स्वास्थ्य केन्द्र अस्पतालमा स्तरोन्नति
प्राथमिक स्वास्थ्य केन्द्र सालकोटलाई अस्पतालका रूपमा स्तरोन्नति गरिने भएको छ । पञ्चपुरी नगरपालिका–२ स्थित उक्त स्वास्थ्य केन्द्रमा शय्या थपेर स्तरोन्नति गर्न लागिएको हो । सङ्घीय सरकारको लगानीमा १५ शय्याको अस्पताललाई प्रदेश सरकारको लगानीमा ५० शय्याको अस्पताल निर्माणको प्रक्रिया थालिएको हो । ५० शय्या थप्नेसँगै स्तरवृद्धि गर्ने काम अन्तिम चरणमा पुगेको छ ।
उनन्तिस हजार भूकम्प प्रभावितले बुझे पहिलो किस्ताको रकम
रुकुमपश्चिमका भूकम्प प्रभावितको खातामा अस्थायी आवास निर्माणका लागि हालसम्म ७२ करोड ८३ लाख २५ हजार रुपियाँ जम्मा गरिएको छ । २९ हजार १३३ जना लाभग्राहीको खातामा पहिलो किस्ताबापतको अनुदान रकम जम्मा गरिएको जिल्ला प्रशासन कार्यालयले जनाएको छ । कार्यालयका अनुसार हालसम्म जिल्लामा ३१ हजार ६२० जना लाभग्राहीको पहिचान भएको छ । सहायक प्रमुख जिल्ला अधिकारी प्रवेश बढुवालले लाभग्राही कायम भएका सबैको लागि सम्बन्धित स्थानीय तहको विपत् व्यवस्थापन कोषमा जिल्ला विपत् व्यवस्थापन समितिबाट रकम निकासा पठाइसकिएको बताउनुभयो ।
अबरुद्ध हवाइ सेवा सुचारु
दुई दिनदेखि अबरुद्ध हुँदैआएको हुम्ला जिल्लाको हवाइ सेवा सुचारु भएको छ । शनिबार सिमकोट क्षेत्रमा हावा लाग्न रोकिएपछि हवाइसेवा सुचारु भएको हो ।
स्वास्थ्य क्षेत्रमा जनशक्तिको चरम अभाव
कर्णालीमा १४५ स्थायी चिकित्सकको दरबन्दी रिक्त छ । प्रदेशभर १७५ स्थायी दरबन्दी रहेकोमा ३० जना मात्र कार्यरत छन् । अन्य दरबन्दीमा स्थायी पदपूर्ति हुन सकेको छैन ।
करोडौँ रकम हिनामिना गरी बैङ्कका कर्मचारी फरार
रुकुमपश्चिमको आठविसकोट नगरपालिकाको केन्द्र राडी बजारमा रहेको प्रभु बैङ्कका एक कर्मचारीले ग्राहकको रकम हिनामिना गरी फरार भएका छन् ।
प्रदेश प्रमुख परियारद्वारा ल्होछारको शुभकामना
कर्णाली प्रदेश प्रमुख तिलक परियारले तामाङ समुदायको महत्वपूर्ण पर्व सोनाम ल्होछारका अवसरमा शुभकामना व्यक्त गर्नुभएको छ ।
भूकम्प प्रभावित क्षेत्रका बालबालिकामा कुपोषणको समस्या
भूकम्प प्रभावित जिल्ला रुकुमपश्चिमका बालबालिकामा कुपोषण देखापरेको छ । जिल्लाको आठविसकोट नगरपालिका र सानीभेरी गाउँपालिकामा गरिएको पोषण अवस्थाको लेखाजोखाको क्रममा बालबालिकाहरूमा कुपोषण देखिएको हो ।
आन्तरिक राजस्व दर वृद्धि गर्दै सिमकोट
सिमकोट गाउँपालिकाले आन्तरिक राजस्व असुली दर वृद्धि गरेको छ । गाउँपालिकाले करको दायरा विस्तार गरेसँगै त्यसलाई कार्यान्वयनमा ल्याउँदा आन्तरिक राजस्व असुलीमा वृद्धि भएको हो ।
सडक विस्तारका लागि ५२ घर भत्काइने
