स्वास्थ्यका कर्मचारी सरुवाको विरोध
बगनासकाली गाउँपालिकाले गत कात्तिकमा स्वास्थ्य क्षेत्रका १८ जना कर्मचारीहरूको सरुवा गर्ने निर्णय गरेको हाे ।
क्रिकेटर कुशल भुर्तेल अष्ट्रेलियामा सम्मानित
नेपाली राष्ट्रिय क्रिकेट टोलीका ओपनिङ ब्याटर कुशल भुर्तेलले आफू क्रिकेटमा नलागेको भए अष्ट्रेलियामा विद्यार्थी हुने सोचमा रहेको खुलासा गर्नुभएको छ ।
बाँकेमा कागज प्रशोधन उद्योग निर्माणको तयारी
बाँकेमा कागज प्रशोधन उद्योग निर्माणको तयारी अगाडी बढाइएको छ । एक्सीलेन्ट पेपर रिसाइकल कन्सर्न प्रालिले एक्सीलेन्ट पेपर मिल कम्पनी लिमिटेडको नाममा सो उद्योग निर्माणको तयारी अगाडी बढाएको हो ।
-original-thumb.jpg)
गाई काटेको आरोपमा तीन जना पक्राउ
कपिलवस्तुको बाणगंगा नगरपालिकामा गाई काटेको आरोपमा तीन जना पक्राउ परेका छन् । इलाका प्रहरी कार्यालय पिपराले मासु भाग लगाउँदै गरेको अवस्थामा तीन जनालाई पक्राउ गरेको हो ।
सिद्धार्थ राजमार्ग दैनिक ६ घण्टा बन्द गरिने
सिद्धार्थ राजमार्ग दैनिक ६ घण्टा बन्द हुने भएको छ । यही पुस १६ गतेदेखि राजमार्ग दैनिक ६ घण्टा बन्द हुने भएको हो । सिद्धबावा क्षेत्रमा सुरुङ मार्ग निर्माण गर्न राजमार्ग बन्द गर्न लागिएको पाल्पाका प्रमुख जिल्ला अधिकारी आनन्द काफ्लेले जानकारी दिनुभयो ।
किसानका लागि बाँदर मुख्य शत्रु, ज्यान जोगाउनै मुस्किल
रेसुङ्गा नगरपालिका–१३ स्थानीयहरूको दैनिकी नै बाँदर धपाउने बन्न पुगेको छ । बारीमा लगाएको अन्नबाली घरमा ल्याएर राखेपनि घरभित्रै पसेर बाँदरले खाइदिने गरेपछि उनीहरूको दैनिकी नै बाँदर धपाउने बनेको हो ।
काटियो घोराही सिमेन्टको लाइन
डेढ अर्बभन्दा बढी रुपियाँ विद्युत् महसुल नबुझाएपछि घोराही सिमेन्ट उद्योगको विद्युत् लाइन काटिएको छ । विद्युत् प्राधिकरणलाई एक अर्ब ५३ करोड एक लाख ६१ हजारभन्दा बढी रुपियाँ विद्युत् महसुल नबुझाएपछि घोराही सिमेन्ट उद्योगको विद्युत् लाइन काटिएको हो । सो उद्योगले नियमित तिर्नुपर्ने विद्युत्को महसुल तिरेको थिएन । आफूले डेडिकेटेड लाइन प्रयोग गरिरहेको बहाना गर्दै विद्युत् प्राधिकरणलाई विद्युत् महसुल तिर्न उद्योगले अटेर गर्दै आएको थियो । विद्युत् प्राधिकरणले डेडिकेटेड विद्युत् लाइन अन्तर्गत उद्योगलाई विशेष विद्युत् लाइनको व्यवस्था गरेको छ ।
तीन विद्यालयमा अक्षयकोष स्थापना
गुल्मीको रेसुङ्गा नगरपालिकाका तीन विद्यालयमा अक्षयकोष स्थापना गरिएको छ । यहाँको वडा नम्बर– १०, ११ र १२ मा रहेका तीन वटा विद्यालयमा अक्षयकोष स्थापना गरिएको हो ।
नर्सरी खेतीबाट वार्षिक बाह्र लाखसम्म आम्दानी
