‘विकास निमार्णको सवालमा राजनीति भन्दामाथि उठेर काम गर्नुहोस्’
नेपाली कांग्रेसका केन्द्रीय सदस्य एवम् पूर्वउपप्रधानमन्त्री बिमलेन्द्र निधिले जनप्रतिनिधिलाई विकास निमार्णको सवालमा राजनीति भन्दामाथि उठेर कामकाज गर्न आग्रह गर्नु भएको छ।
मधेशमा दल परिवर्तनको उपहार पराजय
मधेश प्रदेशका जिल्लामा स्थानीय तह निर्वाचनको लागि दल परिवर्तन गरेर उम्मेदवार बनेकामध्ये अधिकाँश पराजित भएका छन् ।
देशभर १४ हजार ४०२ महिला जनप्रतिनिधि निर्वाचित
काठमाडौं, जेठ १२ गते । स्थानीय तह सदस्य निर्वाचन २०७९ मा ५५ हजार ६९९ महिला उम्मेदवार रहेकोमा १४ हजार ४०२ महिला निर्वाचित हुनुभएको छ । निर्वाचन आयोगको पछिल्लो तथ्याङ्कअनुसार सो संख्यामा महिला निर्वाचित भएको देखिएको हो । प्रमुख र उपप्रमुख महिलातीन वटा पालिकामा प्रमुख र उपप्रमुख दुवैजना महिला निर्वाचित हुनुभएको छ । सोमध्ये झापाको गौरीगञ्ज गाउँपालिका प्रमुखमा फूलवति राजवंशी र उपप्रमुखमा पूजन न्यौपाने कुँवर निर्वाचित हुनुभएको छ । राजवंशी नेपाली काँग्रेस र न्यौपाने नेकपा (एमाले) बाट उम्मेदवार बन्नुभएको थियो ।सोहीअनुसार दैलेखको भैरवी गाउँपालिकाको प्रमुख र उपप्रमुख दुवै पदमा महिला निर्वाचित हुनुभएको छ । सो पालिकाको प्रमुखमा रीता शाही र उपप्रमुखमा देवी भण्डारी निर्वाचित हुनुभएको छ । दुवैजना काँग्रेसबाट उम्मेदवारी दिनुभएको थियो ।त्यस्तै, कैलालीको लम्की–चुहा नगरपालिका प्रमुख र उपप्रमुख दुवै पदमा महिला निर्वाचित हुनुभएको छ । सो नगरपालिका प्रमुखमा सुशीला शाही र उपप्रमुख पदमा जुना चौधरी निर्वाचित हुनुभएको छ । प्रमुख काँग्रेसबाट र उपप्रमुख एमालेबाट उम्मेदवारी दिनुभएको थियो ।कुन प्रदेशमा कति महिलाप्रदेश १ मा ८ हजार १९६ उम्मेदवार भएकोमा २ हजार ४५५ जना महिला निर्वाचित हुनुभएको छ । त्यस्तै, मधेस प्रदेशमा १५ हजार ७८० उम्मेदवार रहेकोमा २ हजार ७७० जना निर्वाचित हुनुभयो । सोहीअनुसार बागमति प्रदेशमा ८ हजार ३४४ महिला उम्मेदवार रहेकोमा २ हजार ३४७ जना निर्वाचित हुनुभयो । यसैबीच गण्डकी प्रदेशमा ४ हजार ६४९ महिला उम्मेदवार रहेकोमा १ हजार ६२२ जना निर्वाचित हुन सफल हुनुभयो । सोहीअनुसार लुम्बिनी प्रदेशमा ८ हजार ७६७ महिला उम्मेदवार रहेकोमा २ हजार १२४ जना निर्वाचित हुन सफल हुनुभयो । आयोगको तथ्याङ्कअनुसार कर्णाली प्रदेशमा ४ हजार ८७८ महिला उम्मेदवार रहेकोमा १ हजार ५२४ जना निर्वाचित हुनुभयो । त्यस्तै, सुदूरपश्चिम प्रदेशमा ५ हजार ८५ उम्मेदवार रहेकोमा १ हजार ५६० जना निर्वाचित हुनुभयो । प्रमुख पदमा महिलादेशभरबाट २५ वटा पालिका प्रमुखमा महिला निर्वाचित हुनुभएको छ । आयोगको तथ्याङ्कअनुसार झापाको विर्तामोड नगरपालिका प्रमुखमा पवित्रा महतारा निर्वाचित हुनुभएको छ । त्यस्तै, झापाकै गौरीगञ्ज गाउँपालिका प्रमुखमा फूलवति राजवंशी निर्वाचित हुनुभयो ।