एनरिक पीएसजीको मुख्य प्रशिक्षक
फ्रान्सको चर्चित क्लब पेरिस सेन्ट जर्मेन (पीएसजी) को मुख्य प्रशिक्षकमा लुइस एनरिक नियुक्त हुनुभएको छ । पीएसजीले बुधबार राति एनरिकलाई प्रशिक्षकमा नियुक्त गरेको हो ।
भानुकप फुटबलमा ४० टोली
आदिकवि भानुभक्त आचार्यको २१०औं जन्मजयन्तीका अवसरमा जिल्लामै सर्वाधिक राशीको भानुकप फुटबल प्रतियोगितामा ४० टोलीको सहभागिता रहने भएको छ ।
भारतलाई साफ फुटबल उपाधि
१४औं संस्करणको साफ च्याम्पियनसिप फुटबलको उपाधि आयोजक भारतले जितेको छ । बेङ्गलोरस्थित श्री कन्तिराभा स्टेडियामा मंलबार राति भएको फाइनलमा भारतले आमन्त्रित टोली कुवेतलाई सडन डेथमा ५–४ गोलले हरायो ।
विश्वकप छनोट : प्रारम्भिक फुटबल टोलीको घोषणा
अखिल नेपाल फुटबल सङ्घ (एन्फा) ले सन् २०२६ को विश्वकप छनोट खेल्ने प्रारम्भिक टोलीको घोषणा गरेको छ ।
साफ च्याम्पियनसिप : कुवेत फाइनलमा
आमिन्त्रत टोली कुवेत भारतको बेङ्लोरमा जारी १४औँ साफ च्याम्पियनसिप फुटबलको फाइनलमा प्रवेश गरेको छ । श्री कान्तिरभा स्टेडियममा शनिबार भएको पहिलो सेमिफाइनल खेलमा कुवेतले बंगलादेशलाई १–० गोलले हरायो ।
नेपालको फिफा वरीयता एक स्थान खस्कियो
नेपाली राष्ट्रिय फुटबल टोलीको वरीयता एक स्थान खस्किएको छ । विश्व फुटबल महासङ्घ (फिफा) ले बिहीबार सार्वजनिक गरेको नयाँ वरीयतामा नेपाल एक स्थान तल झर्दै एक सय ७५औँ स्थानमा रहेको छ ।
साफको सेमिफाइनल समीकरण पूरा
भारतको बेङ्लोरमा जारी १४औँ साफ च्याम्पियनसिप फुटबलको सेमिफाइनल समीकरण पूरा भएको छ । बुधबार राति समूह ‘बी’ को अन्तिम खेलमा बङ्गलादेश भुटानलाई ३–१ गोलले हराउँदै सेमिफाइनलमा पुगेको छ ।
पाकिस्तानमाथि नेपालको सान्त्वना जित
नेपालले भारतमा जारी १४औँ साफ च्याम्पियनसिप फुटबलमा पाकिस्तानमाथि सान्त्वना जित निकालेको छ । यसअघिनै समूह चरणबाट बाहिरिएको नेपालले मंगलबार भएको समूह चरणको अन्तिम खेलमा पाकिस्तानलाई १–० गोलले हरायो ।
नेपाललाई सान्त्वना जितको आशा
साफ च्याम्पियन्सीप २०२३ मा नेपालको चुनौती समाप्त भइसकेको छ । यद्यपि समूह चरणको अन्तिम खेलमा पाकिस्तानविरुद्धको खेल नेपालका लागि विभिन्न अर्थमा महत्त्वपूर्ण हुनेछ ।
‘बिग्रेका पक्ष सपार्न लागिपरेका छौँ’: अध्यक्ष नेम्वाङ
अखिल नेपाल फुटबल सङ्घ (एन्फा)ले आयोजना गर्ने फुटबल प्रतियोगिताका लागि प्रायोजकको कहिल्यै कमी भएन । यसबाहेक फिफाबाट एन्फालाई वार्षिक रुपमा लाखौँ डलर समेत आए त्यसैले यो संस्था धनी मध्येको एक बनेको छ । अन्य खेल संस्थाभन्दा एन्फा आर्थिक र भौतिक रूपमा सबल छ । तर अहिले नेपाली फुटबलको लोकप्रियतालाई क्रिकेटले चुनौती दिइरहेको छ । फिफाको खातामा रहेको एन्फाको रकम पनि कन्ट्रोल फन्डिङमा हुँदा एन्फा आर्थिक रूपले पनि समस्यामा छ ।
