कर्णाली याक्सको ट्रफी टुर, क्रिकेटप्रती उत्साह बढ्ने अपेक्षा
नेपाल प्रिमियर लिग (एनपीएल) को दोश्रो संस्करण अघि कर्णाली याक्सको टिमले सल्यानमा गरेको ट्रफी टुर अभियानले जिल्लामा क्रिकेटप्रती उत्साह बढ्ने अपेक्षा गरिएको छ ।
गुठीचौरद्वारा ३३ लाख राजश्व सङ्कलन
गुठीचौर गाउँपालिकाले एक वर्षमा ३३ लाख ३९ हजार ४ सय ९० रुपियाँ राजसश्व सङ्कलन गरेको छ । आर्थिक वर्ष २०८१–८२ मा विभिन्न शीर्षकमा राजश्व संकलन गरेको हो । प्याराग्लाईडिङ्गबाट ८ लाख ४४ हजार राजश्व संकलन भएको अध्यक्ष दानवहादुर बुढाले बताउनुभयो ।
दलहरू चुनावकेन्द्रित गतिविधिमा
आगामी फागुन २१ गते हुने प्रतिनिधि सभाको निर्वाचनका लागि राजनीतिक दलले आफ्ना गतिविधि सञ्चालन गर्न थालेका छन् । प्रारम्भिक चरणमा आन्तरिक छलफल सुरु भएका छन् । कर्णाली प्रदेशमा सक्रिय राजनीतिक दलहरूले पार्टीका गतिविधिलाई चुनावकेन्द्रित गराउने योजना बनाएका छन् ।
अनुगमन खर्च साढे दुई करोड
भ्रमण खर्च नियमावली २०६४ अनुसार भ्रमण र अनुगमनको अभिलेख राखेर भुक्तानी दिनुपर्ने कानुनी प्रावधान भए पनि जिल्लाका स्थानीय तहले भ्रमण तथा अनुगमनको प्रतिवेदन तथा अभिलेख नै नराखेर साढे दुई करोड रुपियाँ खर्च गरेका छन् । जिल्लाका ११ स्थानीय तहले आर्थिक वर्ष २०८०/८१ मा अनुगमन तथा भ्रमण भत्तामा दुई करोड ४८ लाख ८६ हजार ६२६ रुपियाँ खर्च गरेका छन् ।
साँघुरो भयो कर्णाली कोरिडोर
कर्णाली कोरिडोरको हुम्ला खण्डको सडक निकै साँघुरो हुँदा यातायातका साधनलाई सास्ती हुने गरेको छ । कोरिडोरको हुम्ला खण्डको ताँजाकोट गाउँपालिकाको कबाडीदेखि सिमकोट गाउँपालिकाको स्याम्नेसम्मको सडक निकै साँघुरो छ । जसले गर्दा सानाठूला यातायातका साधनलाई दुईतर्फी आउजाउमा समस्या हुने गरेको हो ।
संस्थागत आर्थिक अपराधविरुद्ध सहकार्य
नेपाल चार्टर्ड एकाउन्टेन्ट संस्था (आइक्यान) र नेपाल प्रहरीको केन्द्रीय अनुसन्धान ब्युरो (सिआइबी) ले संस्थागत आर्थिक अपराधविरुद्ध सहकार्य गर्ने भएका छन् । सहकार्यका लागि मङ्गलबार आइक्यानका अध्यक्ष सिए नीलबहादुर सारूमगर र सिआइबी प्रमुख प्रहरी अतिरिक्त महानिरीक्षक डा. मनोजकुमार केसीले समझदारीपत्रमा हस्ताक्षर गर्नुभएको छ ।
भिरबाट खसेको ढुङ्गा लागेर एकको मृत्यु
जिल्लाको कुशे गाउँपालिका–४ मा खोटो सङ्कलन गर्न गएका एक जनाको ढुङ्गा लागेर मृत्यु भएको छ ।
-original-thumb.jpg)
साउनयता २९ सवारी दुर्घटना हुँदा सातको मृत्यु, ९५ घाइते
२४ ठाउँमा भएको सडक दुर्घटनामा २९ वटा सवारी साधन परेको र दुर्घटनामा परेर सात जनाले ज्यान गुमाउनुपरेको छ भने ९५ जना घाइते भएका छन् ।
