सल्यानका कपुरकोट गाउँपालिका–१ मा माओवादीका खड्का विजयी
सल्यान कपुरकोट गाउँपालिका–१ मा वडाअध्यक्ष पदमा गठबन्धनबाट चुनाव लडेका नेकपा (माओवादी केन्द्र)का बालाराम खड्का विजयी हुनुभएको छ ।
अछामका चार केन्द्रमा पुनः निर्वाचन हुने
दलहरुको विवादमा मतदान कार्य रोकिएको अछामको साँफेबगर नगरपालिका–१३ बाब्ला र पञ्चदेवल विनायक नगरपालिका–५ लयाँटीमा पुनः मतदान हुने भएको छ ।
महोत्तरीको बर्दिवास–८ मा माओवादी विजयी
महोत्तरीको वर्दिवास नगरपालिकामा नेकपा माओवादीले मात्र ९ मतको झिनो अन्तरले पहिलो खाता खोलेको छ ।
भक्तपुरको तीन नगरमा काँग्रेस र एकमा नेमकिपाको अग्रता
भक्तपुरको चार नगरपालिकामध्ये तीन नगरमा नेपाली कांग्रेस र एक नगरमा नेपाल मजदूर किसान पार्टीले अग्रता लिएका छन्।
तरुण दल अध्यक्ष साउद वडाध्यक्षमा निर्वाचित
पुष्कर भण्डारीडडेलधुरा, वैशाख ३१ गते।नेपाली कांग्रेस डडेलधुरा तरुण दल अध्यक्ष शेरबहादुर साउद वडा अध्यक्षमा निर्वाचित हुनुभएको छ।नेपाली कांग्रेसबाट नवदुर्गा गाउँपालिका–१ मा उम्मेदवार रहनु भएका उहाँ निर्वाचित हुनुभएको हो।५८४ मतसहित उहाँ निर्वाचित हुनुभएको निर्वाचन अधिकृतको कार्यालय नवदुर्गाले जानकारी दिएको छ।उहाँका निकटतम प्रतिद्वन्द्वी नेकपा माओवादीका उम्मेदवारले ४४१ मत प्राप्त गर्नुभएको छ।यस वडामा गएको निर्वाचनमा नेकपा एमालेले जितेको थियो।
सर्लाहीको अठार पालिकामा मतगणना जारी, दुईवटामा अन्यौलता
देशभरमै सबैभन्दा बढी स्थानीय तह रहेको सर्लाहीमा २० स्थानीय तहमध्ये १८ वटामा मतगणना चलिरहेको छ । शनिबार अपरान्हसम्म बरहथवा नगरपालिका र कौडेना गाउँपालिकामा भने मतगणना सुरु हुन सकेको छैन् ।
डोटीका विभिन्न गाउँपालिकाका चार वडाको अन्तिम मतपरिणाम सार्वजनिक
डोटी जिल्लाका विभिन्न गाउँपालिकाका चार वटा वडाहरुको अन्तिम मत परिणाम सार्वजनिक भएको छ । प्राप्त मत परिणाम अनुसार विभिन्न तीनवटा वडामा नेकपा (एमाले) र एक वडामा नेपाली काँग्रेसका उम्मेदवार निर्वाचित भएका छन् ।
जुगल गाउँपालिका-१ मा कांग्रेस विजयी
चित्र मिजारसिन्धुपाल्चोक, वैशाख ३१ गते। जुगल गाउँपालिका-१ मा नेपाली कांग्रेसका उम्मेदवार जनक तामाङले ५८४ मत ल्याएर विजयी भएका छन्। उहाँका निकटतम प्रतिद्वन्द्वी समाजवादीका कमल थापाले ५ मत अन्तरले पराजित हुनु भएको छ।जुगल गाउँपालिका-१ को मतगणनासम्म सो गाउँपालिकामा एमाओवादी केन्द्र र नेपाली कांग्रेसको गठबन्धन छ। गठबन्धनका रेशम स्याङबाले ९७५ र कांग्रेसका उपाध्यक्ष हिमालकुमार श्रेष्ठले ८५९ मत ल्याएर अग्रता कायम राखेका छन्।
हेटौँडाका तीन वडामा कांग्रेसका उम्मेदवार विजयी
