भक्तपुर १ प्रदेशसभा (ख)मा नेमकिपाका गोसाइँ विजयी
भक्तपुर क्षेत्र नं १ प्रदेशसभा (ख) मा नेपाल मजदूर किसान पार्टीका उम्मेदवार सुरेन्द्रराज गोसाइँ विजयी हुनुभएको छ ।
-original-thumb.jpg)
कपिलवस्तु २ को प्रदेशसभा (क) मा एमालेका लामिछाने विजयी
कपिलवस्तुको क्षेत्र नं. २ को प्रदेश सभा (क) मा नेकपा (एमाले) का नवराज लामिछाने विजयी हुनु भएको छ । लामिछानेले आफ्ना प्रतिस्पर्धी नेपाली कांग्रेसका उम्मेदवार विक्रम सिंह थापालाई ५२२ मत अन्तरले पराजित गर्दै विजयी हुनुभएको हो ।
चितवन-२ मा रवि लामिछाने विजयी
चितवन क्षेत्र नम्बर २ बाट राष्ट्रिय स्वतन्त्र पार्टीका रवि लामिछाने भारी मतान्तरले निर्वाचित हुनुभएको छ ।
कैलाली १ (क) मा नागरिक उन्मुक्तिका कैलाश विजयी
कैलाली निर्वाचन क्षेत्र नम्बर १ प्रदेशसभा (क) बाट नागरिक उन्मुक्ति पार्टीका उम्मेदवार कैलाश चौधरी विजयी हुनुभएको छ । चौधरीले १५ हजार १०१ मत प्राप्त गर्नुभएको छ ।
लमजुङ प्रदेश (क) मा कांग्रेसका गुरुङ विजयी
लमजुङ प्रदेशसभा निर्वाचनअन्तर्गत प्रदेश ‘१’ मा गठबन्धनतर्फबाट नेपाली कांग्रेसका जिल्ला सभापति डा. टकराज गुरुङ विजयी हुनुभएको छ ।
प्यूठानको प्रदेशसभा (क)मा एमाले र (ख) मा कांग्रेस विजयी
प्यूठानको प्रदेशसभा निर्वाचन क्षेत्र नम्बर (क) मा नेकपा (एमाले)का तुल्सिराम शर्मा विजयी हुनुभएको छ । उहाँले २० हजार २१० मत प्राप्त गरी विजयी हुनु भएको हो ।
दोब्बर मतान्तरले गोरखाबाट माओवादी अध्यक्ष प्रचण्ड विजयी
गोरखा–२ बाट प्रतिनिधिसभा सदस्यमा नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ भारी मतले विजयी हुनुभएको छ ।
रौतहट १ को (ख) मा कांग्रेसका यादव विजयी
रौतहट प्रतिनिधि सभा क्षेत्र न १ को प्रदेशसभा (ख) बाट वाम गठबन्धनको तर्फबाट नेपाली कांग्रेसका मधेश प्रदेश सभापति कृष्णाप्रसाद यादव विजयी हुनुभएको छ ।
अछाम–१ को (ख) मा माओवादीका झपट साउँद विजयी
सुदूरपश्चिम प्रदेशसभाको सदस्यमा अछाम–१ को ‘ख’ मा सत्ता गठबन्धनतर्फका उम्मेदवार नेकपा (माओवादी केन्द्र)का झपटबहादुर साउँद विजयी हुनुभएको छ ।
दाङ ३ (ख) मा माओवादी केन्द्रका मास्की विजयी
दाङको निर्वाचन क्षेत्र नम्बर ३ (ख) को प्रदेशसभा सदस्यमा नेकपा (माओवादी केन्द्र) का धनबहादुर मास्की विजयी हुनुभएको छ ।
-win-original-thumb.jpg)
अछाम १ को (क) मा कांग्रेसका खड्का विजयी
सुदूरपश्चिम प्रदेश सभाको सदस्यमा अछाम–१ को (क) मा सत्ता गठबन्धनकोतर्फबाट नेपाली कांग्रेसका उम्मेदवार मेघराज खड्का विजयी हुनुभएको छ ।
पाल्पा १ प्रदेशसभा (क) मा एमालेका श्रेष्ठ विजयी
प्रदेश सभा सदस्यतर्फको पाल्पा क्षेत्र नम्बर १ (क) मा नेकपा (एमाले) का राजुप्रसाद श्रेष्ठ निर्वाचित हुनुभएको छ । श्रेष्ठ १७ हजार ६२४ मतसहित विजयी भएको निर्वाचन अधिकृतको कार्यालयले जनाएको छ ।
पर्वतमा प्रतिनिधि सभा र प्रदेशका दुवै स्थानमा एमाले विजयी
जिल्लामा प्रतिनिधि सभा र प्रदेश सभा अन्तर्गत एमाले विजयी भएको छ । एक प्रतिनिधि सभा र दुई प्रदेश सभाको अन्तिम परिणाम अनुसार तीनै स्थानमा नेकपा एमालेका उम्मेदवार विजयी हुनुभएको छ ।
सल्यान १ को (ख) मा कांग्रेसका सुरेश अधिकारी विजयी
