कटारी नपामा प्रमुखमा गठबन्धनबाट कांग्रेस, उपप्रमुखमा एमालेको जीत
उदयपुरको कटारी नगरपालिकामा गठबन्धनतर्फ नेपाली कांग्रेसको राजेशचन्द्र श्रेष्ठले प्रमुख पदमा विजय हाँसिल गर्नुभयो भने उपप्रमुखमा नेकपा एमालेकी गीता खड्काले विजय हाँसिल गर्नुभयो ।
विना गणना थन्किए मतपेटिका, भारतमा पुगे मतदाता
शेरबहादुर सार्कीबाजुरा, जेष्ठ ११ गते । बाजुराको बूढीगङ्गा नगरपालिका अधिकांश वडाका मतदाताले सुरक्षित तरिकाले मतदान गरेको भए पनि मतगणना नहुँदा मतदाताहरु अन्येलमा परेका छन् ।निर्वाचन भएको १३ दिन बितिसक्दा सुरक्षित मतदान भएका वडाको नतिजा नआएपछि मतगणनाको विषयमा मतदाता अन्येलमा परेका हुन् ।निर्वाचन आयोगको २०७९ साल जेष्ठ ५ गतेको विज्ञप्तिमा बूढीगङ्गा नगरपालिकामा चुनाव गर्ने या मतगणना गर्ने विषयमा कुनै निर्णय नभएको उल्लेख छ ।बाजुराको हिमाली, जगनाथ, स्वामिकार्तिक, बूढीनन्दा, बडिमालिका, गोमुल, छेडेदह र त्रिवेणीलगायतका स्थानीय तहमा मतगणना सम्पन्न भैसकेको छ ।बूढीगङ्गा नगरपालिकाको २, ३, ४, ५ र ९ वडामा एकलौटी मतदान गरेको भन्ने विषयमा निर्वाचन आयोगमा उजुरी परेपछि मतगणना कार्य रोकिएको जिल्ला निर्वाचन कार्यालय, बाजुराले जनाएको छ ।निर्वाचन आयोगका सुगन सम्शेरजङ्ग राणाको नेतृत्वमा प्रमुख जिल्ला अधिकारी उपेन्द्रराज पौड्याल, मुख्य निर्वाचन कार्यालय, बाजुराका माधवप्रसाध घिमिरे, निर्वाचन कार्यालय प्रमुख नवराज अवस्थी, जिल्ला प्रहरी कार्यालय, बाजुराका प्रमुख चतुर्भज ओझालगायतको टोलीले बाजुराको बूढीगङ्गा नगरपालिकाका मतदानस्थलको प्रत्यक्ष अनुगमन गर्नु भएको थियो ।सो टोलीको अनुगमनपछि आयोगमा पठाइएको रिपोर्टको कुनै पनि आधिकारिक प्रतिक्रिया नआएको बताइएको छ । ‘‘भारतबाट मत हाल्नका लागि गाउँमा आयाैं मत हाल्यौँ, अब गणना हुन्छ भनेर एक दुई दिन रोकियौँ, बूढीगङ्गा नगरपालिका वडा नं १० स्थानीय रणबहादुर सार्कीले भन्नुभयो, “आफूले स्वविवेकमा मतदान गर्न पाउनुपर्ने नागरिकको नैसर्गिक अधिकार हो तर यहाँ नेता कार्यक्रताले बुढापाखाको हातबाट नै मतकार्ड खोसेर आफैँले प्रयोग गरेको देख्दा मतााधिकार हनन भएको जस्तो लाग्यो ।’’बाजुराका नौ वटा स्थानीय तहमध्ये ७ वटा स्थानीय तहमा शान्तिपूर्वक चुनाव सम्पन्न भएको थियो ।बाजुराको बूढिनन्दा र बूढीगङ्गा नगरपालिकामा मतदान गर्ने क्रममै धाँधली भएपछि त्यहाँको मतगणना रोकिएको थियो ।