रुकुम पश्चिमको सानीभेरी गाउँपालिकाका ४ वडामा माओवादी र २ वडामा काँग्रेस विजयी
राजु लामिछाने रुकुम पश्चिम, जेठ १ गते । रुकुम पश्चिमको सानीभेरी गाउँपालिकामा मत गणना सम्पन्न भएका ६ वटा वडा मध्य चार वडा वडामा नेकपा माओवादी केन्द्र र दुई वटा वडामा नेपाली काँग्रेसको टिमले विजय हाँसिल गरेको निर्वाचन अधिकृतको कार्यालयले जानकारी दिएको छ । सानीभेरीमा ११ वटा वडा रहेका छन् । १ नम्वरमा टेकबहादुरको टिम विजयीसानीभेरी गाउँपालिका वडा नम्बर १ नेकपा (माओवादी केन्द्र)को प्यानल नै विजयी भएको छ । वडाध्यक्षमा नेकपा माओवादी केन्द्रका टेकबहादुर पुन विजयी भएका हुनुभएकोे छ । पुनले ५ सय ६१ मत प्राप्त गर्दा उहाँका प्रतिद्वन्दी नेपाली कांग्रेसका खले पुनले २ सय ८१ मत प्राप्त गर्नु भएको छ । वडा सदस्यहरुमा महिला सदस्य विमला बि. क. रोकाले ४६६, दलित महिला सदस्य तुलसा सुनारले ५३३, खुल्ला वडा सदस्यहरु कालो पुन र मंगले कामीले क्रमश ५३३ र ४९२ मात प्राप्त गर्नुभएको छ ।२ नम्वरमा पनि माओवादी प्यानल नै विजयीसानीभेरी गाउँपालिका वडा नम्बर २ मा पनि नेकपा (माओवादी केन्द्र)को प्यानल नै विजयी भएको छ । वडाध्यक्षमा नेकपा माओवादी केन्द्रका मानबहादुर पुन विजयी भएका हुनुभएको छ । उहाँले ४ सय ८४ मत प्राप्त गर्दा उहाँका प्रतिद्वन्दी नेपाली कांग्रेसका दिनेश विकले २ सय २१ मत प्राप्त गर्नु भएको छ ।३ नम्वरमा जगदिशको टिम विजयीसानीभेरी गाउँपालिकाको वडा नम्बर ३ मा पनि नेकपा (माओवादी केन्द्र)को प्यानल विजयी भएको छ । वडाध्यक्षमा नेकपा माओवादी केन्द्रका जगदिश नकाल ९ सय १२ मत प्राप्त गरी विजयी हुनुभएको छ । उहाँका प्रतिद्वन्दी नेपाली कांग्रेसका बिनोद ओलीले ६ सय ३८ मत प्राप्त गर्नु भएको छ ।४ नम्वरमा काँग्रेसको जितसानीभेरी गाउँपालिका वडा नम्बर ४ मा नेपाली काँग्रेसको प्यानल विजयी भएको छ । वडाध्यक्षमा नेपाली काँग्रेसका मनोज कुमार बुढाथोकीले ६ सय ८६ मत प्राप्त गरी विजयी हुनुभएको छ भने उहाँका प्रतिद्वन्दी माओवादी केन्द्रका खडक बहादुर चन्दले ३ सय ७८ मत प्राप्त गर्नुभएको छ । वडा महिला सदस्यमा नेपाली काँग्रेसकी गंगा चन्द ६ सय ७६ मत प्राप्त गरी बिजय हुँदा माओबादी केन्द्रकी कलधरी खत्रीले ३ सय ९५ मत प्राप्त गर्नुभएको छ । त्यस्तै दलित महिला तर्फ नेपाली काँग्रेसकी लक्ष्मी रसाइँलीले ६ सय ७४ मत प्राप्त गरेर बिजय हात पार्दा माओवादी केन्द्रकी चन्द्रकली कामीले ३ सय ७५ मत प्राप्त गर्नुभएको छ ।त्यस्तै खुल्ला सदस्य तर्फ नेपाली काँग्रेसका भद्र बुढाले ६ सय ५१ मत र बिमल प्रकाश बुढाथोकीले ६ सय ८९ मत प्राप्त गरी बिजय हुनुभएको छ । उहाँहरुका निकटतम प्रतिद्वन्दी माओवादी केन्द्रका खले बुढाले ३ सय ९९ र मदनदाश बिकले ३ सय ५४ मत प्राप्त गर्नुभएको छ ।५ नम्वरमा काँग्रेसकै नेतृत्ववडा नम्बर ५ मा नेपाली काँग्रेसको विजयी भएको छ । वडाध्यक्षमा नेपाली काँग्रेसका अलबहादुर खत्रीले ४ सय ६२ मत प्राप्त गरी विजयी हुनुभएको छ । उहाँका प्रतिद्वन्दी माओवादी केन्द्रका तिर्थ बहादुर खत्रीले ४ सय ३४ मत प्राप्त गरी पराजित हुनु भएको छ ।वडा महिला सदस्यमा नेपाली काँग्रेसकी गिता बाँठा ४ सय ४९ मत प्राप्त गरी बिजय हुँदा माओवादी केन्द्रकी कमला बस्नेतले ४ सय ३९ मत प्राप्त गर्नुभएको छ भने दलित महिला तर्फ नेपाली काँग्रेसकी कमला चदाराले ४ सय ६४ मत प्राप्त गरेर बिजय हात पार्दा उहाँकी प्रतिद्वन्दी माओवादी केन्द्रकी रिता कामीले ४ सय ३८ मत प्राप्त गर्नुभएको छ । त्यसैगरि खुल्ला सदस्य तर्फ गठबन्धनबाट नेपाली काँग्रेसका दलजित बस्नेतले ४ सय ३७ मत र नैने कुसारीले ४ सय ४५ मत प्राप्त गरी बिजय हुनुभएको छ । उहाँहरुका निकटतम प्रतिद्वन्दी