साहित्यकार झमकद्वारा मतदान
साहित्यकार झमक घिमिरेले धनकुटा –६ स्थित बहुउद्देश्यीय सामुदायिक भवन मतदान केन्द्रबाट मतदान गर्नुभएको छ । शारीरिक अवस्था जटिल रहेको उहाँलाई अटोमा राखेर मतदान केन्द्रसम्म लगिएको थियो ।
झापामा बम पड्किएपछि सुरक्षा व्यवस्थामा कडाइ
झापाका दुई वटा मतदास्थलमा सुतली बम पड्काएर निर्वाचन प्रभावित पार्न खोजेपछि जिल्लास्थित सबै मतदान केन्द्रमा सुरक्षा ब्यवस्था कडा पारिएको छ । झापा दमकस्थित हिमावि मतदान केन्द्रमा विहान साढे १० बजे र झापा गाउँपालिकाको वडा नं. २ स्थित कुवाडीदेवी मावि मतदान स्थलमा विहान साढे ९ बजे बम विस्फोट भएको थियो ।
इलाममा ११५ वर्षीय ज्येष्ठ नागरिकद्वारा मतदान
यसपटकको निर्वाचनमा इलाममा ११५ वर्षीय ज्येष्ठ नागरिकले मतदान गर्नुभएको छ। फाकफाेकथुम गाउँपालिका वडा नम्बर ७ का ११५ वर्षीय वृद्ध मनबहादुर राईले मतदान गर्नुभएको हो ।
राप्रपा अध्यक्ष लिङ्देनद्वारा मतदान
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले मतदान गर्नुभएको छ । उहाँले आफ्नै निर्वाचन क्षेत्रको हल्दिबारी –१ स्थित गोल्धाप मतदान केन्द्रबाट मतदान गर्नुभएको हो । उहाँ झापा क्षेत्र नं. ३ को प्रतिनिधि सभा सदस्यको उम्मेद्वार रहनु भएको छ ।
सञ्चारमन्त्री कार्की र पूर्व मुख्यमन्त्री आचार्यद्वारा मतदान
सञ्चार तथा सूचना प्रविधि एवम् कानुन मन्त्री ज्ञानेन्द्रबहादुर कार्कीले सुनसरीको वराहक्षेत्र नगरपालिका १० प्रकाशपुरको भगवती आधारभूत विद्यालयमा मतदान गर्नुभएको छ ।
नेता खरेलद्वारा झापा क्षेत्र नम्बर २ बाट मतदान
झापाको क्षेत्र नम्बर १ बाट प्रतिनिधि सभाका उम्मेदवार अग्नि खरेलले झापाको क्षेत्र नम्बर २ बाट मतदान गर्नुभएको छ । खरेलको स्थायी घर बिर्तामोड नगरपालिका वडा नम्बर ५ हो ।
तेह्रथुममा ३६ कैदीबन्दीद्वारा मतदान
एक मात्र निर्वाचन क्षेत्र रहेको तेह्रथुममा ३६ जना कैदीबन्दीले मतदान गरेका छन् । जिल्ला कारागारका ८३ जना कैदीबन्दीमध्ये ३६ जनाले यस पटकको निर्वाचनमा मतदान गरेको सहायक प्रमुख जिल्ला अधिकारी तथा जेलर विक्रम लिम्बुले जानकारी दिनुभयो ।
हिँडेर मतदान स्थल पुग्नुभएकी ८८ वर्षीय लिम्बुको मृत्यु
तेह्रथुममा ८८ वर्षीय वृद्धको मृत्यु भएको छ । मतदानका लागि हिँडेर मतदान स्थल पुग्नुभएको वृद्धको मृत्यु भएको हो ।
सेनाको गाडीमा ठोक्किँदा एकको मृत्यु
पूर्वपश्चिम राजमार्गअन्तर्गत झापाको शिवसताक्षीमा निर्वाचनको सुरक्षामा खटिएको नेपाली सेनाको सवारीसँग मोटरसाइकल ठोक्किँदा दुर्घटनामा परेर एकजना मोटरसाइकल चालकको मृत्यु भएको छ ।
