कोशी प्रदेश सरकार र पहिचान पक्षधरबीच सहमति बनेन
कोशी प्रदेश सरकार र नामकरण खारेजीको माग राख्दै आएका आन्दोलनरत पक्षबीच भएको पहिलो वार्तामा सहमति बन्न सकेन । आज बिहानबाट प्रदेश राजधानी विराटनगरस्थित एक होटलमा भएको वार्ता करिब ५ घण्टा चले पनि निष्कर्षमा पुग्न नसकेको वार्तामा सहभागी नेताहरूको भनाइ छ ।
ताप्लेजुङमा पहिरोमा परी घाइतेको हेलिकप्टरमार्फत उद्धार
ताप्लेजुङको सिदिङ्वा गाउँपालिका –६ मेहेलेमा पहिरोमा परी घाइते भएका एक जनालाई नेपाली सेनाको हेलिकप्टरमार्फत उद्धार गरिएको छ ।
कन्काई आसपासमा सतर्कता अपनाउन आग्रह
पूर्वी नेपालको कन्काई नदी सहित आगामी तीन दिन तमोर र अरुणमा नदीको बहाव उल्लेख्य बढ्ने देखिएकाले तटीय क्षेत्रका बासिन्दालाई सचेत हुन आग्रह गरिएको छ ।
ई–रिक्सा व्यवस्थापन गर्न दर्ता प्रक्रिया सुरु
धरान उपमहानगरपालिकाले मंगलबारदेखि तीन पाङ्ग्रे ई–रिक्सा (सिटी सफारी) दर्ता प्रक्रिया गर्नेभएको छ । अव्यवस्थित रूपमा रहेको ई–रिक्सा सवारी कार्यविधिअनुसार मात्र ई–रिक्सा दर्ता गरी चलाउन पाइनेभएको छ ।
लौकहीमा लालपुर्जा वितरण
सुनसरीको कोशी गाउँपालिकाले लौकहीमा स्थानीयहरूलाई जग्गाधनी प्रमाण पत्र लालपुर्जा वितरण गरेको छ । कोशी गाउँपालिका वडा नम्बर १ लौकहीका स्थानीयहरूलाई लालपुर्जा वितरण गरेको अध्यक्ष ऐयुब अन्सारीले जानकारी दिनुभयो ।
बाढीले सवाखोला लोहाकोट बिजुवापानी आयोजना बगायो
बाढीका कारण सवाखोला लोहाकोट बिजुवापानी सामुदायिक लिफ्ट आयोजनामा क्षति पुगेको छ । खानेपानी तथा सरसफाइ डिभिजन कार्यालयअन्तर्गत कूल अनुमानित रु एघार करोड ११ लाख आठ हजार नौ सय २७को लागतमा निर्माण भइरहेको यो आयोजनामा बढीले क्षति पुर्याएको हो ।
प्रधानमन्त्री नेतृत्वको टोलीद्वारा बाढी प्रभावित क्षेत्रको अनुगमन हुने
प्रधानमन्त्री पुष्पकमल दाहाल ‘प्रचण्ड’ नेतृत्वको टोलीले बाढी प्रभावित क्षेत्रहरूको अनुगमन गर्नुहुने भएको छ । प्रधानमन्त्री प्रचण्ड नेतृत्वको टोलीले सङ्खुवासभा र ताप्लेजुङको बाढी प्रभावित क्षेत्रको सोमबार अनुगमन गर्न लाग्नुभएको हो ।
अर्थमन्त्री डा. महतद्वारा आन्तरिक राजश्व कार्यालय विराटनगरको निरीक्षण
अर्थमन्त्री डा. प्रकाशशरण महतले विराटनगरस्थित आन्तरिक राजस्व कार्यालयको निरीक्षण गर्नुभएको छ । सोमबार बिहान निरीक्षणका क्रममा मन्त्री डा. महतले राजश्व उठाउने काममा जिम्मेवार र कर्तव्यनिष्ठ भएर लाग्न निर्देशन दिनुभएको छ ।