त्यस्तै, मोरङको कानेपोखरी गाउँपालिका प्रमुखमा राजमति इङनाम निर्वाचित हुनुभएको छ । सोलुखुम्बुको लिखु पिके गाउँपालिका प्रमुखमा मिनादेवी कार्की निर्वाचित हुनुभएको छ । खोटाङको जन्तेढुंगा गाउँपालिका प्रमुखमा अरुणादेवी राई विजयी हुनुभएको छ । सोही जिल्लाको हलेसी तुवाचुङ नगरपालिका प्रमुखमा विमला राई निर्वाचित हुनुभयो । सोहीअनुसार सप्तरीको सुरुङ्गा नगरपालिका प्रमुखमा गीता चौधरी निर्वाचित हुनुभएको छ । सर्लाहीको बरहथवा नगरपालिका प्रमुखमा कल्पनाकुमारी कटुवाल निर्वाचित हुनुभयो । त्यस्तै, रौतहटको ईशनाथ नगरपालिका प्रमुखमा कौशल्या देवी र सोही जिल्लाको मौलापुर नगरपालिका प्रमुखमा रिनाकुमारी साह निर्वाचित हुनुभयो । त्यस्तै, सिन्धुलीको फिक्कल गाउँपालिका प्रमुखमा पार्वती सुनुवार निर्वाचित हुनुभएको छ । सोही जिल्लाको सुनकोसी गाउँपालिका प्रमुखमा दीपा बोहरा दाहाल निर्वाचित हुनुभयो । काभ्रेपलान्चोकको चौरीदेउराली गाउँपालिका प्रमुखमा रेणुका चौलागाई, मकवानपुरको हेटौडा उपमहानगरपालिका प्रमुखमा मीना लामा, चितवनको भरतपुर महानगरपालिका प्रमुखमा रेणु दाहाल, सोही जिल्लाको माडी नगरपालिका प्रमुखमा ताराकुमारी काजी महतो (थारु), निर्वाचित हुनुभएको छ ।यसैबीच नवलपरासी (बर्दघाट सुस्ता पूर्व) को हुप्सेकोट गाउँपालिका प्रमुखमा लक्ष्मी पाण्डे, सोही जिल्लाको सुनवल नगरपालिका प्रमुखमा विमला अर्याल, बागलुङको बडिगाड गाउँपालिका प्रमुखमा गण्डकी थापा अधिकारी निर्वाचित हुनुभएको छ । त्यस्तै, पर्वतको मोदी गाउँपालिकामा हीरादेवी शर्मा निर्वाचित हुनुभएको छ । त्यस्तै, पाल्पाको बगनासकाली गाउँपालिका प्रमुखमा सरस्वती दर्लामी, सुर्खेतको बीरेन्द्रनगर नगरपालिका प्रमुखमा मोहनमाया ढकाल र अछामको पञ्चदेवल विनायक नगरपालिका प्रमुखमा अम्बिका चलाउने निर्वाचित हुनुभयो । त्यस्तै, दैलेखको भैरवी गाउँपालिका प्रमुखमा रीताकुमारी शाही निर्वाचित हुनुभएको छ । सोहीअनुसार कैलालीको लम्की–चुहा नगरपालिका प्रमुखमा सुशीला शाही निर्वाचित हुनुभएको छ ।सोहीअनुसार आयोगको हालसम्मको तथ्याङ्कअनुसार दलित महिला सदस्यमा १२३ स्थानीय तह खाली रहेको छ । त्यस्तै १ जना महिला सदस्य स्थानीय तहमा खाली रहेको छ । त्यस्तै, ४ वटा पालिकाको परिणाम आउन बाँकी छ ।
काठमाडौं महानगर–१५ मा एकीकृत समाजवादीका डङ्गोल विजयी
काठमाडौं महानगरपालिका–१५ को वडाअध्यक्षमा नेकपा (एकीकृत समाजवादी)का ईश्वरमान डङ्गोल विजयी हुनुभएको छ । उहाँले तीन हजार ४७४ मत ल्याउनुभयो ।
काठमाडौं महानगर–१६ मा कांग्रेसका रिजाल विजयी
काठमाडौं महानगरपालिकाको मतगणनाको क्रम अन्तिम चरणमा छ । निर्वाचन अधिकृतको कार्यालय अनुसार अब तीन मतपेटिका गणना हुन मात्रै बाँकी रहेको छ ।
त्रियुगामा मतगणनामा कलम र रुखको आलोपालो अग्रता
