६ वटा उद्योगको पानी परीक्षणका लागि पठाइयो
बाँकेको कोहलपुर र सो वरिपरिका क्षेत्रमा सञ्चालनमा रहेका पानी उद्योगले उत्पादन गर्दै आएको खानेपानी गुणस्तरीय नभएको भन्दै स्थानीयको गुनासो गरेपछि पानी परीक्षण गर्न पठाइएको छ।
ट्याक्टर दुर्घटनामा एकको मृत्यु
अर्घाखाँचीमा ट्याक्टर दुर्घटना हुँदा एक जनाको मृत्यु भएको छ । सन्धिखर्क नगरपालिका –१० धरम्पानीमा लु ३ त ६४८ नम्बरको ट्याक्टर दुर्घटना हुदा एक जना बालकको मृत्यु भएको हो ।
होलीमा जबरजस्ती रङ दल्नेलाई कारबाही हुने
जिल्ला प्रहरी कार्यालय बाँकेले होली पर्वमा जबरजस्ती रङ दल्ने र होलीको नाममा कसैलाई दुर्व्यवहार गर्नेलाई कानुनी कारबाही गर्ने जनाएको छ ।
यसै साता कर्णालीमा पाठ्यपुस्तक पुग्ने
जनक शिक्षा सामग्री केन्द्र लिमिटेडले नयाँ शैक्षिक सत्र २०८१ का लागि छापेको १८ लाख थान पाठ्यपुस्तक नेपालगन्ज आइसकेको छ ।
नेपाल–भारत धार्मिक सिद्धरत्ननाथ–देवीपाटन महायात्रा हुने
धार्मिक एवम् ऐतिहासिक गोरक्षपात्रदेवता सिद्धरत्ननाथ–देवीपाटन महायात्रा २०८० को तयारीलाई तीव्र बनाइएको छ । प्रत्येक वर्ष चैत पञ्चमीका दिन दाङको चौघेराबाट भारतको बलरामपुर जिल्ला तुलसीपुरस्थीत पाटेश्वरी मन्दिर पुग्नेगरी हुने धार्मिक र सांस्कृतिक महत्वको ऐतिहासिक यात्रालाई भव्य बनाउँदै पर्यटन प्रवर्द्धनमा सहयोग पुर्याउने गरी महायात्राको तयारी थालिएको हो ।
१८ ग्राम ब्राउन सुगरसहित दुई जना पक्राउ
यहाँस्थित नेपाल–भारत नाका पारीका भारतीय सहर र कस्बाहरुबाट ठुलो परिमाणमा लागू औषध ब्राउनसुगर नेपालतर्फ भित्रिने गरेको छ । लागू औषधका भारतीय कारबारीहरुले नेपाली कारोबारीलाई सो बिक्री गर्ने तथा नेपाल भित्र पुर्याउने काम समेत गर्दै आएको पाइएको छ ।
छत्रकोटका जनप्रतिनिधि र कर्मचारीका छोराछोरी सामुदायिक विद्यालयमा
गुल्मीको छत्रकोट गाउँपालिकाले जनप्रतिनिधि तथा कर्मचारीका छोराछोरीलाई अनिवार्य रुपमा सामुदायिक विद्यालयमा भर्ना गर्ने निर्णय गरेको छ । सामुदायिक विद्यालयको शिक्षाको गुणस्तरमा वृद्धिसंगै सबैमा विश्वास दिलाउन गाउँपालिकाले यस्तो निर्णय गरिएको बताइएको छ ।
बाँकेबाट नौ हजारभन्दा बढीले एसईई दिँदै
यहि चैत १५ गतेबाट सुरु हुने यस वर्षको माध्यमिक शिक्षा परीक्षा (एसईई)मा बाँके जिल्लाबाट नौ हजार २९३ जना विद्यार्थी सहभागी हुने भएका छन् ।
सात सयभन्दा बढीको हातमा लालपुर्जा
दुई वर्षको अवधिमा सात सयभन्दा बढी व्यक्तिले लालपुर्जा पाएका छन् । जिल्लास्थित भूमि आयोग पछिल्लो दुई वर्षको अवधिमा पाल्पाका ७४७ जना व्यक्तिलाई लालपुर्जा वितरण गरेको जनाएको छ ।
रुख हटाउन नसक्दा सडक निर्माणमा ढिलाइ
