मधेसमा परिणाम आउने क्रम जारी
स्थानीय तह निर्वाचनको अन्तिम परिणाम आउने क्रम जारी रहेको छ । मधेस प्रदेशअन्तर्गत अधिकांश स्थानीय तहको अन्तिम परिणाम आइसकेको छ । अब केही स्थानीय तहको अन्तिम परिणाम आउन बाँकी छ । ढल्केबर समाचारदाताका अनुसार धनुषाको हं
गठबन्धनको प्रभाव : खुम्च्यायो महिला सहभागिता
स्थानीय तह निर्वाचनमा जिल्लाका सातमध्ये दुईवटा गाउँपालिकामा मात्र महिला उपाध्यक्ष निर्वाचित भएका छन् । गठबन्धनका कारण उपाध्यक्षमा महिलाको उम्मेदवारी दुईवटा गाउँपालिका खुम्चिएको हो ।
पोखरा महानगरको प्रमुखमा गठबन्धन र उपप्रमुखमा एमालेको अग्रता
स्थानीय तह सदस्य निर्वाचन–२०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता गठबन्धन र उपप्रमुखमा नेकपा (एमाले)का उम्मेदवारले अग्रता लिएका छन् । हालसम्म एक लाख एक हजार १२१ मतगणना हुँदा गठबन्धनबाट प्रमुख पदका उम्मेदवार नेकपा (एकीकृत समाजवादी)का धनराज आचार्यले ४० हजार ४३४ मत प्राप्त गर्नुभएको छ । त्यसैगरी एमालेका प्रमुख पदका उम्मेदवार कृष्णबहादुर थापाले ३७ हजार १७४ मत प्राप्त गर्नुभएको छ । गठबन्धनका आचार्यले तीन हजार २६० मतान्तरसहित अग्रता हासिल गर्नुभएको हो ।
सबै प्रदेशमा कांग्रेस पहिलो
स्थानीय तह निर्वाचनको दुुईतिहाइभन्दा बढी तहको मतगणना सार्वजनिक हुँदा नेपाली कांग्रेस सबै प्रदेशमा ठूलो दल बन्ने भएको छ । शनिबारसम्मको मतगणना परिणामअनुसार कांग्रेस प्रदेश १ मा ५१ प्रतिशतभन्दा बढी स्थानीय तहमा विजयी भएको छ भने बागमती प्रदेशमा ४८ प्रतिशत स्थानीय तहमा आफ्ना उम्मेदवारलाई जिताउन सफल भएको छ । मधेस प्रदेशबाहेक अरू सबै प्रदेशमा ४२ प्रतिशतभन्दा बढी स्थानीय तहमा कांग्रेसले जित हासिल गरेको छ । मधेस प्रदेशमा भने ३६ प्रतिशत स्थानीय तहमा कांग्रेसले जितेको छ ।
जनप्रतिनिधिका लोकप्रिय निर्णय
शपथ र पदभार ग्रहणसँगै लुम्बिनीका जनप्रतिनिधिहरू लोकप्रिय र जनमुखी निर्णय गर्न थालेका छन् । यद्यपि, निर्वाचन सकिएको एक हप्ता हुँदासमेत कतिपय पालिकाको मत परिणाम सार्वजनिक हुन सकेको छैन ।
सुदूरपश्चिममा काँग्रेसको अग्रता पछ्याउँदै एमाले र माओवादी
सुदूरपश्चिम प्रदेशका नौ जिल्लाका ८८ तहमध्ये ८१ पालिकाको परिणाम सार्वजनिक भएको छ । सार्वजनिक परिणामअनुसार नेपाली काँग्रेसले ३६, नेपाल कम्युनिस्ट पार्टी (एमाले)ले २४, नेपाल कम्युनिस्ट पार्टी (माओवादी केन्द्र)ले १४, नागरिक उन्मुक्ति पार्टीले चार, नेपाल कम्युनिस्ट पार्टी (एकीकृत समाजवादी) दुई र स्वतन्त्र एक जना पालिका प्रमुख विजयी भएका छन् । नेकपा (एमाले)बाट टिकट नपाएपछि स्वतन्त्र उम्मेदवार बनेका एक जनाले बैतडीको डिलासैनीको प्रमुख जितेका हुन् ।