धाँधली भएपछि २, ३, ५, ९ मा नेकपा एमाले र ४, ७ मा नेपाली काँग्रेसका कार्यकर्ताले एकलौटी रुपमा मतदान गरेको स्थानीयवासीको आरोप छ ।बूढीगङ्गा नगरपालिका १० मा भने विवाद भए पनि एमाले र काँग्रेसका कार्यक्रताबीच सहमतिमा मतदान सुरु भएको थियो ।चुनाव सम्पन्न भएका बाजुराका ८ वटा स्थानीय तहमा हिमाली, स्वामिकार्तिक, त्रिवेणी, नेपाली काँग्रेस र जगनाथ, बूढीनन्दा, गौमुल छेडेदह , बडिमालिकामा नेकपा एमाले विजयी भएको निर्वाचन कार्यालय बाजुराका प्रमुख अवस्थीले बताउनुभयो ।सुरक्षा निकाय तथा निर्वाचन अधिकृतको कार्यालयले निर्वाचन आयोगमा पठाएको रिपाेर्टको पर्खाइमा रहेको मुख्य निर्वाचन अधिकृत माधवप्रसाद घिमिरे बताउनुहुन्छ ।
गाउँमै रोजगारीको सिर्जना र उत्पादन बढाउछौं : अध्यक्ष लामा
लिसंखुपाखर गाउँपालिकाका अध्यक्ष राजु लामाले लिसंखुपाखर गाउँपालिकाबाट गाउँमै रोजगारी सिर्जना गर्ने र उत्पादनमुखी काम गर्ने बताउनुभएको छ ।
आठ पालिकाको मतपरिणाम सार्वजनिक हुन बाँकी
७५३ स्थानीय तहमध्ये आठ पालिका बाहेक सबै पालिकाको मतपरिणाम सार्वजनिक भएको छ । जसअन्तर्गत नेपाली कांग्रेसले ३२५ पालिका जितेको छ भने नेकपा एमालेले २०३ पालिका जितेको छ । यसैगरी, नेकपा माओवादी केन्द्रले १२१ पालिका जित्दा नेकपा एकीकृत समाजवादीले १२, जनता समाजवादी पार्टीले २१ र अन्य पार्टीले ६३ पालिका जितेका छन् ।
-original-thumb.jpg)
रुकुम पूर्वका सबै पालिकामा कार्यपालिकाले पूर्णता पायो
तीन वटा गाउँपालिका रहेको रुकुम पूर्वमा सबै गाउँपालिकामा कार्यपालिकाले पूर्णता पाएको छ । जिल्लाको सिस्ने गाउँपालिकामा १६, भूमे गाउँपालिकामा १७ र पुथा उत्तरगंगा गाउँपालिकामा २२ सदस्यीय कार्यपालिका बनेको हो ।
सरकारी अस्पताल व्यवस्थित बनाउने प्रमुख काफ्लेको निर्णय
रौतहटको चन्द्रपुर नगरपालिकाका नवनिर्वाचित नगरप्रमुख सञ्जय काफ्लेले चन्द्रनिगाहपुरको अस्तव्यस्त सरकारी अस्पताल व्यवस्थित बनाउने पहिलो निर्णय गर्नुभएको छ ।
तिलोत्तमाको प्रमुखमा कांग्रेसका खांणको निरन्तर अग्रता, उपप्रमुखमा एमालेकी चौधरी पक्का