जिल्लाको पश्चिम भेगस्थित सुँगुरेढुङ्गा–सालझन्डी सडक निर्माणमा ढिलाइ भएको छ । उक्त सडकखण्डमा पर्ने ५४१ वटा रुख काट्न ढिला हुँदा सडक निर्माणले गति लन नसकेको हो । सो सडकखण्डको पाल्पा रैनादेवी छहरा गाउँपालिकास्थित बल्ढेङ्गढी र रुपन्देही जिल्ला सैनामैना नगरपालिका क्षेत्र अन्तर्गतको पाँच किलोमिटर सडकमा पर्ने रुख हटाउन नसक्दा सडक निर्माणले गति लिन सकेको छैन । सो क्षेत्रको रुख कटान गर्न मन्त्रीपरिषद्बाट गत २०८० माघ १८ गते निर्णय भइसकेको छ तर प्रदेशको आयोजना भएकाले रुख कटान हुने क्षेत्रको जग्गा र काटिने रुखको सोधभर्ना गर्नुपर्ने प्रावधान छ ।
रेसुङ्गामा लालीगुराँसको सुन्दरता
गुल्मीको ऐतिहासिक तथा धार्मिक क्षेत्र रेसुङ्गामा ढकमक्क फुलेको लालीगुराँस । लालिगुराँस फुलेपछि त्यहाँको सुन्दरता बढेको छ ।
पाटेबाघको छालासहित एक पक्राउ
दुर्लभ पाटेबाघको छालासहित नेपालगन्जबाट बुधबार बाँके प्रहरीले एक जनालाई पक्राउ गरेको छ । बुधबार दिउँसो दुर्लभ पाटेबाघको छालासहित नेपालगन्ज उपमहानगरपालिका–२ पुष्पलाल चोकस्थित एक होटलबाट पक्राउ परेका हुन् ।
विकासमा ढिलासुस्ती हुँदैन : उपप्रधानमन्त्री महासेठ
उपप्रधानमन्त्री एवम् भौतिक पूर्वाधार तथा यातायात मन्त्री रघुवीर महासेठले विभिन्न आयोजनामा भइरहेको ढिलासुस्तीप्रति सरकार गम्भीर रहेको र अब त्यस्तो ढिलासुस्ती नहुने बताउनुभएको छ ।
युवाद्वारा सहयोग हस्तान्तरण
बाँकेको खजुरा गाउँपालिका–४ ई गाउँमा युवाहरूको सामाजिक सञ्जाल समूहले बिरामीको उपचारका लागि आर्थिक सहयोग प्रदान गरेको छ ।
कोइरालाको स्मृति दिवसमा बिरामीलाई फलफूल
पूर्व प्रधानमन्त्री एवम् नेपाली कांग्रेसका पूर्व सभापति गिरिजाप्रसाद कोइरालाको १४ औँ स्मृति दिवसको अवसरमा कांंग्रेस बाँकेले भेरी अस्पतालमा उपचाररत बिरामीलाई फलफूल वितरण गरेको छ ।
भेरीमा स्वास्थ्य बिमाबाट सेवा लिने बढे
बाँकेको नेपालगन्जस्थित भेरी अस्पतालको सामाजिक सेवा इकाईबाट सेवा लिने सेवाग्राही घटेका छन् भने स्वास्थ्य बिमा कार्यक्रमबाट सेवा लिने सेवाग्राही बढेका छन् ।
पाल्पाबाट चार हजार बढी एसइईमा सहभागी हुँदै
पाल्पाबाट यस वर्ष चार हजार १८२ जना विद्यार्थीले माध्यमिक शिक्षा परीक्षा (एसईई) दिने तयारी गरेका छन् । जिल्लाभरका सामुदायिक विद्यालयबाट तीन हजार ६९५ जना र संस्थागत विद्यालयबाट ४८७ जनाले एसईई परीक्षा दिने तयारी गरेका हुन् ।
प्लाइउड निर्यातको अवरोध हट्यो
उद्योगी व्यवसायीको व्यापक दबाब र विरोधपछि गुणस्तर प्रमाण चिन्हका नाममा भारतले प्लाइउडको निर्यातमा उत्पन्न गरेको अवरोध तत्कालका लागि हटेको छ ।
सार्वजनिक पोखरीमा कुनै संरचना नबनाउन अदालतको आदेश
बाँकेको नरैनापुरस्थित सार्वजनिक पोखरीलाई संरक्षण नगरी अन्य पूर्वाधार निमार्ण गर्न थालेपछि उच्च अदालतले त्यहाँ कुनैपनि संरचना निमार्ण नगर्न तत्काल परमादेश जारी गरेको छ ।
बाँकेमा एमालेको परीक्षा