मकवानपुर जिल्ला शुक्रबार सम्पन्न भएको स्थानीय तह सदस्य निर्वाचनअन्तर्गत भएको मतगणनामा वडामा नेपाली काँग्रेसले विजयी सुरुवात गरेको छ।
डोटीमा एमालेले खाता खोल्यो : प्यानलसहित वडाध्यक्ष विजयी
डोटीमा नेकपा (एमाले) ले बोगटान फुड्सिल गाउँपालिकाबाट विजयी सुरुवात गरेको छ। बोगटान फुड्सिल गाउँपालिका १ को वडाअध्यक्षमा एमाले उमेदवार खेमबहादुर मगर ४ सय ९६ मतसहित विजयी हुनुभएको हो।
दैलेखमा काँग्रेस तीन, एमाले दुई र माओवादी एक वडामा विजयी
दैलेखमा रहेका ११ स्थानीय तहका ९० वडामध्ये छ वडाको मत परिणाम सार्वजनिक भएको छ । प्राप्त मतपरिणाम अनुसार नेपाली कांग्रेसले तीन वडामा विजयी हुँदै पहिलो, नेकपा (एमाले) दुई वडामा विजयी हुँदै दोस्रो र एक वडामा विजयी हुँदै नेकपा (माओवादी केन्द्र)ले तेस्रो भएको छ ।
कीर्तिपुर नगरपालिकामा काँग्रेसको अग्रता
काठमाडौं, वैशाख ३१ गते । कीर्तिपुर नगरपालिकामा नेपाली काँग्रेसले अग्रता लिएकाे छ । यस्तै वडा नम्बर १, २ र ३ मा नेपाली काँग्रेसका उम्मेदवारहरू विजयी हुने निश्चित हुनुभएकाे छ । त्रिभुवन विश्वविद्यालयको स्मृति भवनमा स्थानीय निर्वाचन अन्तर्गतको मतगणना अनुसार दिउँसो २:१५ सम्ममा वडा नं. १ देखि ३ सम्मको गणना हुँदा नेपाली काँग्रेसको अग्रता छ । कीर्तिपुर वडा नंं १ मा काँग्रेसको नगर प्रमुखमा ५७०, उपप्रमुखमा ५४१ र वडा अध्यक्षमा ५६५ मत प्राप्त भएको छ । यस्तै, नेकपा एमालेको प्रमुखमा ३५७, उपप्रमुखमा ४२३ र वडा अध्यक्षमा ३८६ मत खसेको छ । नेकपा माओवादी केन्द्रको नगर प्रमुखमा २००, उपप्रमुखमा १३५ र वडा अध्यक्षमा १५९ मत छ । नेकपा एकीकृत समाजवादीका प्रमुखमा २३, उपप्रमुखमा ३५, वडा अध्यक्षमा ३१ मतसहित चौथौ स्थानमा छ । वडा नं. २ मा प्रमुखमा काँग्रेसको ३९३, एमालेको ३७२ र माअोवादी केन्द्र २०६ मत प्राप्त गरेको मुख्य निर्वाचन अधिकृत कमला घिमिरेले बताउनुभयो ।उपप्रमुखमा काँग्रेसको ३८४, एमालेको ३९३ माओवादी केन्द्रको १९९ मत छ । वडा अध्यक्षमा काँग्रेसको ४०५, एमालेको ३८७ र माओवादी केन्द्रले १९० मत प्राप्त गरेको छ । कीर्तिपुर वडा नं. ३ मा प्रमुखमा काँग्रेसले ६५५, एमालेले ४०२, माओवादी केन्द्रले १०२, एकीकृत समाजवादीले २२ र राष्ट्रिय प्रजातन्त्र पार्टीले ४ मत प्राप्त गरेको घिमिरेले जानकारी दिनुभयो ।
डडेल्धुराको अमरगढी–१ मा कांग्रेसका वडाध्यक्ष निर्वाचित
जिल्ला सदरमुकामको अमरगढी नगरपालिका–१ मा नेपाल कांग्रेसबाट उम्मेदवार बन्नुभएका वडा अध्यक्षका उम्मेदवार निर्वाचित हुनुभएको छ ।
उदयपुरमा मतपरिणाम आउन सुरु, दुई वडामा गठबन्धनको विजय
