बाढीपहिरो रोक्न गाउँवासीको कचहरी
कालीकोटको पलाँता गाउँपालिकामा पर्यावरणीय कृषि प्रणाली र बाढीपहिरो न्यूनीकरण गर्न कचहरी बसेको छ । किर्डाक नेपालले पलाँता गाउँपालिकाको समन्वय र मिसन इष्टको प्राविधिक सहयोगमा बाढी पहिरोबाट जोगिन गाउँस्तरवाट कसरी प्रयासका विषयमा छलफल गर्न कचहरी गरेको हो ।
दोमुखमा पाँच वर्षपछि झोलुङ्गे पुल निर्माण
हुम्ला र मुगु जिल्लाको सिमाना दोमुुखमा झोलुङ्गे पुलको निर्माण कार्य सम्पन्न भएसँगै सञ्चालनमा आएको छ । पुल सञ्चालनमा आएसँगै पैदल यात्रुहरूलाई सो स्थानमा निर्माण भएको तुइन तर्नु पर्ने बाध्यता हटेको छ ।
बजेटबारे सुझाव सङ्कलन
गुठीचौर गाउँपालिकाले आर्थिक वर्ष २०८०/८१ को नीति तथा कार्यक्रम र बजेट निर्माणपूर्व सुझाव सङ्कलन गरेको छ। सर्वदलीय तथा सर्वपक्षीय बैठक बोलाई पालिकाले बजेटसम्बन्धी सुझाव लिएको हो। सुझाव सङ्कलनमा १९० बढी सर्वसाधारणको सहभागिता रहेको थियो। गाउँपालिका अध्यक्ष दानबहादुर बुढाका अनुसार राजनीतिक दलका प्रतिनिधि, टोल विकास समितिका पदाधिकारी, स्थानीय नागरिकलगायत सरोकारवालाले विकास निर्माणसम्बन्धी सुझाव दिएका थिए। स्थानीय रतनवीर नेपालीले गाउँपालिकाबाट अघिल्ला आर्थिक वर्षमा गरिएको कार्यक्रमको समीक्षा गर्नुपर्ने सुझाव दिनुभयो।
कर्णालीको बजेट ३३ अर्ब ३७ करोड ९७ लाख
कर्णाली प्रदेशको आर्थिक वर्ष २०८०/८१ का लागि वार्षिक बजेट तथा कार्यक्रम सार्वजनिक गरिएको छ। प्रदेशका आर्थिक मामिला तथा योजना मन्त्री वेदराज सिंहले शुक्रबार प्रदेश सभामा बजेट प्रस्तुत गर्नुभएको हो।
ग्रामीण सडकले राजमार्ग जाेखिममा
प्रेमराज सिम्खडाकालीकोट, असार १ गते । कर्णाली राजमार्ग अन्तर्गत सुर्खेत, जुम्ला सडकमा लगाइएको फलामे सेफ्टी बार भाँचिएको छ । भीरको सडकमा लगाइएको सेफ्टी बार केही ठाउँमा पहिरोले भाँचिएको छ भने अन्य ठाउँको ग्रामीण सडक निमार्ण गर्दा आएको पहिरो र ढुङ्गाले भाँचेर जीर्ण बनेका छन् । एक दशकअघि विश्व बैंकको सहयोगमा सडक विभागद्वारा निर्माण गरिएका सेफ्टी बार जीर्ण हुँदा सडक असुरक्षित बनेको छ । स्थानीय तहले खनेका सडकले गर्दा राजमार्गको सेप्टीबार कतै भाँचिने कतै थिचिएर जीर्ण भएको हो । साँघुरो र अप्ठेरो सडकको सेफ्टी बारले सुरक्षित महसुस हुन्थ्यो । तर बार केही ठाउँमा भत्केको र केही ठाउँमा खिया लाग्दा कर्णाली राजमार्गको सडक यात्रा अहिले थप असुरक्षित बनेको छ । सेप्टीबार भाँचिएको ठाउँमा