राष्ट्रपति रनिङ शिल्ड हिमज्योतिलाई

राजन रावत

हुम्ला मङ्सिर ११ गते । गाउँपालिका केन्द्र सर्केगार्डमा सञ्चालन भएको सर्केगार्ड गाउँपालिका स्तरीय राष्ट्रपति रनिङ शिल्ड प्रतियोगिता हिमज्योति मावि विजयी भएको छ । गाउँपालिकाका चार माविबिच भएको सो प्रतियोगितामा सबैभन्दा बढी स्वर्ण पदक जितेर हिमज्योति मावि पहिलो भएको हो ।

गाउँपालिका अध्यक्ष ठानबहादुर रोकायाका अनुसार सत्र स्वर्ण पदक जितेर हिमज्योति मावि प्रथम स्थान भएको हो । त्यसैगरी प्रतियोगितामा सात स्वर्ण पदकसहित लालीगुराँस मावि लिप्ने द्वितीय र दुई स्वर्णसहित सरस्वती मावि जैर तृतीय भएका छन् । विजेता विद्यालय, छात्रा छात्रलाई पदक, पुरस्कार, र प्रमाणपत्र प्रदान गरिएको छ ।