समृद्ध भरतपुर नै मेरो सपना : महानगरपालिका प्रमुख रेनु दाहाल
पहिलोपटक म भरतपुर महानगरमा नयाँ थिएँ । के गर्ने कसो गर्ने कताबाट कामको थालनी गर्ने भन्नेमा अनभिज्ञ थिएँ । पाँच वर्षको बीचमा भरतपुरको समग्र वस्तुस्थिति, भौगोलिक अवस्था र जनताको मनोविज्ञानको बारेमा नजिकबाट बुझ्ने अवसर मिल्यो ।
शैक्षिक बेरोजगारी र बौद्धिक प्रतिभा पलायन रोक्नुपर्छ : प्रधानमन्त्री देउवा
प्रधानमन्त्री शेरबहादुर देउवाले देशभित्र रहेको बढ्दो शैक्षिक बेरोजगारी र बौद्धिक प्रतिभा पलायनलाई न्यूनीकरण गर्नुपर्ने आवश्यकता रहेको बताउनुभएको छ ।
बागमती प्रदेशको नीति तथा कार्यक्रम बहुमतबाट स्वीकृत
बागती प्रदेश सरकारले आगामी आर्थिक वर्ष २०७९/०८० को नीति तथा कार्यक्रम बागमती प्रदेशको प्रदेश सभाबाट बहुमतले स्वीकृत भएको छ । नीति तथा कार्यक्रममाथिको छलफलपछि प्रदेश सभाको बिहीबारको बैठकमा निर्णयार्थ पेस भएकोमा बहुमतले स्वीकृत गरेको हो ।
नीति तथा कार्यक्रम स्वीकृत
बागमती प्रदेश सरकारले आगामी आर्थिक वर्ष २०७९/८० का लागि ल्याएको नीति तथा कार्यक्रम बहुमतबाट स्वीकृत भएको छ । नीति तथा कार्यक्रममाथिको छलफलपछि बिहीबार प्रदेश सभा बैठकको बहुमतले नीति तथा कार्यक्रम स्वीकृत भएको हो ।
शासकीय स्वरुप र निर्वाचन प्रणालीमा सुधार आवश्यक छ : राप्रपा अध्यक्ष लिङ्देन
राष्ट्रिय प्रजातन्त्र पार्टी (राप्रपा)ले आगामी प्रदेश र सङ्घीय निर्वाचनमा पूर्ण समानुपातिक संसद र जनताले प्रत्यक्ष निर्वाचित गर्ने कार्यकारी प्रधानमन्त्रीको पक्षमा आफ्ना एजेन्डा तयार गर्ने जनाएको छ ।
ऊर्जामन्त्री भुसालको आँखाको शल्यक्रिया सम्पन्न
काठमाडौँ, जेठ १९ गते । ऊर्जा, जलस्रोत तथा सिँचाइमन्त्री पम्फा भुसालको मोतीविन्दु (आँखाको नानीमा जालो पर्ने रोग)को सफल शल्यक्रिया गरिएको छ । यही जेठ १८ गते त्रिपुरेश्वरस्थित ‘नेपाल आँखा अस्पताल’मा उहाँको दाँहिने आँखाको शल्यक्रिया गरिएको हो । उहाँको शल्यक्रिया आँखा रोग विशेषज्ञ डा.किरण शाक्यले गर्नुभएको हो । चिकित्सकको सल्लाहअनुसार मन्त्री भुसाल निवासमै स्वास्थ्यलाभ गरिरहनुभएको छ ।
बतास समूहले पशुपति धर्मशालामा होटल सञ्चालन गर्न नपाउने
जिल्ला अदालत काठमाडौँले बतास समूहलाई पशुपति धर्मशालामा होटल सञ्चालन गर्न दिनेगरी भएको अन्तरकालीन आदेश बदर गरेको छ ।
भक्तपुर जिल्ला समन्वय समिति निर्वाचनको कार्यतालिका