यात्रुले असुरक्षाको महसुस गरिरहेका छन् । गाडी चालक उपेन्द्र धितालले केही ठाउँको भाँचियो, केही ठाउँको खिया लागेर जीर्ण बन्यो । सेफ्टी बार नहुँदा भीरको खण्डमा गाडी चलाउन डरलाग्ने गरेको सुनाउनुभयो । कर्णाली राजमार्गको सुर्खेत जुम्ला सडक खण्डको अधिकांश भीर भएको ठाउँमा लगाइएको सेफ्टी बारले पहिले चालक र यात्रु सबैलाई सुरक्षित रहेको महसुस गराएको भएपनि पछिल्लो समय त्यो बार भत्केका कारणले कर्णाली राजामार्गको सडक असुरक्षित बनेको यातायात व्यवसायीको समेत गुनासो छ । कर्णाली राजमार्गमा फलामे सेफ्टी बार र सडक पर्खाल बनाएपछि दुर्घटनामा पनि कमी आएको जिल्ला प्रहरी कार्यालय कालीकोटको तथ्याङ्क छ । प्रहरी प्रमुख जयश्वर रिमालले एक दशक अघिसम्म महिनैपिच्छे दुर्घटना हुने राजमार्गमा सेफ्टी बार र साइड पर्खाल बनेपछि फाटफुट मात्र दुर्घटना भएको सुनाउनुभयो । प्रहरी प्रमुख रिमालले यो सेफ्टीबार दुर्घटना रोक्ने राम्रो माध्यम बनेकाले पुन मर्मत गर्नु पर्ने सुनाउनुभयो । कर्णाली राजमार्गमा ठूला र बढी दुर्घटना भएका दैलेखको किटु भीर, कालीकोटको बिर्तामोड, टिमुरे, ताडी भीर, बिहानी, हुल्म जीते, सुर्खेतको कल्याण र जुम्लाको गाडगडेनीमा फलामे सेफ्टी बार हालिएको थियो । तर अधिकांश ठाउँका बार वर्षाको पहिरो र माथिबाट खसेको ढुङ्गाले भाँचिएका छन । कर्णाली राजमार्गको डरलाग्दो ठाउँमा सेफ्टीबार लगाइएपछि कर्णाली राजमार्ग हुँदै रारा जाने आन्तरिक पर्यटकले पनि सुरक्षित महसुस गर्ने गरेका थिए । कोशी प्रदेशको दमकवाट रारा घुम्न आउनुभएका नगेन्द्रप्रसाद आचार्यले कर्णाली राजमार्गको सडक छेउमा लगाएको फलामे सेफ्टीबारले यात्रुलाई सुरक्षित छौं भनेर महसुस गराएको सुनाउनुभयो । उहाँले भत्केका ठाउँमा तत्काल मर्मत गर्नुपर्ने माग समेत गर्नुभयो । सुर्खेत दैलेखका विभिन्न भिर क्षेत्रसँगै कालीकोट जिल्लाको दैखोला, छाती भीर, कालेखोला, जीते, हुल्मभीर, सेरिघाट, ताडी भीर, गल्ली, मौलाकाटिया, बिहानी, छारेगाड, सिम्लागाड, पिली, सेरावाडा, विर्तामाेड, चौखोला, टाकुल्ला, टिमुरे, जाल्जे, खल्लागाड, जुम्लाको रारालिही, कुडारीलगायतका ठाउँका फलामे बार जीर्ण छन् ।
कर्णाली प्रदेशको बजेट तथा कार्यक्रम सार्वजनिक (प्रत्यक्ष प्रसारण)
कर्णाली प्रदेश सरकारको आर्थिक वर्ष २०८०/८१ को वार्षिक बजेट तथा कार्यक्रम सार्वजनिक गरिएको छ ।
सुत्केरीलाई पोषणयुक्त खानेकुरा वितरण
