.jpeg)
जाजरकोटमा दुई सय किसानलाई राहत वितरण
जाजरकोटमा भूकम्पका कारण प्रभावित दुई सय भन्दा धेरै किसानलाई राहत वितरण गरिएको छ । पशु अस्पताल तथा पशु सेवा कार्यालय जाजरकोट र स्न्याज केयरको सहयोगमा नलगाडमा ९ टन पशुको दाना, २ सय थान त्रिपाल, १ टन नुन भूकम्प प्रभावित किसानलाई दिइएको हो।
कक्षाकोठा अभाव हुँदा छतमा परीक्षा
रास्कोट नगरपालिका–३, कोलिकागाउँस्थित मालिका आधारभूत विद्यालयमा कक्षाकोठा अभाव भएपछि विद्यार्थीले छतमा परीक्षा दिइरहेका छन् । विद्यालयमा कक्षा ८ सम्म पढाइ हुन्छ । विद्यालय व्यवस्थापन समितिका अध्यक्ष पदमनाथ योगीका अनुसार भवन अभावमा विद्यार्थीलाई अध्ययनमा समस्या भएको बताउनुभयो । उहाँले पालिकासँग भवन माग गरिए पनि कुनै सुनुवाइ नभएको बताउनुभयो ।
बैङ्क र पालिकामा भूकम्पपीडितको भिड
भूकम्प प्रभावितलाई अस्थायी आवासको अनुदान उपलब्ध गराउने सरकारी निर्णयपछि बैङ्क र पालिकामा लाभग्राहीको भिड लाग्ने गरेको छ । सरकारले पहिलो किस्ताबापतको २५ हजार रुपियाँ स्थानीय तहको विपत् व्यवस्थापन समितिको खातामा पठाएपछि लाभग्राहीको भिड लाग्न थालेको हो ।
रास्कोटमा सरुवा आतङ्क
रास्कोट नगरपालिकाका प्रमुख धर्मराज शाहीले पालिकाका विभिन्न शाखामा विभेदपूर्ण तरिकाले सरुवा गर्दै आउनुभएको आरोप लागेको छ । प्रमुख शाहीले नगरका निमित्त प्रमुख प्रशासकीय अधिकृत जवानसिंह बमलाई प्रभावमा पारी आफ्नो विपक्षका कर्मचारीलाई धमाधम सरुवा गर्दै आएको आरोप लागेको हो ।
कक्षा कोठा अभावले विद्यार्थीलाई सास्ती
कालीकोटको रास्कोट नगरपालिका–३ कोलीकागाउँमा रहेको मालिका आधारभूत विद्यालयमा कक्षा कोठा अभाव हुँदा विद्यार्थीलाई पठनपाठनमा सास्ती भएको छ ।
बन्द हुने अवस्थामा सरुवा रोग अस्पताल
कालीकोटमा रहेको सरुवा रोग अस्पताल बन्द हुने अवस्थामा पुगेको छ । दुई वर्षअघि कर्णाली प्रदेश सरकारले स्थापना गरेको अस्पताल बजेट अभावका कारण बन्द हुने अवस्थामा पुगेको हो ।
भूकम्प पीडितलाई न्यानो कपडा वितरण
एकिकृत विकासका लागि कर्नाली नेटवर्कले वर्ल्ड शेयर कोरियाको सहयोगमा चिसोबाट बच्न न्यानो कपडाहरु दुई सय म्याट, दुई सय टोपी, दुई सय मोजा, फाइबर ब्लाङ्केट दुई सय, पञ्जा दुई सय र दुई सय ज्याकेट वितरण गरेको हो ।
अस्थायी आवास बनाउँदै रेडक्रस