काठमाडौं, जेठ १८ गते । भक्तपुर जिल्ला समन्वय समितिको निर्वाचन कार्यतालिका बुधबार सार्वजनिक भएको छ । भक्तपुर मुख्य निर्वाचन अधिकृतको कार्यालय अनुसार जेठ १९ गते बिहीबार बिहान १० बजेदेखि १२ बजेसम्म मतदाता नामावली प्रकाशन गर्ने कार्यतालिका रहेको छ। शुक्रबार बिहान १० बजे अपरान्ह ५ बजेसम्म मतदाता नामावली सच्याउने वा छुट नाम समावेश गर्न दरखास्त दिइनेछ । साँझ छ बजेसम्म संशोधित मतदाता नामावली प्रकाशन हुनेछ । जेठ २१ गते मतदाताको विरोधमा उजुरी दिने, २२ गते बिहान १० देखि ५ बजेसम्म मतदाताको विरोधमा परेको उजुरी उपर जाँचबुझ गर्ने र साँझ छ बजेसम्म अन्तिम मतदाता नामावली प्रकाशन गरिनेछ ।२३ गते बिहान १० देखि ५ बजेसम्म उम्मेदवारको मनोनयनपत्र दर्ता गर्ने र साँझ छ बजे मनोनयनपत्र दर्ता भएका उम्मेदवारको सूची प्रकाशन हुनेछ ।२४ गते उम्मेदवारको विरोधमा उजुरी दिने, २५ गते बिहान १० बजेदेखि दिउँसो ४ बजेसम्म मनोनयन पत्रको जाँच र उजुरी उपर निर्णय गर्ने र ५ बजे उम्मेदवारको नामावली प्रकाशन गरिनेछ । जेठ २६ गते उम्मेदवारले नाम फिर्ता लिने, उम्मेदवारको अन्तिम नामावली प्रकाशन गर्ने र उम्मेदवारलाई निर्वाचन चिह्न प्रदान गर्ने कार्यतालिका छ । जेठ २८ गते बिहान १० देखि ५ बजेसम्म मतदान हुनेछ । जिल्ला निर्वाचन कार्यालयका सूचना अधिकारीले मतदान कार्य सम्पन्न भएपछि यथाशून्य मतगणना गरेर परिणाम घोषणा हुने बताउनुभएको छ ।
नेपाल–इजरायलबीचको सम्बन्ध थप सुदृढ : सञ्चारमन्त्री कार्की
सञ्चार तथा सूचना प्रविधि मन्त्री ज्ञानेन्द्रबहादुर कार्कीले नेपाल र इजरायलबीचको सम्बन्ध थप सुदृढ भएको बताउनुभएको छ।
मेलम्ची पानी उपत्यका पठाउन बन्द गरिँदै
चित्र मिजारसिन्धुपाल्चोक, जेठ १८ गते । वर्षाको बाढीभेलले सुरुङ र हेडर्वक्समा क्षति पु¥याउन सक्ने भन्दै मेलम्ची खानेपानी आयोजनाले मेलम्चीबाट राजधानीमा पानी पठाउन बन्द गरेको छ । मेलम्ची खानेपानी आयोजना सिनियर इन्जिनियर पदमबहादुर कुवँरले अस्थायी पथान्तरण विधिबाट राजधानी पठाउँदै आएको मेलम्ची पानी बन्द गरिएको जानकारी दिनुभयो । उहाँकाअनुसार सुरुङमार्फत् पानी पठाउने गेट नम्बर, १, ९ र १० का ढोका बन्द गरिएका छन् ।गत असार १ गते र त्यसपछिको मेलम्ची बाढीले मेलम्ची खानेपानी आयोजनास्थल अम्बाथान मुहानस्थल, बाँध, हेडर्वक्समा क्षति पु¥याएको थियो । भे्रमाथाङको पहिरो मेलम्ची बाढमिा परिणत भएर आएपछि आयोजनास्थल र सुरङमार्ग गेग्रान लेदो माटो र ठुल्ठूला ढुंगाले पुरेको थियो । उक्त गेग्रान, माटो, ढुंगा पन्छाएर वैशाख ११ गतेबाट अस्थायी पथान्तरण विधिबाट मेलम्ची पानी उपत्यका पठाउन थालिएको थियो । इन्जिनियर कुवँरले फेरि पनि बाढीले सुरुङ र हेडर्वक्समा क्षति पु¥याउला भनेर भयले अहिले नै ढोकाहरु बन्द गरिएको बताउनुभयो । आयोजनाको सुरक्षाका लागि पानी पठाउन बन्दगरिएको हो । ‘वर्षा लगत्तै उपत्यकामा पानी पठाइनेछ’–उहाँले भन्नुभएको छ । मनसुन कहिले रोकिन्छ, सोही समयदेखि राजधानीमा मेलम्चीको पानी पठाउने तयारी आयोजनाले जनाएको छ । जल तथा मौसम विज्ञान विभागका अनुसार नेपालमा जेठदेखि असोजसम्म मनसुनको अवधि रहने बताइएको छ ।