हेटौँडामा तीस वर्षको एमाले विरासत गुम्यो
नेपाल कम्युनिस्ट पार्टी (एमाले)ले तीस वर्षदेखि हेटौँडाको स्थानीय निर्वाचनमा राख्दै आएको वर्चश्व यस पटक गुमाएको छ । नेकपा (एमाले)ले २०४९ सालको स्थानीय निर्वाचनदेखि नै आफ्नो वर्चश्व राख्दै आएको थियो । २०४९ सालको साबिकको हेटौँडा नगरपालिकामा प्रमुख र उपप्रमुखमा विजयी भएपछि हेटौँडालाई नेकपा (एमाले)को गढका रूपमा चिनिँदै आएको थियो ।
काठमाडौंमा ९० हजार मत गणना : प्रमुखमा बालेन, उपप्रमुखमा सुनिता अगाडि
काठमाडौं महानगरपालिकाको ९० हजार ४४७ मत गनिसक्दा महानगर प्रमुखका स्वतन्त्र उम्मेदवार बालेन्द्र शाहले ३३ हजार २५५ मत प्राप्त गर्नुभएको छ।
धनगढी आठको वडा अध्यक्षमा चौधरी विजयी
अविनाश चौधरीधनगढी, जेठ ७ गते । कैलालीको धनगढी उपमहानगरपालिका–८ को वडा अध्यक्षमा नेकपा (एमाले) का जुगराम चौधरी प्यानलसहित विजयी हुनुभएको छ । नेपाली काङ्ग्रेसका उम्मेदवारलाई आठ मतले पराजित गरी उहाँ वडा अध्यक्षमा विजयी हुनुभएको हो । चौधरीले एक हजार ५२ मत प्राप्त गर्नुभयो । उहाँसंँग पराजित काङ्ग्रेसका उम्मेदवारले एक हजार ४४ मत प्राप्त गर्नुभयो । वडा सदस्य पदमा पनि एमालेका उम्मेदवार विजयी भएका मुख्य निर्वाचन अधिकृतको कार्यालयले जानकारी दिएको छ ।
विजयनगरमा पुनः एमाले उम्मेदवारको विजय
नारद कोहारतौलिहवा, जेठ ७ गते । कपिलबस्तुको विजयनगर गाँउपालिकामा नेकपा (एमाले) का अध्यक्ष गोपालबहादुर थापा र उपाध्यक्षमा लक्ष्मीकुमारी चौधरी पुनः दोहोरिनुभएको छ । स्थानिय तह निर्वाचन २०७४ मा समेत उहाँहरु एमालेबाट निर्वाचित हुनुहुन्थ्यो । अध्यक्षमा एमालेका उम्मेदवार थापाले ५ हजार ८ सय ३८ मत प्राप्त गरी निर्वाचित हुनुभयो । उहाँका निकटतम प्रतिस्पर्धी जनता समाजवादी पार्टी (जसपा) नेपालका उम्मेदवार जानकीप्रसाद यादवले ५ हजार ३ सय ३४ मत प्राप्त गर्नुभयो । त्यस्तै गाउँपालिकाका उपाध्यक्षमा चौधरीले ४ हजार ९ सय ३० मत प्राप्त गरी विजयी हुनुभयो । उहाँकी प्रतिस्पर्धी जसपाकी गुन्जेश्वरी कुर्मीले ४ हजार ८ सय ४९ मत प्राप्त गर्नुभयो । सात वटा वडा रहेको गाउँपालिकामा ६ वटामा एमाले र एकमा जसपाले वडाध्यक्ष जितेको छ ।
स्थानीय तह निर्वाचन : ६९२ पालिकाको नतिजा सार्वजनिक
स्थानीय तह निर्वाचनअन्तर्गत हालसम्म ६९२ पालिकाको नतिजा सार्वजनिक भएको छ। जसअन्तर्गत नेपाली कांग्रेसले ३०५ पालिका जितेको छ भने नेकपा (एमाले)ले १८८ पालिका जितेको छ।
धनगढीमा स्वतन्त्र उम्मेदवार हमालको जित सुनिश्चित