माओबादी केन्द्रका डिलाराम कुसारीले ४ सय ३३ र पर्शुराम खत्रीले ४ सय २१ मत प्राप्त गर्नुभएको छ । सानीभेरी गाउँपालिका वडा नं ६ को मत परिणाम गाउँपालिकाको वडा नम्वर ६ मा पनि नेकपा माओवादी केन्द्रको प्यानल विजयी भएको छ । वडा अध्यक्षमा नेकपा माओवादी केन्द्रका पहलसिं घर्ति मगरले १५५ मत ल्याएर निर्वाचित हुुनुभएको छ । उहाँका प्रतिद्वन्दी नेपाली काँग्रेसका चन्द्रबहादुर कुसारीले १३२ मत प्राप्त गर्नुभएको छ । अध्यक्ष र उपाध्यक्षमा फराकिलो मतान्तरसानीभेरी गाउँपालिकाका पाँच वडा वडाको मत गणना सकिदासम्म गाउँपालिका अध्यक्ष र उपाध्यक्ष दुवैमा माओवादी केन्द्रका उम्मेदवारले फराकिलो मतान्तर बनाएका छन् ।अध्यक्षमा माओवादी केन्द्रका बिर्खबहादुर बिष्टले तीन हजार सात र मत सहित अग्रता कायम गर्नुभएको छ । उहाँका प्रतिद्वन्दी कांग्रेस–एमाले गठबन्धनबाट काँग्रेसका गोरखप्रसाद चन्दले दुई हजार दुई सय २९ मत ल्याउनु भएको छ । त्यस्तै छाता चिन्हका उम्मेदवार मिम कुमार ओलीले ४० मत ल्याउनुभएको छ भने हलो चिन्हका उमेदवार टंकप्रकाश घर्तीले २७ मत ल्याउनुभएको छ । उपाध्यक्षमा माओवादी केन्द्रकी कमला रोका पुनले तीन हजार १२ मत ल्याउँदा काँग्रेस एमाले गठबन्धनबाट एमालेका प्रकाश खड्काले एक हजार पाँच सय ८९ मत ल्याउनु भएको छ ।
सुनसरीमा पाँच वडाको मत परिणाम सार्वजनिक
जयकृष्ण यादव इनरुवा, जेठ १ गते । सुनसरीका चार पालिकामा पाँच वटा वडाको मतपरिणाम सार्वजनिक भएको छ । इनरुवा नगरपालिका १ वडामा नेपाली काँग्रसको प्यानल विजयी भएको हाे । दुहवी नगरपालिका १ मा र सीमावर्ती बर्जु गाउँपालिका १ मा नेकपा एमाले र सीमावर्ती हरिनगर गाउँपालिका ७ मा नेकपा एकीकृत समाजवादी र भोक्राहा नरसिंह गाउँपालिका १ मा राप्रपाको प्यानल विजयी भएको छ । जिल्लाको भोक्राहा नरसिंह गाउँपालिका १ मा राष्ट्रिय प्रजातन्त्र पार्टी र भोक्राहा नरसिंह गाउँपालिका १ को वडा अध्यक्षमा राष्ट्रिय प्रजातन्त्र पार्टीका लक्षमण मेहता र उहाँका प्यानलैबाटै चार जना सदस्य निर्वाचित भएका छन् । मेहताले एक हजार ९० मत ल्याएर वडा अध्यक्षमा निर्वाचित हुनुभएको निर्वाचन अधिकृत मोहनबहादुर अधिकारीले जानकारी दिनुभयो । यस वडामा ३ हजार २ सय २८ मतदाता रहेकोमा त्यसमध्ये २ हजार ४ सय ७८ मत खसेकोमा मेहताका निकटम प्रतिद्वन्द्वी नेपाली काँग्रेसका युवराज दाहालले ५ सय ४७ मत ल्याएर पराजित हुनुभएको छ । सदस्यहरूमा राप्रपाकै अकुल महतो ७२९, अमजाद मिँया ६१५, सरिता उराँव ८२५ र दलित महिला सदस्यमा आरतिदेवी शर्माले ८४६ मत ल्याइ निर्वाचित हुनुभएको छ । त्यसैगरी, सीमावर्ती हरिनगर गाउँपालिका ७ मा नेकपा एकीकृत समाजवादी पार्टीको प्यानल र ७ को वडा अध्यक्षमा नेकपा ऐसका मोज्जमिल खान र उहाँका प्यानलैबाटै चार जना सदस्य निर्वाचित हुनुभएको निर्वाचन अधिकृत मोहन घिमिरेले जानकारी दिनुभयो । यस वडाका सदस्यहरूमा नेकपा एसकै सैमुल खातुन, बबितादेवी सरदार, तफेजुल अन्सारी र सईदुरहमान अन्सारी निर्वाचित हुनुभएको छ । दुहबी नगरपालिका १ को वडा अध्यक्षमा नेकपा एमालेका मो.अजुल हुसेनले ९२९ मत ल्याएर विजयी हुनुभएको छ । उहाँका निकटतम प्रतिद्वन्द्वी नेपाली काँग्रेसका जाकिर हुसेन मियाँले ८१३ मत ल्याउनुभएको छ ।साथै, इनरुवा नगरपालिका १ मा नेपाली काँग्रेसको प्यानल र वडा अध्यक्षमा काँग्रेसका प्रमोद पोखरेल र उहाँका प्यानलैबाटै चार जना सदस्य निर्वाचित भएका छन् । बर्जु गाउँपालिका १ मा वडा अध्यक्षमा नेकपा एमालेका दिलबहादुर गुरुङ ९१६ मत ल्याएर विजयी हुनुभएको छ । उहाँका निकटतम प्रतिद्वन्द्वी नेपाली काँग्रेसका मनोज गच्छदारले ६८९ मत प्राप्त गर्नुभएको हो ।
सप्तरीको आठ वडाको मत परिणाम सार्वजनिक