सल्यान प्रदेश सभा क्षेत्र नम्बर १ (ख) मा नेपाली कांग्रेसका सुरेश अधिकारी तीन हजार ७९० मतान्तर विजयी हुनुभएको छ ।
ललितपुरबाट तोसिमा कार्की विजयी
ललितपुर क्षेत्र नम्बर ३ मा राष्ट्रिय स्वतन्त्र पार्टीकी उम्मेदवार डा. तोसिमा कार्की विजयी हुनुभएको छ।
सिन्धुपाल्चोक १ (ख) मा माओवादी केन्द्रका सरल विजयी
प्रतिनिधि सभा क्षेत्र नम्बर १ (ख) मा सत्ता गठबन्धनबाट नेकपा (माओवादी केन्द्र) का उम्मेदवार सरल सहयात्री पौडेल निर्वाचित हुनु भएको छ ।
प्रतिनिधि सभा–१ मा गठबन्धनका माधव विजयी
सिन्धुपाल्चोक प्रतिनिधिसभा–१ मा सत्तारुढ गठबन्धनबाट नेकपा (माओवादी केन्द्र) का माधव सापकोटा (सुबोध) विजयी हुनु भएको छ ।
मतगणना नसकिँदै कमल थापाद्वारा हार स्वीकार
मकवानपुरको प्रतिनिधि सभा क्षेत्र नम्बर १ बाट प्रतिनिधि सभा सदस्यका लागि उम्मेदवार बन्नुभएको राष्ट्रिय प्रजातन्त्र पार्टी नेपालका अध्यक्ष कमल थापाले मतगणना जारी हुँदा हार स्वीकार गर्नुभएको छ ।
सिन्धुपाल्चोक २ को (क) माओवादीका युवराज विजयी
प्रतिनिधि सभा–२ को (क) मा सत्तारुढ गठबन्धनबाट नेकपा (माओवादी केन्द्र) का युवराज दुलाल ‘शरद’ विजयी हुनु भएको छ ।
उपत्यकामा माओवादी केन्द्र शून्य
प्रतिनिधि सभा निर्वाचनमा उपत्यकाभित्र नेपाल कम्युनिस्ट पार्टी (माओवादी केन्द्र) शून्य भएको छ । प्रतिनिधि सभातर्फ काठमाडौँ जिल्लाका १० वटा निर्वाचन क्षेत्रमध्ये माओवादीबाट गठबन्धनका साझा उम्मेदवार चार जना थिए ।
स्याङ्जा १ को प्रदेशसभा (क) मा सुन्दास विजयी
स्याङ्जा क्षेत्र नं १ प्रदेश (क) मा नेकपा (एमाले) का उम्मेदवार सिता कुमारी सुन्दास विजयी हुनु भएको छ ।
चर्चित नेताको पराजय
प्रतिनिधि सभा र प्रदेश सभा सदस्य निर्वाचनमा प्रतिनिधि सभातर्फ कुल सिट सङ्ख्याको करिब २५ प्रतिशतको नतिजा आइसकेको छ। यद्यपि हालसम्मको मतपरिणाममा राष्ट्रिय राजनीतिमा विगतमा ख्याति कमाएका थुप्रै चर्चित उम्मेदवार पराजित भएका छन्।
म्याग्दी प्रदेशसभा (ख) मा माओवादीका भण्डारी विजयी
म्याग्दीको प्रदेशसभा (क) मा गठबन्धनका साझा उम्मेदवार नेकपा (माओवादी केन्द्र) का युवा नेता हरि भण्डारी विजयी हुनुभएको छ ।
लाइसेन्स आवेदन प्रभावित
सवारी चालक अनुमतिपत्र (लाइसेन्स)को नयाँ आवेदन खुला गर्न अझै एक हप्ता लाग्ने भएको छ । यातायात व्यवस्था विभागका कर्मचारी, प्रहरी र प्रदेश यातायात कार्यालयका कर्मचारीहरू निर्वाचनमा खटिएकाले विभागले नयाँ आवेदन खुला गर्न सकेको छैन । निर्वाचनको मत गणना अन्तिम चरणमा नपुग्दासम्म आवेदन खुलाउन सहज नुहने विभागले जनाएको छ ।
अव्यवस्थित पार्किङले अस्तव्यस्त काठमाडौँ
अव्यवस्थित बस पार्किङले सङ्घीय राजधानी काठमाडौँ अस्तव्यस्त र कुरूप बन्दै गएको छ। राजधानी आवतजावत गर्ने दिवा तथा रात्रि सेवाका बस जथाभावी पार्किङ गर्दा राजधानी सहर अस्तव्यस्त बन्दै गएको हो। बसहरू गोङ्गबुस्थित नयाँ बसपार्कमा मात्र पार्किङ गर्नुपर्ने प्रावधान रहे पनि विशेष गरी चक्रपथ वरिपरिका गल्ली, ग्यारेज, पेट्रोल पम्प, निजी तथा सार्वजनिक जग्गा, पेप्सीकोला, तीनकुने, पनौती, बनेपा, जोरपाटी, गौशाला, पशुपति क्षेत्रस्थित सडक किनारलगायतका ठाउँमा अव्यवस्थित रूपमा पार्किङ गर्ने गरेको पाइएको छ।