आयोजनाबाट उपत्यकामा प्रतिघण्टा ७ हजार दुई सय घनमिटरका दरले प्रतिदिन १७ करोड लिटर पानी पठाइएकोमा हाल त्यसको एक चौथाई पानी मात्रै सुरुङमार्फत् पथान्तर विधिबाट पठाइएको थियो ।
ठगीको आरोपपछि चाँगुनारायण–७ का वडाध्यक्ष श्रेष्ठ फरार
ठगीको आरोप लागेपछि भक्तपुरको चाँगुनारायण नगरपालिका–७ का नवनिर्वाचित वडाध्यक्ष वडाध्यक्ष श्यामकृष्ण नायजु श्रेष्ठ फरार भएका छन् ।
मौसमबारे समन्वय नहुँदा दुई घण्टा उडान रोकियो
सरकारले उडान सुरक्षालाई ध्यानमा राखेर गरेको निर्णय कार्यन्वयमा समन्वय हुन नसक्दा बुधबार त्रिभुवन अन्तर्राष्ट्रिय विमानस्थलबाट हुने आन्तरिक उडान दुई घण्टा रोकिएको छ । बुधबार देखि लागु हुने गरी सरकारले डिपार्चर, इनरुट र टेस्टीनेसन मौसम क्लीयर हुनु पर्ने र तव मात्र उडान अनुमती दिनुपर्ने गरी निर्णय गरेको थियो ।
खानेपानीमा उपभोक्ता समितिको लापरबाही
रामेछाप जिल्लाको सदरमुकाम मन्थलीको बजार क्षेत्रमा खानेपानी वितरण गर्दै आएको मन्थली खानेपानी उपभोक्ता तथा सरसफाइ समितिले फोहोर पानी वितरण गरिरहेको भन्दै उपभोक्ताले गुनासो गरेका छन् । समितिले समय–समयमा पानी जम्मा गर्ने ट्याङ्कीको सरसफाइ नगर्दा धारामा धमिलो पानी आउने र स्वास्थ्यमा समस्या देखिने गरेको उपभोक्ताको भनाइ छ । “खानेपानीको ट्याङ्की, माछापोखरीजस्तो खुला देखिन्छ भने ट्याङ्कीमा जम्मा गरिएको पानीमा लेउ तैरिएको छ, कीराफट्याङ्ग्रा र चराचुरुङ्गीले फोहोर गरेका छन्,” खानेपानी उपभोक्ता जय मानन्धरले भन्नुभयो ।
ललितपुर जिल्ला समन्वय समितिको निर्वाचन बुधबार
ललितपुर जिल्ला समन्वय समितिको निवाचन प्रक्रिया बुधबारदेखि सुरु हुँदैछ।
श्रीमानको यातनाले गीताको मृत्यु
शान्ता अधिकारी चितवन, जेठ १७ गते । श्रीमानको क्रूर यातनाबाट घाइते भएका खैर नगरपालिका १० का गीता माझीको ज्यान गएको छ । श्रीमान रामचन्द्र माझीद्वारा याैनाङ्ग क्षतविक्षत बनाएपछि उपचारको क्रममा भरतपुुर अस्पतालमा सोमबार राति ११:३० बजे गीताको मृत्यु भएको हो ।जिल्ला प्रहरी कार्यालय चितवनका प्रवक्ता नरहरि अधिकारीका अनुसार आफ्नै घरमा बन्धक बनाएर क्रूर यातनापछि रगताम्य भएका गीतालाई स्थानीयको सहयोगमा उपचारका लागि भरतपुर अस्पताल ल्याइएको थियो । चिकित्सकका अनुसार गीताको याैनाङ्गको चार तह च्यातिएको थियो । उहाँको याैनाङ्गमा शल्यक्रिया गरे पनि उपचार सफल हुन नसक्दा दिसा पिसाब नरोकिने फिस्टुला, आन्द्रामा समस्यालगायतका स्वास्थ्य जटिलता उत्पन्न भएको थियो ।