धनगढी उपमहानगरपालिकाको मेयरमा स्वतन्त्र उम्मेदवार गोपाल हमालको जित सुनिश्चित भएको छ । खसेको ६३ हजार ७१५ मतमध्ये ५६ हजार २२६ मत गणना हुँदा हमालले २४ हजार ५२९ मत प्राप्त गर्नुभएको छ ।
समृद्ध हेटौँडा बनाउने उपमहानगर प्रमुख लामाको प्रतिबद्धता
बागमती प्रदेशको राजधानी हेटौँडा उपमहानगरपालिकाले पहिलोपटक जनजाति महिलालाई नगरप्रमुखको रूपमा पाएको छ।
वीरगञ्ज महानगरमा गठबन्धनको अग्रता कायमै
मधेस प्रदेशस्थित पर्साको वीरगञ्ज महानगरपालिकाको पछिल्लो मतगणनाअनुसार प्रमुख पदमा गठबन्धनका उम्मेदवार जनता समाजवादी पार्टीका राजेशमान सिंहले २८ हजार ३५२ मतसहित अग्रतालाई निरन्तरता दिनुभएको छ।
बुटवल उपमहानगरपालिकाको प्रमुखमा कांग्रेसका पाण्डेय विजयी
बुटवल उपमहानगरपालिकामा नेपाली कांग्रेसका खेलराज पाण्डेय प्रमुखमा विजयी हुनुभएको छ । नेकपा एमालेको विरासत तोड्दै कांग्रेसका नगरसभापति समेत रहनुभएको पाण्डेय विजयी हुनुभएको हो ।
नगरपालिकालाई साझा चौतारीको रुपमा विकास गर्ने प्रतिवद्धता
कबिन्द्र नेपालमणिग्राम (रुपन्देही), जेठ ७ गते । बुटवल उपमहानगरपालिकाको मेयरमा निर्वाचित खेलराज पाण्डेयले बुटवल नगरपालिकालाई साझा चौतारीको रुपमा विकास गर्ने प्रतिवद्धता व्यक्त गर्नुभएको छ । आफूलाई बुटवलको मेयरमा निर्वाचित गराएकोमा बुटवलका मतदाताप्रति आभार व्यक्त गर्दै जनताको साथ र भरोसाको सम्मान गर्ने उहाँले प्रतिवद्धता व्यक्त गर्नुभयो । मेयर पदमा निर्वाचित भएपछि आफ्ना योजनाको बारेमा संक्षिप्त कुराकानी गर्दै आफूलाई विजयी बनाउन भूमिका खेल्ने सबैलाई धन्यवाद ज्ञापन गर्नुभयो । नवनिर्वाचित मेयर पाण्डेयले बुटवल नगरपालिका भित्रै सबै राजनीतिक दल र संघ संस्थाहरुको लागि छुट्टै कक्ष निर्माण गर्ने प्रतिवद्धता व्यक्त गर्नुभयो । ‘मैले नगरपालिकामा राजनीतिक दलहरु र सामाजिक तथा व्यवसायिक संघ संस्थाहरुको लागि छुट्टै कक्ष बनाउने छु’ उहाँले भन्नुभयो– ‘त्यहाँ सबै आउनुहुनेछ, बुटवललाई कस्तो बनाउने सुझाव दिनुहुनेछ ।’ सबैको सुझावलाई समेटेर अगाडि बढने प्रतिवद्धता उहाँले दोहो¥याउनुभयो । त्यस्तै, ईतिहासलाई जिवन्त बनाउन बुटवल नगरपालिकाभित्र वीपी, पुष्पलाल र बुटवलका पूर्वमेयर सूर्यप्रसाद प्रधानको शालिक बनाउने बताउनुभयो । बुटवलको राजमार्ग चौराहादेखि गोलपार्क–चिडियाखोला सडकलाई व्यवस्थापन गर्न पहिलो प्राथमिकता रहेको उहाँले बताउनुभयो । त्यस्तै, ज्योतिनगर, लक्ष्मीनगर पहिरोको समस्या समाधानका लागि तत्काल पहल थाल्ने प्रतिवद्धता पनि जनाउनुभयो । तिनाउ–दावन कोरिडोरबाट विस्थापित भएकालाई व्यवस्थापन र मोतिपुर औद्योगिक क्षेत्रको समस्या समाधान पनि आफ्नो प्राथमिकतामा रहेको बताउनुभयो । बुटवलको खानेपानी समस्या, फोहोरमैला व्यवस्थापनको समस्या, स्वास्थ्य क्षेत्रमा देखिएका समस्या समाधानमा प्राथमिकताका साथ काम गर्ने बताउनुभयो ।
