घुम्ती शिविरबाट दुई हजार बढीले लिए सेवा
गुल्मी दरबार गाउँपालिकाले सञ्चालन गरेको एकीकृत घुम्ती शिविरबाट दुई हजार २४२ जनाले सेवा लिएका छन् ।
तानसेनमा योमरी महोत्सव
तानसेनका स्थानीय बासिन्दाको सक्रियतामा नेवारी संस्कृतिको जर्गेना गर्ने उद्देश्यले ‘योमरी महोत्सव’ गरिएको हो ।
-original-thumb.jpg)
भैरहवादेखि लुम्बिनीसम्म बौद्ध सञ्चार यात्रा
लुम्बिनीबाट विश्वभर शान्तिको सन्देश दिने र शान्ति मार्गीलाई लुम्बिनी आउन तथा पदयात्रा गर्न प्रेरित गर्ने उद्देश्यले भैरहवादेखि लुम्बिनीसम्म बौद्ध सञ्चार यात्रा गरिएको छ।
फोर्टिन स्टार कप फुटबल प्रतियोगिता सुरु
फोर्टिन स्टार युवा क्लबको आयोजनामा तम्घासको चिदिचौरमा जिल्ला स्तरीय माध्यमिक तह छात्र फुटबल प्रतियोगिता सुरु भएको हाे ।
सातौँ अन्तर्राष्ट्रिय तेक्वान्दो प्रतियोगितामा नेपाल दोस्रो
भारतको देहेरादुनमा भएको सातौँ अन्तर्राष्ट्रिय तेक्वान्दो प्रतियोगितामा बाँकेका १६ जना खेलाडीले पदक हात पार्न सफल भएका छन् । उत्तराखण्ड तेक्वान्दो एसोसिएसन तथा यूपी गुडबिल तेक्वान्दो एसोसिएसनको संयुक्त आयोजनामा सो प्रतियोगिता सञ्चालन गरिएको थियो ।
विशेषज्ञ चिकित्सक सहित स्वास्थ्य शिविर
कपिलवस्तुको बुद्धभूमी नगरपालिकामा एक दिने स्वास्थ्य शिविर सम्पन्न भएको छ ।
बजारमा खान अयोग्य मासु छ्यापछ्याप्ती
नेपालगन्ज बजार र त्यस आसपासका बजारका मासु पसलहरूमा खान अयोग्य मासु छ्यापछ्याप्ती पाइएको छ । जिल्ला प्रशासन कार्यालय बाँकेको नेतृत्वमा सरोकारवाला निकायको सहभागितामा गरिएको मासु पसल अनुगमनका क्रममा त्यस्तो पाइएको हो ।
बुडडी झडुलामाई मन्दिर (फोटो फिचर)
कपिलवस्तु, पुस ७ गते । कपिलवस्तुको प्रख्यात शक्तिपिठ झडुलामाईको मन्दिर । यो मन्दिर कपिलवस्तु जिल्लाको बुद्धभूमि ४ बुडडीमा अवस्थित रहेको छ । काठमाडौँबाट पूर्व पश्चिम राजमार्ग हुँदै पश्चिम जाँदा तीन सय २४ किलोमिटरको दुरीमा राजमार्गको दाहिने किनारमा निकै नै फराकिलो जङ्गलको क्षेत्रफलमा रहेको छ। यस मन्दिर परिसरमा झडुलामाई मन्दिर लगायत समयमाई, दुर्गा, हनुमान, गणेश, बुद्धबाबा, नाग देवता, फुलनदेवी, फुलमती देवी, बागेश्वरी, बर्मा, पश्चिमेली काली, सुपा देउराली, जल बराह, नरसिंह औतार, शीतला माता देवीका मन्दिरहरू रहेका छन् जसले गर्दा यस स्थललाई धार्मिक स्थल एवं नेपाल सरकारबाट मान्यता प्राप्त झडुलामाई आध्यात्मिक प्रतिष्ठान समेत रहेको छ।मन्दिरको गर्भ गृहको मध्य भागमा निकै नै पुरानो एवम् निकै नै कलात्मक शैलीको कालो प्रस्तरको झडुलामाईको मूर्ति रहेको छ भने उक्त मूर्तिको दायाँ र बायाँ अन्य देव देवताहरू प्नि रहेका छन्। यस मन्दिरका १३ औँ एवम् विगत २२ वर्षदेखि पुजारी रहेका कुलबहादुर खडकाका अनुसार पूर्व पश्चिम राजमार्ग निर्माण हुँदा यस झडुलामाईको मूर्ति राजमार्गको उत्तरतर्फ जङ्गलमा वि.स. १९१९ मा फेला परेको थियो। पहिला सामान्य मन्दिरको रूपमा रहेको यो देवीको मन्दिर स्थानीयवासीहरु, समाजसेवीहरू, विभिन्न सङ्घ संस्थाहरूको सहयोगमा वि.