नेपाल रेडक्रस सोसाइटीले भूकम्प प्रभावित क्षेत्र रुकुमपश्चिममा अस्थायी आवास निर्माण सुरु गरेको छ । रेडक्रसले तत्कालीन परिपूरणका लागि सहयोग गर्नेसमेत जनाएको छ । रेडक्रस रुकुमपश्चिम शाखाले जिल्लामा दुई सय ५० वटा अस्थायी आवास निर्माणको काम सुरु गरेको छ । भूकम्प प्रभावित परिवारलाई तत्कालीन परिपूरणका लागि सहयोग गर्नेसमेत जनाइएको छ । शाखाका सभापति रमा गौतमका अनुसार अहिले जिल्लाका दुई वटा स्थानीय तहमा अस्थायी आवास निर्माणको काम सुरु गरिएको छ । सानीभेरी गाउँपालिका–४ र त्रिवेणी गाउँपालिका–९ र १० मा दुई सय ५० वटा अस्थायी आवास निर्माणको काम जारी रहेको सभापति गौतमले जानकारी दिनुभयो । उहाँका अनुसार सानीभेरीमा १५०, त्रिवेणीका दुई वडामा ५०/५० वटा अस्थायी आवास निर्माण हुने छन् । यी आवास सरकारले निर्माण गरेको कार्यविधि अनुसार नै निर्माण हुने छन् । सभापति गौतमले अहिले लाभग्राहीसँग सम्झौता भई निर्माणको काम भइरहेको बताउनुभयो । स्थानीय तहसँगको छलफलबाट लाभग्राही छनोट गरिएको हो । रेडक्रसमार्फत अस्थायी आवास निर्माण भएका प्रभावितले सरकारले दिने अस्थायी आवासको रकम भने पाउने छैनन् । परिपूरणका लागि थप सहयोग
अवैध क्रसर सञ्चालनले जोखिममा बस्ती
राज्यका नीति, नियमविपरीत र स्थानीयको विरोध हुँदाहुँदै पनि सुर्खेतमा निर्बाध रूपमा क्रसर तथा बालुवा प्रशोधन सञ्चालनमा रहेका छन् । पटक पटक बन्द गर्न आग्रह गर्दा पनि दर्ताबिनाका क्रसर सञ्चालनमा रहेको पालिकाले जनाएका छन् । पश्चिम सुर्खेतको वराहताल गाउँपालिका–२, थापाडेरादेखि डोप्कासम्म चार वटा क्रसर उद्योग इजाजतबिनै सञ्चालनमा रहेको गाउँपालिकाले जनाएको छ । पालिकाले दिएको जानकारी अनुसार हिमाल बालुवा प्रशोधन उद्योग, देउतीमाता बालुवा प्रशोधन उद्योग, रामजानकी प्रशोधन उद्योग र केसी बालुवा प्रशोधन उद्योग सञ्चालनमा छन् ।
जाजरकोटमा भूकम्प पीडित सुत्केरीको चिसोले मृत्यु
जाजरकोटमा चिसोका कारण एक भूकम्प पीडित सुत्केरीको मृत्यु भएको छ । जिल्लाको कुशे गाउँपालिका ९, चौराठाकी २४ वर्षीया सुत्केरी कल्पना नेपालीको मृत्यु भएको हो ।
जाजरकोटमा चिसोले सुत्केरीको मृत्यु
जाजरकोटको कुशे गाउँपालिका-९ घर्तीगाउँकी २४ वर्षीया कल्पना नेपालीको बुधबार बिहान मृत्यु भएको छ।
फुकोट कर्णाली हाइड्रो भारतीय कम्पनीलाई नदिन माग
राष्ट्रिय गौरवको कालीकोट फुकोट कर्णाली अर्धजलासय जलबिद्युत आयोजना भारतीय कम्पनीलाई दिने निर्णय बदरको माग गर्दै सर्वोच्च अदालतमा रिट परेको छ ।
-original-thumb.jpg)
उपलब्धिनजिक पेट्रोलियम पदार्थ अन्वेषण
दैलेखको पञ्चकोशी क्षेत्रमा रहेको पेट्रोलियम पदार्थ अन्वेषणको काम उपलब्धि नजिक पुगेको छ । पेट्रोलियम पदार्थ उत्खननको अन्तिम ड्रिलिङको काम जारी छ । भैरवी गाउँपालिका–१ स्थित शिरस्थान मन्दिरस्थित ज्वाला बलिरहेको क्षेत्रबाट उत्तरपूर्वी क्षेत्रमा पर्ने जलजलेमा अन्तिम ड्रिलिङको तयारी थालिएको छ ।
