विदेशमा सीप सिकेर स्वदेशमा लगानी
कुनै समय घरका आँगन र डिलमा सौखका रूपमा कफी लगाइन्थ्यो । उत्पादन लिन नभई घर वरपरको वातावरण सुन्दर र हरियाली बनाउन गाउँघरमा सबैका घरमा दुई–चार बोट कफीका भेटिन्थे । कफीका बोटमा फलेका दानाको महत्त्व राम्रोसँग थाहा नहुँदा त्यसै खेर जान्थ्यो ।
बर्थिङ सेन्टर पुग्न थाले गर्भवती महिला
डेढ वर्ष अघिसम्म असुरक्षित रूपमा घरमै सुत्केरी हुने महिला अचेल बर्थिङ सेन्टरमा धाउन थालेका छन् । यसअघि घरमै बच्चा जन्माउने गरेका गर्भवती गाउँकै बर्थिङ सेन्टरमा पुगेर सुत्केरी हुन थालेका हुन् ।
नेपालगञ्ज विमानस्थलको स्तरोन्नति सुरु
पश्चिम नेपालमै सबैभन्दा बढी उडान हुने र अत्यधिक व्यस्त रहने नेपालगञ्ज विमानस्थलको स्तरोन्नति गर्ने कार्य अगाडि बढाइएको छ । सो विमानस्थललाई अन्तर्राष्ट्रिय विमानस्थल बनाउन २० वर्षे गुरुयोजना तयार पारेर सोहीअनुसार काम सुरु भएको हो । उक्त गुरुयोजनाअनुसार नयाँ अत्याधुनिक टर्मिनल भवनको निर्माण सुरु गरिएको नागरिक उड्डयन कार्यालय नेपालगञ्जका सूचना अधिकारी धीरेन्द्र रिजालले जानकारी दिनुभयो । उहाँले काम सुरु गरिए पनि सो टर्मिनल भवनको औपचारिक रूपमा शिलान्यास छिट्टै गरिने बताउनुभयो ।
भूतपूर्व सैनिक सम्मेलन सम्पन्न
“भूतपूर्व सैनिक सम्मेलनको अभिलाषा-सेनाप्रतिको समर्पण र भरोसा” भन्ने नारासहित बुटवलको श्री मध्य पश्चिम पृतना हेडक्वार्टरमा आयोजित भूतपूर्व सैनिक सम्मेलन-२०७९ सोमबार सम्पन्न भएको छ ।
तम्घासमा लघुवित्तको ज्यादतीविरुद्ध विरोध प्रदर्शन
गुल्मीको सदरमुकाम तम्घासमा लघुवित्त संस्थाको ज्यादतीबाट पीडित स्थानीय विरोध प्रदर्शनमा उत्रिएका छन्।
भूपूसैनिक सम्मेलन सुरु
‘भूतपूर्व सैनिक सङ्घको अभिलाषा, सेनाप्रति समर्पण र भरोसा’ भन्ने आदर्श वाक्यका साथ नेपाली सेना भूपूसैनिक सम्मेलन घोराहीस्थित रणसिंह दल गणमा आजखेखि सुरु भएको छ ।
अस्पताल गए बाँचिन्छ भन्ने भरोसा दिलाउनुपर्छ : प्रदेश स्वास्थ्यमन्त्री पन्थी
लुम्बिनी प्रदेशका स्वास्थ्यमन्त्री विष्णु पन्थीले अस्पतालहरूले बिरामीलाई भरोसा दिलाउन सक्नेगरी उपचार गर्नुपर्ने बताउनुभएको छ ।
कटुवालकै भरमा सूचना
प्रविधिले मारेको फड्कोसँगै सूचना आदानप्रदानका विभिन्न माध्यम प्रयोगमा आएका छन् तर रुकुमपूर्वका विभिन्न गाउँमा भने सूचना प्रसारणको भरपर्दो माध्यम ‘कटुवाल प्रथा’ नै रहेको छ। कराएर गाउँवासीमा नयाँ सूचना पु-याउने जिम्मेवारी बोकेको कटुवाल प्रथा दुर्गम गाउँहरूमा अहिले पनि निरन्तर छ।
हस्तकलाका सामग्रीबाट आम्दानी गर्दै महिला
सधैँ घरको काममा व्यस्त हुने राप्ती गाउँपालिका–७, सिसहनियाकी राजकुमारी चौधरीको दैनिकी पछिल्लो समयमा बदलिएको छ । घरको भान्छादेखि गाईभैँसीको स्याहारमा बित्ने गरेको राजकुमारीको दैनिकी पछिल्लो समय गुन्द्री, पूजादानी, टोपी, हटकेस, पेनहोल्डर, खुत्रुके, ढकिया, चटकी र गमलालगायतका सामग्री बनाउने र बिक्री गर्ने काममा बित्ने गरेको छ ।