बिच सकर विश्वकप स्थगित
विश्व फुटबल महासंघ (फिफा) ले युएईले आयोजना गर्न लागेको फिफा बीच सकर विश्वकप २०२३ नोभेम्बरको सट्टा फेब्रुअरी २०२४ मा आयोजना गर्ने निर्णय गरेको छ।
साफ च्याम्पियन्सिप २०२३ : नेपाल समूह चरणबाट बिदा
साफ च्याम्पियन्सिप २०२३ मा नेपाल शनिबार भारतसँग २–० ले हारेर समूह चरणबाट बिदा भएको छ । पछिल्लो संस्करणमा नेपाल फाइनलमा भारतसँग हारेर उपविजेतामा सीमित बनेको थियो । यस प्रतियोगितामा नेपालको यो लगातार दोस्रो हार हो । हारले नेपालको सेमिफाइनल प्रवेशको ढोका बन्द भयो । नेपाल उद्घाटन खेलमा कुवेतसँग पनि पराजित भएको थियो । अब नेपाल र पाकिस्तानबिच मङ्गलबार खेलिने खेल प्रतिष्ठाका लागि मात्र हुने छ । पकिस्तान पनि सुरुका दुई खेल हारेर प्रतियोगिताबाट बिदा भइसकेको छ । समूह ‘ए’ बाट कुवेत र भारत सेमिफाइनलमा पुगेका छन् ।
नेपाललाई भारतसँग हार्ने छुट छैन
साफ च्याम्पियनसिप २०२३ को छनोट चरण पार गर्न नेपाललाई शनिबार घरेलु टिम भारतसँगको खेलमा हार्ने छुट छैन। पहिलो खेलमा कुवेतसँग ३–१ ले पराजित भएपछि नेपाल दबाबमा परेको छ। अझै दुई खेल बाँकी रहेकाले नेपालको शीर्ष दुई स्थान हासिल गरेर अन्तिम चारमा पुग्ने सम्भावना भने सकिएको छैन तर सो सम्भावना कायम राख्न भारतविरुद्ध कम्तीमा बराबरीमा खेल्नुपर्ने हुन्छ । नेपालले आफ्नो अन्तिम खेल पाकिस्तानसँग खेल्ने छ। यस प्रतियोगितामा प्रत्येक समूहका शीर्ष दुई टिम सेमिफाइनलमा पुग्ने प्रावधान रहेको छ।
साफ च्याम्पियनसिप २०२३ : कुवेतसँग नेपालको हार
साफ च्याम्पियनसिप २०२३ को उद्घाटन खेलमा नेपाल बुधबार कुवेतसँग ३–१ ले पराजित भएको छ । यस जितसँगै कुवेतको सेमिफाइनल प्रवेश बलियो भएको छ । नेपालले भने अन्तिम चारको सम्भावना कायम राख्न शनिबार भारत र मङ्गलबार पाकिस्तानविरुद्ध अनुकूल नतिजा निकाल्नुपर्ने छ । कुवेत आमन्त्रित टिमका रूपमा साफ च्याम्पियनसिपमा सहभागी भएको हो । कुवेतबाहेक दक्षिण एसिया बाहिरको लेबनानले पनि यस प्रतियोगितामा खेल्दै छ ।
नेपाल कुवेतसँग पराजित
नेपाल साफ च्याम्पियनसिप–२०२३ को उद्घाटन खेलमा कुवेतसँग पराजित भएको छ । भारतको बेंगलोरमा बुधबारदेखि सुरु भएको च्याम्पियनसिपमा नेपाल कुवेतसँग ३–१ गोलले पराजित भएको हो ।
रोनाल्डोको कीर्तिमानी गोलमा पोर्चुगल विजयी
