दाङका वरिष्ठ प्राविधिक ठाकुर पौडेल बताउनुहुन्छ ।
खडेरीले धानको बीउको वेहाल
दाङको घोराही उपमहानगरपालिका १८ स्थित महदेवाका किसानको लामो समयको खडेरीले सुकेर फुटेको धानको ब्याड राखेको खेत ।
सामुदायिक वनमा लोभलाग्दो कागती खेती
बाँकेको राप्तीसोनारी गाउँपालिकास्थित एक सामुदायिक वनमा कागती खेती गर्न सुरु गरिएपछि त्यसबाट सो वनका उपभोक्तालाई राम्रो आम्दानी हुने देखिएको छ ।
बैजनाथ गाउँपालिकामा ‘डिजिटल नागरिक वडापत्र’
स्थानीय सरकारले आफ्नो क्षेत्रमा रहेका जनतालाई छिटो छरितो र गुणस्तरीय सेवा प्रवाहका लागि विभिन्न नयाँ नयाँ उपायहरु अपनाउन थालेका छन्।
लुम्बिनी प्रदेशको बजेट ३८ अर्ब ९७ करोड
लुम्बिनी प्रदेश सरकारले आर्थिक वर्ष २०८१–८२ को लागि ३८ अर्ब ९७ करोड बजेट ल्याएको छ । आर्थिक मामिलामन्त्री चेतनारायण आचार्यले चालुतर्फ ११ अर्ब २४ करोड २७ लाख ९४ हजार र पुँजीगततर्फ २४ अर्ब ५८ करोड ५९ लाख बजेट विनियोजन गरेको शनिबार प्रदेशसभामा जानकारी गराउनुभयो ।
ज्येष्ठ नागरिकलाई लौरो र रेडियो
चन्द्रकोट गाउँपालिकाले ज्येष्ठ नागरिकलाई लौरो र रेडियो सहयोग गरेको छ । गाउँपालिका भित्रका ७९ वर्ष पूरा भएका र ८२ वर्ष ननाघेका १५२ ज्येष्ठ नागरिकलाई सम्मानस्वरुप लौरो र रेडियो प्रदान गरिएको गाउँपालिका अध्यक्ष युवराज केसीले जानकारी दिनुभयो ।