पढ्दै खेती गर्दै भृकुटी विद्यालयका विद्यार्थी
कपिलवस्तुको भृकुटी माध्यमिक विद्यालयले पढाइसँगै कृषि अभ्यासमा जोड दिएको छ । बुद्घभूमि नगरपालिका –४, बुड्ढीको सो विद्यालयले गत २०७३ देखि कृषिको अभ्याससँगै अध्यापन सुरु गरेको हो ।
भीम अस्पतालमा सिटी स्क्यान र ब्लड बैङ्क सेवा
भैरहवास्थित भीम अस्पतालमा सिटी स्क्यान र ब्लड बैङ्क सेवा शुभारम्भ भएको छ । दुई करोड ७४ लाख ४० हजार रुपियाँ लागतमा अस्पतालमा सिटी स्क्यान राखिएको हो ।
रुकुम (पूर्व) मा टर्कीबाट ल्याइयो ओखरका बिरुवा
रुकुम (पूर्व) मा टर्कीबाट १६ हजार दाँते ओखरको बिरुवा ल्याइएका छन् । डिभिजन वन कार्यालयले किसानको मागअनुसार टर्कीबाट १६ हजार फरनर जातको दाँते ओखरको बिरुवा ल्याएको हो ।
लुम्बिनीमा पनि सत्ता समीकरण फेरबदल हुन सक्ने
राष्ट्रपति निर्वाचनको सन्दर्भमा सङ्घमा भएको सत्ता समीकरण फेरबदलको असर लुम्बिनी प्रदेश सरकारमा पनि पर्न थालेको छ । लुम्बिनी प्रदेशमा एमालेका पोलिटब्युरो सदस्य लीला गिरी तत्कालीन माओवादीसहितको गठबन्धनको तर्फबाट मुख्यमन्त्री बन्नुभएको थियो ।
आयआर्जन बढाउन थारू भान्साघर सञ्चालन
कोभिडको मारमा परेका थारु समुदायका महिलाको जीवनस्तरमा परिवर्तन ल्याउने उद्देश्यले संयुक्त राष्ट्रसङ्घीय विकास कार्यक्रमले पहल थालेको छ । कार्यक्रमको सहयोगमा महिलालाई पर्यापर्यटनसँग जोड्दै व्यावसायिक रूपमै सबल र आत्मनिर्भर बनाउने उद्देश्यले पहिलो चरणमा २० जना महिलालाई आयआर्जनमा जोडिएको छ ।
एकै दिन सोह्र हजार दाँते ओखर रोपिँदै
लुम्बिनी प्रदेशको हिमाली जिल्ला रुकुमपूर्वमा एकै दिनमा सोह्र हजार दाँते ओखरका बिरुवा रोपिने भएको छ । लुम्बिनी प्रदेशका वन तथा वातावरण मन्त्री दुर्गाप्रसाद चौधरी र प्रदेश सांसदहरूको उपस्थितिमा बिरुवा रोपिन लागेको हो ।
सडकको बीचमै पोल गाडियो
कपिलवस्तुको शिवराज नगरपालिका ५ नौडिहवामा कालोपत्रे गरिएको सडकको बीचमा पोलहरू गडिएको छ । स्थानीय मनि राम थारुले आफ्नो जग्गामा सडक बनाएको भन्दै बिच भागमै पोल गाडेपछि स्थानीय बासिन्दालाई आवतजावतमा समस्या भएको छ । प्लटिङ गर्नेहरूको लापरबाहीले अहिले सडकभर पोल ठड्याइएका छन् ।
मगर दिवसमा सार्वजनिक बिदा
गुल्मी जिल्लाका तीन स्थानीय तहले (सोमबार) आज सार्वजनिक बिदा दिएका छन् ।
पानी नपर्दा किसान चिन्तित
लामो समयदेखि पानी नपर्दा अन्न बाली तथा तरकारीका बोट सुक्न थालेपछि कपिलवस्तुका किसान चिन्तित भएका छन्। पानी नपर्दा हिउँदे बाली तथा तरकारीको बोटसमेत सुक्न थालेका छन्। यो वर्ष हिउँदे बाली गहुँ, तोरी, आलु, तरकारी तथा अरू बालीको उत्पादन घट्ने चिन्ता भएको कपिलवस्तु नगरपालिका–६ का राधेश्याम यादवले गुनासो गर्नुभयो। गहुँ र तोरीलाई खोलाबाट पानी ल्याएर सिँचाइ गरे पनि सबै ठाउँमा पानी पु-याउन नसकिएको उहाँको भनाइ छ।
