स्नातक प्रथम वर्षमा अध्ययन गर्ने विद्यार्थीलाई निःशुल्क भर्ना
गुल्मीको रेसुङ्गा नगरपालिकाले स्नातक तह प्रथम वर्षमा अध्ययन गर्ने विद्यार्थीलाई निःशुल्क भर्ना गरिदिने भएको छ । यस जिल्लाको रेसुङ्गा बहुमुखी क्याम्पसमा अध्ययन गर्ने विद्यार्थीलाई रेसुङ्गा नगरपालिकाले निःशुल्क भर्ना गरिदिने भएको नगरप्रमुख खिलध्वज पन्थीले जानकारी दिनुभयो ।
खानेपानी परीक्षण प्रयोगशाला सञ्चालनमा
स्थानीय नागरिकलाई शुद्ध पानी पुर्याउने उद्धे श्यले गुल्मीको कालीगण्डकी गाउँपालिकाले खानेपानी परीक्षण प्रयोगशाला सञ्चालनमा ल्याएको छ ।
अर्चलेमा ‘महिनाको एक दिन श्रमदान’ अभियान
सामुदायिक कामका लागि श्रम संस्कृति हराउँदै जान थालेपछि निस्दी गाउँपालिका ६ नं. वडा कार्यालय अर्चलेले अभियान सुरु गरेको हो ।
विद्यालयमा कोरियन भाषाको पढाइ
दाङको घोराही उपमहानगरपालिका–१० मा रहेको सिद्धरत्ननाथ माध्यमिक विद्यालय नारायणपुरमा कक्षा ११ मा अध्ययनरत दिवस केसी व्यवस्थापन सङ्कायसँगै कोरियन भाषा अध्ययन गर्न थाल्नुभएको छ । विद्यालयले व्यवस्थापन सङ्काय अन्तर्गत अध्ययनरत विद्यार्थीका लागि ऐच्छिक विषयका रूपमा कोरियन भाषा राखेपछि अन्य विद्यार्थीसँगै आफूले पनि पढ्न थालेको बताउनुहुन्छ ।
-original-thumb.jpg)
सम्बन्धविच्छेदका मुद्दा बढ्दै
गुल्मी जिल्ला अदालतमा गत आर्थिक वर्षमा ६५ जना पुरुषले सम्बन्धविच्छेद गरिपाऊँ भनी मुद्दा दर्ता गराएका छन् । जसमध्ये ४३ मुद्दा फर्स्योट भएको र २२ वटा मुद्दा फर्स्योट गर्न बाँकी रहेको अदालतका सूचना अधिकारी कमल पन्थीले जानकारी दिनुभयो । पन्थीका अनुसार गत आवमा अदालतमा ३८३ सम्बन्धविच्छेदका मुद्दा दर्ता भएकोमा ३१० मुद्दा फस्र्योट भएको र ७३ मुद्दा फस्र्योट गर्न बाँकी रहेका छन् । पुरुषवादी पक्ष भएका ६५ मध्ये ४३ र महिलावादी पक्ष भएका ३१८ मध्ये २६७ मुद्दा फस्र्योट भएका छन् ।
-original-thumb.jpg)
न्यून गुणस्तरको दुध बिक्रीमा कडाइ
सरकारले तोकेको गुणस्तर मापदण्डविपरीत बजारमा दुध बिक्री हुने गरेको पाइएपछि बुटवल उपमहानगरपालिकाले अनुगमन गर्दै गुणस्तरहीन दुध बिक्रीमा कडाइ गरेको छ । गत साता मात्रै बुटवल बजारमा गुणस्तर मापदण्डभन्दा विपरीत दुध बिक्री भइरहेको सार्वजनिक भएको थियो । बुटवल उपमहानगरले गरेको अनुगमनमा व्यवसायीले दुधमा अत्यधिक मात्रामा पानी मिसाएर बेच्ने गरेको पाइएको हो ।
नेपालगन्ज नाकाबाट तीन देशमा दुई अर्ब ४१ करोडको निर्यात
पश्चिम नेपालको प्रमुख व्यापारिक नाका नेपालगन्ज नाकाबाट गत आर्थिक वर्षमा विभिन्न तीन वटा देशमा दुई अर्ब ४१ करोड बढीको विभिन्न सामान निर्यात भएको छ ।
न्यून गुणस्तरको दुध बिक्री भएपछि कडाइ
