पाल्पा २ (क) मा कांग्रेसका राना विजयी
नेपाली कांग्रेसका उम्मेदवार वीरबहादुर राना प्रदेश सभा सदस्यमा निर्वाचित हुनुभएको छ । रानाले १६ हजार ३९ मत ल्याएर विजयी हुनुभएको हो ।
अर्घाखाँचीबाट एमाले नेता रायमाझी चौथो पटक निर्वाचित
अर्घाखाँचीबाट प्रतिनिधि सभामा नेकपा (एमाले) का उम्मेदवार टोपबहादुर रायमाझी विजयी हुनुभएको छ ।
लुम्बिनी प्रदेश सभा १ (क) मा पाठक निर्वाचित
पश्चिम नवलपरासी निर्वाचन क्षेत्र नम्बर १ (क) बाट नेपाली कांग्रेसका उम्मेदवार विश्वप्रेम पाठक विजयी हुनुभएको छ ।
अर्घाखाँची प्रदेश सभा (ख) मा एमाले उम्मेदवार घिमिरे विजयी
अर्घाखाँचीमा प्रदेश सभा (ख) मा नेकपा (एमाले) का उम्मेदवार रामजिप्रसाद घिमिरे विजयी हुनुभएको छ । घिमिरेले २२ हजार ७ सय ७६ मत ल्याएर विजयी हुनुभएको हो ।
रुपन्देही ४ बाट लोसपाका सर्वेन्द्रनाथ शुक्ला विजयी
रुपन्देहीको निर्वाचन क्षेत्र नम्बर ४ बाट प्रतिनिधिसभा सदस्यमा लोकतान्त्रिक समाजवादी पार्टी (लोसपा) का सर्वेन्द्रनाथ शुक्ला विजयी हुनुभएको छ।
गुल्मीमा भण्डारीको सुरुवाती अग्रता
प्रतिनिधि सभाको गुल्मी क्षेत्र नं. १ मा गठबन्धनका उम्मेदवार चन्द्र भण्डारीले सुरुवाती अग्रता लिनु भएको छ ।
नवलपरासी २ (क) बाट स्वतन्त्र उम्मेदवार बस्नेत विजयी
पश्चिम नवलपरासी क्षेत्र न २ को (क) बाट स्वतन्त्र उम्मेदवार खड्ग बस्नेत बिजयी हुनुभएको छ । वस्नेतले १२ हजार ४ सय ४९ मत ल्याएर विजयी हुनुभएको हो । वस्नेत पानीको धारा चुनाब चिन्ह लिएर चुनावी मैदानमा हुनुहुन्थ्यो । उहाँका निकटतम प्रतिद्वन्द्वी राप्रपाका आशिष प्रधानले १२ हजार ३ सय ७७ मत ल्याउनुभयो ।
बर्दिया–१ प्रदेशसभा (क) मा कांग्रेसका भुवनेश्वर चौधरी विजयी
बर्दिया निर्वाचन क्षेत्र नं. १ प्रदेश सभा (क) मा नेपाली कांग्रेसका भुवनेश्वर चौधरी विजयी हुनुभएको छ । चौधरीले नेकपा (एमाले) का सालिकराम अधिकारीलाई ११९ मतान्तरले पछि पार्दै विजयी हुनुभएको हो ।
नवलपरासी २ मा राप्रपाका ध्रुवबहादुर प्रधानको अग्रता
पश्चिम नवलपरासीको सङ्घीय निर्वाचन क्षेत्र नम्बर २ मा राष्ट्रिय प्रजातन्त्र पार्टीका उम्मेदवार ध्रुवबहादुर प्रधानको फराकिलो मतान्तरले अग्र स्थानमा हुनुहुन्छ ।
दाङ क्षेत्र नम्बर २ (क) मा कांग्रेसका खनाल विजयी
दाङको निर्वाचन क्षेत्र नम्बर २ (क) मा नेपाली कांग्रेसका उम्मेदवार राजु खनाल विजयी हुनुभएको छ ।
नवलपरासी १ मा उद्योगपति चौधरीको अग्रता
पश्चिम नवलपरासीको संधिय निर्वाचन क्षेत्र नम्बर १ मा नेपाली कांग्रेसका तर्फबाट उमेदवार बनेका उद्योगपति विनोद चौधरीको लगातार अग्रता कायम रहेको छ ।
सल्यानमा एकीकृत समाजवादीका ज्वालाको अग्रता कायमै
सल्यानमा प्रतिनिधिसभाको मतगणनामा नेकपा (एकीकृत समाजवादी)का उपमहासचिव प्रकाश ज्वालाको अग्रता कायम छ । सुरुवाती चरणमै अग्रता लिनुभएका उहाँले २४ हजार तीनसय मत प्राप्त गरी अग्रता कायम गर्नुभएको हो ।
बाँके २ मा समानुपातिकको मतगणना शुरु, जसपाको अग्रता
बाँके २ मा प्रत्यक्षतर्फको मतगणना सकिएलगत्तै बुधबार बिहानबाट समानुपातिकतर्फको मतगणना शुरु गरिएको छ ।