मुहान पुरिँदा खानेपानीको समस्या
चुनढुङ्गा खानीले पानीको मुहान पुरेपछि यहाँका बासिन्दा पिउने पानीबाट वञ्चित भएका छन्। निस्दी गाउँपालिका–७, ज्यामिरेमा होङ्सी सिमेन्ट प्रालिले उत्खनन गरेको (बेल्ट कन्भेयर) सुरुङले खानेपानीको मुहान पुरेपछि स्थानीय बासिन्दा चार महिनादेखि पिउने पानीबाट वञ्चित भएका हुन्। विगत पाँच वर्षदेखि ज्यामिरेमा होङ्सी सिमेन्ट प्रालिको चुनढुङ्गा खानी सञ्चालनमा रहेको छ। एक वर्षअघिदेखि चुनढुङ्गा ढुवानीका लागि ज्यामिरे क्षेत्रमा पाँच किलोमिटर लामो (बेल्ट कन्भेयर) सुरुङ खनिरहेको छ।
१६ किलो चरेशसहित एक जना पक्राउ
घर्तीमगरलाई पक्राउ गरी थप अनुसन्धान कार्य भइरहेको प्रहरीले जनाएको छ ।
विषाक्त सिनो खाँदा गिद्ध मरे
विषाक्त सिनो खाँदा प्रकृतिका कुचीकार गिद्ध पुनः सङ्कटमा पर्न थालेका छन्। कृषकले पालेका पशुपन्छी, चौपाया तथा बाली जोगाउन एवं भुस्याहा कुकुर मार्न विषको प्रयोग गर्दा गिद्धको मृत्यु हुने गरेको हो। जनावर मार्न राखेको विषयुक्त मासु र सो मासु खाएर मरेको सिनो खाँदा देशको विभिन्न स्थानमा गिद्ध मरेको बताइएको छ।
गोरखापत्रकर्मी खान सम्मानित
गोरखापत्र दैनिकका नेपालगञ्ज समाचारदाता सिराज खानलाई पत्रकारिताको सम्मानित गरिएको छ।
बुटवल अन्तर्राष्ट्रिय सम्मेलन केन्द्र सञ्चालन प्रक्रिया अन्योलमा
बुटवलमा निर्माण भएको बुटवल अन्तर्राष्ट्रिय सम्मेलन केन्द्र सञ्चालनमा आउन सकेको छैन । सम्मेलन केन्द्रको उद्घाटन भएको छ महिना बितिसक्दा पनि सञ्चालनसम्बन्धी आवश्यक कानुन नबन्दा अझै सञ्चालनमा आउन नसकेको हो ।
लुम्बिनीबाट एक करोड १७ लाख विदेशी मुद्रा सटही गरिने
लुम्बिनीमा विदेशी पर्यटकबाट दानबापत सङ्कलित विदेशी मुद्रा अब सटही हुने भएको छ । लुम्बिनी विकास कोषका कोषाध्यक्ष ढुण्डिराज भट्टराई (सिद्धिचरण) ले बिहीबार राष्ट्र बैक सिद्धार्थनगर रुपन्देहीका निर्देशक थानेश्वर आचार्यलाई ध्यानाकर्षण पत्र बुझाएसँगै लामो समयदेखि सटही नभएर कागज बराबर भएका विदेशी मुद्रा सटही गर्ने सहमति भएको हो ।
फेरिए जनप्रतिनिधि फेरिएनन् नीति तथा कार्यक्रम
गत वैशाखमा सम्पन्न स्थानीय तहको निर्वाचनबाट दोस्रो कार्यकालका लागि नयाँ जनप्रतिनिधि आए पनि अर्घाखाँचीमा भने पुरानै नीति तथा कार्यक्रमले निरन्तरता पाएको छ। पहिलो कार्यकालमा अनुभव नभएको तथा स्थापना वर्ष भएकाले नयाँ र उपलब्धिमूलक कार्यक्रम ल्याउन नसकेको बताइएको थियो। दोस्रो कार्यकालका जनप्रतिनिधिको अवस्थामा पनि पहिलो कार्यकालकै जस्तै देखिएको छ। यस जिल्लामा तीन गाउँपालिका र तीन नगरपालिका गरी छवटा पालिका छन्। २०७४ सालमा अधिकांशमा स्थानमा विजय हासिल गरेको नेपाली कांग्रेस पार्टी अहिले दुई स्थानमा झरेको छ। तर, पार्टीबाट