चार गाउँपालिकाका अध्यक्ष–उपाध्यक्षद्वारा पदभार ग्रहण
सप्तरीको अग्निसाइर कृष्णासवरन, तिलाठी कोइलाडी, महादेवा र विष्णुपुर गाउँपालिकाको अध्यक्ष–उपाध्यक्षद्वारा पदभार ग्रहण गर्नुभएको छ ।
कैलालीमा रेशम चौधरीको पार्टीलाई आकर्षक मत
अविनाश चौधरीधनगढी, जेठ ७ गते। १३ स्थानीय तह रहेको कैलालीमा १२ स्थानीय तहको नतिजा सार्वजनिक भएको छ। अहिलेसम्म चार पालिकामा विजयी हुँदै नागरिक उन्मुक्ति पार्टी पहिलो शक्ति बनेको छ। टीकापुर, भजनीमा मेयर र उपमेयर दुवै पद उन्मुक्ति पार्टीले जितेको छ। जोशीपुर गाउँपालिकामा काँग्रेसकाे गढ भत्काउँदै अध्यक्ष, उपाध्यक्ष दुवै र जानकी गाउँपालिकामा गठबन्धनलाई पाखा लगाउँदै अध्यक्ष, उपाध्यक्ष दुवै जितेको छ। १२ पालिकाको नतिजा आउँदासम्म नेपाली काँग्रेसले गोदावरी, लम्कीचुहा नगरपालिका र कैलारी गाउँपालिका गरेर तीन पालिका जितेको छ। नेकपा (एमाले)ले चुरे र बर्दगोरिया गरी दुई, नेकपा (माओवादी केन्द्र)ले गौरीगङ्गा नगरपालिका र मोहन्याल गाउँपालिका गरी दुई पालिकामा प्रमुख जितेका छन्। यसैगरी, नेकपा (एकीकृत समाजवादी) ले घोडाघोडी नगरपालिकामामात्रै प्रमुखमा जित हात पारेको छ। अन्तिम नतिजा आउन बाँकी रहेको धनगढी उपमहानगरपालिकामा स्वतन्त्र उम्मेदवार गोपाल हमाल जित नजिक हुनुहुन्छ। नागरिक उन्मुक्ति पार्टीबाट टीकापुर नगरपालिकाको मेयरमा रामलाल डङ्गौरा थारु निर्वाचित हुनुभएको छ। उहाँले गठबन्धनका तर्फबाट नेपाली काँग्रेसका उम्मेदवार नवराज रावललाई तीन हजार मतान्तरले पराजित गर्नुभयो। थारुले नौ हजार ६४२ मत प्राप्त गर्नु भएको छ। यसैगरी, भजनी नगरपालिकामा गठबन्धनका तर्फबाट माओवादी केन्द्रका उम्मेदवार शेरबहादुर चौधरीलाई तीन हजार ७६८ मतान्तरले पराजित गरेर नागरिक उन्मुक्तिका केवल चौधरी मेयरमा विजयी हुनुभयो। उहाँले आठ हजार ९६६ मत प्राप्त गर्नुभयो। उपमेयरमा सोही पार्टीका राजुदेवी तिरुवा सात हजार ६२२ मत पाएर विजयी हुनुभएको छ। उहाँले नेपाली काँग्रेसका गोकेन्द्र भण्डारीलाई तीन हजार १३२ मत बढी ल्याउनुभएको छ।