छ करोडभन्दा बढीको अदुवा गाउँबाटै बिक्री
रुकुमपश्चिमको त्रिवेणी गाउँपालिकाबाट छ करोड भन्दा बढीको अदुवा बिक्री भएको छ । पालिकाभर दुई हजार छ सय किसानले उत्पादन गरेको अदुवा बिक्रीबाट छ करोड २४ लाख आम्दानी भएको त्रिवेणी गाउँपालिकाले जनाएको छ ।
भूकम्पपीडितको उद्धार र राहत
यही कात्तिक १७ गते राति जाजरकोट केन्द्रबिन्दु भएर गएको भूकम्पपछि प्रधानमन्त्री पुष्पकमल दाहाल ‘प्रचण्ड’ आफैँ भूकम्प प्रभावित क्षेत्रमा पुग्नुभयो । मृतक तथा घाइतेको खोज, उद्धार तथा उपचारको व्यवस्थाका लागि स्वास्थ्यकर्मीको टोलीसहित दुई वटा हेलिकोप्टर र एउटा स्काई ट्रक लिएर उहाँ जाजरकोट र रुकुमपश्चिम पुग्नुभएको थियो
झ्याजेटोलबाट ७० लाखको तरकारी निकासी
दैलेख गुराँस गाउँपालिका–८ झ्याजेटोलका गोपीलाल खड्काले यस वर्ष तरकारी बेचेरै करिब रु पाँच लाख कमाउनुभयो । उहाँले बारीमा आलु, काउली र टमाटर लगाउने गर्नुभएको छ । यही तरकारी बेचेरै उहाँ आफ्नै ठाउँमा मनग्य आम्दानी गर्न सफल हुनुहुन्छ । तरकारी बेचेरै घरखर्च र केटाकेटीको पढाइ खर्च कटाएर बचत गर्ने गर्नुभएको छ ।
जुम्लाको हवाई सेवाको टिकट व्यवस्थित गरिँदै
हिमाली जिल्ला जुम्लामा हवाई सेवाका लागि टिकट व्यवस्थित गरिने भएको छ । स्थानीय प्रशासनको आयोजनामा जनप्रतिनिधि, एयरलाइन्सका प्रतिनिधि, नागरिक समाज, मानव अधिकार आयोग र पत्रकार सहभागी बैठकमा विमानस्थलमा हरेक वायुसेवा कम्पनीले यात्रुको नाम लेखेर पारदर्शिता गराउनुपर्ने र भोलिपल्टको उडानको टिकट अघिल्लै दिन वितरण गर्नुपर्ने निर्णय भएको नेपाल नागरिक उड्डयन प्राधिकरण कार्यालयका प्रमुख सन्तोष अधिकारीले जानकारी दिनुभयो ।
जिल्ला ब्याडमिन्टन सङ्घलाई मान्यता प्रदान
जिल्ला ब्याडमिन्टन सङ्घ रुकुमपश्चिमले पहिलो पटक नेपाल ब्याडमिन्टन सङ्घबाट आधिकारिकता पाएको छ । २०७५ सालमै स्थापना भएर काम गर्दै आए पनि रुकुमपश्चिमले आधिकारिकता पाउन सकेको थिएन ।
‘सांसद भनेका विकासकर्मी हुन् भन्ने भाष्य अन्त्य हुनुपर्छ’ : सांसद छिरिङल्हामु
छिरिङल्हामु लामा (तामाङ) भाग्यमानी सांसद हुनुहुन्छ जो मुगाली समुदायबाट पहिलोपटक सांसद बन्न सफल हुनुभएको छ । उहाँ मुगाली समुदायबाट उपल्लो निकायमा पुग्ने पहिलो व्यक्ति हुनुहुन्छ ।
कालिकोटमा ६० हजारलाई खोप लगाइँदै