कपिल ज्ञवालीसिद्धार्थनगर, जेठ ११ गते । रुपन्देहीको तिलोत्तमा नगरपालिकाको प्रमुखमा नेपाली कांग्रेसका रामकृष्ण खांणले अग्रता कायम राख्नुभएको छ । अब करिब १३ हजार मत गन्न बाँकी छ । अहिले वडा नं ६, ७, १० र ११ को मतगणना जारी छ । गणना भएको ५० हजार ९९८ मतको परिणाम सार्वजनिक हुँदा खाँण ९८५ मतान्तरले अगाडि हुनुहुन्छ । खाँणले १९ हजार ४७२ मत पाउँदा निकटतम प्रतिस्पर्धी एमालेका मोहन चापागाईंले १८ हजार ४८७ मतका साथ पछ्याउनुभएको छ ।उपप्रमुखमा एमाले उम्मेदवार जगेश्वरी चौधरीको जित पक्का भइसकेको छ । चौधरी माओवादी केन्द्रका उम्मेदवार हेमन्त पाण्डेभन्दा दोब्बर मतले अगाडि हुनुहुन्छ ।१७ वडामध्ये तिलोत्तमा नगरपालिकामा वडा नं १, २, ३, ४, ५, १२, १३, १५, १६ र १७ नं वडाको अन्तिम परिणाम आइसकेको छ । यीमध्ये वडा नं १, ४, १२ र १५ मा नेकपा एमाले र बाँकी सबैमा कांग्रेसका उम्मेदवार वडाध्यक्षमा निर्वाचित भैसक्नुभएको छ ।२०७४ को चुनावमा तिलोत्तमामा एमालेले प्रमुख–उपप्रमुखसहित १४ वडा जितेको थियो ।
गाउँ कार्यपालिका सदस्य ताँजाकोटमा निर्विरोध र सर्केगार्डमा निर्वाचित
जिल्लाको ताँजाकोट गाउँ कार्यपालिकाका सदस्य निर्विरोध हुनुुभएको छ भने सर्केगार्ड गाउँपालिकामा निर्वाचित हुनुुभएको छ ।
काठमाडौं महानगर- १९ मा कांग्रेसका श्रेष्ठ विजयी
काठमाडौं महानगरपालिका- १९ को वडाअध्यक्षमा नेपाली कांग्रेसका राजेशकुमार श्रेष्ठ विजयी हुनुभएको छ । श्रेष्ठ एक हजार २०० मतसहित विजयी हुनुभएको हो । उहाँको निकटतक प्रतिद्वन्द्वी नेकपा (एमाले)का चन्द्रमान मुनिकारले ७४१ मत प्राप्त गर्नुभयो ।
पोखरेलीको जीवनयापन सहज र सरल बनाउने कार्यक्रम ल्याउँछौँ : आचार्य
पोखरा महानगरपालिकाका नवनिर्वाचित प्रमुख नेकपा (एकीकृत समाजवादी)का धनराज आचार्यले महानगरबाट सुशासनको प्रत्याभुत हुने गरी सेवा प्रवाह गर्ने आफ्नो पहिलो काम हुने बताउनुभएको छ । महानगर प्रमुखमा आज बिहान निर्वाचित भएको घोषणापछि सञ्चारकर्मीसँग कुराकानी गर्दै आचार्यले महानगर र महानगरअन्तर्गतका वडा कार्यालयको सेवा व्यवस्थित र बिनाझन्झट प्रदान गरिने बताउनुभयो । उहाँले भन्नुभयो, “हाम्रो पहिलो काम पोखरालाई सुशासनको प्रत्याभुत दिने हुनेछ, महानगर र वडाबाट पोखरेली नागरिकलाई दिने सेवा व्यवस्थितरूपमा बिनाझन्झट प्रदान गर्छौँ ।”
पोखरा महानगर प्रमुखमा एकीकृत समाजवादीका आचार्य, उपप्रमुखमा एमालेका गुरुङ
कास्कीको पोखरा महानगरपालिकाको प्रमुखमा सत्तारुढ गठबन्धनका साझा उम्मेदवार नेकपा (एकीकृत समाजवादी)का धनराज आचार्य र उपप्रमुखमा नेकपा (एमाले) की मञ्जुदेवी गुरुङ विजयी हुनुभएको छ ।
पोखरामा रोकिएको मतगणना सुरु