स. २०५४ सालमा मन्दिर स्थापना भएको बताउनुभयो।यस मन्दिरमा दैनिक बिहान र बेलुका नित्य पूजा अर्चना हुने गर्दछ र विशेष गरी यस देवीको मन्दिरमा हिन्दुहरूको महान् पर्व विजया दशमी, चैते दशमीमा स्थानीय भक्तजनहरूको अत्यधिक भिड हुने गर्दछ। भक्तजनहरूले आफ्ना विभिन्न भाकलका लागि यस देवीको मन्दिरमा बलिको प्रथा समेत रहेको छ।मन्दिर परिसरमा स्थानीयवासीहरुले विवाह, व्रतबन्ध लगायत विभिन्न धार्मिक कार्यक्रम समेत गर्ने गर्दछन्। जङ्गलको हरियाली र मनोरम स्थल भएकोले स्थानीयवासीहरु र स्कुलका विद्यार्थीहरू यहाँ मनोरञ्जनका लागि पिकनिक समेत खेल्न आउने गरेको पुजारी बताउनुहुन्छ।
सहकारी ठगीको सुनुवाइ सुरु, लघुवित्तपीडितको प्रदर्शन
नेपालगन्जको सहकारी वित्तीय विकास संस्था लिमिटेडमा भएको रकम हिनामिनाको विषयमा बाँके जिल्ला अदालतमा अन्तिम सुनुवाइ सुरु भएको छ । पुस ३ गतेदेखि जिल्ला अदालतका न्यायाधीश इन्द्रबहादुर कठायतको इजलासमा निरन्तर सुनुवाइ भइरहेको बाँके जिल्ला अदालतका प्रवक्ता हेमन्त भट्टराईले जानकारी दिनुभयो ।
सत्तरी लाखमा बिक्यो कर्णनिर्मित मोबाइल एप
नेपालगन्ज टेक्निकल कलेजमा कम्प्युटर इन्जिनियरिङमा डिप्लोमा गरेका बर्दियाका विद्यार्थी कर्णबहादुर बुढाक्षेत्रीले बनाएको मोबाइल एप ७० लाख रुपियाँमा बिक्री भएको छ ।
खानेपानी उपभोक्ता समितिको निर्वाचन तय
लामो समयदेखि निर्वाचन हुन नसकेको तानसेन खानेपानी उपभोक्ता समितिको पुस १४ गते निर्वाचन हुने भएको छ । तानसेनमा खानेपानीको व्यवस्थापन गर्न समिति बनाउन निर्वाचन गर्न लागिएको प्रमुख निर्वाचन अधिकृत दुर्गावहादुर थापाले जानकारी दिनुभयो ।
फुलमायाको जीवनरक्षाको आग्रह
गुल्मीको मदाने गाउँपालिका –७, भनभने टिमुरखर्क मोठकी २२ वर्षीय फुलमाया सुनारको गत असार महिनामा दायाँ स्तनमा समस्या आयो । अहिले भरतपुरस्थित बीपी कोइराला मेमोरियल क्यान्सर अस्पतालमा उपचाररत उहाँको आर्थिक अवस्था कमजोर भएकाले सहयोगको अपिल गरिएको परिवारका सदस्यले बताउनुभएको छ ।
नेपालगञ्जमा लघुवित्त पीडितको प्रदर्शन
लघुवित्त तथा वित्तिय शोषणको विरुद्धमा नेपालगञ्जमा शुक्रबार विरोध प्रदर्शन गरिएको छ ।
जानकीका पाँच सय ४१ जनालाई निस्सा वितरण
बाँके जिल्लाका भूमीहिन तथा सुकुम्वासी नागरिकलाई जग्गाको लालपुर्जा वितरण गर्नका लागि अहिले विभिन्न पालिकामा निस्सा वितरण गरिएको छ ।
देउसी–भैलीको रकमले पर्खाल निर्माण
बाँकेको खजुरा गाउँपालिका –७ मनकामनामा रहेको दुर्गा– कालिका तथा शिव मन्दिरको जग्गा संरक्षणका लागि देउसी–भैली खेलेर संकलन गरेको रकमले पर्खाल निर्माण गरिएको छ ।
वैदेशिक रोजगारमा ठगीका उजुरी बढ्दै
सुरक्षित आप्रवासन कार्यक्रम (सामी) अन्तर्गत जिल्ला प्रशासन कार्यालयमा सञ्चालित सूचना तथा परामर्श केन्द्रमा चालु आर्थिक वर्षको साउनदेखि मङ्सिर महिनासम्म वैदेशिक रोजगारीमा ठगी लगायतका सम्बन्धी एक सय ६९ वटा उजुरी परेका छन् ।