महामन्त्री शर्माद्वारा मतदान
नेपाली काँग्रेसका महामन्त्री एवं झापा क्षेत्र नंम्बर १ का प्रतिनिधि सभा सदस्य उम्मेदवार विश्वप्रकाश शर्माले मतदान गर्नुभएको छ ।
पूर्वप्रधानमन्त्री खनालद्वारा मतदान
उहाँ परिवारसहित केन्द्रमा पुगेर मतदान गर्नुभएको छ । मतदानपछि उहाँले पत्रकारहरूसँग कुरा गर्दै मतदान गर्ने अधिकारबाट कोही वञ्चित हुन नहुने बताउनु भयो ।
निर्वाचनले लोकतन्त्रलाई बलियो बनाउँछ : कोइराला
नेपाली कांग्रेसका प्रभावशाली नेता तथा मोरङ क्षेत्र नं. ६ का लोकतान्त्रिक–बाम गठबन्धनका उम्मेदवार डा. शेखर कोइरालाले विराटनगर महानगरपालिका वडा नं. ७ स्थित आदर्श उच्च माविको मतदान केन्द्रबाट मतदान गर्नु भएको छ ।
संविधानसभा अध्यक्ष नेम्बाङद्वारा मतदान
संविधानसभा अध्यक्ष तथा नेकपा (एमाले) उपाध्यक्ष सुवासचन्द्र नेम्बाङले देशमा आर्थिक, सामाजिक, सांस्कृतिक परिवर्तन आवश्यक रहेको बताउनु भएको छ ।
एमाले नेता एवं पूर्व मन्त्री हिक्मत कार्कीद्वारा मतदान
विष्णुप्रसाद पोखरेलदमक, मङ्सिर ४ गते । नेकपा एमालेका स्थायी कमिटी सदस्य एवं प्रदेश १ का पूर्व आन्तरिक मामिला तथा कानुनमन्त्री हिक्मत कार्कीले मतदान गर्नुभएको छ । झापाको क्षेत्र नं. ५ (१) बाट प्रदेश सभा सदस्यको उम्मेद्वार रहनुभएका उहाँले गौरादह ३ सूर्योदय आधारभूत विद्यालयको मतदान केन्द्रबाट मतदान गर्नुभएको हो ।
सुनिल थापाले गर्नुभयो मतदान
नेपाली कांग्रेसका केन्द्रीय सदस्य तथा धनकुटाबाट प्रतिनिधि सभा सदस्य उमेद्वार सुनिल बहादुर थापाले धनकुटाको राम माबि मुगाबाट मतदान गर्नु भएको छ ।
प्रदेश १ मा मतदाताको उत्साहजनक उपस्थिति
प्रतिनिधि सभा र प्रदेश सभाको निर्वाचन अन्तर्गत प्रदेश १ का मतदान केन्द्रहरुमा आइतबार बिहान ७ बजेबाट मतदान प्रारम्भ भएको छ । सबै मतदान केन्द्रमा साँझ ५ बजेसम्म मतदान जारी रहने छ ।
-original-thumb.jpg)
आर्थिक समस्याको समाधानका लागि निर्वाचनकै आशा
झापा, दमकका सुनचाँदी व्यवसायी काशी खातीलाई अहिलेको आर्थिक सङ्कटबाट कसरी मुक्ति पाउने भन्नेमा चिन्ता छ। बैङ्कको ब्याज बुझाउनेदेखि ऋण र सापटी तिर्न पनि समस्या भइरहेको छ। निर्वाचनको समयमा बैङ्क तथा वित्तीय संस्थामा पैसा आउने र तरलताको समस्या समाधान हुने अनुमान उहाँको थियो, तर त्यस्तो भएन।
धनकुटामा निर्वाचनको तयारी
धनकुटामा निर्वाचनको तयारी पूरा भएको मुख्य निर्वाचन अधिकृतको कार्यालयले जनाएको छ।
पाँचथरमा पाँच जना महिलालाई मतदान अधिकृतको जिम्मेवारी