सडक विस्तारका लागि सार्वजनिक बाटो तथा जग्गा मिचेर बनाइएका जिल्ला सदरमुकाम खलङ्गा भित्रका ५२ घरका संरचना भत्काउने सर्वपक्षीय बैठकले निर्णय गरेको छ ।
परिवार खोज्दै जिम्मा लगाइँदै
सडकबाट बेवारिस अवस्थामा एक महिनाअघि उठाएर ल्याइएका दैलेख जिल्ला चामुण्डा विन्द्रासैनी नगरपालिका–५ का भीमबहादुर रावतलाई परिवारसँग पुनर्मिलन गराइएको छ । रावतलाई पुस २१ गते सुर्खेतस्थित मानव सेवा आश्रममा ल्याइएको थियो । आश्रममा उपचार र मनोपरामर्शपछि रावतलाई बिहीबार परिवारसँग पुनर्मिलन गराइएको हो ।
बाली सुक्न थालेपछि कृषक चिन्तामा
यसपालि पर्याप्त पानी नपर्दा खडेरीले भोकमरी निम्तिने चिन्तामा किसान रहेका छन् । कालीकोट सुक्खा क्षेत्र पलाँता, पचालझरना गाउँपालिकामा बसोबास गर्ने नागरिक अहिलेसम्म पानी नपरेका कारणले भोकमरी हुने चिन्ताले निराश हुन थालेका हुन् । लामो समय पानी नपर्दा हिमाली तथा पहाडी जिल्लामा मुख्य खाद्य बाली गहुँ र जौ उम्रिन सकेनन् ।
सेवाग्राहीलाई आयोडिनयुक्त नुन वितरण
दक्षिणी क्षेत्रको ताँजाकोट गाउँपालिकाका स्वास्थ्य शाखाले स्थानीय सेवाग्राहीलाई आयेडिनयुक्त नुन निःशुल्क वितरण गरेको छ । आयोडिनयुक्त नुनको सही रुपमा प्रयोग गर्न र यसका फाइदाबारे जानकारी गराउँदै सहभागीलाई एक– एक पोका नुन प्रदान गरिएको हो ।
हावाहुरीले दुई दिनयता हुम्लाको हवाई सेवा अवरुद्ध
दुई दिनदेखि लगातार लागेको हावाहुरीले हिमाली जिल्ला हुम्लाको हवाई सेवा अवरुद्ध भएको छ।
पाँच पुस्तादेखि सगोलमा
जाजरकोटको बारेकोट गाउँपालिका –१ साविकको रामीडाडाँ गाउँविकास समिति वडा २ को बोहोरा परिवार पाँच पुस्तादेखि सगोलमा बस्दै आएको भेटिएको छ ।
वीरेन्द्रनगरको नगर अस्पताल अपाङ्गतामैत्री
वीरेन्द्र नगरस्थित नगर अस्पताललाई पूर्ण अपाङ्गतामैत्री बनाइएको छ
पाँच सडकको एकै पटक स्तरोन्नति
जाजरकोटको बारेकोट गाउँपालिकाका पाँच वटा ग्रामीण सडक एकै पटक स्तरोन्नति गर्न थालिएको छ । करिब तीन वर्षअघि गाउँपालिकाले ट्र्याक खोलेका ती पाँच वटा सडकको स्तरोन्नति गर्न थालिएको हो । जस अनुसार ती सडकमा कुलो मर्मत, तटबन्धन, घेराबारको काम सुरु भएको छ ।
निर्देशनालय खारेजीले शैक्षिक क्षेत्रमा अन्योल
कर्णाली प्रदेश सरकारले शिक्षा विकास निर्देशनालय खारेज गरेपछि निर्देशनालय अन्तर्गतका योजना कार्यान्वयनमा अन्योल उत्पन्न भएको छ । सरकारले निर्देशनालय खारेज गर्दै कर्णाली प्रदेश निजामती सेवा नियमावलीबाटै हटाएको छ । उक्त नियमावली प्रदेश राजपत्रमा प्रकाशित भइसकेको छ ।
दुई दर्जन बढी सरकारी कार्यालय प्रमुख विहीन