ललिता साह बोदेबर्साईन( सप्तरी ), जेठ १ गते । सप्तरीको फरक फरक पालिका गरी आठ वटा वडाको मतपरिणाम सार्वजनिक भएको छ । सप्तरीको विभिन्न पालिकाको वडा अध्यक्ष निर्वाचित हुँदै गर्दा काँग्रेस दुई , जसपा तीन वडा अध्यक्ष, एमाले, लोसपा र जनमत पार्टी एक ÷ एक वडामा निर्वाचित हुनुभएकाे छ ।राजविराज नगरपालिका वडा नम्बर –१६ मा जनता समाजवादी पार्टीका उम्मेदवार रामएकवाल यादवले विजय हासिल गर्नुभएको छ । त्यसैगरी सप्तकोशी नगरपालिका–१ मा नेपाली काँग्रेसबाट वडा अध्यक्षमा रोहिणीप्रसाद पोखरेलको टिम विजयी भएको छ। काँग्रेसकै खुला सदस्यमा दिपक राई र जनकबहादुर राउत, महिला सदस्यमा सीताकुमारी चौधरी र दलित महिला सदस्यमा भीमकुमारी नेपाल विजयी भएका छन्। योसँगै सप्तरीमा आइतवार विहान सम्ममा काँग्रेस , एमाले, लोसपा , जसपा र जनमत गरी पाँच पार्टीले फरक फरक स्थानीय तहको वडाहरूमा जीत हात पारेका छन्।सप्तरीको १६ वटा स्थानीय तहमा भइरहेको निर्वाचनको मतगणनाको पछिल्लो नतिजा अनुसार अग्नीसाइर कृष्णसवरण गाउँपालिका वडा नम्बर १ मा एमालेका वडाध्यक्षका उम्मेदवार प्यानलसहित विजयी भएको निर्वाचन कार्यालय सप्तरीका प्रमुख रमेशकुमार जोशीले जनाउनुभयो ।एमालेका उम्मेदवार सबजुल खलिफाले छ सय ४१ मत ल्याइ वडा अध्यक्षमा विजयी भएका हुन्। निकटतम प्रतिद्वन्द्वी काँग्रेसका अछमितलाल चौधरीले पाँच सय ५० र जसपाका रामनारायण चौधरीले पाँच सय १४ मत ल्याउनुभएको छ । खुला सदस्यमा भने एमालेका देवकान्त चौधरी र रामगेन सिंह, महिला सदस्यमा वैजनाथ देबी थरुनी र दलित महिला सदस्यमा पार्वतीदेवी राम विजयी हुनुभएकाे छ । यता खडक नगरपालिका १ मा लोसपाबाट वडा अध्यक्षमा राजकुमार साह आठ सय ११ मत ल्याएर विजयी भएका छन्। उनका निकटतम प्रतिद्वन्द्वी जसपाका सिंहेश्वर मण्डलले छ सय ३८ मत ल्याउनुभएको छ । महिला सदस्यमा लोसपाकै अभाना खातुन, लित महिला सदस्यमा ललितादेबी राम तथा सदस्यहरूमा दिलीपकुमार मण्डल र त्रिभुवन मण्डल विजयी हुनुभएकाे छ । खडक नगरपालिका वडा नम्बर २ को वडा अध्यक्ष पदमा जसपाका हरेराम मण्डल नौ मत बढी ल्याइ विजयी हुनुभएको हो । निकटतम् प्रतिद्वन्द्वी नेपाली काँग्रेसका धर्मदेव साहले तीन सय ५९ मत प्राप्त गरेका हुन् ।कुल एक हजार चार सय ७५ मतको गणनापश्चात् नेपाली काँग्रेसले महिला वडा सदस्य र दलित महिला सदस्य जितेको छ। खुला सदस्यमा भने एमाले र जसपाले जित हात पारेका छन् । शम्भुनाथ नगरपालिकामा काँग्रेसका जिवछ साहले चार सय ७४ मत ल्याई वडा अध्यक्ष पदमा प्यानलसहित निर्वाचित हुनुभएका छन्। उनका निकटतम प्रतिद्वन्द्वी जसपाका बद्रीनारायण यादवले तीन सय ७१ मत ल्याएका छन्। खुला सदस्यमा राधादेवी चौधरी र बिमलाकुमारी चौधरी, महिला सदस्यमा फूलकुमारी चौधरी र दलित महिला सदस्यमा इनरवती देबी राम विजयी हुनुभएकी छिन्। कञ्चनरूप नगरपालिका वडा नम्बर १ मा प्यानलसहित जसपा नेपालका रव्बान खान विजयी हुनुभएको छ । यता हनुमाननगर कङ्कालिनी नगरपालिका–१ को वडा अध्यक्षमा जनमत पार्टीका सुरेन्द्र मण्डल प्यानलसहित निर्वाचित भई पार्टीका खाता खोल्नुभएको छ । विवादका कारण सप्तरीमा स्थगित दुई मतदना स्थलमध्ये आइतबार डाक्नेश्वरी नगरपालिका–२ हरिराहामा मतदान हुँदैछ भने सोमबार रूपनी गाउँपालिका–५ बसबिट्टीमा मतदान हुने कार्यालय प्रमुख जोशीले भनुभयो ।
म्याग्दीमा १८ वडाको मत परिणाम सार्वजनिक