सन्तोष सुवेदीकास्की, जेठ १० गते। पोखराको स्थागित भएको मतगणना पुनः सुरुभएको छ।७ घण्टासम्म स्थगित भएको गणना सहमतिपछि पुनः सुरु भएको हो ।पोखरा वडा १८ मा खसेको मत र गणना भएको मत समान नभएपछि नेकपा (एमाले)ले पुनः गणना माग गर्दै निवेदन दिएपछि गणनास्थलबाट प्रतिनिधि फिर्ता बोलाउँदै आन्दोलन थालेको थियो।त्यसपछि पोखरा २२, ३२ र ३३ को जारी मतगणनासमेत सात घण्टासम्म रोकिएको थियो ।पोखरा १८ को निवेदनमा कार्यालय गम्भीर रहेको र यस विषयमा थप कारबाहीका लागि कार्यालय प्रतिवद्ध हुने सहमतिपछि पुनःमतगणना सुचारु हुने भएको मुख्य निर्वाचन अधिकृत श्रीकृष्ण भट्टराईले जानकारी दिनुभयो।पोखरा १८ को हकमा निवेदन परिसकेपछि कानुनी प्रक्रियामा जाने उहाँको भनाइ थियो।अहिले पोखरा २२, ३२ र ३३ को गणना जारी छ।
काठमाडौं महानगरको मतगणना बिहीबार दिउँसोसम्म सम्पन्न हुने
काठमाडौं, जेठ १० गते। काठमाडौं महानगरपालिकाको भृकुटीकण्डपस्थित राष्ट्रिय सभा गृहमा जारी मतगणना जेठ १२ गते बिहीबार दिउँसोसम्म सम्पन्न हुने मुख्य निर्वाचन अधिकृतको कार्यालयले जनाएको छ।कार्यालयका शाखा अधिकृत प्रेमकुमार श्रेष्ठले मतगणनामा सबै प्रतिनिधिबाट सहयोग भएको र सो कार्य यसैगरी अघि बढेको खण्डमा सो दिनको २ बजेसम्ममा सम्पन्न हुने बताउनुभयो। महानगरमा खसेको एक लाख ९१ हजार १८६ मतमध्ये अहिलेसम्म एक लाख ५५ हजारको हाराहारीमा मतगणना भएको उहाँले बताउनुभयो। मंगलबार साँझसम्म एक लाख ५३ अजार ८०४ को मतगणना गर्दा प्रमुख पदमा “लौरो” निर्वाचन चिह्न रहेका स्वतन्त्र उम्मेदवार बालेन शाहको मत ५१ हजार ५३० पुगेको छ। यसैगरी, नेपाली कांग्रेसका सिर्जना सिंहले ३१ हजार ६४८ र नेकपा (एमाले) का केशव स्थापितको मत ३१ हजार ५७ रहेको छ।राष्ट्रिय प्रजातन्त्र पार्टीका उम्मेदवार मदनदास श्रेष्ठले चार हजार ७२२ मत र स्वतन्त्र उम्मेदवार सुमन सायमीले नौ हजार ५३७ मत ल्याउनुभयो।महानगरको उपप्रमुखमा एमालेकी सुनिता डंगोलले ५६ हजार २६८ मत ल्याउनुभएको छ। नेकपा (एकीकृत समाजवादी) का रामेश्वर श्रेष्ठले १९ हजार १९३ मत ल्याउनुभयो। राप्रपाकी बिनिता मगैयाको नौ हजार ९७३ मत रहेको छ।
नगर प्रमुख भामले सरकारी सेवा सुविधा नलिने
छाँयानाथ रारा नगरपालिकाका नवनिर्वाचित नगर प्रमुख बिष्णुकुमार भामले आफ्नो पाँच वर्षे कार्यकाल अवधीभर राज्यबाट प्राप्त हुने आर्थिक सेवा सुविधा नलिने घोषणा गर्नु भएकोछ ।
ललितपुर महानगर प्रमुखमा कांग्रेस र उपप्रमुखमा एमाले विजयी : कुन नगरमा कसको जित ?