हुम्लामा दुई दर्जन बढी सरकारी कार्यालयहरू कार्यालय प्रमुख विहीन भएको पाइएको छ । लामो समयदेखि कार्यालयहरू प्रमुख विहीन भएपछि सेवाग्राहीले सास्ती भोग्नु परेको छ ।
एक लाख बढी बाख्रालाई खोप
कर्णाली प्रदेश सरकार भूमि व्यवस्था कृषि तथा सहकारी मन्त्रालय अन्तर्गत पशु अस्पताल तथा पशु सेवा कार्यालय दैलेखले राष्ट्रिय खोप अभियान थालेको छ । सो अभियान अन्तर्गत एक लाख बढी बाख्रालाई खोप लगाइएको छ ।
-original-thumb.jpg)
समुदायसँग स्वास्थ्य सवाल कार्यक्रम
गाउँपालिका स्वास्थ्य शाखाको आयोजनामा समुदायसँग स्वास्थ्य सवाल कार्यक्रम सञ्चालन गरिएको छ । प्रभावकारी स्वास्थ्य सेवा प्रदान गर्नका लागि समुदायको भूमिका पनि महत्त्वपूर्ण हुने भएको कारण कार्यक्रम सञ्चालन गरिएको हो ।
तातोपानीद्वारा हिउँदे गाउँसभाबाट आठ विधेयक पारित
जुम्लाको तातोपानी गाउँपालिकाले चौधौँ हिउँदे गाउँसभाबाट आठ वटा विधेयक पारित गरेको छ । आज भएको हिउँदे गाउँसभाले कार्यालयको काम, कारबाहीलाई थप व्यवस्थित र प्रभावकारी बनाउन विभिन्न आठ वटा ऐन, नियमावली, कार्यविधि र मापदण्ड निर्माण गरी पारित गरेको हो ।
जस्तापाताले फेरियो गाउँको स्वरूप
जिल्लाकै दुर्गम गाउँमा पर्ने नेप्का गाउँका घरको स्वरूप नै फेरिएको छ । त्यहाँका माटाका छाना विस्थापित भएका छन् । स्थानीयको आम्दानीको मुख्य स्रोतका रूपमा रहेको जडीबुटीको कारण दुर्गमको नेप्का गाउँको स्वरूप नै फेरिएको हो । चङ्खेली गाउँपालिका–५ को नेप्का गाउँकी स्थानीय जानकी तामाङले सिङ्गो गाउँमा रहेका पुस्तौँ पुराना माटाको छाना विस्थापित भएको बताउनुभयो । उहाँले जडीबुटीका कारण स्थानीयको आम्दानीको स्रोतमा वृद्धि भएपछि सबैले आफ्ना घरको माटाका छाना हटाएर जस्तापाता छाएको जानकारी दिनुभयो ।
भेरी कोरिडोरमा बजेट अभाव
निर्माणाधीन भेरी कोरिडोर अन्तर्गतका सडक निर्माणका लागि बजेट अभाव भएको छ । चालु आर्थिक वर्षमा पर्याप्त बजेट विनियोजन नहुँदा काम अघि बढाउन समस्या भएको हो । कोरिडोर अन्तर्गतका विभिन्न खण्डमा सडक स्तरोन्नतिका काम भइरहेका छन् । दु्रत गतिमा काम अगाडि बढिरहेको भए पनि छिन्चु–जाजरकोट सडक स्तरोन्नतिका लागि बजेट अभाव भएको हो ।
गोठी गाउँ जोडियो राष्ट्रिय सडक सञ्जालसँग
सर्केगार्ड गाउँपालिका– ५ को गोठी गाउँमा पहिलो पटक गाडी पुगेपछि स्थानीयले खुसीयाली मनाउनु भएको छ । गाउँका स्थानीयको वर्षौँदेखि गाडी गुडाउने सपना यति बेला आएर पुरा भएपछि बाजाघाझा सहित खुसीयाली मनाउन कार्य भएको हो ।
हत्या आरोपमा श्रीमान पक्राउ
कालीकोटको पलाँता गाउँपालिका –८ का एक पुरुष श्रीमतीको हत्या आरोपमा पक्राउ परेका छन् । श्रीमतीको निधन भएको भनिएको सात दिनपछि उनी पक्राउ परेका हुन् ।