भोटराज राईउदयपुर, वैशाख ३१ गते । उदयपुरको लिम्चुङबुङ गाउँपालिकामा दुईवटा वडामा गठबन्धनको जीत भएको छ । पालिकाको वडा नं. ४ र ५ मा गठबन्धनको तर्फबाट वडाध्यक्षका उम्मेदवारहरुले विजय हाँसिल गरेका हुन् । उदयपुरको मतगणनाको पहिलो जीत परिणाम लिम्चुङबुङबाट सुरु भएको हो ।वडा नं. ४ को वडाध्यक्षमा क्षत्र राई विजयी भएका छन् । जनता समाजवादी पार्टीका उनी वडामा नेकपा माओवादी केन्द्र र नेपाली काँग्रेससँग गठबन्धन गरी उठेका थिए । उनी जसपाको जिल्लाकै पहिलो विजयी उम्मेदवार पनि भएका छन् । उनले वडामा खसेको ९८७ मत मध्ये ४२८ मत प्राप्त गरेका थिए ।त्यसैगरी वडा नं= ५ मा गठबन्धनको तर्फबाट वडाध्यक्ष उम्मेदवार नेपाली काग्रेसका कविचन्द्र राई वसन्त विजयी भएका छन् । उनले वडामा खसेको ८५५ मतमध्ये ३०४ मत प्राप्त गरेर विजयी हासिल गरेका हुन् । जम्मा पाँचवटा वडा रहेको सो पालिकामा पालिका अध्यक्ष र उपाध्यक्षमा गठबन्धनकै अग्रता छ ।
स्थगन भएका मतदान केन्द्रको सङ्ख्या ७९ पुग्यो
वैशाख ३० गते शुक्रबार भएको स्थानीय तह निर्वाचनमा स्थगन हुने मतदान केन्द्रको सङ्ख्या ७९ पुगेको छ ।
डोटीमा एमालेको आधार इलाकामा कांग्रेसका उम्मेदवार विजयी
डोटीमा नेपाली कांग्रेसले विजयी सुरुवात गरेको छ । जिल्लाको आदर्श गाउँपालिका वडा नं. ७ को वडाध्यक्षमा नेपाली कांग्रेसका उम्मेदवार लाल बहादुर विष्ट प्यानल सहित विजयी हुनुभएको हो । विष्ट ३३६ मत ल्याएर वडाध्यक्षमा निर्वाचत हुनुभएको छ । उहाँका निकटम प्रतिद्वन्द्वी नेकपा एमालेका उम्मेदवार वीर बहादुर विष्टले २९८ मत मात्रै प्राप्त गर्नुभएको छ ।
झापाका पन्ध्रै पालिकामा मतगणना सुरु
जिल्लाका १५ वटै पालिकामा मतगणना गर्न थालिएको छ । शिवतासाक्षी, अर्जुनधारा र मेचीनगरपालिकाले मध्याह्नपछि मतगणना सुरु गरेका हुन् भने अधिकांश पालिकाले शनिबार रातिदेखि नै मतगणना सुरु गरेको मुख्य निर्वाचन अधिकृत गिरिराज गौतमले बताउनुभयो ।
मुस्ताङकाे एमाले किल्लामा कांग्रेस र कांग्रेस गढमा एमाले विजयी
हिमालपारीको जिल्ला मुस्ताङमा नेकपा एमाले दुई र नेपाली काँग्रेसले एक स्थानीय तहको प्रमुख र उपप्रमुख जितेका छन् । अघिल्लो स्थानिय तहको निर्वाचनमा नेकपा एमालेले जितेको सदरमुकाम रहेको घरपझोङ गाउँपालिकामा नेपाली कांग्रेसले बाजी मारेको छ भने बाह्रगुङ मुक्तीक्षेत्र गाउँपालिकामा कांग्रेसलाई हराउँदै एमालेले प्रवेश गरेको छ ।
चन्द्रकोट –१ मा गठबन्धनको प्यानल नै विजयी