भोटराज राईउदयपुर, जेठ १२ गते । उदयपुरको जेठो र ठूलो नगरपालिका त्रियुगाको मतपरिणाम रोचक बन्दै गएको छ । यहाँ नेपाली कांग्रेस, नेकपा एमाले र एकीकृत समाजवादी र माओवादी केन्द्रको गठबन्धनबीच प्रतिस्पर्धा देखिएको छ । प्रमुख र उपप्रमुख पदमा यी तीनै पक्षमा मत आइरहेको छ । यसबीचमा पनि कांग्रेस र गठबन्धनको निकटतम टक्कर देखिएको छ ।१० हजार ५१४ मतगणनामा गठबन्धनबाट नेकपा एसका बलदेव चौधरी तीनहजार ४७२ मतका साथ अग्रतामा हुनुहुन्छ । कांग्रेसको प्रमुख पदका उम्मेद्वार वसन्त बस्नेत तीनहजार ३२४ मतका साथ दोस्रो स्थान र एमालेका भागवत राउत दुई ३६१ मतका साथ तेस्रो स्थानमा हुनुहुन्छ । सयदेखि तीनसयसम्मको मतान्तरमा कांग्रेस र गठबन्धनको अग्रता आलोपालो भइरहेको छ । हालसम्मको मत परिणामले उपप्रमुखमा पहिलो रुख, दोस्रो गोलाकारभित्रको हँसिया हथौडा र तेस्रोमा सूर्यले मत पाएको छ । उपप्रमुखमा कांग्रेसका सरिता राईको तीनहजार ४२, गठबन्धनबाट माओवादी केन्द्रका गीता खड्का कार्कीको दुई हजार ८५७ र एमालेका महेश्वरी राईको दुईहजार ६१३ मत छ ।हालसम्म पाँचवटा वडाहरु १, २, १४, १५ र १६ को मतगणना सकिएको छ । पाँचमध्ये १४, १५ र १६ गरी तीनवटा वडामा गठबन्धनबाट नेकपा माओवादी केन्द्रले वडामा प्यानलै विजय हासिल गरेको छ । वडा नं. १ मा नेपाली कांग्रेस र २ मा नेकपा एमालेले विजय गरेको छ । वडा नं. १६, १५ र १४ मा माओवादी केन्द्रले जितेको छ भने वडा नं. १ मा कांग्रेस र वडा नं. २ मा एमालेले वडाध्यक्ष जितेको हो । गठबन्धनका १६ नं वडाध्यक्षमा मानबहादुर राई, १५ मा गणेशप्रसाद तिम्सिना र १४ मा हिमराज मगरले प्यानलै जितेका हुन् । वडा नं. १ मा कांग्रेसका मनोजकुमार चौधरीसहित प्यानलै जित्नुभयो भने वडा नं. २ मा घमानसिंह खत्रीले वडाध्यक्षमा जित हात पार्नुभयो । सो वडाको अन्य सदस्य भने सबै कांग्रेसका विजयी भएका छन् । अब त्रियुगाको २९ हजार ६६५ मत गन्न बाँकी छ । त्रियुगामा ६० हजार ४६ मतदातामध्ये ४० हजार १७९ मत खसेको छ ।
अब चार पालिकाको मात्रै अन्तिम नतिजा आउन बाँकी
७५३ स्थानीय तहमध्ये अहिलेसम्म ७४९ वटा पालिकाको मत परिणाम सार्वजनिक भएको छ । अब चार वटा पालिकाको मात्रै अन्तिम नतिजा सार्वजनिक हुन बाँकी छ । जसअन्तर्गत नेपाली कांग्रेसले ३२७ पालिका जितेको छ । नेकपा एमालेले २०५ पालिका जितेको छ । यसैगरी, नेकपा माओवादी केन्द्रले १२१ पालिका जित्दा नेकपा एकीकृत समाजवादीले १२, जनता समाजवादी पार्टीले २१ र अन्य पार्टीले ६३ पालिका जितेका छन् ।
काठमाडौं महानगरपालिका प्रमुखमा बालेन्द्र र उपप्रमुखमा सुनीताकाे विजय सुनिश्चित
काठमाडौं महानगरपालिकाकाे भृकुटीमण्डपस्थित राष्ट्रिय सभा गृहमा जारी मतगणना अन्तिम चरणमा छ । मुख्य निर्वाचन अधिकृत राजुकुमार खतिवडाकाअनुसार एक लाख ९१ हजार १८६ कुल मतमध्ये अहिलेसम्म एक लाख ८३ हजार ६७९ भन्दा बढी मतगणना भइसकेकाे छ । अब करिब सात हजार ५०७ मतगणना हुन मात्रै बाँकी छ ।
हुम्लाको ४४ वटा वडामा एक जना महिला अध्यक्ष