अमृतप्रसाद पौडेलम्याग्दी, जेठ १ गते । म्याग्दीको छ वटै स्थानीय तहका ४५ मध्ये १८ वडाको मतगणना परिणाम सार्वजनिक भएको छ । नेकपा एमाले पहिलो, नेपाली काँग्रेस दोस्राे र माओवादी केन्द्र तेस्राे भएका छन् ।जिल्ला निर्वाचन कार्यालय म्याग्दीका कम्प्युटर अपरेटर गोविन्दबहादुर थापामगरका अनुसार नेकपा एमालेले ११ वडा, नेपाली काँग्रेसले ५ वडा र नेकपा माओवादी केन्द्रले २ वटा वडामा जित हासिल गरेको हो । पश्चिम म्याग्दीको धौलागिरी गाउँपालिका १, गुर्जामा नेकपा माओवादी केन्द्रका झकबहादुर छन्त्याल र धौलागिरी गाउँपालिका २ लुलाङको वडा अध्यक्षमा नेकपा एमालेका अकप्रसाद बिकले ३३३ मत प्राप्त गरी निर्वाचित हुनुभएको थापामगरले बताउनुभयो ।बेनी नगरपालिका १ मा नेकपा एमालेबाट अध्यक्ष टेकबहादुर थापाले ५३२ मत र बेनी नगरपालिका २ मा नेपाली काँग्रेसका यामबहादुर कार्की ८९८ मतसहित विजयी हुनुभएको छ ।साथै, पश्चिम म्याग्दीको मङ्गला गाउँपालिका १ मा नेकपा एमालेका एकजित रोका १ हजार ११० मतसहित विजयी हुनुभएको छ भने २ मा नेकपा एमालेका धनबहादुर खातीले ९०० मत प्राप्त गर्नुभएको हो । मालिका गाउँपालिका १, निस्कोटमा नेपाली काँग्रेसका तर्फबाट वडा अध्यक्षमा ४६२ मतसहित टङ्कप्रसाद पुन र वडा २ रुम मा एमालेका उदयकुमार बुढाथोकी ७५१ मतसहित विजयी हुनुभएको छ ।वडा नम्बर ३, रुम डाँडागाउँमा ३४५ मतसहित माओवादी केन्द्रका मोतीप्रसाद र ४ नम्बरमा नेपाली काँग्रेसका भेजेन्द्रमान पुनले ४२९ मत प्राप्त गर्नुभएको हो । ५ नम्बर वडामा ७८३ मत ल्याएर नेपाली काँग्रेसले वडा अध्यक्षमा मिम पुन र वडा नम्बर ६ दरवाङमा भने नेकपा एमालेका पथबहादुर रोका ५७४ सहित निर्वाचित हुनुभएको छ ।उत्तरी म्याग्दीको रघुगङ्गा गाउँपालिकाको पछिल्लो नतिजा अनुसार वडा नम्बर १ मा नेपाली काँग्रेसका बिलबहादुर फगामी ४३२ मतसहित निर्वाचित हुनुभएको छ । त्यस्तै, वडा नम्बर २ मा अमृत भण्डारीले ७७३ र ३ मा नेकपा एमालेका खिमबहादुर शाही ८८६ मतसहित विजयी हुनुभएको निर्वाचन अधिकृतको कार्यालय रघुगङ्गा गाउँपालिकाका सहायक निर्वाचन अधिकृत अमृत सुवेदीले बताउनुभयो ।त्यसैगरी, अन्नपूर्ण गाउँपालिका १, २ र ३ मा नेकपा एमालेको प्यानल विजयी भएको छ । वडा १ मा ३४१ मतसहित दिलीपकुमार गर्बुजा, वडा नम्बर २ भुरुङ तातोपानीमा ३२९ मतसहित ओमप्रसाद फागामी र वडा नम्बर ३ दानामा ५३४ मतसहित रमेश पुर्जा नेकपा एमालेबाट अध्यक्षमा निर्वाचित हुनुभएको छ ।
कपिलवस्तुमा आठ वडाको मतगणना सकियो
जानु पाण्डेकपिलवस्तु, जेष्ठ १ गते । कपिलवस्तुमा ६ पालिकाका ८ वडाको मत गणना सम्पन्न भएको छ । नेकपा एमाले र नेपाली काँग्रेस ३-३ वडा, राप्रपा र जसपा १-१ वडामा प्यानलसहित विजयी भएका हुन् ।यस्तै, शिवराज नगरपालिका १ मा एमालेको प्यानल विजयी भएको छ । वडा अध्यक्षमा खिमविक्रम केसी १४ सय ५२ मत ल्याई विजयी हुनुभएको हो । उहाँको निकटतम प्रतिद्वन्द्वी राप्रपाका राहुलकुमार चौधरीले १२ सय ६२ मत प्राप्त गर्नुभएको छ। यशोधरा गाउँपालिकाको २ मा एमालेका मनोजकुमार चौवेको ४४५ मत र विजयनगर गाउँपालिका १ मा एमालेका इन्नर थारुको प्यानलसहित विजयी भएका छन् ।यसैगरी, कृष्णनगर नगरपालिका १ मा राप्रपा र वडा अध्यक्षमा तुङ्गनाथ चौधरीले ५१५ मत ल्याएर विजयी हुनुभएको छ । उहाँको निकटतम प्रतिद्वन्द्वी जनता समाजवादी पार्टीका गणेशकुमार पाण्डेयले ५१६ मत प्राप्त गर्नुभएको हो ।बाणगंगा नगरपालिका १ को वडा अध्यक्षमा नेकपा एमालेका अमित पौडेललाई पराजित गर्दै नेपाली काँग्रेसका सन्जु सारु विजयी हुनुभएको छ । कपिलवस्तु नगरपालिका १२ मा वडा अध्यक्षमा इन्सान अलि धुनियाले ९ सय ३८ मत र शिवराज नगरपालिकाको ११ मा नेपाली काँग्रेसको प्यानल विजयी भएका छन् । वडाध्यक्षमा रामेश्वर वर्मा पुनः दोहोरिएका छन् । साथै, कपिलवस्तु नगरपालिका १ मा जनता समाजवादी पार्टीका मोहम्मद जाहिद खाँको प्यानल विजयी हुनुभएको छ । उहाँले ९ सय ४३ मत प्राप्त गर्नुभएको हो ।
बुटवलमा काँग्रेसका खेलराज पाण्डेको फराकिलो अग्रता
