६२ करोडभन्दा बढी राजस्व असुली
आर्थिक वर्ष २०८०।०८१ मा करदाता सेवा कार्यालय तौलिहवाद्वारा लक्ष्यको ८६ दशमलव ५० प्रतिशत राजस्व असुली गरेको छ ।
नेपालगञ्ज-गुलरिया सडक पेडारीमा पक्की पुल बन्ने अनिश्चित
नेपालगञ्ज–गुलरिया सडक खण्ड अन्तर्गत बाँकेको खजुरा गाउँपालिका ३ खजुरा बजारस्थित पेडारी नालामा निर्माण गर्ने भनिएको चारलेनको कल्भर्ट निर्माणको काम अझै अनिश्चित छ ।
जीवनभर राप्ती नदीको डर
बाँकेको राप्ती सोनारी–७ फत्तेपुरको पिप्रहवा गाउँ निवासी दुर्गाप्रसाद पाण्डेको उमेर अहिले ६० वर्ष कटिसकेको छ । उहाँ जान्ने भएदेखि अहिलेसम्म राप्ती नदीको बाढी गाउँमा पसेर डुबाउने चिन्ताले छोडेको छैन ।
सुन्दरताले भरिभराउ कमलदह (फोटो फिचर)
पर्यापर्यटनको आकर्षक केन्द्रको रूपमा परिचित रुकुमपूर्व सिस्ने गाउँपालिका–५ रुकुमकोटमा अवस्थित कमल दहमा कमल फूल्नथालेको छ । कमलदहमा रहेको कमल फूल फूल्नथाले पछि यहाँको सुन्दरताले भरिभराउ भएको छ ।
बड्कापथ सिँचाइ आयोजना, साढे आठ किमी नहर निर्माण
दाङको गढवा गाउँपालिका–४ निवासी प्रेमलाल चौधरीले यस वर्ष पनि रोपाइँ गर्न आकासे पानी नै पर्खनु प¥यो । कुलोमा पानी नआउँदा उहाँले आकासे पानीकै भर पर्नु परेको हो । चौधरीले भन्नुभयो, “राप्तीको पानीले सिँचाइ गरौँला भनेर पर्खिएको १२ वर्ष भइसक्यो । अझै पानी चलेको छैन । वर्षामा त खेती गर्न आकासे पानी पर्खनु पर्छ । हिउँदमा हाम्रो अवस्था के होला ?”
-original-thumb.jpg)
रेसुङ्गा पोखरीमा स्नान र यज्ञशालामा दर्शन गर्नेको घुइँचो
धार्मिक तथा पर्यटकीय स्थल रेसुङ्गा पोखरीमा स्नान गर्ने र यज्ञशालाको दर्शन गर्नेको घुइँचो लागेको छ । साउनको चौथो सोमबार पोखरीमा स्नान गर्नुका साथै यज्ञशालामा दर्शन गर्नेको घुइँचो लागेको हो । पोखरीमा स्नान गर्नाले मनले चिताएको पूरा हुने र अन्जानमा गरेका पाप नष्ट हुने धार्मिक विश्वास रहँदै आएको छ ।
रुपन्देहीमा किसान कार्ड लागु गरिँदै
रुपन्देहीका पालिकाले किसान कार्ड लागु गर्ने भएका छन् । १६ स्थानीय तह रहेको रुपन्देहीमा यसअघि शुद्धोधन र सियारी गाउँपालिकाले किसान कार्ड लागु गरिसकेका छन् भने अब बाँकी १४ वटै पालिकाले किसान कार्ड लागु गर्ने प्रतिबद्धता जनाएका छन् । रुपन्देहीमा हरेक महिना पालिकाको घुम्ती बैठक आयोजना हुने गरेको छ । यस पटक बुटवलमा हालै भएको घुम्ती बैठकमा पालिकाबिच उक्त सहमति भएको जिल्ला समन्वय समिति रुपन्देहीका प्रमुख उमाकान्त चपाईले जानकारी दिनुभयो ।
विदेशी रोजगारी छाडेर स्वदेमै कृषिकर्ममा रमाएका सन्तोष जिसी
पाँच वर्षअघि विदेशबाट फर्केर कृषिमा लागेका प्युठान नगरपालिका–८ तल्लो गेजवाङका सन्तोष जिसीलाई आफ्नो गाउँ रमाइलो लाग्छ । उहाँले गाउँमा कृषिकर्म गरेर मनग्य आम्दानी समेत लिइरहनुभएको छ ।
मेला लाग्ने डाँडो बन्यो हरियाली वन