नेकपा (एमाले) बाँकेले जिल्लाभरका सङ्गठित सदस्यहरूको परीक्षा लिएको छ । सोमबार जिल्लाका ८१ वटा वडामा एकसाथ परीक्षा सञ्चालन गरी उत्तरपुस्तिका सुरक्षित राखिएको एमाले बाँकेका सचिव रत्न खत्रीले जानकारी दिनुभयो । उक्त परीक्षामा वयोवृद्ध नेताहरूको समेत सहभागिता छ । खजुरा–२, सीतापुरबाट पार्टी केन्द्रीय सदस्य ८० वर्षीय बाबुराम गौतम, ७५ वर्षीय पूर्वजिल्ला कमिटी अध्यक्ष नन्दलाल रोकायलगायतका नेताको सहभागिता रहेको सचिव खत्रीले बताउनुभयो । एमाले बाँकेले लुम्बिनी प्रदेश कमिटीको निर्णय अनुसार जिल्लाका ८१ वटा वडामा एकसाथ परीक्षा सञ्चालन भएको हो । परीक्षामा करिब पाँच हजार सङ्गठित सदस्य सहभागी हुनुपर्ने भए पनि जिल्लाबाहिर रहेकाले सबैजना उपस्थित हुन नसकेको एमालेले जनाएको छ ।
नेपालगञ्ज–गुलरिया सडक धमाधम कालोपत्र हुँदै
हुलाकी सडक आयोजनाअन्तर्गत निर्माणाधीन नेपालगञ्ज–गुलरिया सडकखण्ड कालोपत्र गर्न थालिएको छ । नेपालगन्जको नन्दनी मिलबाट एकतर्फी कालोपत्र गर्न सुरु भएको निर्माण कम्पनी शर्मा एण्ड कम्पनीका प्रबन्ध निर्देशक रमेश शर्माले बताउनुभयो ।
नेपाल लोकतन्त्रवादी आदिवासी जनजाति महासङ्घको नेतृत्व चयन सर्वसम्मत
गुल्मीमा नेपाली कांग्रेस निकट नेपाल लोकतन्त्रवादी आदिवासी जनजाति महासङ्घको नेतृत्व सर्वसम्मत चयन गरिएको छ । नेपाल लोकतन्त्रवादी आदिवासी जनजाति महासङ्घको प्रथम जिल्ला अधिवेशनले नयाँ कार्यसमिति सर्वसम्मत चयन गरेको हो ।
तानसेनमा दोस्रो यूथ युनियन कप सुरु
तानसेनमा दोस्रो यूथ युनियन कप सुरु भएको छ । तानसेनस्थित टुँडिखेल मैदानमा मङ्गलबारदेखि सुरु भएको दोस्रो कप (फुटबल प्रतियोगिता)को पहिलो खेलमा न्यु एकता युवा क्लब विजयी बनेको छ ।
कपास खेतीबाट राम्रो आम्दानी
राजपुर गाउँपालिका–७ निवासी भोजराज खत्री कपास खेती गर्दै आउनुभएको छ । नाका क्षेत्रमा सिँचाइको अभावसँगै जङ्गली जनावारले अन्नबालीमा क्षति गर्ने भएपछि खत्रीले विगत सात/आठ वर्षदेखि दुई बिघाभन्दा बढी जमिनमा कपास खेती गर्दै आउनुभएको छ । अन्नबाली छोडेर कपास खेतीमा लाग्नुभएका खत्रीले राम्रो आम्दानी गर्दै आएको बताउनुहुन्छ । गाउँमा उत्पादन गरेको कपास बिक्रीमा पनि समस्या नहुने र अन्नबालीको तुलनामा आम्दानी पनि राम्रो हुने भएपछि कपास खेती गर्दै आएको बताउनुभयो । खत्रीले भन्नुभयो, “कपास खेतीबाट राम्रो आम्दानी हुन थालेपछि पूरै गाउँ नै समूह बनाएर कपास खेतीमा लागेका छौँ, अन्य कृषि बालीभन्दा कपासबाट राम्रो आम्दानी हुने गरेको छ ।”
ज्यान त गयो सँगै ऋण तिर्ने पीडा थपियो
“बुढी ! अब म युद्ध क्षेत्रमा जाँदै छु । हामी पाँच जनालाई लगिँदै छ । फोन सम्पर्क नहुन पनि सक्छ । लोग्ने युद्धमा छ भनेर नरुनू । पिर चिन्ता नलिनू । छोराछोरीको राम्रोसँग ख्याल गर्नू । मेरो भर छैन ।” लालबहादुर घर्तीले रुसबाट श्रीमती भुमालाई अन्तिम पटक भनेको संवाद हो यो । गत माघ २ गते फोनवार्तामा लालबहादुरले ‘एक हप्तामा आउन सके आइहाल्छु, नत्र मेरो लोग्ने जीवित छैन भनेर सम्झनू’ भनेका वाक्य भुमाका कानमा अझैसम्म गुन्जिइरहेको छ ।