कपिल ज्ञवालीसिद्धार्थनगर, जेठ १ गते । रुपन्देहीका १६ स्थानीय तहमा मतगणना जारी छ । जिल्लाको एक मात्र बुटवल उपमहानगरपालिकाको वडा न १ मा स्वतन्त्र उम्मेदवार नरेन्द्र बस्नेत विजयी हुनुभएको छ । वडा न २ मा एकिकृत समाजवादीका सुनील शाक्य विजयी हुनुभएको छ ।शाक्य विजयी भएपछि अहिले बुटवलमा विजयी जुलुस निकालिएको छ । बुटवल उपमहानगरपालिकाको अगाडी समर्थकहरुले नाराबाजी गर्दै खुसीयाली साटिरहेका छन् ।त्यस्तै गरि रुपन्देहीको सैनामैना नगरपालिकामा गठबन्धनको विजयी शुरूवात भएको छ । वार्ड नं १ मा गठबन्धनले जीत हासिल गरेको हो । गठबन्धनको तर्फबाट नेकपा माओवादी केन्द्रका भुवनसिंह थापा वडाध्यक्षमा विजयी हुनुभएको हो ।उहाँले नेकपा एमालेका केहरसिंह थापालाई पराजित गर्नुभयो । थापाले २ हजार ३ सय ९१ मत प्राप्त गर्दा निकटतम प्रतिद्वन्द्वी नेकपा एमालेका थापा २ हजार १ सय ६९ मत प्राप्त गर्नुभयो यस्तै बुटवल उपमहानगरको नगरप्रमुख पदका उम्मेदवार खेलराज पाण्डेयले अग्रता लिनुभएको छ । उहाँले ११ सयभन्दा बढीको मतान्तर बढाउनुभएको छ । ६ हजार १ सय ४९ मत गणना हुँदा पाण्डेयले २ हजार ८ सय १३ मत ल्याउनुभएको छ भने उहालाइ नेकपा एमालेका बाबुराम भट्टराईले १ हजार ६ सय ३१ मतसहित पछ्याउनुभएको छ । यस्तै राष्ट्रिय प्रजातन्त्र पार्टी राप्रपाका उम्मेदवार मृगेन्द्र शेरचनले ८३२ मत ल्याउनुभएको छ । बुटवलमा वडा न ३ र १९ को मतगणना भैरहेको छ ।रुपन्देहीको तिलोत्तमा नगरपालिकामा नेपाली काँग्रेसका उम्मेदवारलाई नेकपा एमालेका उम्मेदवारबिच कडा प्रतिस्पर्धा छ । पछिल्लो अपडेट अनुसार मेयरमा काँग्रेसका रामकृष्ण खाँण १३३१ मतका पाउनुभएको छ भने एमालेका मोहन चापागाईंले १३२४ मत पाउनुभएको छ ।उपमेयरमा भने एमालेकी उम्मेदवार जागेश्वरीदेवी चौधरी अगाडि हुनुहुन्छ । उहाँले १२०५ मत ल्याउदा माओवादी केन्द्रका हेमन्त पाण्डेले ५७४ मत ल्याएउनुभयो । अहिले तिलोत्तमा १ र १७ को मत गणना भइरहेको छ।१६ पालिका रहेको रुपन्देहीमा १ उपमहानगरपालिका, पाँच नगरपालिका र १० गाउँपालिका रहेका छन् । रुपन्देहीमा ७१ प्रतिशत मत खसेको थियो ।
जोशीपुर–१ मा नागरिक उन्मुक्ति पार्टी विजयी
अविनाश चौधरीधनगढी, जेठ १ गते । कैलालीको जोशीपुर नगरपालिका–१ को वडा अध्यक्षमा नागरिक उन्मुक्ति पार्टीका रामचन्द्र चौधरी प्यानलसहित विजयी हुनु भएको छ । ७७३ मत प्राप्त गरेर उहाँ वडा अध्यक्षमा विजयी हुनु भएको हो । महिला वडा सदस्यमा सरस्वती चौधरी, दलित महिला सदस्यमा धनी विक, खुल्ला सदस्यमा लालबहादुर डङ्गौरा र घनश्याम चौधरी विजयी हुनु भएको छ । यसैगरी, घोडाघोडी नगरपालिका–१२ को वडा अध्यक्षमा नेपाली काङ्ग्रेसका रामदुलारे चौधरी प्यानलसहित विजयी हुनु भएको छ । ८२६ मत प्राप्त गरेर उहाँ विजयी हुनु भएको हो । महिला सदस्यमा सुनिता चौधरी, दलित महिला सदस्यमा मातादेवी दमाई, सदस्यमा गोपुलदास डङ्गौरा र रामनाथ चौधरी विजयी हुनु भएको छ । यस्तै, टीकापुर नगरपालिका–३ को वडा अध्यक्षमा नेपाली काङ्ग्रेसका ऋषि विक विजयी हुनु भएको छ । सो वडामा वडा सदस्यमा दुई जना नेपाली काङ्ग्रेस र दुई जना माओवादीबाट विजयी हुनु भएको छ ।
सल्यानका २१ वडाको मत गणना सम्पन्नः कांग्रेस १०, माओवादी ७ र एमाले ४ वडामा विजयी