कुनै समयमा मेला लाग्ने डाँडाका रूपमा परिचित शुभकोटी डाँडामा अहिले भने हरियाली वन भएको छ । साबिक बिजौरी गाविस–४, मनिकापुरमा रहेको शुभकोटी डाँडामा ३५ वर्षअघि मेला लाग्ने गथ्र्यो । तुलसीपुर उपमहानगरपालिका–१८, मनिकापुरका ८४ वर्षीय नदनकुमार अधिकारीले मेला लाग्ने शुभकोटी डाँडामा २०५२ सालमा बिरुवा रोपेर हरियाली बनाएको बताउनुभयो । उहाँले सरकारले खाली क्षेत्रमा वृक्षरोपण अभियान नै थालेपछि गाउँले मिलेर डाँडामा विभिन्न प्रजातिका बिरुवा रोपेको बताउनुभयो ।
स्वास्थ्य बिमाको पहुँच पुग्न सकेन
सरकारले स्वास्थ्य बिमालाई प्राथमिकता दिए पनि यहाँका ५५ प्रतिशत नागरिक स्वास्थ्य बिमाको पहुँचभन्दा बाहिर छन् । स्वास्थ्य बिमा बोर्ड सम्पर्क कार्यालय गुल्मीका अनुसार ५५ प्रतिशत नागरिक पहुँचबाहिर रहेका छन् भने ४५ प्रतिशत नागरिक मात्रै स्वास्थ्य बिमाको पहुँचमा रहेका छन् । २०७८ सालको जनजगणना अनुसार जिल्लाको कुल जनसङ्ख्या दुई लाख ४६ हजार ८३६ छ । कार्यालयका अनुसार अहिलेसम्म ५३ हजार ८९३ जना पुरुष र ५७ हजार ७०६ महिला गरेर एक लाख ११ हजार ५९९ जनाले स्वास्थ्य बिमा गरेका छन् ।
एक लाख ८१ हजार बढी चल्ला उत्पादन
बाँकेको जानकी गाउँपालिका–४ स्थित खजुरामा रहेको कुखुरा विकास फार्मले गत आर्थिक वर्ष २०८०–८१ मा एक लाख ८१ हजार बढी लोकल प्रजातिका चल्ला उत्पादन गरेको छ ।
कृष्णसारको सङ्ख्या बढ्यो
गुलरिया नगरपालिका-२ को खैरापुरको (पटाहा)मा कृष्णसारको सङ्ख्या बढेको छ । गत वर्षसम्म एक सय ९७ वटा कृष्णसार रहेकामा २७ वटा थपिएर यस वर्ष २२४ पुगेको कृष्णसार संरक्षण कार्यालयले जनाएको छ ।
मोटरसाइकल र स्कुटर ठोक्कियो : आमा घाइते, छोराको मृत्यु
बुटवल १३ बेलबासमा सवारी दुर्घटना हुँदा एक जनाको मृत्यु भएको छ भने अन्य दुई जना घाइते भएका छन् । मृत्यु हुनेमा बुटवल उपमहानगरपालिका-१३ का २३ वर्षीय अंकृत पाठक रहेको इलाका प्रहरी कार्यालय बुटवलका प्रमुख विजयराज पण्डितले जानकारी दिनुभयो ।
सारङ्गीको धुनसँगै विरहका भाका सुनाउँदै डम्बर
जाजरकोट नलगाड नगरपालिकाका ५३ वर्षीय डम्बर गायन नेपालगन्जमा सारङ्गीको धुनसँगै विरहका भाका सुनाउँदै आउनुभएको छ । गाउँ गाउँमा खबर सुनाउँदै हिँड्ने गाइने दाइको अभाव खड्किरहेका बेला डम्बरले पुर्ख्यौली जातीय पेसालाई निरन्तरता दिँदै जीविकोपार्जन गर्दै आउनुभएको छ ।
घोराहीको सिस्ने खोलामा बस दुर्घटना
दाङको घोराही–लमही सडक खण्डअन्तर्गत सिस्ने खोलामा बस दुर्घटना हुँदा ६ जना घाइते भएका छन् ।
कपिलवस्तुमा भूमिहीन सुकुम्वासीको प्रदर्शन
डिभिजन वन कार्यालय कपिलवस्तुले अतिक्रमित वन क्षेत्र खाली गराउन थालेपछि कपिलवस्तुका भूमिहीन सुकुम्वासीहरू आन्दोलित भएका छन् । संयुक्त सुकुम्वासी अव्यवस्थित भूमि संरक्षण सङ्घर्ष समितिको आयोजनामा विरोध प्रदर्शन गरेका हुन् ।
सुशील कोइरालाको जन्मजयन्ती : आश्रममा आश्रित २३५ जनालाई खाना वितरण
नेपाली कांग्रेस बाँकेले विविध कार्यक्रम गरेर नेपालगन्ज निवासी नेपाली कांग्रेसका पूर्व सभापति तथा पूर्व प्रधानमन्त्री स्वर्गीय सुशील कोइरालाको ८६ औँ जन्मजयन्ती मनाएको छ ।
लमही आँखा अस्पतालमा विशेषज्ञ सेवा सुरु
दाङको लमही आँखा अस्पतालले नाक, कान र घाँटीसम्बन्धी विशेषज्ञ सेवा दिन थालेको छ ।
गोरखापत्रकर्मी खानलाई अवधी गौरव रजत सम्मान