सरकारले तोकेको गुणस्तर मापदण्ड विपरीत बजारमा दुध बिक्री हुने गरेको पाइएपछि बुटवल उपमहानगरपालिकाले कडाइ गरेको छ ।
ट्रंकलाइन समस्याका लागि आयोग बनाउन माग
रुपन्देहीका उद्योगीहरूले यहाँको डेडिकेटेड र ट्रंकलाइनको समस्या अन्यत्रभन्दा फरक रहेको भन्दै छानबिनका लागि छुट्टै आयोग बनाउन माग गरेका छन् ।
खजुरा क्यान्सर अस्पतालमा सिटी स्क्यान र मेमोग्राफी उपकरण बन्द
बाँकेको खजुरास्थित सुशील कोइराला क्यान्सर अस्पतालमा सिटी स्क्यान, मेमोग्राफी जस्ता अत्यावश्यक उपकरण चार महिनादेखि बन्द हुँदा बिरामीलाई समस्या भएको छ ।
भेरीमा सर्वसाधारणका लागि अनलाइन टिकेट सेवा सुरु
नेपालगन्जस्थित भेरी अस्पतालले सेवाग्राहीहरुका लागि पहिलोपटक अनलाइनबाटै टिकट काट्न पाउने व्यवस्था गरेको छ । अस्पतालले शुक्रबारबाट सेवाग्राहीहरुले घरबाटै अनलाइनमाध्यमबाट आफ्नो टिकट काट्ने ‘अनलाइन टिकेट सेवा’को सुरुआत गरको हो ।
व्यवस्थापन प्रणालीले वनमा नयाँ आयाम
वन व्यवस्थापन प्रणालीले नयाँ आयाम थपेको सामुदायिक वन उपभोक्ताहरूले बताएका छन् ।कपिलवस्तुको बुद्धभूमि नगरपालिका–२ गोरुसिङ्गेमा सामुदायिक वन दिवसको अवसरमा आयोजित कार्यक्रममा वन व्यवस्थापनमा वैज्ञानिक प्रणाली अपनाउँदा पुनरुत्पादन र जैविक विविधतामा सकारात्मक परिवर्तन भएको चर्चा गर्नुभयो ।
झुला खेल्दै ‘गुडिया’ को रमझम
बाँके, बर्दियालगायत तराई जिल्लामा बसोबास गर्ने अवधी समुदायले नागपञ्चमीलाई ‘गुडिया’ पर्वका रूपमा धुमधामसाथ मनाएका छन् । राकेशकुमार मिश्राका अनुसार यो पर्वलाई अवधी समुदायको मुख्य पर्वका रूपमा लिइन्छ । ‘गुडिया’ पर्वको दिन सो समुदायले घरपरिवार, आफन्त, टोलछिमेक सबै मिलेर विशेष धुमधामसाथ मनाउने गरेका छन् ।
नेपाली काँग्रेसलाई सुदृढ र बलियो बनाउनुपर्छ : मन्त्री पौडेल
स्वास्थ्य तथा जनसंख्या मन्त्री प्रदिप पौडेलले नेपाली काँग्रेसलाई आगामी निर्वाचनमा एक्लै प्रतिस्पर्धा गर्ने गरी सुदृढ र बलियो बनाउनु पर्नेमा जोड दिनुभएको छ ।
‘नागरिकलाई सहज स्वास्थ्य सेवा दिनु सरकारको पहिलो प्राथमिकता’
स्वास्थ्य तथा जनसङ्ख्यामन्त्री प्रदीप पौडेलले नागरिकलाई सहजरुपमा स्वास्थ्य सेवा प्रवाह गर्नु सरकारको पहिलो प्राथमिकता भएको बताउनुभएको छ ।
चिट चोराउने दुई पक्राउ
माध्यमिक शिक्षा परीक्षा (एसइई) को ग्रेड वृद्धि परीक्षामा बाँकेको कोहलपुर नगरपालिकामा चिट चोराउन खोज्ने दुई जना शुक्रवार पक्राउ परेका छन् ।
वन रक्षकहरु सर्प उद्धारमा
डिभिजन वन कार्यालय बाँकेको सशस्त्र वन सुरक्षा शाखामा आठ जना सशस्त्र वन रक्षक छन् । उहाँहरु दैनिकरुपमा वन जङ्गलको गस्ती तथा सुरक्षाका साथै वन्यजन्तुको उद्धार र सुरक्षामा तैनाथ रहने गर्नुभएको छ ।
पर्यटकलाई लोभ्याउँदै नानापुर