तिलाचन पाण्डेतम्घास,वैशाख ३१ गते । चन्द्रकोट गाउँपालिका –१ दिब्रुङ्गमा पाँच दलीय गठबन्धनको प्यानल नै विजयी भएको छ । गठबन्धनबाट माओवादी केन्द्रका घनश्याम खरेल सहित उहाँको प्यानलनै निर्वाचित भएको छ । कुल आठ सय मत खसेकोमा खरेल ५५२ मतसहित विजयी हुनुभएको छ । उहाँका निकटतम प्रतिद्धन्द्धी नेकपा एमालेका गोविन्द बहादुर बलालले १८५ मत ल्याउनुभयो । खरेल माओवादी केन्द्रनिकट विद्यार्थीको संगठन अखिल (क्रान्तिकारी) का लुम्बिनी प्रदेश अध्यक्ष हुनुहुन्छ ।
मानेभञ्ज्याङ्ग–१ कांग्रेस र खिजिदेम्बा –१ वडामा जसपा प्यानल विजयी
ओखलढुङ्गाको मानेभञ्ज्याङ्ग गाउँपालिका एकमा नेपाली कांग्रेस र खिजिदेम्बा गाउँपालिका एक वडामा जनता समाजवादी पार्टीको प्यानल विजयी हुनुभएको छ । मानेभञ्ज्याङ्ग–१ मा काँग्रेस तर्फका राजकुमार रुम्दाली र खिजिदेम्बा–१ मा जसपा तर्फका वडा अध्यक्षका उम्मेदवार कुमार सुनुवारको प्यानल विजयी हुनुभएको हो ।
मतगणनास्थलमा मतपेटिका ल्याउन तीन दिनको पैदलमार्ग
चीनको सिमावर्ती क्षेत्र ताप्लेजुङको फक्ताङलुङ गाउँपालिका–७ याङमा मतदान केन्द्रबाट मतगणनास्थलसम्म मतपेटीका आइपुग्न तीन दिन लाग्ने भएको छ ।
धुर्कोटमा मतगणना अनिश्चित
गुल्मीको धुर्कोट गाउँपालिका–४ जैसीथोकमा नेपाली कांग्रेस वडाध्यक्षका उम्मेदवार गोपाल थापामाथि हातपात भएपछि मतगणना अनिश्चित भएको छ । जिल्लाका अन्य पालिकामा मतगणना चलिरहँदा धुर्कोटमा भने सर्वदलीय बैठक पनि बस्न सकेको छैन ।
विराटनगर महागरपालिकामा कांग्रेसको अग्रता
प्रदेश नं १ को एकमात्र महानगरपालिकाको रुपमा रहेको विराटनगर महानगरपालिको मेयर पदमा सत्ता गठवन्धनका नागेश कोइरालाले कांग्रेसले अग्रता लिनुभएको छ । कांग्रेसबाट मेयर पदका उम्मेदवार कोइरालाले २ सय ६९ मत ल्याएर पहिलो स्थानमा हुनुहुन्छ । नेकपा एमालेका मेयर पदका उमेदवार सागरकुमार थापाले १ सय ८१ मत ल्याएर दोस्रो स्थानमा हुनुहन्छ ।
मनाङको नासों गाउँपालिकामा सत्ता गठबन्धन बिजयी
हिमाली जिल्ला मनाङको नासों गाउँपालिकामा सत्ता गठबन्धनका उम्मेदवार बिजयी भएका छन् । अध्यक्षका उम्मेदवार नेपाली कांग्रेसका धनबहादुर गुरुङले ८ सय २० मत ल्याएर विजयी हुनुभएको छ । उहाँको प्रतिद्धन्दी नेकपा एमालेका मनबहादुर गुरुङले ६४८ मत ल्याउनुभएको छ ।
प्रधानमन्त्री देउवाको गृह पालिकामा काँग्रेसको दोब्बर अग्रता
प्रधानमन्त्री तथा नेपाली काँग्रेसका सभापति शेरबहादुर देउवाको गृहपालिकामा नेपाली काँग्रेसले दोब्बर अग्रता बनाएको छ । मतगणना हुँदा काँग्रेसका उम्मेदवार इन्द्र कार्कीले एक हजार ३०९, नेपाली काँग्रेस विपीका सुरेन्द्र मालीले ५६७ नेकपा एकीकृत समाजवादीका नर बहादुर बिष्टले १७८ र मत प्राप्त गर्नुभएको छ ।