रेसुङ्गा गौशालालाई आर्थिक सहयोग
गुल्मीको ऐतिहासिक, धार्मिक एवम् पर्यटकीय क्षेत्र रेसुङ्गाको चौतारामा रहेको गौशालालाई आर्थिक सहयोग प्रदान गरिएको छ ।
बाँकेमा लक्ष्यभन्दा निकै कम धान खरिद
नेपालगन्जस्थित खाद्य व्यवस्था तथा व्यापार कम्पनी लिमिटेडले गत मङ्सिर ६ गतेबाट धान खरिद शुरु गरेकोमा दुईसय जना किसानले मात्र कम्पनीमा पुगेर आठ हजार क्विन्टल धान बिक्रि गरेका छन् ।
वैदेशिक रेमिटान्स अनुत्पादक क्षेत्रमा खर्चियो
गुल्मीको तम्घासमा भएको एक कार्यक्रमका सहभागीहरुले वैदेशिक रोजगारीबाट भित्रिएको रेमिटान्स अनुत्पादक क्षेत्रमा खर्च भएको बताएका छन् । रेसुङ्गा नगरपालिकाको आयोजनामा सुरक्षित वैदेशिक रोजगारीका सवालमा स्थानीय तहका पदाधिकारी र सरोकारवालासँग गरिएको अन्तरक्रिया कार्यक्रमका सहभागीहरुले यस्तो बताएका हुन् ।
बाँके प्रशासनको सशक्त अनुगमन, उपभोक्तामा सरकार भएको अनुभूति
बाँके प्रशासनले बजार अनुगमनलाई दैनिक रुपमा तीव्रताका साथ अगाडि बढाइरहँदा उपभोक्ताको हित विपरीत कालोबजारी गरी उपभोक्ता ठग्ने व्यापारीको निद्रा हराएको छ भने् उपभोक्ता भने सरकार भएको अनुभूति गर्दै खुसी देखिएका छन् ।
घर बनाइदिन आग्रह गर्दै बादी समुदायद्वारा ज्ञापनपत्र
बाँकेका घरबासविहीन बादी समुदायले लुम्बिनी प्रदेससभा सदस्यसमक्ष आफ्नो घर बनाइदिन आग्रह गर्दै ज्ञापनपत्र पेस गरेका छन् ।
धेरैमा पाठ्यक्रम, थोरैमा पुस्तक
स्थानीय सरकार सञ्चालन ऐन, २०७४ ले स्थानीय तहहरूलाई स्थानीय पाठ्यक्रम निर्माण गरेर विद्यालयमा पढाइ सञ्चालन गर्न पाउने अधिकार प्रदान गरेको छ । यो व्यवस्थाको लक्ष्य स्थानीय तहमा भएका सांस्कृतिक, सामाजिक, पर्यटकीयलगायतका क्षेत्रबारे विद्यार्थीलाई सिकाउनु हो । विद्यार्थीलाई स्थानीय पालिकाको चिनारीबारे ज्ञान दिने उद्देश्यले स्थानीय सरकार सञ्चालन ऐनले गरेको यो व्यवस्था कार्यान्वयनमा भने स्थानीय सरकार सक्रिय देखिएका छैनन् । जिल्लामा केही स्थानीय तहले मात्रै स्थानीय पाठ्यक्रम बनाएर पढाइ सञ्चालन गरेका छन् । धेरै स्थानीय तहले अहिलेसम्म स्थानीय पाठ्यक्रम लागु गर्न सकिरहेका छैनन् ।
टिपर दुर्घटनामा एकको मृत्यु, दुई गम्भीर
पाल्पामा टिपर दुर्घटना हुँदा एक जनाको मृत्यु भएको छ भने अन्य दुई जना गम्भीर घाइते भएका छन् । मृत्यु हुनेमा पाल्पा रिव्दीकोट गाउँपालिका–३, का ३० वर्षीय विष्णु ढकाल रहनुभएको छ ।
द्वन्द्वकालमा श्रेस्ता जल्दा विवरण एकिन गर्न कठिन
द्वन्द्वकालमा मालपोत कार्यालयका श्रेस्ता जलेर नष्ट हुँदा सरकारी सार्वजनीक जग्गाको विवरण एकिन गर्न कठिनाए भएको राष्ट्रिय भूमी आयोग जिल्ला समिति पाल्पाले जनाएको छ ।
स्वर्गद्वारीमा जिप दुर्घटना : एक जनाको मृत्यु, पाँच घाइते
प्युठानको स्वर्गद्वारी नगरपालिका–५ आँपडाँडामा जिप दुर्घटना हुँदा एक जनाको मृत्यु भएको छ। दुर्घटनामा अन्य ५ जना घाइते भएका छन्।