हुम्लामा पहिलो पटक गर्भवतीको शल्यक्रिया
दुर्गम हिमाली जिल्ला हुम्लामा पहिलो पटक गर्भवती महिलाको सफल शल्यक्रिया भएको छ । कठिन भौगोलिक अवस्था, सीमित स्रोतसाधन र न्यून स्वास्थ्यकर्मीबिच पनि जिल्ला अस्पताल हुम्लाले ऐतिहासिक उपलब्धि हासिल गरेको हो ।
जाजरकोट भूकम्पको दुई वर्ष : पीडितको अझै टहरोमै बास
जाजरकोटमा दुई वर्षअघि कात्तिक १७ गते आएको भूकम्पले १५४ जनाको ज्यान गएको थियो । यो अवधिमा घरबारविहीन भएका पीडित हालसम्म जस्ताको टहरोमै बस्न बाध्य भएका छन् । जा
अपाङ्गता भएकालाई घरमै सामग्री
दैलेखमा एभरेष्ट क्लब अन्तर्गत पावर परियोजनाले अपाङ्गता भएकालाई ह्विलचियर वितरण गरेको छ । अपाङ्गता भएका विद्यार्थीलाई शिक्षामा सहज पहुँच स्थापित गर्नका लागि घरमै पुगेर ह्विलचियर वितरण गरिएको हो ।
कर्णालीमा भित्रिए पाँच लाखभन्दा बढी पर्यटक
पर्यटनको राम्रो सम्भावना भएको कर्णाली प्रदेशमा गत वर्ष पाँच लाखभन्दा बढी पर्यटक घुमेका छन् । यहाँका रारा, से फोक्सुन्डो, काँक्रेविहार, सहिद पार्कलगायतका स्थानमा पाँच लाख १८ हजार ९७० पर्यटक आएका छन् ।
दैलेखको ग्यासबाट मल कारखाना चलाउन सुझाव
दैलेखको जलजलेमा फेला परेको प्राकृतिक मिथेन ग्यासको उत्पादन र बिक्रीवितरणको जिम्मा नेपाल आयल निगमलाई दिन सरकारलाई सुझाव दिइएको छ । नेपाल निगमका निर्देशक विनीतमणि उपाध्यायको संयोजकत्वमा गठित ‘दैलेखको प्राकृतिक ग्यासको व्यावसायिक सम्भाव्यता अध्ययन’ टोलीले निगमलाई उत्पादन, सञ्चालन र वितरणको जिम्मा दिन सुझावसहितको प्रतिवेदन तयार पारेको छ । टोलीले मङ्गलबार उद्योग, वाणिज्य तथा आपूर्तिमन्त्री अनिलकुमार सिन्हालाई अध्ययन प्रतिवेदन बुझाउँदै छ ।
मुर्माठाँनाको डाँडा बन्यो मुर्माटप
मुगुको छायानाथ रारा नगरपालिका –९ मा पर्ने मुर्मागाउँको लेकमा अवस्थित हजारौं दशकअघिसम्म ‘मुर्मठाँना’ नामले मात्र चिनिन्थ्यो । मुर्मा गाउँका किसानको पशु चरन क्षेत्रको रूपमा रहेको यो डाँडा अहिले पर्यटन क्षेत्रको मुर्माटपको नामले प्रसिद्ध भएको छ ।
जनसेवा युवा क्लबलाई एक लाखसहित उपाधि
चन्दननाथ नगरपालिकाको आयोजनामा सम्पन्न जिल्लास्तरीय फुटबल प्रतियोगितामा विजयी हुने जनसेवा युवा क्लबलाई रु एक लाखसहित उपाधि प्रदान गरिएको छ ।
निःशुल्क स्वास्थ्य शिविरबाट ४१२ जनाले लिए सेवा
सल्यानको दार्मा गाउँपालिकामा सञ्चालन गरिएको स्वास्थ्य शिविरमा ४१२ जनाले सेवा लिएका छन् ।
पालिकामै स्क्रब टाइफसको नि:शुल्क ल्याब परीक्षण