प्रतीक शर्मासल्यान, जेठ १ गते । सल्यानका ८३ वडा मध्ये हालसम्म २१ वटा वडाको मत गणना सकिएको छ । मत गणना सम्पन्न भएका २२ वडा मध्ये १० कांग्रेस, ७ माओवादी र ४ वटा वडामा एमाले विजयी भएको छ ।कांग्रेस विजयी हुने वडाहरुमा शारदा नगरपालिका १ मा प्रदिप पाण्डे, २ मा सविन हमाल, ३ मा तुलसा भण्डारी रहनुभएको छ । त्यसैगरी बागचौर नगरपालिकाको वडा नम्बर १२ मा टिकाराम ओली, ११ मा केश बहादुर भण्डारी, बनगाड कुपिण्डे १ मा थुम बहादुर बिसी, १२ मा लाल बहादुर घर्ती, छत्रेश्वरी १ मा प्रकाश हमाल, त्रिवेणी १ मा दल बहादुर बस्नेत र कुमाख २ मा इश्वरी शाही वडाध्यक्षमा निर्वाचित हुनु भएको छ ।त्यसैगरी माओवादीबाट निर्वाचित हुने वडाध्यक्षहरुमा कुमाख १ मा डिल्ली राना, ६ मा कर्ण बहादुर विक, ७ मा डम्बर शाही, दार्मा १ मा टंक ओली, सिद्ध कुमाख १ मा रमेश चलाउने, छत्रेश्वरी २ मा प्रेम नेपाली र कपुरकोट १ मा बालाराम खड्का रहनु भएको छ । त्यस्तै एमालेबाट निर्वाचित हुने वडाध्यक्षहरुमा कालीमाटी ४ मा बेल बहादुर चन्द, ५ मा टोप बहादुर कार्की, त्रिवेणी २ मा हस्त बहादुर राम्जा र कपुरकोट २ मा इश्वरी बुढा रहनु भएको छ ।
काभ्रेका सत्र वटा वडाको नतिजा सार्वजनिक
केदार तिमल्सिना बनेपा, जेठ १ गते । स्थानीय तह निर्वाचन अन्तर्गत हालसम्म काभ्रेका सत्र वटा वडाको नतिजा सार्वजनिक भएको छ । आइतबार बिहान ११ बजेसम्म जिल्लाका १३५ वटा वडामध्ये १३ वटा वडाको नतिजा सार्वजनिक भएको हो । आईतबार बिहान ११ बजेसम्म जिल्लाको खानीखोला गाउँपालिका–१ मा नेकपा माओवादी केन्द्रका सन्तमान थिङ विजयी हुनुभएको छ । यसैगरि जिल्लाको नमोबुद्ध नगरपालिका–१ मा नेपाली काँग्रेसबाट टिकट नपाएपछि स्वतन्त्र उम्मेदवारी दिनुभएका प्रेम लामा, मण्डनदेउपुर नगरपालिका–१ मा एमालेका शिव ढकाल, वडा नम्बर २ मा नेपाली काँग्रेसका राजकुमार मल्ल विजयी हुनु भएको हो । त्यसैगरी जिल्लाको चौरीदेउराली गाउँपालिका–१ मा नेपाली काँग्रेसका सुनिलकुमार लामा, रोशी गाउँपालिका–१ को वडा अध्यक्षमा एमालेका श्रीदास लामा, बनेपा नगरपालिका–१ मा एमालेका कमलप्रसाद घिमिरे, वडा नम्बर २ मा नेपाली काँग्रेसका रामप्रसाद घिमिरे निर्वाचित हुनु भएको हो ।जिल्लाको बेथानचोक गाउँपालिका–१ मा काँग्रेसका मधुसूदन तिमल्सिना, धुलिखेल नगरपालिका–१ मा नेपाली काँग्रेसका सन्तबहादुर लामा, वडा नम्बर २ मा एमालेका अर्जुन घोरासाईने, वडा नम्बर ३ मा एमालेका गणेश आचार्य विजयी हुनुभएको छ । त्यस्तै महाभारत गाउँपालिका–१ को वडा अध्यक्षमा नेकपा माओवादी केन्द्रका कान्छामान जिम्बा, भुम्लु गाउँपालिका–१ मा माओवादी केन्द्रका लेखबहादुर श्रेष्ठ, वडा नम्बर २ मा नेपाली काँग्रेसका सुजन भण्डारी र वडा नम्बर ३ मा एमालेका ज्ञान बहादुर तामाङ, पनौती नगरपालिका–२मा एमालेका पुरुषोत्तम अधिकारी वडाध्यक्ष पदमा निर्वाचित हुनुभएको छ । आइतबार बिहान ११ बजेसम्म सार्वजनिक भएको वडाको नतिजा अनुसार सात वटा वडामा एमाले, छ वडामा नेपाली काँग्रेस, एक वडामा स्वतन्त्र, तीन वडामा नेकपा माओवादी केन्द्रका वडा अध्यक्ष विजयी भएका हुन् ।
मिक्लाजुङ गाउँपालिका वडा नं. २ मा श्रेष्ठ वडाध्यक्षमा निर्वाचित
हरि काेइरालाउर्लाबारी, जेठ १ गते । मोरङको मिक्लाजुङ गाउँपालिकाको वडा नं. २ मा २४ वर्षीय बलबहादुर श्रेष्ठ वडाध्यक्षमा निर्वाचित हुनुभएको छ । सो वडामा नेपाली काँग्रेसका तर्फबाट उम्मेद्वार बन्नुभएका श्रेष्ठको नै प्यानल विजयी भएको छ । उहाँ नेपालको कान्छो वडाध्यक्ष बन्न सक्ने निर्वाचन अधिकृत रामकृष्ण श्रेष्ठले बताउनु भयो । श्रेष्ठले ७६१, खुल्ला सदस्य रेवत खड्काको ५५४खुल्ला सदस्य हेमराज कटुवालको ५७०, महिला सदस्य उषा राइको ५४३ साथै दलित महिला सदस्य शर्मिला विकको ५४८ मत प्राप्त भएको छ । मिक्लाजुङ वडा नं. २ मा २०५४ को स्थानीय निकायको निर्वाचनमा र २०७४ को निर्वाचन तह निर्वाचनमा विजयी बन्नुभएका गौरीप्रसाद राईलाई हराउँदै श्रेष्ठ विजयी हुनुभएको हो । राई एमालेका तर्फबाट उमेद्वार बन्नुभएको थियो । यस्तै वार्ड नम्बर १ मा पनि नेपाली काँग्रेसका उमेद्वार पर्वत राई सहित उहाँको प्यानल विजयी भएको छ । त्यहाँ नेकपा एमाले र नेकपा माओवादी केन्द्र बीच गठबन्धन भएको थियो । कम्युनिष्ट गठबन्धनलाई २५३ मतान्तरले हराउँदै पर्वत राई वडाध्यक्षमा निर्वाचित हुनुभएको हो । वडाध्यक्षमा विजयी पर्वत राइले ९२९ मत प्राप्त गर्दा उहाँका निकटतम प्रतिद्वन्द्वी उमेश राईले ७०२ मत प्रात गर्नुभयो । त्यस्तै खुल्ला सदस्य तर्फ कांग्रेसका पासाङ तामाङले ९०८.,टेकबहादुर राईले ९०७ मत, महिला सदस्य लोकमाया राइले ९११ मत र दलित महिला सदस्य कल्पना घिमिरेले ९२२ मत प्राप्त गर्नुभयो । कम्युनिष्ट पार्टीको आधार क्षेत्र मानिएको मिक्लाजुङ १ उत्तर पूर्वी मोरङको पाँचथर र इलामसँग जोडिएको तत्कालीन रमितेखोला गाविस हो । यताँग्रेसले वडा नं. १ मा बहुमत सदस्य जितेका छन् । वडा नं. ७ मा एमालेका तर्फबाट मोहनप्रसाद अधिकारी १३ सय २८ मत प्राप्त गरी विजयी हुनुभएको छ । कांग्रेसका अमृत चेम्जाङले १ हजार ९० मत प्राप्त गर्नुभयो । वडा सदस्यमा जीवन सुब्बा १३ सय मत, जितेन्द्र लिम्बूले १२ यि ८२ मत,महिला सदस्य पदमकुमारी कार्कीले १४ सय ९ मत,दलित महिला सदस्य रुविना ताम्राकार बिकले १३ सय ६१ मत प्राप्त गरी विजयी हुनुभयो । वडा नं १ मा नेपाली काँग्रेसका रत्नबहादुर कार्कीले ११ सय ८ मत प्राप्त गरी विजयी हुनुभयो । कार्कीका निकटतम प्रतिद्वन्द्वी तोर्ण कार्कीले ८५२ मत प्राप्त गर्नुभयो । वडा नं .१ मा महिला सदस्य नेपाली काँग्रेसकी विमला बुढाथोकी ९०४ मत र खुला सदस्य दीपेशकुमार थापाले ८९७ मत प्राप्त गरी विजयी हुनुभयो । दलित महिला सदस्यमा एमालेकी तुलसादेवी नेपाली ९०० मत र खुला सदस्य पहिलो रामजी भण्डारी ९४३ मत ल्याएर विजयी हुनुभयो ।
गुल्मीमा पहिलो महिला वडाध्यक्ष
गुल्मीमै पहिलो पटक महिला वडाध्यक्षमा निर्वाचित हुनुभएको छ । जिल्लाको मुसिकोट नगरपालिका –९ अर्लाङ्गकोटमा पाँच दलीय गठबन्धनबाट नेपाली कांग्रेसकी भुमा गुरुङ निर्वाचित हुनुभएको छ ।
धुर्कोट १ मा माओवादीका चेतमान विजयी
गुल्मीको धुर्कोट गाउँपालिका वडा नम्बर १ मा नेकपा माओवादी केन्द्रका चेतमान कुँवरको प्यानल विजयी भएको छ । उहाँले एक हजार सात मत ल्याएर बिजयी भएको निर्वाचन अधिकृतको कार्यालयले जनाएको छ । उहाँका निकटतम प्रतिस्पर्धी नेपाली कांग्रेसका कमल थापाले ५६२ मत प्राप्त गर्नुभएको छ ।
मटिहानी नगरपालिकामा लोसपाको पहिलो खाता खुल्यो , मेयरमा लोसपाको अग्रता
महोत्तरीको मटिहानी नगरपालिकामा लोकतान्त्रिक समाजवादी पार्टी (लोसपा) नेपालले पहिलो विजयी खाता खोलेका छन् । शनिबार दिउँसो देखि शुरु भएको मतगणना परिणामा अनुसार लोसपा नेपालले मटिहानी नगरपालिका वडा नं. १ मा प्यानल सहितै वडा अध्यक्ष पदमा विजयी भएका हुन् । लोसपा नेपालका शिवशंकर कुमार राय ३७८ मत ल्याइ विजयी हुनुभएको छ ।
म्याग्दे–३ मा एमालेका अधिकारी विजयी
अमरराज नहर्की तनहुँ, जेठ १ गते । तनहुँको म्याग्दे गाउँपालिका वडा ३ को अध्यक्षमा एमालेका टुकराज अधिकारी विजयी हुनुभएको छ । अधिकारीले ६६१ मत प्राप्त गर्नुभयो भने निकटतम प्रतिस्पर्धी नेपाली काँग्रेसका बलराम भट्टराई ५८७ मत प्राप्त गर्नुभयो । महिला सदस्यमा काँग्रेसकी जानकी थापा, दलित महिला सदस्यमा एमालेकी सुनीता नेपाली विजयी हुनुभयो । खुला सदस्यमा काँग्रेसका बालचन्द्र घिमिरे तथा एमालेका प्रकाश घिमिरे विजयी हुनुभएको छ । यसअघि सो वडामा काँग्रेसका श्रीबहादुर थापा विजयी हुनुभएको थियो ।
सात वटा स्थानीय तहमध्ये एकमा जित तीनमा काँग्रेस अगाडि
यहाँका सात वटा स्थानीय तहमध्ये नेपाली काँग्रेसले एउटा गाउँपालिका अध्यक्ष उपाध्यक्ष सहित चार वटा वडामा विजयी हाँसिल गरेको छ । प्रधानमन्त्री एवं नेपाली काँग्रेस सभापती शेरबहादुर देउवाको गृह पालिका गन्यापधुरामा काँग्रेसका उम्मेदवारहरु विजयी हुनुभएको छ ।