जिल्लाका सात वटा गाउँपालिकाका ४४ वटा वडा मध्ये एक जनाले मात्र वडा अध्यक्षमा मात्र महिला निर्वाचित भएका छन् । दुई वटा वडामा उम्मेदवार दर्ता भएपनि एक जनामात्र निर्वाचित हुनुभएको हो ।
काठमाडौं महानगरपालिका १३ मा एमालेका मानन्धर विजयी
काठमाडौं महानगरपालिका १३ मा नेकपा (एमाले) का ध्रुव नारायण मानन्धर विजयी हुनुभएको छ । उहाँले तीन हजार १२४ मत ल्याउनुभयो ।
काठमाडौं १७ मा कांग्रेसका मानन्धर विजयी
काठमाडौं महानगरपालिका वार्ड नम्बर १७ को वडाअध्यक्षमा नेपाली कांग्रेसका नवीन मानन्धर विजयी हुनुभएको छ । उहाँले दुई हजार ७०८ मत ल्याउनुभयो ।
काठमाडौं प्रमुखमा वालेन्द्रको मत ५९ र उपप्रमुख सुनिताको ६६ हजारभन्दा बढी
काठमाडौं महानगरपालिकाको भृकुटीमण्डपस्थित राष्ट्रिय सभा गृहमा जारी मतगणना अन्तिम चरणमा छ । मुख्य निर्वाचन अधिकृत राजुकुमार खतिवडाका अनुसार बिहीबार बिहान ७ः४५ बजेसम्म एक लाख ८३ हजार ६७९ मतगणना हुँदा महानगर प्रमुखमा स्वतन्त्र उम्मेदवार वालेन्द्र साहले मत ५९ हजार १४९ मत ल्याउनुभएको छ ।
‘कीर्तिपुरको कला–संस्कृति संरक्षणमा जोड दिनेछु’
कीर्तिपुर नगरपालिकाको प्रमुखमा निर्वाचित राजकुमार नकर्मीले पदवहाली गरेसँगै कीर्तिपुर नगरवासीको स्वास्थ्योपचारमा ५० प्रतिशत सहुलियत दिने घोषणा गर्नुभएको छ । उहाँले आधारभूत आवश्यकताअन्तर्गत पर्ने स्वास्थ्योपचारलाई प्राथमिकतामा राखेर छुट गर्नेगरी कीर्तिपुरस्थित कीर्तिपुर मोडेल अस्पतालमार्फत नगरवासीको उपचारमा ५० प्रतिशत छुट दिने व्यवस्था गर्न लागिएको बताउनुभयो ।
६ पालिकाको मतपरिणाम सार्वजनिक हुन बाँकी
७५३ स्थानीय तहमध्ये ६ पालिका बाहेक सबै पालिकाको मतपरिणाम सार्वजनिक भएको छ । जसअन्तर्गत नेपाली कांग्रेसले ३२६ पालिका जितेको छ । नेकपा एमालेले २०४ पालिका जितेको छ । यसैगरी, नेकपा माओवादी केन्द्रले १२१ पालिका जित्दा नेकपा एकीकृत समाजवादीले १२, जनता समाजवादी पार्टीले २१ र अन्य पार्टीले ६३ पालिका जितेका छन् ।
‘वालेन जितेर एक पटक गाउँ आऊ’
‘‘वालेन्द्र वौवा आहाँ एक वेर गाउँ आउ हम सारा गाउँवासी आहाके देखल भेटलाबाट देख रहल छि।’’
तुलसीपुुरमा एमालेका उम्मेदवार विजयी
गोकर्ण पौडेलतुलसीपुर, जेठ ११ गते । तुलसीपुर उपमहानगरपालिकाको प्रमुख उपप्रमुख दुवै पदमा नेकपा (एमाले) का उम्मेदवार विजयी हुनुभएको छ । एमालेबाट प्रमुख पदका उम्मेदवार टीकाराम खडकाले ३१ हजार चार सय आठ मत प्राप्त गरी विजयी बन्नुभएको हो । उहाँका निकटतम प्रतिस्पर्धी गठबन्धनबाट काँग्रेसका गेहेन्द्र गिरीले २७ हजार सात सय १६ मत प्राप्त गर्नुभयो । मतान्तर तीन हजार छ सय ३७ रहेको छ ।त्यस्तै, उपप्रमुखमा एमालेकै स्यानी चौधरीले ३० हजार पाँच सय ९७ मत प्राप्त गर्नुभएको छ । गठबन्धनबाट नेकपा (एकीकृत समाजवादी) का जोगबहादुर राणाले २१ हजार एक सय ६५ मत प्राप्त गर्नुभएको छ । मतान्तर नौ हजार ५३२ मत रहेको छ । तुलसीपुरका १९ वटामध्ये एमालेले १० वटामा जित हासिल गरेको छ । २, ३, ६, ८, १०, ११, १३, १५, १८ र १९ नम्बर वडाको नेतृत्वमा जीत हासिल गरेको छ ।