गर्भवती महिलाले समय पुगेपछि संस्थागत रूपमा सुत्केरी गराउने महिलाहरूलाई पौष्टिक तत्त्वयुक्त खानेकुरा उपहारका रूपमा प्रदान गरिएको छ ।
-original-thumb.jpg)
वीरेन्द्रनगरमा नगर माइक्रो बस सञ्चालन
कर्णाली प्रदेशको राजधानी सुर्खेतको वीरेन्द्रनगरमा निजी क्षेत्रको पहलमा शुक्रबारबाट नगर माइक्रो बस सञ्चालनमा आएको छ । नगरपालिकासँग समन्वय गरेर शुक्रबारदेखि वीरेन्द्रनगरमा नगर बस सञ्चालनमा आएको हो ।
प्रदेश अस्पताल पाँच सय शय्याको बनाइँदै
कर्णाली प्रदेश अस्पताललाई स्तरोन्नति गरिने भएको छ। हाल तीन सय बेडसहितको स्वास्थ्य सुविधा रहेको यस अस्पताललाई पाँच सय शय्या पु-याइने भएको हो। अस्पताललाई हेलिप्याड सुविधासहितको बनाउने गरी संरचना निर्माण सम्झौता गरिएको छ। प्रदेश अस्पतालका निर्देशक प्राडा डम्बर खड्का र गौराश्याम सुन्दर जेभी काठमाडौँबिच अस्पतालको भवन थपका लागि सम्झौता गरिएको छ।
कर्णाली प्रदेशको बजेट आज, घट्दै आकार
कर्णाली प्रदेश सरकारले आगामी आर्थिक वर्ष २०८०/८१ को बजेट शुक्रबार ल्याउँदै छ । ल्याइने बजेटमा सरकारले सञ्चालन गर्ने कार्यक्रम र योजनाको सीमा निर्धारण र चालुतर्फको फजुल खर्च कटौती गर्दै मितव्ययिता अपनाउने जनाएको छ । सङ्घीय सरकारले प्रदान गर्दै आएको अनुदानसँगै प्रदेशको राजस्व सङ्कलनमा कमी आएका कारण आगामी आवमा बजेटको आकार तुलनात्मक रूपमा घट्ने अनुमान गरिएको छ ।
ट्याक्टर दुर्घटनामा एकको मृत्यु
ट्याक्टर दुर्घटना हुँदा एक जनाको मृत्यु र चार जना घाइते भएका छन् । दैलेखको तल्लो डुगेश्वरबाट दुल्लुतर्फ जाँदैगरेको प्रदेश १–०२–००३ त २८२६ नम्बरको ट्याक्टर दुल्लु नगरपालिका –१ गडापानीमा गए राति दुर्घटना हुँदा चार जना घाइते भएका हुन् ।
स्वास्थ्य चौकीलाई औषधि तथा सर्जिकल सामाग्री सहयोग
काठमाडौंको नेपाल हेल्थ ट्रष्टले हुम्लाको एक स्वास्थ्य चौकीलाई औषधि तथा सर्जिकल सामाग्री सहयोग गरेको छ । स्वास्थ्य क्षेत्रमा सहयोग गर्दै आएको ट्रष्टका कर्मचारी जिल्लामा आएकोबेला स्वास्थ्य चौकीले आवश्यक पर्ने औषधि र सामाग्री माग गरेका थिए ।
‘प्रहरी आफैँमा समस्या बन्नु हुँदैन’
कर्णाली प्रदेशका प्रहरी प्रमुख प्रहरी नायब महानिरीक्षक (डिआइजी) भीमप्रसाद ढकालले प्रहरी कर्मचारीहरू आफैँमा समस्या बन्न नहुने बताउनुभएको छ। प्रदेश प्रहरी कार्यालय अन्तर्गत विभिन्न प्रहरी कार्यालयको निरीक्षण तथा निर्देशन दिने क्रममा रुकुमपश्चिम आइपुग्नुभएका डिआइजी ढकालले राम्रो कामको फल राम्रै हुने भएकाले प्रहरीले असल नियतका साथ काम गर्न निर्देशन दिनुभयो।