सुन्दरबजार नगरपालिका १ मा एमालेबाट गुरुङ विजयी
बेलिना थापालमजुङ, जेठ १ गते । नेकपा (एमाले) लमजुङ सुन्दरबजार नगरपालिका १ को वडाध्यक्षमा विजयी भएको छ । गठबन्धनका उम्मेदवारलाई हराउँदै एमाले उम्मेदवार कर्णबहादुर गुरुङले ४ सय ४६ मत ल्याएर आगामी ५ बर्षका लागि वडाध्यक्ष जित्नुभएको हो । प्रतिस्पर्धी माओवादी केन्द्रका सन्तोषी गौलीले ३ सय ५५ मत ल्याउनुभएको छ । महिला वडा सदस्यमा एमालेकी राधा मल्लले ४ सय १५ मत, दलित महिला सदस्यमा एमालेकै शर्मिला ठडराईले ४ सय १२ मत, खुला सदस्यमा कांग्रेसका नीलकण्ठ अधिकारीले ३ सय ८५ मत र एमालेका दिपेन्द्र बसौलाले ४ सय ३९ मत ल्याएर विजयी हुनुभयो ।
वडाध्यक्ष जितेर टीकापुरमा नागरिक उन्मुक्ति पार्टीले खोल्यो खाता
अविनाश चौधरीधनगढी, जेठ १ गते । रेशम चौधरीकी पत्नी रञ्जिता श्रेष्ठ चौधरीको अध्यक्षतामा नवगठीत नागरिक उन्मुक्ति पार्टीले कैलालीको टीकापुरमा खाता खोलेको छ । वडा नम्बर ५ मा सो पार्टीबाट प्यानलसहित बलवीर चौधरी वडाध्यक्षमा विजयी हुनुभएको छ । उहाँले ८२० मत प्राप्त गरेर वडा अध्यक्षमा जित हासिल गर्नुभएको हो । यसैगरी, गोदावरी नगरपालिका –१२ को वडा अध्यक्षमा गठबन्धनबाट उम्मेदवार नेपाली काँग्रेसका भीम खड्का विजयी हुनुभएको छ । ८७९ मत प्राप्त गरेर उहाँ प्यानलसहित विजयी हुनुभएको हो । उहाँका निकटतम प्रतिद्वन्द्वी एमालेका नन्दबहादुर पुनले ६७५ मत प्राप्त गर्नुभयो ।
अजयमेरु गाउँपालिका–१ र ६ मा कांग्रेसका उम्मेदवार भण्डारीद्वय विजयी
अमयमेरु गाउँपालिका वडा–१ र ६ को अध्यक्षमा नेपाली कांग्रेसका उम्मेदवार विजयी हुनुभएको छ । वडा नं. १ मा दत्ति भण्डारी पुनः निर्वाचित हुनुभएको हो । भण्डारी यसअघि पनि अध्यक्ष हुनुहुन्थ्यो ।
ताराखोला गाउँपालिकामा गठबन्धनका उम्मेदवार विक विजयी
बागलुङको ताराखोला गाउँपालिकामा गठबन्धन का तर्फबाट उम्मेदवार नेकपा माओवादी केन्द्रका धनबहादुर विक विजयी हुनुभएको छ । विकले स्वतन्त्र उम्मेदवार प्रकास घर्तीलाई १९५ मतान्तरले पराजित गर्दै विजय हुनुभएको हो ।
घोराही उपमहानगरमा गठबन्धनका शर्मा र डाँगीको अग्रता कायमै
दाङको घोराही उपमहानगरपालिकामा गठबन्धनका उम्मेदवारले अग्रता कायम राखेका छन् । आइतवार विहानसम्म घोराही उपमहानगरपालिकाका ६ वटा वडामा भैरहेको मत गणनाका आधारमा गठबन्धनका उम्मेदवारले फराकिलो अग्रता बनाउँदै लग्नुभएको छ ।
जनकपुरधाम–१ मा काँग्रेसको प्यानल विजयी
धनुषा जिल्लाको जनकपुरधाम उपमहानगरपालिका वडा नं. १ मा नेपाली काँग्रेसको प्यानल विजयी भएको छ । शनिबार अबेर राति सम्पन्न भएको मतगणनाबाट ११४३ मत प्राप्त गरी वडाध्यक्षमा दीपनारायण यादव विजयी हुनुभएको हो ।
धादिङका १२ वटा वडाको नतिजा सार्वजनिक
वैशाख ३० गते भएको स्थानीय तहको निर्वाचनमा धादिङका १३ वटा नै पालिकामा मत गणना भइरहेको छ । मतगणना भएको पालिका अन्तर्गत हाल सम्म १२ वटा वडाको मत गणना सम्पन्न भइसकेको छ ।
सिमकोट गाउँपालिका २ को वडाध्यक्षमा काँग्रेसका बोहोरा विजयी
सिमकोट गाउँपालिका–२ को वडाध्यक्षमा नेपाली काँग्रेसका देवजङ्ग बोहरा विजयी हुनु भएको छ । उहाँ गठबन्धन दल नेपाली कांग्रेस र नेकपा माओवादीको तर्फबाट साझा उम्मेदवारका रुपमा निर्वाचित हुनु भएको हो ।
पोखरामा एकीकृत समाजवादीको अग्रता कायमै
पोखरा महानगरपालिकाको मतगणनामा नेकपा (एकीकृत समाजवादी)ले अग्रता कायम राखेको छ । मतगणनामा भएको एक हजार ६०० मतको गणनामा गठबन्धनका तर्फबाट प्रमुख पदका उम्मेदवार एकीकृत समाजवादीका धनराज आचार्यले ६१३ मत पाउनुभएको छ भने नेकपा (एमाले)का तर्फबाट प्रमुख पदका उम्मेदवार कृष्ण थापाले ५८३ मत पाउनुभएको छ ।