सोहीअनुसार, काँग्रेसले चारवटा वडामा जित हासिल गरेको छ । काँग्रेसले ५, ७, ९ र १४ मा वडा नेतृत्वमा जित हासिल गरेको छ । त्यस्तै, नेकपा माओवादी केन्द्रले तीन वटा वडा १, ४ र १२ मा जितेको छ । वडा नम्बर १६ मा स्वतन्त्रका उम्मेदवारले वडाध्यक्षमा जितेका छन् । तुलसीपुरमा काँग्रेस, माओवादी केन्द्र, जनमोर्चा र एकीकृत समाजवादी गठबन्धनमा छन् । एमालेले एक्लै चुनावी मैदानमा थियो । तुलसीपुर एमालेका केन्द्रीय उपाध्यक्ष युवराज ज्ञवाली र महासचिव शंकर पोखरेलको गृह नगर हो ।दाङमा एमालेले दुईवटै उपमहानगरमा जित हात पार्न सफल भएको छ । तुलसीपुरमा २०५४, २०७४ मा पनि एमालेले नेतृत्वमा विजयी हासिल गरेको थियो ।
महाराजगञ्ज नगरपालिकाको प्रमुख र उपप्रमुखमा कांग्रेस विजयी
नारद कोहारतौलिहवा, जेठ ११ गते।कपिलवस्तुको महाराजगञ्ज नगरपालिकाको नगर प्रमुख र उपप्रमुखमा नेपाली कांग्रेस विजयी भएको छ।नगरप्रमुखमा नेपाली कांग्रेसका अब्दुल कलाम खाँ र उपप्रमुखमा रिताकुमारी कुर्मी निर्वाचित हुनुभएको हो ।नगर प्रमुख खाँले १० हजार दुई सय मत प्राप्त गर्दा उहाँका निकटतम प्रतिस्पर्धी नेकपा (एमाले)का रामदास चौधरीले ८ हजार ६६८ मत प्राप्त गर्नुभएको छ। खाँ २०७४ को निर्वाचनमा पनि नगर प्रमुखमा निर्वाचित भएका थिए।निर्वाचित भएका खाँ नेपाली कांग्रेस कपिलवस्तुका जिल्ला सभापति हुन् ।त्यस्तै उपप्रमुखमा निर्वाचित कुर्मी ११ हजार १६७ मत प्राप्त गरी निर्वाचित भएकी छन् भने उहाँका निकटतम प्रतिस्पर्धी एमालेकी उम्मेदवार भानमती यादवले ७ हजार दुई सय मत पाउनुभएको छ।उपप्रमुख जित्नु भएकी रिताले सासुको मृत्युपछि उपमेयरको टिकट पाएकी हुन्।उहाँकी सासू शुभावती कुर्मीको उम्मेदवारी दर्ता गरेपछि निधन भएको थियो।त्यसपछि कांग्रेसले रितालाई उम्मेदवार बनाएको हो।उपप्रमुख उम्मेदवार शुभावतीको मृत्युका कारण महाराजगञ्ज नगरपालिकामा जेठ ३ गते निर्वाचन भएको थियो।११ वटा वडा रहेको महाराजगञ्जमा नेपाली कांग्रेसले नगर प्रमुख र उपप्रमुखसहित ८ वटा वडा जितेको छ।त्यसैगरी नेकपा एमाले, लोकतान्त्रिक समाजवादी पार्टी र जनता प्रगतिशील पार्टीले १/१ वटा वडा जितेको छ।
नवलपुरमा एमाले पहिलो र कांग्रेस दोस्रो
स्थानीय तह निर्वाचन–२०७९ पछि पूर्वी नवलपरासीमा नेकपा (एमाले) पहिलो पार्टी बनेको छ । आठ स्थानीय तहका ९२ वडा रहेको नवलपुरमा एमालेले २६० पदमा जित हासिल गरेको छ ।
काठमाडौं महानगर प्रमुखमा वालेन्द्रको मत ५६ हजार बढी
काठमाडौं महानगरपालिका प्रमुखमा स्वतन्त्र उम्मेदवार वालेन्द्र साहले ५६ हजार १४८ मत ल्याउनुभएको छ।
जेठ १७ गतेभित्र सम्पत्ति विवरण सार्वजनिक गर्न निर्देशन