गौमुखी गाउँपालिका–६, लिवाङका २८ वर्षीय पदमबहादुर केसीले आफ्नै गाउँमा बिरुवा उत्पादन गर्नुहुन्छ । उहाँले २०७५ सालदेखि गाउँको जग्गामा विभिन्न जातका बिरुवाको नर्सरी राखेर बिरुवा उत्पादन गरी बिक्री गर्दै आउनुभएको छ । “आफ्नै आठ रोपनी जग्गामा नर्सरी गर्दै आएको छु,” केसीले भन्नुभयो, “यही नै मेरो आम्दानीको राम्रो स्रोत बनेको छ ।” नर्सरीमा विभिन्न जातका घाँसका बिरुवा र टिमुर, कफी, अम्बालगायत जातका बिरुवा उत्पादन गर्ने गरेको केसी बताउनुहुन्छ । सुरुमा थोरै लगानी गरेर नर्सरी सुरु गरेको तर उहाँले अहिले राम्रो आम्दानी गरिरहनुभएको छ । उहाँ भन्नुहुन्छ, “सो व्यवसायबाट वार्षिक १२ लाख रुपियाँसम्म आम्दानी गरिरहेको छु ।”
आयुर्वेद स्वास्थ्य शिविरमा निःशुल्क स्वास्थ्य सेवा
आयुर्वेद स्वास्थ्य उपचार सेवाप्रति सर्वसाधारणको आकर्षण बढाउन बाँकेको कोहलपुर नगरपालिका –१२ स्थित नेपाल राष्ट्रिय मावि खडकवारमा निःशुल्क स्वास्थ्य शिविर सम्पन्न गरिएको छ ।
दक्षिण एसियाली स्केटबोर्डमा नेपालको वर्चस्व
पाँचौँ दक्षिण एसियाली स्तरीय स्केट बोर्ड प्रतियोगिता तथा स्केट जात्रामा नेपालले वर्चस्व जमाएको छ । प्रतियोगितामा सिनियर पुरुष, सिनियर महिला र जुनियर पुरुषमा गरी ३ स्पर्धामा समान ३/३ स्वर्ण, रजत र कांस्यका लागि प्रतिस्पर्धा भएको थियो । त्यसमा नेपालले ३ स्वर्ण, २ रजत र ३ कांस्य हात पार्दै वर्चस्व कायम गरेको हो ।
नयाँ गाउँले जित्यो राष्ट्रपति रनिङ शिल्ड
गुल्मीको धुर्कोट गाउँपालिकाले आयोजना गरेको छैटौँ राष्ट्रपति रनिङ शिल्ड प्रतियोगितामा वडा नम्बर–१ नयाँ गाउँस्थित नयाँ गाउँ माध्यमिक विद्यालय प्रथम भएको छ ।
नेपालगञ्ज-गुलरीया सडक निर्माणमा बजेट अभाव
नेपालगञ्ज-गुलरीया सडक स्तर उन्नतिको काम द्रुत गतिमा अघि बढिरहँदा समेत निर्माण कम्पनीले भुक्तानी पाउन सकेको छैन । निर्माण कम्पनीले हाल नेपालगञ्जको नन्दनी मिलदेखि नै सडकमा कालोपत्रेको तयारीका लागि गिट्टी बिच्छाउन थालेको छ ।
सवारीसाधनमा “जाऊँ हिँड रेसुङ्गा” अभियानको स्टिकर
गुल्मीबाट छुट्ने लामो वा छोटो दूरिका सवारीसाधनमा “जाऊँ हिँड रेसुङ्गा” अभियानको स्टिकर टाँस गरिएको छ ।
सुकुमवासीको जग्गा नापजाँचमा ढिलाइ
दाङमा भूमिहीन दलित, भूमिहीन सुकुमवासी र अव्यवस्थित बसोबासीका जग्गा नापजाँचमा ढिलाइ भएको छ । जिल्लामा जग्गा नापजाँचको काम सुरु भएको करिब एक वर्षको अवधिमा करिब २८ सयभन्दा बढी जग्गा नापजाँच भएको छ । भूमि आयोग जिल्ला समिति दाङमा निवेदन दिनुभएका भूमिहीन दलित, भूमिहीन सुकुमवासी र अव्यवस्थित बसोबासी परिवारले निवेदन दिएकोमा मङ्सिर महिनासम्म करिब दुई हजार ८७९.४ हेक्टर जग्गाको नापनक्सासम्बन्धी काम भएको जिल्ला भूमि आयोग दाङले जनाएको छ ।