ललितपुर महानगरपालिका प्रमुखमा नेपाली कांग्रेसका चिरीबाबु महर्जन विजयी हुनुभएको छ।
ताप्लेजुङमा वडाध्यक्षमा महिला शून्य
ताप्लेजुङमा यसपटक वडाध्यक्षमा महिला शून्य भएका छन् । वैशाख ३० गते सम्पन्न स्थानीय तह निर्वाचनमा वडाध्यक्षका प्रत्यासी अत्यन्तै न्यून भएपछि कोही पनि निर्वाचित नभएकाले महिला शून्य भएका हुन् ।
धनुषाका नवनिर्वाचित प्रमुखलाई पद तथा गोपनियताको शपथ
धर्बेन्द्र झा जनकपुरधाम, जेठ १० गते । मधेस प्रदेशको राजधानी समेत रहेको जनकपुरधाम उपमहानगरपालिकाको मेयर र उपमेयरसहित धनुषाको १८ वटै पालिकाका नवनिर्वाचित प्रमुखले पद तथा गोपनियताको शपथ लिनुभएको छ । मुख्य निर्वाचन अधिकृतको कार्यालय धनुषाले मंगलबार जनकपुरधाममा आयोजना गरेको कार्यक्रमवीच उहाँहरुलाई मुख्य निर्वाचन अधिकृत ब्रजेस प्याकुरेलले पद तथा गोपनियताको शपथ खुवाउनु भएको हो । कार्यक्रममा मुख्य निर्वाचन अधिकृत प्याकुरेललले धनुषाको १८ वटै पालिकामा सौहार्दपूर्ण र शान्तिपूर्वक निर्वाचन गराउन सबै पक्षको त्यतिकै सहयोग भएकोमा धन्यवाद व्यक्त गर्नुभयो । जनप्रतिनिधिसँग जनताको धेरै अपेक्षा रहेको चर्चा गर्दै जनताको अपेक्षाअनुसार काम गर्न उहाँले सबैमा आग्रह गर्नुभयो । कार्यक्रममा धनुषाका प्रमुख जिल्ला अधिकारी सुरेन्द्र पौडेल, मधेस प्रदेश निर्वाचन कार्यालयका प्रमुख श्रीधर पन्थी, जनकपुरधाम उपमहानगरपालिकाका कार्यकारी अधिकृत प्रद्युम्न उपाध्यायसहितले जनप्रतिनिधहरुको कार्यकालको सफलताको शुभकामना व्यक्त गर्नुभयो । शपथ ग्रहण गरेका १८ वटै पालिकाका प्रमुखले आजै आ—आफनो पालिकामा पदभार समेत ग्रहण गर्नुभएको छ । जनकपुरधाम उपमहानगरपालिकामा स्वतन्त्रवाट निर्वाचित हुनुभएका नगर प्रमुख मनोज साह र नेपाली काँग्रेसबाट निर्वाचित नगर उपप्रमुख किशोरी साहले पदभार ग्रहण गर्नुभयो । जनकपुरधाम उपमहानगरपालिकाका कार्यकारी अधिकृत प्रद्युम्न उपाध्याले दुवै जनालाई पदभार ग्रहण गराउनुभयो । पदभार ग्रहण पश्चात सञ्चारकर्मीसँगको कुराकानीमा नगर प्रमुख साहले आजै आफुले दुईवटा निर्णय गरेको बताउनुभयो । सफाईको सवालमा रहदैआएको केन्द्रीकृत प्रणालीलाई बिकेन्द्रीकृत गरी नगरको प्रत्येक वडाको सफाईको जिम्मा वाडालाई नै दिने, त्यसको लागि आवश्यक स्रोत साधन नगरपालिकाले व्यवस्थापन गर्ने र नगरपािलका भित्रका कामकाज लाई पारदर्शी बनाउन सूचना डेस्क स्थापना गरी समय समयमा सूचना प्रवाह गर्ने निर्णय भएको बताउनुभयो ।
निर्वाचन आचारसंहिता आजदेखि लागू नरहने : आयोग
गोरखापत्र अनलाइनकाठमाडौं, जेठ १० गते । स्थानीय तह सदस्य निर्वाचन २०७९ का लागि २०७८ चैत २५ गतेदेखि लागू रहेको निर्वाचन आचारसंहिता आज मङ्गलबारदेखि फुकुवा भएको छ । निर्वाचन आयोगका प्रवक्ता शालिग्राम शर्मा पौडेलले विज्ञप्ति जारी गर्नुहुँदै सो जानकारी गराउनुभएको हो ।आयोगको परामर्शमा नेपाल सरकार मन्त्रिपरिषदबाट मिति २०७८/१०/२४ गते स्थानीय तह सदस्य निर्वाचन संवत् २०७९ वैशाख ३० गते शुक्रबार सम्पन्न गर्नेगरी निर्वाचन मिति तोकिएकोमा निर्वाचन सम्पन्न भई अन्तिम परिणाम आउने क्रममा रहेकाले आचारसंहिता लागू नरहने आयोगले निर्णय गरेको जनाएको छ ।“निर्वाचन आयोग ऐन, २०७३ को दफा २२ ले दिएको अधिकार प्रयोग गरी जारी भएको निर्वाचन आचारसंहिता, २०७८ को दफा १ को उपदफा (२) बमोजिम मिति २०७८/१२/२५ गतेदेखि मुलुकभर लागू उक्त आचारसंहिता मिति २०७९/०२/१० गतेदेखि लागू नरहने व्यहोरा आयोगको निर्णयअनुसार सम्बन्धित सबैको जानकारीका लागि अनुरोध छ” प्रवक्ता पौडेलद्वारा जारी विज्ञप्तिमा भनिएको छ ।
स्थानीय तह निर्वाचन : मत बदर बढी हुने प्रक्षेपण
काठमाडौं महानगरपालिकामा एक लाख ४५ हजार ३६२ मत गणना गर्दा पाँच हजार ६४३ मत मात्र बदर भएको निर्वाचन कार्यालयले जनाएको छ ।
काठमाडौं महानगर-२२ को वडाध्यक्षमा एमालेका महर्जन विजयी
काठमाडौं महानगरपालिका-२२ को वडाध्यक्षमा नेकपा (एमाले)का चिनीकाजी महर्जन विजयी हुनुभएको छ। उहाँले दुई हजार ६० मत प्राप्त गर्नुभएको छ।
त्रियुगा नगरपालिकामा मतगणना सुरु
विवादका कारण रोकिएको उदयपुरको त्रियुगा नगरपालिकाको मतगणना मङ्गलबारबाट मुख्य निर्वाचन अधिकृतको कार्यालय बोक्सेमा सुरु भएको छ ।
“नगरवासीलाई अनुभूति हुने गरी काम गर्छु ” : भीमेश्वर नगरपिता मानन्धर
बाबुराम शर्माचरीकोट, जेठ १० गते । दोलखाको सदरमुकामस्थितको भीमेश्वर नगरपालिकाका नवनिर्वाचित नगरप्रमुख ईश्वरनारायण मानन्धरले नगरवासीलाई अनुभूति हुने गरी काम गर्ने बताउनुभएको छ । चुनावी घोषणपत्रमा गरिएका सङ्कल्पभन्दा अझ बढी नगर विकासका काम हुने बताउँदै उहाँले भन्नु भयो, ‘‘नेपाली काँग्रेसको प्रतिनिधित्व गरी निर्वाचनबाट जिते पनि अब आपूm नगरका सबै दल र नगरवासीको प्रमुख भएर काम गर्नेछु । नगरवासीबाट लिँदै आएको कर घटाउँदै करको दायरा बढाउने मेरो पहिलो एजेन्डा हुनेछ । भ्रष्टाचार शून्य बनाउँदै नगरवासीका हितका काम सञ्चालन गरिनेछ ।’’ कृषि तथा पशुपालन जीवनको प्रमुख आधार, निःशुल्क स्वास्थ्य उपचार–नगरवासीको नैसर्गिक अधिकामर, गुणस्तरीय शिक्षा–आजको आवश्यकता, संस्कृति र पर्यटन–जीवनस्तर उकास्ने प्रमुख धन, श्रम, रोजगार र सामाजिक सुरक्षा–नागरिकको आवश्यकता, युवा तथा खेलकुद–स्वास्थ्य समाजको प्रमुख आधार उहाँको सङकल्पपत्रमा उल्लेख छ । त्यसैगरी सङकल्पपत्रमा खानेपानी सरसफाइ र सिँचाइ–विकासका प्रमुख आधार, भौतिक पूर्वाधार, यातायात तथा सडक–विकासका प्रमुख आधार, उद्योग वाणिज्य–रोजगारीका अवसर, जलस्रोत–हाम्रो प्राकृतिक स्रोत र सूचना तथा सञ्चार प्रविधि–समाजको द्रुतगति उल्लेख छ । पूरा नहुने योजना र सपनाका चाङले नगरवासी वाक्कदिक्क भइसकेका छन् । उहाँले भन्नुभयो, म नगरवासीलाई ब्युँताउन पनि आएको