नेपाल कम्युनिष्ट पार्टी (एकीकृत समाजवादी) ले स्थानीय तह निर्वाचनमा विजयी भएका आफ्ना पार्टीका उम्मेदवारहरूलाई जेठ १७ गतेभित्र आ–आफ्नो सम्पत्ति विवरण सार्वजनिक गर्न निर्देशन दिएको छ ।
फुङ्लिङ नगर कार्यपालिकामा गठबन्धन विजयी
ताप्लेजुङको फुङलिङ नगर कार्यपालिकामा गठबन्धनका उम्मेदवार विजयी भएका छन् । नगर कार्यपालिका सदस्य चयनका लागि बुधबार भएको निर्वाचनमा सत्ता गठबन्धनका सबै उम्मेदवार विजयी भएका हुन् ।
धन्यवादका लागि उम्मेदवारहरु मतदाताको घरमा
बेलिना थापालमजुङ, जेठ ११ गते । लमजुङका स्थानीय तहमा निर्वाचित जनप्रतिनिधिहरु चुनावपछि पनि मतदाताको घर पुग्न छाडेका छैनन् । निर्वाचनअघि प्रतिवद्धताका साथ मतदाताको घर घरमा पुगेका उहाँहरु निर्वाचन पछि धन्यवाद दिनका लागि घरमा पुगिरहेको बताउनुभएको छ ।चुनाव जितेपछि नेताले वास्ता गर्दैनन् भन्ने नागरिकको गुनासालाई चिर्दै जनप्रतिनिधिहरु नागरिकलाई भेट्न पुगेको दावी गर्नुभएको छ । चार नगरपालिका र चार गाउँपालिका रहेको लमजुङमा निर्वाचित जनप्रतिनिधिहरुले गाउँ गाउँ पुग्ने, मतदातालाई धन्यवाद दिने र उनीहरुको पिरमर्का बुझ्ने गरिरहनुभएको छ । बेँसीसहर नगरपालिकाका प्रमुख गुमानसिंह अर्याल, उपप्रमुख पद्मा गुरुङ लगायतको टिम गाउँमा पुगेको छ । नव–निर्वाचित प्रमुख अर्यालले नागरिकलाई चुनावअघि मात्र नभएर चुनावपछि पनि भेट्न गएको बताउनुभयो । ‘उम्मेदवारहरु गाउँ जाँदा चुनाव जित्नकै लागि गाउँ आयो । जितेर गएपछि वास्ता गर्दैनन् भन्ने चलन छ । तर, हामीले त्यस्तो गरेनौं । चुनाव अघि जति महत्वकासाथ गयौं, अहिले पनि सोही महत्वकासाथ गयौं’ उहाँले भन्नुभयो । उपप्रमुख पद्मा गुरुङले स्थानीय तह निर्वाचन २०७९ मा अमूल्य मत दिएर बिजयी गराएको भन्दै मतदातालाई धन्यवाद ज्ञापन गर्न गाउँ पुगेको बताउनुभयो । चुनाव अघि गरेका प्रतिवद्धता पूरा गर्ने उहाँले पुनः दोहो¥याउनुभयो । सुन्दरबजार नगरपालिकाका नव–निर्वाचित प्रमुख कृष्णप्रसाद कोइरालाले नगरपालिका भित्रका गाउँँ पुगेको बताउनुभयो । चुनावअघि भोट माग्न र चुनाव पछि धन्यवाद दिन आफूहरु त्यहाँ पुगेको बताउनुभयो । नगरपालिकाका सबैजसो गाउँमा पुगेर धन्यवाद दिएको उहाँले बताउनुभयो । उपप्रमुख भवानी केसीले भोट दिएर बिजयी गराउनेलाई गाउँमै पुगेर धन्यवाद दिएको बताउनुभयो । मस्र्याङदी गाउँपालिका अध्यक्ष अर्जुन गुरुङ, उपाध्यक्ष जुनामाया थापा पनि घरदैलो अभियानमा हुनुहुन्छ । नौ वटा वडा रहेको गाउँपालिकाका गाउँमा पुग्ने गरेको अध्यक्ष गुरुङले बताउनुभयो । ‘चुनावमा विभिन्न एजेण्डा लिएर गएका थियौं । त्यसलाई मन पराएर हामीलाई जिताउनुभयो । अमूल्य मतको सम्मानका लागि गाउँ जाने, धन्यवाद दिने, रमाइलो गर्ने, दुःख सुःखका कुरा सुन्ने गरेका छौं’ उहाँले भन्नुभयो, ‘हामीले गरेका प्रतिवद्धता अवश्य पूरा गरेर छाड्नेछौं । नागरिकलाई दुःखी बनाउने छैनौं ।’