रुकुमपूर्व प्रदेशसभा 'ख' मा कांग्रेसका केसी विजयी
रुकुम पूर्व प्रदेशसभा 'ख' मा नेपाली कांग्रेसका उम्मेदवार धनबहादुर केसी विजयी हुनुभएको छ । उहाँले ४ हजार २ सय ६२ मत प्राप्त गर्नुभएको छ । त्यस्तै, उहाँका प्रतिस्पर्धी स्वतन्त्र उम्मेदवार नरहरी खड्काले २ हजार २ सय ४४ मत प्राप्त गर्नुभएको छ ।
गुल्मी –२ को प्रदेश सभा (क) मा एमालेका भुसाल विजयी
गुल्मी क्षेत्र नं २ को प्रदेश सभा (क) मा एमालेका डिल्लीराज भुसाल विजयी बन्नुभएको छ । भुसालले गठबन्धनको तर्फबाट उम्मेदवार बन्नुभएका कांग्रेसका भुवन श्रेष्ठलाई एक हजार ५० मतअन्तरले पराजित गर्नुभएको हो ।
रुकुम पूर्व प्रतिनिधि सभामा माओवादीका पूर्णबहादुर घर्ती विजयी
रुकुम पूर्वको प्रतिनिधि सभामा नेकपा माओवादी केन्द्रका उम्मेदवार पूर्णबहादुर घर्ती विजयी हुनुभएको छ । उहाँले १२ हजार २ सय ६२ मत प्राप्त गरेर विजयी हाँसिल गर्नुभएको हो ।
रुपन्देही ५ (ख) बाट जनमत पार्टीका गुप्ता विजयी
जनमत पार्टीका चन्द्रकेस गुप्ता रुपन्देही निर्वाचन क्षेत्र नं. ५ को प्रदेश (ख) बाट विजयी हुनुभएको छ ।
मतान्तर फराकिलो गराउँदै गृहमन्त्री खाण
रुपन्देही क्षेत्र नम्बर ३ मा सत्ता गठबन्धनका उम्मेदवार एवंम् गृहमन्त्री बालकृष्ण खाणले मतान्तर फराकिलो गराउँदै जानुभएको छ ।
गुल्मी २ मा एमालेका गोकर्ण विष्ट विजयी
गुल्मी प्रतिनिधि सभा २ मा नेकपा (एमाले)का गोकर्ण विष्ट विजयी हुनुभएको छ ।
गुल्मी १ को मतगणना चार दिनपछि सुरु
प्रतिनिधि सभा गुल्मी १ को मतगणना प्रक्रिया चार दिनपछि सुरु भएको छ । जिल्ला समन्वय समिति गुल्मीको सभाहलमा बुधबारबाट कालीगण्डकी गाउँपालिका वडा नं. १ बाट मतगणना सुरु भएको हो ।
अर्घाखाँची प्रदेश सभा 'क' एमाले उम्मेदवार आचार्य विजयी
अर्घाखाँचीमा प्रदेश सभा 'क'मा नेकपा एमालेका उम्मेदवार चेतनारायण आचार्य विजयी हुनुभएको छ । आर्चायले २० हजार ५ सय १८ मत लिएर विजयी हुनुभएको हो ।
रुपन्देही क्षेत्र न ४(ख) मा कांग्रेसका वसीउद्दीन खाँ विजयी
रुपन्देही निर्वाचन क्षेत्र नम्बर ४ (ख) बाट नेपाली कांग्रेसका वसीउद्दीन खाँ प्रदेशसभा सदस्यमा निर्वाचित हुनुभएको छ । निकटतम प्रतिस्पर्धी लोकतान्त्रिक समाजवादी पार्टीका मोहनलाल यादवलाई पराजित पार्दै खाँ विजयी हुनुभएको हो ।
प्यूठानको तीन वटै क्षेत्रमा एमाले अघि
अहिलेसम्म एमालेका सूर्य थापाले २२ हजार ९५३ र जनमोर्चाका दुर्गा पौडेलले १९ हजार ९५२ मत प्राप्त गर्नुभएको छ । प्यूठानमा प्रतिनिधीसभाको ४१ हजार ७७० मत गणना हुन बाँकी हुँदा थापा दुई हजार ९६१ मतले अगाडी हुनुहुन्छ ।
रुपन्देही-५ मा एमालेकाे अग्रता
रुपन्देही जिल्लाको प्रतिनिधि सभा क्षेत्र नम्बर ५ को पछिल्लो मतपरिणाम अनुसार नेकपा एमाले उम्मेद्वार वासुदेब घिमिरेले फराकिलो मतान्तरले अग्रता लिनुभएको छ।
नवलपरासीमा खुकुरी प्रहारबाट एकको मृत्यु , एक घाइते
पश्चिम नवलपरासीको बर्दघाट नगरपालिकामा खुकुरी प्रहार गरी एक जनाको हत्या भएको छ भने एक महिला गम्भीर घाइते भएकी छन् ।