घाइते महिलाको मृत्यु भएपछि प्रहरीले प्रतिवेदनको आधारमा ज्यान मार्ने उद्योग र जबर्जस्ती करणी कसुरमा मुद्दा दर्ता गरेर रामचन्द्रलाई कारवाही प्रक्रिया अघि बढाएको छ ।
एम्बुलेन्स चालक पक्राउ
सुनकोशी गाउँपालिका–७ पाङगे्रटारको दुई किलोमा जेठ ११ गते एम्बुलेन्स अनियन्त्रित भई दुर्घटना गराएर फरार रहेका एम्बुलेन्स चालक रबिन्द्र कार्कीलाई प्रहरीले पक्राउ गरेको छ । बा २० च ६३२७ नम्बरको एम्बुलेन्स दुर्घटना एक बृद्धाको मृत्यु भएको थियो तर चालक फरार रहेका थिए ।
‘अरूलाई दोष लगाएर उम्कने ठाउँ छैन’
नेपाली कांग्रेसका महामन्त्री गगनकुमार थापाले अब कांग्रेसले अरूलाई दोष देखाएर उम्कने अवस्था नरहेको बताउनुभएको छ । उहाँले जनप्रतिनिधिप्रति जनताको ठूलो विश्वास र भरोसा भएकाले त्यहीअनुसार जनप्रतिनिधिले काम गर्नुपर्ने भन्दै हामीले अरूलाई दोष दिएर हुँदैन, अब हामी आयौँ, सबै ठीक हुन्छ भनेर काम गर्न सकेनौँ भने जनताले विकल्प खोज्न सक्ने बताउनुभयो ।
काठमाडौं महानगर कार्यपालिकाको पहिलो बैठक : फोहोरमैला व्यवस्थापन कार्यदल गठन
काठमाडौं महानगर कार्यपालिकाको पहिलो बैठकले फोहोरमैला व्यवस्थापन गर्न कार्यदल गठन गर्ने निर्णय गरेको छ । बैठकले महानगर प्रमुख वालेन्द्र साहको संयोजकत्वमा सात सदस्यीय फोहोरमैला व्यवस्थापन कार्यदल गठन गरेको छ ।
काठमाडौं महानगरपालिकाको पहिलो कार्यपालिका बैठक (लाइभ)
दोस्रो स्थानीय तह निर्वाचनबाट निर्वाचित काठमाडौं महानगरपालिकाका पदाधिकारीहरुको पहिलो बैठक सुरु भएको छ ।
बर्सेनि हुने चुरे दोहनले नयाँ खहरे बन्दै
बाबुराम देवकोटाभिमान (सिन्धुली), जेठ १६ गते । कमलामाइ नगरपालिका–९ भिमान निवासी तेजप्रसाद घिमिरेलाई कमलाखुँज छिर्न चुरे जङ्गल छिचोल्दा अत्यास लाग्थ्यो । एकाध बाहेक खहरे थिएनन् । दुई दशक अघिसम्म चुरे जङ्गल चारकोशे झाडी जस्तै देखेका घिमिरेले हेर्दाहेर्दै नाङ्गो भएको छ । यो बीचमा सयौं नयाँ खहरेहरु चुरेबाट निस्किएका छन् ।‘भिमानबाट रानीबास पुग्न दुई घण्टाको पैदल बाटोमा चार÷पाँचवटा खहरे खोला थिए,’ उहाँले भन्नुभयो, ‘अहिले २० वटाभन्दा बढी नयाँ थपिएका छन् । चुरेबाट नयाँ खहरे बन्नुको कारण भनेको वन कटानी र फँडानी नै भएको उहाँको निष्कर्ष छ ।’ उहाँले थप्नुभयो, ‘ढलापडा सुख्खड खडा’ का नाममा चुरे जङ्गलबाट धमाधम सालका रुखहरु कटान गर्न थालेपछि ट्याक्टर जङ्गल छिर्न थाले, सालका गोलिया पाखै बग्ने गरी झार्न थालियो । घाटगद्धी भन्दै चुरेको खुकुलो जमिन चलाएपछि वर्षामा सबै बग्यो ।’ त्यँहीबाट नयाँ खहरेले जन्मलिएर अहिले विनाश निम्त्याएको घिमिरेको ठहर छ । हिउँद महिनामा दोहन, कटान र फँडानी हुने भएकाले बर्सेनि वर्षाको मौसममा नयाँ खहरे जन्मेर विनाश गर्दै आएको उहाँको बुझाइ छ । जङ्गल विनाशसँगै वर्षाको मौसममा जन्मिने नयाँ खहरेले बस्ती तथा खेतबारीमा क्षति पु¥याउने भएपछि चुरे जङ्गलको छेउछाउमा बस्ने बासिन्दामा चिन्ता छाएको छ । कमलाखुज र मरिण क्षेत्रमा चुरे जङ्गलको विनाशले बर्सेनि नयाँ खहरे जन्मने क्रम बढेको छ । सुकुम्बासीका नाममा वर्षेनी बढ्दै गएको चुरे अतिक्रमण र काठ चोरी निकासीका कारण खहरेखोला बढ्न गएर समस्या आएको स्थानीय बासिन्दाले बताएका छन् । दुधौली नगरपालिकाका प्राविधिक सहायक हेरम्बराज अधिकारी खहरे खोलाले यस क्षेत्रमा कति उर्वर जमिनलाई क्षति पु¥यायो, त्यसको लगत कुनै पनि निकायसँग नभएको बताउनुहुन्छ । जङ्गल विनाश गर्नुहुँदैन भन्ने स्थानीय उपभोक्तामा चेतनाको अभाव रहेको तथा त्योभन्दा बढी त समय–समयमा तस्करले जङ्गल फँडानी गरी अवैध रुपमा काठ लाने गरेकाले समस्या बढ्दै गएको स्थानीय बासिन्दाको भनाइ छ ।कमला नदी र खहरेले आफ्नो भएको जग्गा बगरमा परिणत गराएपछि जङ्गल फडानी गर्नेको सङ्ख्यामा समेत वृद्धि भएको छ । रानीबासको चन्दनपुरमा जङ्गल फँडानी गरेर बस्ती नै बसालिएको स्थानीय बासिन्दा बताउँछन् ।डिभिजन वन कार्यालय सिन्धुलीको एक तथ्याङ्कअनुसार जिल्लामा चुरे जङ्गलको क्षेत्रफल एक लाख १२ हजार ६३१ हेक्टर छ । यो मध्ये एक लाख हेक्टर जङ्गल सरकारी स्वामित्वमा रहेको र बाँकी समुदायलाई हस्तान्तरण भइसकेको छ । चुरे जङ्गलको तल्लो फाँटको तीन हजार ३८३ हेक्टर वन पूर्ण रुपमा नष्ट भइसकेको छ ।
रसुवामा चोरीका घटना बढ्दै
रसुवामा शृङ्खलाबद्ध रुपमा चोरीका घटना भएका छन् । गत वैशाख पहिलो हप्तादेखि चोरीको घटनामा बढोत्तरी भएको देखिएको छ । जिल्लामा करिब दुई दर्जनभन्दा बढी घर, सहकारी, वडा कार्यालय, स्वास्थ्य संस्था लगायतमा चोरी भएको छ ।
काठमाडौं महानगरपालिकाका जनप्रतिनिधिद्वारा शपथग्रहण
काठमाडौं महानगरपालिका प्रमुख, उपप्रमुख, वडाअध्यक्ष र सदस्यहरुको प्रमाणपत्र वितरण तथा शपथ ग्रहण कार्यक्रम सम्पन्न भएको छ । महानगरका एक सय ६० जनप्रतिनिधिले पद तथा गोपनीयताको शपथ लिनुभएको छ ।
मोटर बिग्रिएपछि पानीको अभाव
सिन्धुलीको तीनपाटन गाउँपालिका–१ स्थित छर्रछरेडाँडाका बासिन्दा सुुक्खा मौसमसँगै खानेपानीको समस्याबाट प्रभावित भएका छन् । गाउँमा सञ्चालित पताले र छर्छरे लिफ्ट खानेपानी योजनाको मोटर बिग्रिएपछि झन्डै २५० घरपरिवार खानेपानीको समस्यामा परेका हुन् ।