दोर्दी गाउँपालिका अध्यक्ष युवराज अधिकारीले मतदातालाई धन्यवाद दिनका लागि गाउँघर जाने अभियानमा व्यस्त रहेको बताउनुभयो । नागरिकको माया र प्रेमले चुनाव जित्न सफल भएको भन्दै मतदाता भेट्न पुगेको बताउनुभयो । आफूले गरेका प्रतिवद्धता पूरा नभएमा झकझकाउन पनि अनुरोध गरेको जानकारी दिनुभयो । नागरिकको आवश्यकता र माग अनुसार नै अघि बढ्ने उहाँको भनाई छ । कव्होलासोंथर गाउँपालिका अध्यक्ष सूर्यप्रसाद गुरुङले मतदातालाई भेट्न गाउँ पुग्ने कार्यमा लागेको बताउनुभयो । बिजयी भएपछि मतदातालाई धन्यवाद दिनुपर्ने भन्दै गाउँघर पुग्ने, नागरिकको घर पुग्ने, समस्या बुझ्ने गरेको बताउनुभयो । मतदातालाई चुनावअघि दिएका आश्वासन पूरा गर्ने उहाँले बताउनुभयो । अन्य पालिकाका प्रमुख–अध्यक्ष, उपप्रमुख–उपाध्यक्ष लगायत पनि मतदातालाई धन्यवाद दिन गाउँ पुगेका छन् ।
बेँसीसहरको कार्यपालिका सदस्यहरु निर्विरोध
बेलिना थापालमजुङ, जेठ ११ गते । लमजुङको बेँसीसहर नगरपालिकाको कार्यापालिका सदस्यमा आठ उम्मेदवार निर्विरोध चयन हुनुभएको छ । पालिकाको कार्यपालिका निर्वाचनका लागि मनोनयन दर्ता गराउनु भएका आठ जना निर्विरोध भएको मुख्य निर्वाचन अधिकृतको कार्यालयले जनाएको छ । मुख्य निर्वाचन अधिकृत शिवप्रसाद खनालका अनुसार कार्यपालिका सदस्य आठ जनाका लागि एमालेबाट महिलातर्फ कल्पना थापा बोहरा, बुनादेवी रिमाल, विमला न्यौपाने अधिकारी, सुकमाया गुरुङ, मनिता परियारको उम्मेदवारी परेको छ । दलित तथा अल्पसङ्ख्यकबाट हिरालाल विश्वकर्मा, श्रीनाथ सार्की र सुकमाया घर्तीको उम्मेदवारी परेको छ । सबै सदस्य सर्वसम्मत हुनुभएपछि उहाँहरुलाई अर्को कार्यक्रममा प्रमाणपत्र प्रदान गरिने निर्वाचन अधिकृतको कार्यालयले जनाएको छ । गठबन्धन दलहरुले मनोनयन दर्ताको समयसम्म उम्मेदवारी दर्ता नगराएको सो कार्यालयले जनाएका छ । मनोनयन दर्ताको समय विहान १० बजेदेखि ३ः३० बजेसम्म तोकिएको थियो । गठबन्धनको तर्फबाट उम्मेदवारी नआएपछि एमालेका उम्मेदवार निर्विरोध हुनुभएको सो कार्यालयले जनाएको छ । कार्यपालिका निर्वाचन जेठ १७ गतेका लागि तय गरिएको छ ।
दैलेखमा जिसस गठन गर्न गठबन्धनको प्रयास
कमल शर्मादैलेख, जेठ ११ गते । वैशाख ३० गते सम्पन्न स्थानीय तहको निर्वाचनको मतपरिणाम सार्वजनिक भए सँगै जिल्ला समन्वय समिति गठनका लागि कुनै पनि पार्टीको एकल बहुमत नपुग्ने भएको छ ।कुल ११ स्थानीय तहमा रहेको दैलेखमा दुई नगरपालिका प्रमुख÷उप प्रमुख, दुई गाउँपालिका अध्यक्ष÷उपाध्यक्ष र एक नगरपालिका उपप्रमुख र एक गाउँपालिका उपाध्यक्ष जित्दै २२ प्रमुख पदमध्ये नेकपा एमालेले १० पदमा विजयी भएको छ ।नेपाली काँग्रेसले एक नगरपालिका प्रमुख÷उप प्रमुख, दुई गाउँपालिका प्रमुख, उपप्रमुख, एक गाउँपालिका अध्यक्ष र एक गाउँपालिका उपाध्यक्षमा विजयी हँुदै नौ पदमा विजयी भएको छ । माओवादी केन्द्रले दुई गाउँपालिका उपाध्यक्ष र एकीकृत समाजवादी पार्टीले एक पालिका उपाध्यक्षमा विजयी भएको छ ।