पहिरोमा फसेकाको हेलिकोप्टरमार्फत उद्धार
अविरल वर्षाका कारण खोलामा आएको बाढीपहिरो जोखिमका कारण जिल्लाको याङवरक–१ फेदिमा फसेका १२ जनाको नेपाली सेनाको हेलिकोप्टरमार्फत उद्धार गरिएको छ ।
बेपत्ता मध्ये १९ जना अझै भेटिएन
जिल्लाको हेँवा खोलामा शनिबार राती आएको बाढीले बगाउँदा १ जनाको मृत्यु भएको छ भने १९ जना बेपत्ता भएका छन् ।
कोशी प्रदेश सरकार र पहिचान पक्षधरबीच वार्ता सुरु
कोशी प्रदेश नामकरण खारेजीको माग राख्दै आन्दोलनमा सहभागी पहिचान पक्षधर समूह र कोशी प्रदेश सरकारबिच वार्ता सुरु भएको छ ।
पहिरोमा परी बाबु छोराको मृत्यु
ताप्लेजुङको सिदिङ्वा गाउँपालिका–६ मेहेलेमा पहिरोमा परी एकै परिवारका बाबु छोराको मृत्यु भएको छ ।
ताप्लेजुङको मेहेलेमा पहिरोमा परी एक बेपत्ता, दुई घाइते
पहिरोमा परी स्थानीय राजकुमार राई र सुरेश राई घाइते भएको स्थानीय शिक्षक कमल कडरियलाले जानकारी दिनुभयो । उहाँका अनुसार सुरेशका बाबु केशरबहादुर राई सम्पर्कमा नरहेको बताइएको छ ।
मैवाखोला बाढीपहिरो : उद्धारमा सास्ती
कोशी प्रदेशमा बाढी पहिरोबाट ज्यान गुमाएका परिवारलाई तत्काल रु एक लाख राहत उपलब्ध गराउने भएको छ । आइतबार साँझ बसेको कोशी प्रदेश विपद् व्यवस्थापन सममितिले बाढीपहिरोबाट ज्यान गुएमाएको परिवारलाई रु एक लाख दिन नियर्ण गरेको हो ।
चार सडक कालोपत्रे गरिँदै
धनकुटाका चार वटा सडक एकै साथ कालोपत्रे भइरहेका छन्। यसरी यति धेरै सडक कालोपत्रे भएको धनकुटामा यो पहिलो हो। कोशी प्रदेशकै ठुलो आयोजना भनिएको तमोर कोरिडोर अन्तर्गत धनकुटाको मूलघाटदेखि पाँचथरसम्मको विभिन्न सडकखण्ड कालोपत्रे भइरहेका छन्। कुल ११२ किलोमिटर लम्बाइ रहेको यो सडकले कोशी प्रदेशका पहाडी जिल्लाहरू धनकुटा, तेह्रथुम, ताप्लेजुङ र पाँचथरको यात्रालाई अत्यन्तै छोटो बनाएको छ।
पहिरोबाट उद्वार गरिएकी बालिकाको मृत्यु
पाँचथरको फालेलुङमा पहिरोले घर पुर्दा घाइते हुनुभएकी पाँचथर फालेलुङ ३ की जुना सावदेनको मृत्यु भएको छ।
बाढी र पहिरोको जोखिममा दर्जनौँ बस्ती
ताप्लेजुङमा दर्जनौ बस्ती बाढी र पहिरोको जोखिममा परेका छन्। निरन्तरको वर्षासँगै विभिन्न क्षेत्रमा पहिरो र खोला नदीमा बाढी जान थालेपछि बस्ती जोखिममा परेका हुन्।
बाढीले बगाएको पाँचथरको हेवा खोलामा बेलिब्रिज राखिने