निःशुल्क अल्ट्रासाउन्ड सेवा
बारेकोट गाउँपालिकाले यस पालिकाभित्रका गर्भवती महिलालाई निःशुल्क रूपमा अल्ट्रासाउन्ड सेवा सुरु गरेको छ। आर्थिक अभावका कारण अल्ट्रासाउन्ड सेवा नपाएका महिलालाई गाउँपालिकाले निःशुल्क सेवा प्रदान गरेको हो। गाउँपालिकाको स्वास्थ्य तथा सरसफाइ शाखा प्रमुख रामबहादुर रोकायले महिलाको स्वास्थ्य तथा आर्थिक अवस्था हेरी निःशुल्क अल्ट्रासाउन्ड सेवा दिन थालेको बताउनुभयो।
पुर्ख्यौली थलो दहगाउँ आउँदा निकै खुसी लागेको छ : प्रधानमन्त्री प्रचण्ड
प्रधानमन्त्री पुष्पकमल दाहाल ‘प्रचण्ड’ ले आफ्नो पुर्ख्यौली थलो दहगाउँ आएर प्रतिमा अनावरण गर्न पाउँदा निकै खुसी लागेको बताउनुभएको छ ।
५५ थान बेवारिसे काठ बरामद
रुकुम पश्चिममा ५५ थान बेवारिसे काठ बरामद भएको छ । डिभिजन वन कार्यालय रुकुम पश्चिमले मुसीकोट नगरपालिका –२ को घ्युखोला नजिकबाट बेवारिसे अवस्थामा रहेका ५५ थान गोलिया र चिरान काठ बरामद गरेको हो ।
खार्पुनाथ गाउँपालिकाद्वारा एम्बुलेन्स सेवा सञ्चालन
बिरामीहरूलाई सेवा दिने उद्देश्यका साथ खार्पुनाथ गाउँपालिकाले एम्बुलेन्स सेवा सञ्चालनमा ल्याएको छ । सर्केगार्ड गाउँपालिकाको सलीसल्लाबाट हेलिकोप्टरमा ढुवानी गरेर ल्याएको एम्बुलेन्सका पार्टहरू जडान कार्य भएपछि मङ्गलबारबाट सञ्चालनमा आएको हो ।
लगानी कोषको कार्यालय स्थापना
नागरिक लगानी कोषले कर्णाली प्रदेशको राजधानी वीरेन्द्रनगरमा शाखा स्थापना गरेको छ। कोषले कर्णाली प्रदेशका सेवाग्राहीलाई लक्षित गरेर शाखा स्थापना गरेको हो। कर्णाली प्रदेशका मुख्यमन्त्री राजकुमार शर्माले सोमबार शाखा कार्यालयको उद्घाटन गर्नुभएको हो। उहाँले उत्पादनमूलक क्षेत्रमा लगानी गरी समृद्ध कर्णाली निर्माणको अभियानमा हातेमालो गर्न कोषलाई आग्रह गर्नुभयो। कोषले सर्वसाधारण एवं विभिन्न सङ्गठित सङ्घ संस्थामा कार्यरत कर्मचारी कामदार तथा संस्थाबाट बचत सङ्कलन गरी बचत लगानी प्रबन्ध गर्दै आएको छ। कोषका कार्यकारी निर्देशक रमण नेपालले कर्णाली प्रदेश सरकार र स्थानीय सरकारले राम्रो प्रतिफलयुक्त योजना ल्याए लगानी गर्न तयार रहेको बताउनुभयो।
एक्काइस वर्षपछि पक्की पुल