एकचालीस उम्मेदवारले आफैँलाई मतदान गरेनन्
स्थानीय तह निर्वाचन २०७९ मा जिल्लाका विभिन्न स्थानीय तहमा उम्मेदवारी दिएका ४१ जनाले आफैँलाई मतदान नगरेको पाइएको छ । जिल्ला निर्वाचन कार्यालय काभ्रेका अनुसार जिल्लाको खानीखोला गाउँपालिकामा सबैभन्दा बढी उम्मेदवारले आफैँलाई समेत मतदान नगरेको जनाएको छ । खानीखोला गाउँपालिकामा अध्यक्ष पदका स्वतन्त्र उम्मेदवार पावल थिङ, उपाध्यक्षका उम्मेदवार मानबहादुर सिङ्तान र वडाध्यक्ष पदकासहित नौ उम्मेदवारले आफैँलाई मतदान नगर्नुभएको हो ।
-original-thumb.jpg)
प्रदूषणले टौदहका माछा मर्न थाले
कीर्तिपुर, जेठ १५ गते । कीर्तिपुरस्थित टौदह (तःपुखु) मा छोडिएका विभिन्न प्रकारका माछा मर्न थालेका छन् । वर्षामा परेको पानीमा मिसिएको रासायनिक युरिया मल र नजिकै खोलिएका पार्टी प्यालेस र रेष्टुरेन्टबाट आउने रसायनयुक्त फोहाेर पानीका कारण माछा मर्न थालेको स्थानीयवासी बताउँछन् ।फोहर र दुर्गन्धित पानी सिधै टौदहमा मिसाइएकाले यस्तो समस्या आइपरेको हो । माछा मर्न थालेपछि पानीलाई अहिले डाइभर्ट गरी पोखरीमा मिसिन नदिएर खोल्सामा फालिएको छ ।सो टौदहमा हिन्दु र बौद्ध धर्मग्रन्थ अनुसार काठमाडौं उपत्यकामा रहेको पानी मञ्जुश्रीले आफ्नो खड्गबाट चोभारको गल्छी काटेपछि मैदान बनेको थियो र, त्यहाँ बसोबास गर्न असमर्थ भएपछि टौदहमा कर्काेटक नागलाई स्थानान्तरण गरिएको भनाइ छ । सो पोखरीमा बौद्ध धर्मका पद्मसम्भव गुरु दक्षिणकालीको शेषनारायणमा ध्यान गरेर चीन (तिब्बत) तिर धर्म प्रचार गर्ने क्रममा स्नान गरेको पाइन्छ । यही कारणले बौद्ध भिक्षुहरुले यस टौदहमा विभिन्न प्रकारका माछा छाड्ने प्रचलन छ ।स्थानीय देव खड्का अनुसार, भाँडा माझ्ने रासायनिक झोल, शौचालयको फोहाेरको कारणले माछालगायत जलचलहरु मर्न थालेको बताउनुभयो । रसायनयुक्त फोहर पानी टौदहमा सिधै फ्याँकिएकाले पनि माछा धमाधम मारिएका हुन् । विगतमा प्राकृतिक वासस्थानका कारणले टौदह आसपासमा रुसको साइबेरियादेखि घुमन्ते चारचुरुङ्गी चिसो छल्न र आहाराको खोजीमा आउने गर्दथे । सो क्षेत्रमा पार्टी प्यालेस र रेस्टुरेन्टसहित व्यापारिक प्रयोजनमा पिकनिक स्पटलगायतका भौतिक संरचनाले ती घुमन्ते चराचुरुङ्गीको वासस्थानमा समस्या पैदा भएको हो । ती क्षेत्रमा अहिले अति कम घुमन्ते चराचुरुङ्गी देख्न पाइन्छ ।फोहाेर दुर्गन्धित पानीको असर ती घुमन्ते चारचुरुङ्गीलाई पनि परेको स्थानीय ज्ञानेन्द्र महर्जन बताउनुहुन्छ ।