नेपाली काँग्रेसले पाँच स्थानीय तहमा नौ पालिका प्रमुख–उपप्रमुख र नेपाल कम्युनिष्ट पार्टी (एमाले) ले १० वटा प्रमुख–उपप्रमुख जितको भए पनि दुवै दलले जिल्ला समन्वय समिति गठन गर्न बहुमत नपुग्ने भएपछि जिल्ला समन्वय समितिको नेतृत्वका लागि दैलेखमा नेकपा माओवादी (केन्द्र) निर्णायक भूमिकामा देखिएको छ ।जिल्ला समन्वय समितिका लागि एमाले र काँग्रेसको प्रस्ट बहुमत नदेखिएकाले माओवादी केन्द्रले कसरी र कसलाई समर्थन गर्छ भन्ने विषय प्रमुख देखिएको छ । पाँच दलीय गठबन्धनको निर्णय विपरीत एकीकृत समाजवादी पार्टीसँग छुट्टै गठबन्धन गरेर निर्वाचन जितेको माओबादीले नेपाली काँग्रेस संग सहकार्य नगर्ने सम्भावना बढ्दै गएको छ ।नेकपा (माओवादी केन्द्र) दैलेखका संयोजक प्रेम कटुवालले जिल्ला समन्वय समिति दैलेखको नेतृत्वका लागि सकेसम्म गठबन्धनका दलहरूबिच सहमति गरेर टुङ्ग्याने विषयमा आफूहरू तयार रहेको बताउनुभयो ।उहाँले काँग्रेसले माओवादीले प्रमुख जितेका स्थानमा सहयोग गर्ने वातावरण तयार गरेपछि समन्वयमा नेतृत्व टुङ्ग्याउन सहज हुने कटुवालले बताउनुभयो । भगवतीमाई र नौमुलेमा काँग्रेसले हामीलाई सरकार सञ्चालनका लागि सहयोग गरेको खण्डमा जिल्ला समन्वयको नेतृत्व गठबन्धनबाटै टुङ्गिन सक्छ । एकीकृत समाजवादी पार्टीका नेता जङ्गबहादुर शाहीले जिल्ला समन्वयमा नेपाली काँग्रेससँग गठबन्धन हुने सम्भावना कम भएको बताउनुभयो । उहाँले काँग्रेसले स्थानीय तहको निर्वाचनमा पाँच दलीय गठबन्धनको निर्णय विपरीत उम्मेदवारी दर्ता गरेको बताउँदै नेकपा एमालेसँग सहकार्य गरेर अगाडि बढ्ने सम्भावना रहेको बताउनुभयो ।नेपाली काँग्रेस दैलेखका सभापति मणिराम रेग्मीले गठबन्धनका दलहरूबिच जिल्ला समन्वय समितिको नेतृत्व बाँडफाड हुने बताउनुभयो । उहाँले माओवादीले प्रमुख जितेका पालिकाहरूमा स्थानीय सरकार सञ्चालनका लागि कार्यपालिकामा काँग्रेसले सहयोग गर्ने कुराको वार्ता भइरहेको बताउँदै सभापति रेग्मीले भन्नुभयो, ‘‘माओवादी केन्द्रलाई जिल्ला समन्वय समितिको उपप्रमुख दिएर जान सकिने सम्भावना रहेको छ ।’’एमाले दैलेखका उपाध्यक्ष प्रेमबहादुर बुढाले समन्वयको नेतृत्वका लागि अहिलेसम्म कसैसँग कुनै छलफल नभएको बताउँदै समन्वय प्रमुख वा उपप्रमुख दिएर जान सकिने कुरामा एमाले तयार रहेको बताउनुभयो । अघिल्लो स्थानीय तहको निर्वाचनमा नेकपा एमालेले एक्लै बहुमत प¥याएर जिल्ला समन्वय गठन गरेको थियो ।
कार्यपालिका निर्वाचनका लागि काँग्रेस, माओवादी र राप्रपाबीच नयाँ गठबन्धन
भर्खरै सम्पन्न निर्वाचनमा पाँच दलले गठबन्धन गरेर नेपालगञ्ज उपमहानगरमा विजयी भए पनि कार्यपालिका चयनको विषयमा जनता समाजवादी पार्टीलाई एक्ल्याएर नयाँ गठबन्धन बनाइएको छ । नेपालगञ्ज नगर कार्यपालिकामा नेपाली काँग्रेसले जसपालाई छोडेर नेकपा माओवादी केन्द्र र राष्ट्रिय प्रजातन्त्र पार्टी (राप्रपा)सँग गठबन्धन गरेको छ ।