जिल्लामा स्क्रब टाइफसका बिरामिहरु बढ्दै गएपछि सल्यानको त्रिवेणी गाउँपालिकाले निःशुल्क ल्याब परीक्षण सेवा सुरु गरेको छ ।
अस्थायी आवासमा सकसपूर्ण जीवन गुजारा गर्दै भूकम्पपीडित
एक सय ५४ जनाको ज्यान जाने गरेर २०८० कात्तिक १७ गते मध्ये राति गएको जाजरकोट भूकम्पको आज ठिक दुई वर्ष पूरा भएको छ ।
शिक्षक सरुवाको विरोधमा तालाबन्दी
केही दिनअघि वीरेन्द्रनगर नगर कार्यपालिकाले नगरपालिकाभित्रका सामुदायिक विद्यालयका प्रधानाध्यापक व्यवस्थापन, सरुवा, दरबन्दी मिलान तथा व्यवस्थापन र विद्यालय समायोजन गर्न कात्तिक १२ गते बुधबार गरेको निर्णयविरुद्ध नगरपालिकामा तालाबन्दी गरिएको छ ।
अपाङ्गता भएकालाई सेवा लिन सास्ती
यहाँको भेरी नगरपालिका–११, महतारागाउँका १६ वर्षीय गगनबहादुर महतारा जन्मजात पूर्ण अपाङ्गता हुनुहुन्छ । नेपाली नागरिकताको प्रमाणपत्र नहुँदा उहाँ सरकारी सेवासुविधाबाट वञ्चित हुनुभएको छ ।
सल्यानमा अलपत्र विद्युतीकरणबारे मन्त्री घिसिङलाई ध्यानाकर्षण
सल्यानका विभिन्न स्थानमा लामो समयदेखि अलपत्र परेको विद्युतीकरण कार्यलाई तत्काल अगाडि बढाउन माग गर्दै ऊर्जा, जलस्रोत तथा सिँचाइ मन्त्री कुलमान घिसिङलाई ध्यानाकर्षण पत्र बुझाइएको छ ।
हुम्लाको पर्यटकीय स्थल लाप्चामा सञ्चार सुविधा
हुम्लाको उत्तरी नाम्खा गाउँपालिका–६ लिमीको पर्यटकीय गन्तव्य लाप्चामा सञ्चार सुविधा नहुँदा कठिनाइ भएको छ । सञ्चार सुविधा नहुँदा यहाँ घुम्न आउने पर्यटकलाई समस्या भएको छ । लाप्चाबाट चीनमा पवित्र तीर्थस्थल मानसरोवर कैलाश पर्वतको सहजै दर्शन गर्न सकिन्छ ।
एक महिनापछि कुमाख मेलाको फोहोर व्यवस्थापन
करिब एक महिनापछि सल्यानको प्रसिद्ध कुमाख मेलाको फोहोर व्यवस्थापन गरिएको छ । धार्मिक तथा पर्यटकीय गन्तव्य कुमाख लेक क्षेत्रमा कोजाग्रत पूर्णिमाको अवसरमा गत असोजमा २० र २१ गते मेला लागेको थियो ।
मतदाता नामावली सङ्कलनमा दलहरूले सघाउने
आगामी फागुन २१ गते हुने प्रतिनिधि सभाको निर्वाचनका लागि दैलेखका राजनीतिक दलले सघाउने प्रतिबद्धता जनाएका छन् । शुक्रबार बसेको बैठकले निर्वाचन आयोगले खुलाएको नयाँ मतदाता नाम दर्ताको काममा राजनीतिक दलले सघाउने प्रतिबद्धता जनाएका हुन् ।
भेरी–बबई आयोजनाको काम सुस्त, ‘आयोजना समस्याग्रस्त बन्नु भएन’
राष्ट्रिय गौरवको आयोजना भेरी–बबई डाइभर्सन बहुउद्देश्यीय आयोजनाको काम १० वर्षमा ५७ प्रतिशत मात्र सम्पन्न भएको छ । आयोजनाको कामको गति सुस्त भएपछि कर्णाली प्रदेशका मुख्यमन्त्री यामलाल कँडेलले सो आयोजनालाई ‘समस्याग्रस्त आयोजना’ बन्न नदिन सङ्घीय सरकारसँग आग्रह गर्नुभएको छ ।
