काठमाडौँ, साउन २९ गते । एएफसी च्यालेन्ज लिगको प्लेअफ खेलमा भुटानको पारो एफसीविरुद्ध खेल्नका लागि नेपालको सहिद स्मारक ‘ए’ डिभिजन लिग विजेता चर्च ब्वाइज युनाइटेडले आफ्नो पहिलो रोजाइ सार्वजनिक गरेको छ ।
त्रिपुरेश्वरस्थित दशरथ रङ्गशालामा साँझ ६:०० बजे सुरु हुने खेलका लागि ब्वाइजले अनन्त तामाङको कप्तानीमा मैदानमा उत्रने पहिलो रोजाइका ११ जना खेलाडी समेत सार्वजनिक गरिसकेको छ । टोलीको गोलरक्षकमा दीप कार्की हुनुहुन्छ ।
यस्तै रक्षापंत्तिमा कप्तान अनन्तसँगै सनिश श्रेष्ठ, ओमोलाजा करिम, पिटर बान्दा र छिरिङ लामा रहनुभएको छ । मिडफिल्डमा लाकेन लिम्बु, आयुश घलान र एरिक विष्ट तथा स्ट्राइकरमा मोसेस ग्याबा र अञ्जन विष्ट रहनुभएको छ ।
पारोविरुद्ध चर्च ब्वाइज–११
गोलरक्षक : दीप कार्की
रक्षक : अनन्त तामाङ (कप्तान), सनिश श्रेष्ठ, ओमोलाजा करिम, पिटर बान्दा र छिरिङ लामा
मिडफिल्डर : लाकेन लिम्बु, आयुश घलान र एरिक विष्ट
स्ट्राईकर : मोसेस ग्याबा र अञ्जन विष्ट ।