काठमाडौं, असार ३ गते। मेची राजमार्गको हेवाखोलामा बेलिब्रिज राखिने भएको छ। गए रातिदेखिको अविरल वर्षा र बाढीले आइतबार बिहान पाँचथरको फिदिम नगरपालिका र हिलिहाङ गाउँपालिका जोड्ने पुल बगाएपछि उपप्रधानमन्त्री एवम् गृहमन्त्री नारायणकाजी श्रेष्ठको पहलमा त्यहाँ बेलिब्रिज पठाउन लागिएको हो।प्राधिकरणका कार्यकारी प्रमुख अनिल पोखरेलले खोज तथा उद्धारका लागि सम्बन्धित निकायको जिम्मेवारी तथा उपकरणको विवरण तय भइसकेको र बेलिब्रिज पठाउन लागिएको जानकारी दिनुभयो। हेवा खोलामा सडक विभागको इटहरीस्थित कार्यालयबाट बेलिब्रिज पठाउन लागिएको गृहमन्त्रालयले जनाएको छ। विभागका महानिर्देशक सुशीलबाबु ढकालले प्राविधिक टोलीसहित आइतबार बेलिबिज्र पठाउने तयारी भइरहेको जानकारी दिनुभयो। बाढीले पुल बगाएपछि मेची राजमार्गको पाँचथर–तापलेजुङ सडकखण्ड पूर्णरूपमा अवरुद्ध छ।
बाढी र पहिरोले ताप्लेजुङका सडक अवरुद्ध
ताप्लेजुङका अधिकांश सडक सञ्जाल अवरुद्ध भएका छन्। निरन्तरको वर्षासँगै ठाउँ–ठाउँमा गएको बाढीपहिरोले सडक र मोटरेवल पुलमा क्षति पुर् याएपछि सडक अर्थात यातायात अवरुद्ध बनेका हुन्।
बोक्सेस्थित सदरमुकाम क्षेत्रको सडक कालोपत्रे
सडक चौडा बनाएर कालोपत्रे गरिएपछि उदयपुरको सदरमुकाम गाईघाटस्थित बोक्से क्षेत्रको मुहार फेरिएको छ ।
हाइसको ठक्करबाट एकको मृत्यु
झापाको कनकाई नगरपालिका –३ सुरुङ्गास्थित पूर्व–पश्चिम राजमार्गमा आइतवार बिहान हाइसको ठक्करबाट स्कुटर चालकको मृत्यु भएको छ ।
बाढीपहिरोले यातायात अवरुद्ध, उद्धारमा कठिनाइ
निरन्तरको वर्षासँगै विभिन्न क्षेत्रमा बाढीपहिरोले सडक अवरुद्ध भएपछि ताप्लेजुङको आन्तरिक तथा बाह्य यातायात अवरुद्ध भएको छ । जिल्लाका अधिकांश ग्रामीण सडक बाढीपहिरोले क्षतिग्रस्त भएका छन् ।
लेखक तथा निर्देशक सुब्बा सम्मानित
याक्थुङ उत्सव तथा ऐतिहासिक राष्ट्रिय महाधिवेशनमा याक्थुङ चलचित्रकर्मी सङ्घ केन्द्रीय समितिद्वारा जारी फिल्मका लेखक तथा निर्देशक उपेन्द्र सुब्बा सम्मानित हुनुभएको छ ।
सङ्खुवासभा अपडेट : दुई जनाको उद्धार, १५ अझै बेपत्ता
सङ्खुवासभाको हवाखोेलामा गएराति आएको बाढीले बगाएर बेपत्ता भएका दुई जना मजदुरको उद्धार भएको छ । अविलर वर्षासँगै गएराति आएको बाढीले सुपर हेवाखोला हाईड्रोपावरमा काम गर्ने १७ जना मजदुर बेपत्ता भएका थिए ।
पहिरोमा पुरिएर बेपत्ता एकको शव फेला
ताप्लेजुङमा पहिरोले पुरिएर बेपत्ता भएका एक जनाको शव फेला परेको छ । शनिबार राति सिदिङ्वा गाउँपालिका –६ मेहेलेमा गएको पहिरोमा पुरिएर बेपत्ता भएका चारमध्ये एक जनाको शव फेला परेको हो ।