कप्तान क्रिस्टियानो रोनाल्डोले कीर्तिमानी गोल गरेसँगै पोर्चुगलले युरो कप २०२४ को छनोट खेलमा आइसल्यान्डमाथि कठिन जित निकालेको छ । मङ्गलबार राति भएको खेलमा पोर्चुगलले घरेलु टोली आइसल्यान्डलाई १–० गोलले हरायो ।
अनन्त ५० खेलको कोशढुङ्गामा
नेपालका सेन्टर ब्याक अनन्त तामाङले बुधबार साफ च्याम्पियनसिप २०२३ मा कुवेतविरुद्ध खेलेर ५० औँ अन्तर्राष्ट्रिय खेलको कोशेढुङ्गा छुनुभएको छ ।
कम अपेक्षाबीच सफल हुने प्रयासमा नेपाल
साफ च्याम्पियनसिप नेपाली फुटबलको स्तर जाँच्ने प्रतियोगिता मानिन्छ । त्यसैले साफ च्याम्पियनसिप हुँदा नेपाली फुटबल टिमबारे अनेक चर्चा परिचर्चा हुने गर्दछ ।
फ्रिडम फाइटरद्वारा उपाधि रक्षा
साविक विजेता फ्रिडम फाइटरले दोश्रो वडा अध्यक्ष कप भेट्रान फुटबल प्रतियोगिताको उपाधि जितेको छ ।
स्पेनले जित्यो नेसन्स लिग उपाधि
युइएफए नेसन्स लिग फुटबलको उपाधि स्पेनले जितेको छ । जर्मनीमा आइतबार राति भएको फाइनल खेलमा क्रोएसियालाई टाइब्रेकरमा ५–४ गोलले हराउँदै स्पेन च्याम्पियन बनेको हो ।
सहिद स्मारक ‘ए’ डिभिजन लिग : रोमाञ्चक खेल, न्यून दर्शक
सहिद स्मारक ‘ए’ डिभिजन जस्तो घरेलु शीर्ष लिग जित्न कुनै पनि क्लबलाई लामो पर्खाइ र धैर्य आवश्यक हुन्छ । ठूलो अप्ठ्यारो सामना गर्नु पर्छ । किनभने लिग फुटबल उपाधि जित्नु भनेको चानचुने कुरा होइन । लिग फुटबल लामो समय चल्ने गर्छ । सबैले सबै टिमविरुद्ध प्रतिस्पर्धा गर्नु पर्छ । अझ यस पालि सहिद स्मारक ‘ए’ डिभिजन लिग दोहोरो संरचनामा भयो । त्यसैले यस पटकको लिग अझ कठिन थियो तर चर्च ब्वाइज युनाइटेड अपवाद बन्यो । चर्च ब्वाइजले देशको सबभन्दा ठूलो लिग फुटबल प्रतियोगिता सहिद स्मारक ‘ए’ डिभिजन लिग जित्न एक वर्ष पनि कुर्नु परेन । चर्च ब्वाइज अकस्मात् नेपाली फुटबलमा
नेपाल र फिलिपिन्सको खेल आज
भारतको बेंगलाेर असार ६ देखि १८ गतेसम्म आयोजना हुने १४औँ साफ च्याम्पियनसिप फुटबलको तयारीका लागि नेपाली टोलीले फिलिपिन्ससँग उसैको मैदानमा बिहीबार (आज साँझ) मैत्रीपूर्ण खेल खेल्दैछ ।
फुटबलर सावित्रालाई युरोपमा खेल्ने अवसर
नेपाली राष्ट्रिय महिला फुटबल टोलीकी स्टार स्ट्राइकर सावित्रा भण्डारी (साम्बा)ले युरोपको फुटबल क्लबबाट व्यावसायिक फुटबल खेल्ने मौका पाउनुभएको छ ।
थ्रिस्टारविरुद्ध एपिएफले दियो एन्फामा उजुरी
विभागीय टोली नेपाल एपिएफ क्लबले शहीद स्मारक ‘ए’ डिभिजन लिगमा थ्रिस्टार क्लबले भिसा विनै दुई जना विदेशी खेलाडी खेलाएको भन्दै अखिल नेपाल फुटबल सङ्घ (एन्फा) मा उजुरी दिएको छ ।