कालिकोटमा ६० हजार जनाभन्दा बढी नागरिकलाई टाइफाइड रोगविरुद्धको खोप लगाइने भएको छ । १८ वर्षदेखि ४५ वर्ष उमेर समूहका नागरिकलाई पुस १२ देखि १४ र १६ देखि १८ गतेसम्म टाइफाइड विरुद्धको खोप लगाइने भएको हो ।
सरुवा रोग अस्पताल बन्ने
सुर्खेतको भेरीगङ्गा नगरपालिका–१२, छिन्चुमा ५० शøयाको सरुवा रोग अस्पताल निर्माण गरिने भएको छ । तीन वर्षअघि अस्पताल निर्माणको चर्चा भए पनि यस वर्षदेखि कामले पूर्णता पाउने भएको हो । जग्गा प्राप्ति र वातावरणीय प्रभाव मूल्याङ्कन (इआइए) स्वीकृत भएको छ । यसै आर्थिक वर्षबाट सरुवा रोग अस्पताल निर्माणको काम थालिने जनाइएको छ । यसअघि सहरी विकास तथा भवन डिभिजन कार्यालय सुर्खेतले विस्तृत आयोजना प्रतिवेदन (डिपिआर) सम्पन्न गरिसकेको छ । भवन डिभिजन कार्यालय सुर्खेतका प्रमुख रामकृष्ण आचार्यका अनुसार अर्थ मन्त्रालयमा बजेटको स्रोत सुनिश्चितताका लागि फाइल पेस गरिएको छ । मन्त्रालयबाट बजेटको स्रोत सुनिश्चितता भए बहुवर्षीय ठेक्का प्रणालीबाट काम सुरु गरिने छ ।
राष्ट्रपति रनिङसिल्ड प्रतियोगिता : २० स्वर्णसहित हिमा गाउँपालिका प्रथम
जुम्लामा राष्ट्रपति रनिङसिल्ड प्रतियोगितामा हिमा गाउँपालिका प्रथम भएको छ । तातोपानी गाउँपालिका–६ द्वारा हाँकूँ चौरमा आयोजित १४ औँ जिल्ला स्तरीय राष्ट्रपति रनिङ शिल्ड प्रतियोगिता शनिबार सम्पन्न भएको हो ।
सुनुवाइ हुँदैन महिला सांसदले उठाएका विषय
कर्णाली प्रदेश सभाका महिला सांसदले आफूहरूले सदनमा उठाएका विषयमा सरकारले सुनुवाइ नगरेको बताउनुभएको छ। प्रदेश सभा सदस्य गमता विकले संसद्मा आफूले उठाएका महत्वपूर्ण विषय ओझेलमा पर्ने गरेको बताउनुभयो। उहाँले लैङ्गिक उत्तरदायी बजेट निर्माणका लागि पटक पटक सरकारको ध्यानाकर्षण गराए पनि कार्यान्वयन नभएको चर्चा गर्नुभयो । उहाँले सामाजिक रूपान्तरणमा सरकारले ठोस नीति, कार्यक्रम र बजेटको व्यवस्थापनमा ध्यान दिनुपर्ने भए पनि त्यसो हुन नसकेको बताउनुभयो ।
आठबीसकोटमा मालपोत र नापी कार्यालयको सेवा सुरु
रुकुमपश्चिमको आठबिसकोट नगरपालिकामा मालपोत र नापी कार्यालयको सेवा सुरु भएको छ । आइतबार एक कार्यक्रमकाबिच आठबिसकोटका नगरपालिका प्रमुख रबी केसीले मालपोत र नापी कार्यालयको सेवा शुभारम्भ गर्नुभएको हो ।
बालविवाह बढ्दो
जाजरकोट जिल्लाको बारेकोट गाउँपालिकामा बालविवाह बढ्दो छ । बारेकोट गाउँपालिकाभरि बालविवाह हुने गरेको पाइएको छ । कोही भागेर त कसैको अभिभावककै सहमतिमा बालविवाह हुने गरेको छ । यहाँ बालविवाह रोकथामका लागि सचेतीकरणका कार्यक्रम नभएका कारण पनि बालविवाह बढेको देखिन्छ ।