पाँचथर जिल्लाका पाँचजना महिला कर्मचारीलाई मतदान अधिकृतको जिम्मेवारी दिइएको छ।
खोटाङमा एक मतदान स्थलका सबै कर्मचारी महिला
प्रतिनिधि सभा र प्रदेश सभा चुनावका लागि खोटाङको एक मतदान स्थलमा महिला कर्मचारीहरु मात्रै खटिएका छन् । मतदान अधिकृत, सहायक मतदान अधिकृत, सहायक कर्मचारी, सहयोगी सबै महिला नै रहेका हुन् ।
नेपाली मजदुर मतदानका लागि स्वदेश प्रवेश
निर्वाचनमा अवाञ्छित गतिविधि रोक्नका लागि शुक्रबारदेखि सीमा बन्द गरिए पनि भारतमा कामको सिलसिलामा गएका तथा मजदुरी गरेर मत हाल्न आएकाहरुलाई स्थानीय प्रशासनको सक्रियतामा नेपाल भित्रनका लागि आवश्यक सहयोग र सहजीकरण भइरहेको पाइएको छ ।
सुतेकै ठाउँमा मृत भेटिए मतदान अधिकृत
सोलुखुम्बुमा एक मतदान अधिकृत सुतेकै ठाउँमा मृत भेटिएका छन् । जिल्लाको नेचासल्यान गाउँपालिका–४ स्थित फुर्के सामुदायिक बन मतदान केन्द्रमा खटिएका मतदान अधिकृत ५६ वर्षीय बिल्टु राय आज (शनिबार) बिहान सुतेकै ठाउँमा मृत भेटिनुभएको हो ।
झापामा निर्वाचनको सबै तयारी पूरा
झापामा निर्वाचनका लागि आवश्यक सबै तयारी पूरा भएको छ । जिल्लाका सबै मतदान स्थलमा मतदान केन्द्रको संरचना निर्माण लगायतको काम पूरा भएको बताइएको छ । सबै मतदानस्थलमा मतदान अधिकृतसहितको टोली पुगेर आफ्नो काम सुरु गरेका छन् ।
झापा सदरमुकाममा बमजस्तो वस्तु, सेनाद्वारा डिस्पोज
झापा सदरमुकाम चन्द्रगढीको वीरेन्द्र नमुना माध्यमिक विद्यालयको मतदानस्थल नजिकै अज्ञात समूहले बमजस्तो देखिने वस्तु राखेर आतङ्कित पारेको छ । खतरा लेखेर राखिएको उक्त शङ्कास्पद वस्तुलाई नेपाली सेनाले शनिबार बिहान ७ बजे नष्ट गरेको थियो ।
चुनावको तयारी अन्तिम चरणमा
खोटाङमा प्रतिनिधि सभा र प्रदेश सभा सदस्य निर्वाचनका लागि तयारी अन्तिम चरणमा पुगेको मुख्य निर्वाचन अधिकृतको कार्यालयका सहायक निर्वाचन अधिकृत रामाकान्त यादवले जानकारी दिनुभएको छ। मतदान स्थलमा मतपत्र, मतपेटिकालगायतका निर्वाचन सामग्री लिएर बिहीबार पुगेका कर्मचारी र सुरक्षाकर्मीको टोलीले मदिरा, हातहतियार, चुनावी प्रचारप्रसार र शान्ति भङ्ग गर्न निषेध सम्बन्धी सूचना टाँसेका छन्। दिक्तेल रूपाकोट मझुवागढी नगरपालिका–१, दिक्तेलस्थित सरस्वती माध्यमिक विद्यालय मतदान स्थलको ‘ख’ मतदान केन्द्रका सहायक मतदान अधिकृत इरन राईका अनुसार शुक्रबार सर्वदलीय बैठक बसेर आचारसंहिता निर्माण गर्ने कार्य भएको छ। यस्तै मतदान स्थलमा प्रवेशद्वार निर्माण र कर्मचारी परिचयपत्र बनाउने काम भएको उहाँले बताउनुभयो।