सिजी सिमेन्ट उद्योगमा तालाबन्दी
पाल्पाको रैनादेवीछहरा–२, सोमादीस्थित सिजी सिमेन्ट उद्योगमा स्थानीय बासिन्दाले तालाबन्दी गरेका छन् । आफूहरूका माग पूरा नगरेको भन्दै आक्रोशित स्थानीय बासिन्दाले शनिबार उद्योगको प्रशासनमा तालाबन्दी गरेका हुन् ।
लुम्बिनीमा थपिए दुई मन्त्री
लुम्बिनी प्रदेश सरकार गठन भएको आठ महिनापछि लुम्बिनी प्रदेशका मुख्यमन्त्री डिल्लीबहादुर चौधरीले मन्त्री मण्डल विस्तार गर्नुभएको छ ।
जनतामा बढेको निराशा लोकतन्त्रका लागि खतरा : सांसद गैरे
तिनिधि सभाका सदस्य ठाकुर गैरेले जनतामा बढेको निराशा लोकतन्त्रका लागि खतरा रहेको बताउनुभएको छ। भ्रष्टाचार, बेतिथि र तस्करीका कारण जनतामा निराशा बढेकाले जनतामा बढेको निराशालाई हटाउतर्फ सबै लाग्नुपर्ने विचार राख्नुभयो।
नगरस्तरीय क्रिकेट सुरु
तानसेनमा शनिबारदेखि नगरस्तरीय ‘प्रथम क्रिकेट प्रतियोगिता’ सुरु भएको छ ।
कस्तुरीको बिना बरामद
नेपालगन्जको सीमा क्षेत्रबाट प्रहरीले कस्तुरीको बिना बरामद गरेको छ। भारतबाट नेपाल भित्र्याउने क्रममा सशस्त्र प्रहरीले जमुनाहा नाकाबाट पाँच थान कस्तुरीको बिना बरामद गरेको हो।
बाघको आक्रमणबाट बालकको मृत्यु
बर्दियामा पाटे बाघको आक्रमणबाट एक जना बालकको मृत्यु भएको छ । बारबर्दिया नगरपालिका –४, बैरिया गाउँका १२ वर्षीय सुमित थारुको चितुवाको आक्रमणबाट मृत्यु भएको जिल्ला प्रहरी कार्यालय बर्दियाले जनाएको छ ।
स्वास्थ्य शिविरमा २०६ ले लिए सेवा
बाँकेको राप्तीसोनारी गाउँपालिकामा आयोजना गरिएको नसर्ने रोगको स्वास्थ्य शिविरमा मधुमेह, उच्चरक्तचाप र मिर्गौला सम्बन्धी रोग शङ्का लागेका २०६ जनाले सेवा लिएका छन् ।
हराएका व्यक्ति मृत फेला
गुल्मीमा मङ्सिर १ गतेदेखि हराएका व्यक्ति मृत फेला परेका छन् । जिल्लाको रेसुङ्गा नगरपालिका –७ का ६२ वर्षीय चेतमान चुँदारा शनिबार मृत फेला परेको प्रहरीले जनाएको छ ।
आगलागी हुँदा बालिकाको मृत्यु
पाल्पाको निस्दी –३, झिरुबासस्थित क्याङ्रुङ्को एक घरमा आगलागी हुँदा एक जना बालिकाको मृत्यु भएको छ । मृत्यु हुनेमा स्थानीय टोलबहादुर पल्लीको नौ महिने छोरी दिप्सना पल्ली रहेको स्थानीय बासिन्दाले जनाएका छन् ।
बाघ खोज्न वनमा क्यामेरा ट्रयाप
बाघलगायत स्तनधारी वन्यजन्तुको अवस्था पत्ता लगाउन क्यामरा ट्रयाप प्रविधि जडान हुनेभएको छ । तराई भू–परिधि कार्यक्रम अन्तर्गत लुम्बिनी प्रदेशका कपिलवस्तु, दाङ र अर्घाखाँचीका वनमा क्यामेरा ट्रयाप जडान हुनेभएको हो ।