राप्ती राजमार्ग अन्तर्गत रुकुमपश्चिमको खौला–सल्ले सडकखण्डको साँख खोलामा सडक पुगेको २१ वर्षपछि पक्की पुल निर्माण गरिएको छ। जिल्लाको सबैभन्दा पुरानो यस सडकखण्डको मुसीकोट नगरपालिका–४ र ११ जोड्ने पुल निर्माण गरिएको हो। स्थानीय लोकबहादुर केसीले पक्की पुल निर्माण भएपछि स्थानीयलाई सजिलो भएको बताउनुभयो। दुई दशकपछि सडकले पक्की पुल पाएको भन्दै उहाँले खुसी व्यक्त गर्नुभयो। अब यात्रुवाहक तथा मालवाहक सवारीसाधनलाई सजिलो हुने केसीको भनाइ छ। एक स्पान, ३५ मिटर लम्बाइ र ११
विवाह गर्न वडाको सिफारिस अनिवार्य
जाजरकोटको कुशे गाउँपालिका–९ ले विवाहपूर्व अनिवार्य सिफारिस लिनुपर्ने नियम लगाएको छ । बालविवाह न्यूनीकरणका लागि भन्दै वडाले विवाहपूर्व वडाको सिफारिस अनिवार्य गरेको हो ।
कर्णालीमा माछा मारेर राम्रो आम्दानी
हुम्लाको खार्पुनाथ गाउँपालिका –१ को लाली गाउँकी मनिषा विक कर्णाली नदीमा माछा मारेर घर चलाउनुहुन्छ। आम्दानीको अन्य श्रोत नभएपछि कर्णाली नदीमा उहाँ दैनिक जाल हाल्न पुग्नुहुन्छ।
प्रहरी युनिटलाई मानवअधिकार प्रशिक्षण
नागरिकलाई प्रवाह गरिने प्रहरी सेवालाई मानवअधिकारमैत्री बनाउन पहिलो पटक दुर्गम भेगमा रहेका प्रहरी युनिटलाई मानवअधिकार प्रशिक्षण दिइएको छ ।
कुशे गाउँपालिका-९ मा विवाह गर्न वडाको सिफारिस अनिवार्य
जाजरकोटको कुशे गाउँपालिका–९ ले विवाहपूर्व अनिवार्य सिफारिस लिनुपर्ने नियम लागू गरेको छ । बालविवाह न्यूनीकरणका लागि भन्दै वडाले विवाहपूर्व वडाको सिफारिस अनिवार्य गरेको हो ।
फोक्सुण्डो तालमा अस्थायी प्रहरी पोष्ट स्थापना
शे-फोक्सुण्डो गाउँपालिका –८ रिग्मो गाउँमा रहेको पर्यटकीय स्थल फोक्सुण्डो तालमा अस्थायी प्रहरी पोष्ट स्थापना गरिएको छ ।
पूर्वाधार निर्माणको नगर बनाउने लक्ष्य छ
सुर्खेतको वीरेन्द्रनगर नगरपालिका कर्णाली प्रदेशको राजधानी रहेको नगरपालिका हो। अघिल्लो कार्यकालमा उपप्रमुखको जिम्मेवारी सम्हाल्नुभएकी मोहनमाया ढकालको काँधमा अहिले नगर प्रमुखको जिम्मेवारी छ । शुद्ध पिउने पानी उपलब्ध गराउने, करको दायरा बढाउने र सामुदायिक विद्यालयको गुणस्तर वृद्धि गर्ने योजनालाई प्राथमिकतामा राखेर आफू अघि बढेको उहाँ बताउनुहुन्छ। दोस्रो कार्यकालको एकवर्षे सुरुवात निकै सुखद भएको उहाँको दाबी छ तर नगरवासी विगतमा उपप्रमुख भएको कार्यकाल र प्रमुखको एकवर्षे कार्यकालमा केही असन्तुष्टिका आवाज उठाइरहेका छन्। निर्वाचित भएको एकवर्षे कार्यकालमा नेकपा (एमाले) बाट निर्वाचित नगर प्रमुख ढकालले भोग्नुभएको चुनौती र लक्ष्यबारे रजनी योगीले गर्नुभएको कुराकानी–