बाँकेको डुडुवा गाउँपालिका–५ कम्दीस्थित नानापुर क्षेत्र पर्यटकको रोजाइमा पर्दै गएको छ । नेपालगञ्जबाट नजिकै रहेको प्राकृतिक वातावरण, सिद्धिविनायक लायन्स उद्यान र नानापुर घरबास (होमस्टे)ले पर्यटकलाई लोभ्याउने गरेको छ ।
-original-thumb.jpg)
बस्ती जोगाइदिन सरकारसँग माग
राप्ती नदीको डुबान तथा बाढी प्रभावितहरूले बस्ती जोगाइदिन सरकारसँग माग गरेका छन् । बाँकेको राप्तीसोनारी गाउँपालिका–७, खल्ला झगडिया र सोवरिपरिको गाउँबस्ती डुबान र बाढीको उच्च जोखिममा छन् । खल्ला झगडियामा तटबन्ध निर्माण गरी सो क्षेत्रका गाउँबस्ती जोगाइदिन माग गर्दै स्थानीयले नदीले कटान गरिरहेको स्थानमै बसेर सरकारको ध्यानाकर्षण गराएका छन् । स्थानीय अरुण यादवले वर्षा सुरु भएकाले नदीले कटान तीव्र पारेको हुँदा गाउँबस्ती अति नै जोखिममा परेको बताउनुभयो । सो अवस्थाका बारेमा सरकारलाई ध्यानाकर्षण गराउँदा पनि सुनुवाइ नभएको गुनासो उहाँको छ ।
वडाध्यक्ष नै वैदेशिक रोजगारीमा
दाङको राप्ती गाउँपालिका–८ का वडाध्यक्ष चन्द्रबहादुर गुरुङ रोजगारीका लागि विदेश पलायन हुनुभएको छ । विसं २०७९ को स्थानीय तह निर्वाचनमा वडाध्यक्षमा निर्वाचित गुरुङ साउन २० गते रोजगारीका लागि विदेश जानुभएको हो । निर्वाचनअघि गुरुङ सोही वडामा कार्यालय सहयोगीका रूपमा कार्यरत हुनुहुन्थ्यो । कार्यालय सहयोगी भएर काम गर्दा मतदाताको मन जितेर उहाँ वडाध्यक्षमा निर्वाचित हुनुभएको थियो ।
चौध हजार हेक्टर वन क्षेत्र अतिक्रमण
अतिक्रमण बढ्दै जाँदा लुम्बिनी प्रदेशको वन क्षेत्र घट्दै गएको छ । प्रदेशका १२ जिल्लाको तुलनामा सबैभन्दा बढी अतिक्रमण रुपन्देही जिल्लामा भएको देखिन्छ । प्राकृतिक सम्पदाको संरक्षण गर्ने जिम्मा पाएकाबाटै वनजङ्गल अतिक्रमणमा पर्दै गएको वन निर्देशनालयका उपसचिव यज्ञमूर्ति खनालको भनाइ छ ।
२४ लाख रुपियाँसहित विमानस्थलबाट पाँच भारतीय पक्राउ
बाँके प्रहरीले स्रोत नखुलेको २४ लाख रुपियाँसहित पाँच जना भारतीय नागरिकलाई पक्राउ गरेको जनाएको छ ।
बालबालिकामा कुपोषणको समस्या बढ्दो
पश्चिम नेपालको सबैभन्दा सुगम मानिने जिल्ला बाँकेका बालबालिकामा नै कुपोषणको समस्या बढ्दै गएको छ । बर्सेनि कुपोषणबाट बालबालिकालाई जोगाउन ठुलो धनराशि खर्च गरिए पनि कुपोषण दर भने घट्न सकेको छैन ।
नागपञ्चमीमा दुई पालिकामा बिदा
नागपञ्चमी पर्वको अवसरमा कपिलवस्तुका दुई पालिकाले स्थानीय बिदा दिने भएकाे छ ।
रेसुङ्गामा १३ करोडभन्दा बढी सामाजिक सुरक्षा भत्ता वितरण
यस नगरपालिकाले गत आर्थिक वर्ष २०८० र ०८१ मा तीन हजार ७९७ जनालाई तेह्र करोड ९९ लाख २३ हजार ५९५ रुपियाँ सामाजिक सुरक्षा भत्ता वितरण गरेको तथ्याङ्क सार्वजनिक गरेको हो ।