गोरखापत्र दैनिकका नेपालगन्ज समाचारदाता सिराज खानलाई अवधी सांस्कृतिक प्रतिष्ठान केन्द्रीय समितिले नेपालगन्जमा सम्मान गरेको छ ।
गुल्मीमा जङ्गली च्याउ खाँदा आठ जना बिरामी
गुल्मीको रेसुङ्गा नगरपालिका वडा नम्बर – ८, खानीगाउँमा जङ्गली च्याउ खाँदा आठ जना बिरामी परेका छन् । खानीगाउँस्थित रेसुङ्गा सामुदायिक वनदेखि टिपेर ल्याएको डल्ले च्याउ जस्तो देखिने जङ्गली च्याउ खादा आठ जना बिरामी परेको जिल्ला प्रहरी कार्यालय गुल्मीका प्रहरी निरीक्षक रामकुमार केसीले जानकारी दिनुभयो ।
देउखोला–नायगाड–त्रिवेणी सडकको सम्झौता रद्द
यहाँको पुथाउत्तरगङ्गा गाउँपालिका–१४, देउखोला–सिस्ने गाउँपालिका–२ नायगाड–पुथाउत्तरगङ्गा त्रिवेणी सडकखण्डमा ठेकेदारसँग निर्माण सम्झौता तोडिएको छ । पटक पटक म्याद थप गर्दा समेत ठेकेदारले समयमै काम गर्न नसकेपछि देउखोला–नायगाड–त्रिवेणी सडकखण्डको ठेक्का तोडिएको हो । ग्रामीण सडक सञ्जाल सुधार आयोजना (आरसिआइपी) द्वारा यो सडकखण्डको सडक निर्माण भइरहेको छ । २०७५ असोज महिनामा आरसिआइपीले पिएच/शङ्कर माली जेभीसँग यस खण्डको सडक निर्माणका लागि सम्झौता गरेको थियो । छ वर्षसम्म पनि काम गर्न नसकेपछि बाध्य भएर ठेकेदारसँग ठेक्का तोड्नु परेको ग्रामीण सडक सञ्जाल सुधार आयोजना रुकुमपश्चिमका प्रमुख रामआशिष शाहले जानकारी दिनुभयो । यो अवधिमा आठ पटक म्याद थप गर्दा समेत ठेकेदारले काम गर्न नसकेको शाहले बताउनुभयो । ठेक्का लिएर सडक अलपत्र पारेपछि गएको असार १९ गते ठेक्का तोडिएको शाहले बताउनुभयो । पुरानो ठेकेदारसँग ठेक्का तोडेर नयाँ ठेक्काका लागि प्रक्रिया थालिएको उहाँको भनाइ रहेको छ ।
नेटा दर्लिङ र ह्वाङ्दी गाउँमा अझै पुगेन विद्युत् सेवा
गुल्मीका तीन हजार घरधुरीमा अझै पनि विद्युत् सेवा पुग्न सकेको छैन । जिल्लाको मालिका गाउँपालिका–१, २ र ३ वडामा अझै पनि विद्युत् सेवा पुग्न सकेको छैन भने मुसीकोट नगरपालिका–१, २, ८ र ९ का वडावासीले लघु जलविद्युत्मार्फत कहिलेकाहीँ मात्रै उज्यालो पाउने गरेका छन् । स्थानीय लघु जलविद्युत्को नहर र बाँध पहिरोले बगाएपछि यहाँका बासिन्दा अचेल अँध्यारोमा बस्न बाध्य छन् ।
बजेट अभावले विमानस्थल निर्माण अलपत्र
बजेट अभावका कारण अर्घाखाँचीको अर्घाभगवती विमानस्थलको निर्माण कार्य अलपत्र परेको छ । सन्धिखर्क नगरपालिका–१०, शिखरबार्नीमा २०७३ असार १३ गते शिलान्यास भएको विमानस्थलको आठ वर्षमा धावनमार्ग सम्याउने (कटिङ) को काम मात्रै भएको छ । पार्किङलगायतका संरचना निर्माण र ग्राभेल तथा पिच (कालोपत्रे) को काम बाँकी छ । ६० प्रतिशत काम सम्पन्न भए पनि हाल निर्माण कार्य बन्द छ ।
राष्ट्रिय परिचयपत्र बनाउनेको भीड
सरकारले राष्ट्रिय परिचयपत्रलाई विभिन्न सेवासुविधा लिनका लागि अनिवार्य गरेपछि जिल्ला प्रशासन कार्यालय बाँकेमा स्थानीयहरुको भीड लागेको छ ।
डिभिजन वन कार्यालय बाँके उत्कृष्ट घोषणा
नेपालगन्जस्थित डिभिजन वन कार्यालय बाँके वन अपराध र नियन्त्रणमा लुम्बिनी प्रदेश भरिमै उत्कृष्ट घोषित भएको छ ।