यस्तै, नेपाली काँग्रेसको गढ मानिएको जोशीपुर गाउँपालिकामा पनि नागरिक उन्मुक्ति पार्टी विजयी भयो। नेपाली काङ्ग्रेसका बन्सराम बडायकलाई एक हजार ५३५ मतान्तरले पराजित गरी अध्यक्षमा चित्रबहादुर चौधरी विजयी हुनुभयो। उहाँले चार हजार ९०३ मत प्राप्त गर्नुभयो। उपाध्यक्षमा चार हजार ५८१ मत प्राप्त गरेर रेखादेवी कठरिया विजयी हुनुभयो। उहाँले ६२० मतान्तरले माओवादी केन्द्रका दीर्घराज बिनाडीलाई पराजित गर्नुभयो। जानकी गाउँपालिकाको अध्यक्षमा नागरिक उन्मुक्ति पार्टीका गणेश चौधरी सात हजार १५१ मत पाएर अध्यक्षमा विजयी हुनुभयो। उहाँले एक हजार ९०९ मतान्तरले गठबन्धनका तर्फबाट नेपाली काँग्रेसका उम्मेदवार परशुराम महतौं (कठरिया) लाई पराजित गर्नुभयो। उपाध्यक्षमा छ हजार ५६२ मत पाएर नागरिक उन्मुक्ति पार्टीकै लालमतिदेवी कठरिया विजयी हुनुभयो। उहाँले एक हजार ७०४ मतान्तरले नेकपा (एमाले) का गीता चौधरीलाई पराजित गर्नुभयो। २०७८ पुस २० मा नागरिक उन्मुक्ति पार्टी दर्ता भएको थियो। यसको नेतृत्व रेशम चौधरीकी पत्नी रञ्जिता श्रेष्ठले गरिरहनुभएको छ। नागरिक उन्मुक्ति पार्टीले फागुनमामा चुनाव चिन्ह पाएको थियो।
धनुषाको सबैला नगरपालिकामा माओवादी विजयी
धनुषाको सबैला नगरपालिकामा नवनिर्वाचित नगर प्रमख कारीराम यादव र उपप्रमुख रहिमा खातुन। तस्बिर : विजयकुमार साह
स्याङ्जामा तीन महिला वडा अध्यक्ष विजयी
वैशाख ३० गते भएको स्थानीय तह निर्वाचनमा स्याङ्जामा तीन मशिला वडाध्यक्ष विजयी भएका छन् । ९७ वडा रहेको स्याङ्जामा कालीगण्डकी गाउाँपालिका २, बिरुवा गाउँपालिका ३ र चापाकोट नगरपालिका ६ को वडा अध्यक्षमा महिला उम्मेदवार विजयी हुनुभएको हो ।
असहाय व्यक्ति, शहीद र बादी परिवारको स्वास्थ्य बीमा निःशुल्क
रुकुम पश्चिमको चौरजहारी नगरपालिकाले असहाय, अशक्त, शहीद परिवार र वादी समुदायका नागरिकलाई निशुल्क स्वास्थ्य बीमा गर्ने भएको छ ।
अभिभावकबिहीन बालबालिकाको सम्पूर्ण शैक्षिक खर्च पालिकाले बेहोर्ने : अध्यक्ष
पाल्पाको माथागढी गाउँपालिकाका नवनियुक्त अध्यक्ष यमबहादुर चिदीले अभिभावकबिहीन बालबालिकाको शिक्षाको सम्पूर्ण जिम्मेवारी पालिकाले लिने निर्णय गर्नुभएको छ ।
हिमा गाउँपालिका अध्यक्षद्वारा सबै नागरिकको निःशुल्क स्वास्थ्य बीमा गर्ने प्रतिबद्धता
जुम्लाको हिमा गाउँपालिका अध्यक्ष लक्ष्मणबहादुर शाहीले नागरिकको निःशुल्क स्वास्थ्य बीमा गर्ने प्रतिबद्धता व्यक्त गर्नुभएको छ । उहाँले गाउँपालिकाको पहिलो निर्णय सबै नागरिकको निःशुल्क स्वास्थ्य बीमा गर्ने निर्णय गरिने जानकारी दिनुभयो ।
सुनसरीको एक नगरप्रमुख र दुई गाउँपालिका अध्यक्षमा पुन: निर्वाचित
सुनसरीको दुहबी नगरपालिकाको प्रमुखमा पुनः वेदनारायण गच्छदार विजयी हुनुभएको छ । जिल्लाको दुई उपमहानगरपालिका र चार नगरपालिकामध्ये दोस्रो कार्यकालका लागि निर्वाचित हुने गच्छदार पहिलो नगर प्रमुख बन्नुभएको हो ।