हो । नगर निर्माणमा जनप्रतिनिधि र नगरवासी सँगसँगै रहने छौँ । नगरमा हामीले देखिराखेका छौँ । ठूला खाले पूर्वाधार बन्यो भनियो तर बजेट अभावले अपूरा र अलपत्र रहेका छन् । यस्ता खाले विकासले सुशासन, पारदर्शिता र जबाफदेहितामा गैरजिम्मेवारीको बढोत्तरी हुन पुगेको छ । पाँच वर्षमा भएका आर्थिक दुरुपयोग र भ्रष्टाचारको छानबिन गरी सत्य तथ्य नगरवासीसामु ल्याउनेमा प्रतिवद्ध छौँ । उहाँले भन्नुभयो, ‘पाँच वर्षको अवधिमा काम गर्दा नगरवासीलाई धोका दिने छैन । मेरो स्थानीय सरकार मेरै लागि काम लाग्छ, मेरो भलो, मेरै स्थानीय सरकारले गर्छ भन्ने अनुभूति दिलाउने गरी काम गर्छु ।’
लम्बिँदो मतगणना : विकल्प बन्न सक्छ, विद्युतीय मतदान
थानीय तह निर्वाचन सम्पन्न भएको १० दिनसम्म लगातार मतगणना गर्दा अझै काठमाडौं महानगरपालिकासहित १४ वटा पालिकाको अन्तिम परिणाम आउँन बाँकी रहेको छ । कठिन र झञ्झटिलो गणना कार्यमा संलग्न कर्मचारी र सुरक्षाकर्मी थकित हुन थालेका छन् भने राजनीतिक दल, उम्मेदवार र समर्थक पनि प्रतिक्षाको सुस्केरामा दिनहरु बिताइरहेका छन् ।
पोखरा महानगरको मतगणना रोकियो
पोखरा महानगरको मतगणना रोकिएको छ। एमालेतर्फका प्रतिनिधि मतगणना छोडेर हिँडेपछि पोखरा महानगरको मतगणना स्थगित भएको मुख्य निर्वाचन अधिकृतको कार्यालयले जनाएको छ।
रुपन्देहीमा जिसस गठनको तयारी सुरु, बहुमत नपुग्ने भएपछि गठबन्धन आवश्यक
कपिल ज्ञवालीसिद्धार्थनगर, जेठ १० गते । रुपन्देही जिल्लाको १६ पालिका मध्ये १५ पालिकाको नतिजा आइसकेको र एकको बाँकी रहँदा कुनै पनि पार्टीको जिसस गठनमा बहुमत देखिएपछि पार्टीहरुको आन्तरिक गृहकार्यमा जुटेका छन् । तिलोत्तमाको मतपरिणाम आउन बाँकी छ । यस नतिजाले पनि बहुमत पुग्ने देखिँदैन । पालिका प्रमुख र उपप्रमुखहरूको कुल संख्याको बहुमत रहेको पार्टीले जिसस गठन गर्छ । सबै परिणामबाट पनि कसैको बहुमते नपुग्ने भएकाले गठबन्धन गर्नुपर्ने देखिन्छ । जिसस गठनजिसस गठनबारे नेपालको संविधान २०७२ को धारा २२० मा व्यवस्था गरिएको छ ।जिल्लाका पालिकाहरूबीच समन्वय गर्न जिसस गठन गरिन्छ । पालिकाहरूबाट निर्वाचित प्रतिनिधिबाट जिल्लासभा गठन हुन्छ । निर्वाचनको मतपरिणाम सार्वजनिक भएको ३० दिन भित्र सभा बस्नुपर्छ । उक्त सभाले जिसस गठन गर्छ । जिससमा एक प्रमुख, एक उपप्रमुख, कम्तीमा तीन जना महिला र कम्तीमा एक जना दलित वा अल्पसंख्यकसहित बढीमा नौ सदस्य रहने व्यवस्था छ । यसमा उम्मेदवार हुने व्यक्ति गाउँसभा वा नगरसभा सदस्य हुनु पर्नेछ । रुपन्देहीमा यस्तो छ अवस्था कुल मतभार ३२ (१६ पालिका) रहेको यस जिल्लामा नेपाली काँग्रेस– ९ प्रमुख, ४ उपप्रमुख, नेकपा एमाले– ३ प्रमुख, ७ उपप्रमुख, लोसपा– १ प्रमुख, २ उपप्रमुख, जनता प्रगतिशील पार्टी– १ प्रमुख, १ उपप्रमुख, जसपा– १ प्रमुख र राप्रपा– १ उपप्रमुख रहेका छन् ।
