नदीजन्य पदार्थको अवैध उत्खनन, ठेक्का नलाग्दा राजस्व गुम्दै
दाङ देउखुरीमा नदीजन्य पदार्थको अवैध उत्खनन बढ्न थालेको छ। स्थानीय सरकारले समयमै ठेक्का लगाई उत्खननको अनुमति नदिएकाले अवैध उत्खनन बढ्न थालेको हो। भौतिक संरचना निर्माणका लागि आवश्यक पर्ने नदीजन्य पदार्थ नखोल्दा सेवाग्राही मर्कामा परिरहेका छन्। यता विचौलियाले अवैध उत्खनन गर्दा राजस्व गुमेको छ।
ऐतिहासिक अमरनारायण मन्दिर जीर्णोद्धार कार्य सुरु
पाल्पाको २१६ वर्ष पुरानो ऐतिहासिक अमरनारायण मन्दिरको जीर्णोद्वारको कार्य सुरु भएको छ । जीर्ण मन्दिरको दोस्रो तल्लाको छानो खसेको सात महिनापछि जीर्णोद्वारको काम सुरु भएको हो ।
विशेष स्वास्थ्य उपचारका लागि शिविरकै भर
विशेषज्ञ डाक्टरद्वारा विशेष स्वास्थ्य उपचारका लागि रुकुमपूर्वक जिल्लावासीलाई शिविरकै भर पर्नु परेको छ । जिल्लाको ठाउँ–ठाउँमा स्वास्थ्य इकाई, स्वास्थ्य चौकी सहित एक प्राथमिक स्वास्थ्य केन्द्र कोल र एक रुकुमपूर्व अस्पताल रुकुमकोट रहेको छ ।
आलुको बजारीकरण जिम्मेवारी लिँदै ‘रामपुर नगरपालिका’
रामपुर नगरपालिका–६ की सीता देवकोटालाई खेतमा आलु खन्ने बेला भएपछि कसरी बिक्री गर्ने भन्ने चिन्ताले निकै पिरोल्थ्यो । उहाँले हरेक वर्ष करिब १० क्विन्टल आलु उत्पादन गर्नुहुन्छ ।
जाडो बढेसँगै बाँकेमा रुघाखोकी र ज्वरोका बिरामी बढे
जाडो बढेसँगै बाँकेमा मौसमी फ्लु, रुघाखोकी, कोल्ड डायरिया र निमोनियाका बिरामीहरू बढ्दै गएको विभिन्न अस्पतालले जनाएका छन् ।
रुकुमपूर्वका उम्मेदवारले निर्वाचन खर्च बुझाउँदै
मङ्सिर ४ गते भएको प्रतिनिधि र प्रदेश सभाको निर्वाचनमा रुकुमपूर्वबाट उम्मेदवार भएका छ जनाले खर्च विवरण बुझाउनु भएको छ ।
प्रदेश सभाले पारित गरेको राजधानी सार्नुको विकल्प छैन–मन्त्री खड्का
लुम्बिनी प्रदेशका अर्थ तथा सहकारी मन्त्री कृष्णध्वज खड्काले लुम्बिनी प्रदेशको राजधानी दाङ सार्नुको विकल्प नभएको बताउनुभएको छ ।
सुन्तलाका लागि प्रख्यात गुल्मीकाे ‘भाडगाउँ’
गुल्मीको रेसुङ्गा नगरपालिका–३ भाडगाउँ सुन्तला, तरकारी र माहुरीका लागि प्रख्यात छ । गाउँभरी लटरम्म सुन्तला फलेका छन् ।
लुम्बिनी प्रदेशको मुख्यमन्त्री कार्यालय देउखुरी सारियो
विवादकाबीच लुम्बिनी प्रदेशको सदरमुकाम बुटवलबाट दाङ सारिएको छ । बुटवलमा रहेको मुख्यमन्त्री तथा मन्त्रिपरिषद्को कार्यालयका सामान मध्यरातमा दाङको देउखुरी सारिएको हो । अब बुटवलमा मुख्यमन्त्री कार्यालय बन्द रहने र दाङमै खुल्ने प्रदेश सरकारले जनाएको छ ।
पाल्पामा बिहे भोज खाएका ८० बढी बिरामी
बिहेको भोज खाएपछि पाल्पाको बगनासकालीस्थित चिर्तुङधारा ८० जना भन्दा बढी स्थानीयवासी बिरामी परेका छन् । बगनासकाली–१, चिर्तुङधारा स्थित घोर बन्दामा गएको शनिवार भएको बिहेको भोज खादा घोर बन्दा बुढाखान्डे, भाङ जेली, अम्रेली, पिपरटुङ, ढाडटोलवासी बिरामी परेका हुन् ।
रगत अभाव, बिरामीलाई सास्ती
पश्चिम नेपालको तीनवटा प्रदेशको स्वास्थ्य हब बन्दै गएको नेपालगञ्जस्थित नेपाल रेडक्रस सोसाइटीको क्षेत्रीय रक्तसञ्चार केन्द्र (ब्लड बैङ्क)मा रगतको मौज्दात न्यून हुँदा समस्या उत्पन्न भएको छ। लुम्बिनी, कर्णाली र सुदूरपश्चिम प्रदेशका अति नै गम्भीर बिरामीलगायत दुर्घटनामा परेकाको प्रमुख उपचार केन्द्र बनेको नेपालगञ्जमा रगत अभावले गम्भीर अवस्थाका बिरामीलाई समस्या हुन थालेको हो। रक्तसञ्चार केन्द्रका क्षेत्रीय प्रमुख उपेन्द्र रेग्मीले चाडपर्वलगत्तै निर्वाचन हुँदा संस्थागत रक्तदानका कार्यक्रममा कमी आउँदा रगतको अभाव भएको बताउनुभयो। “हामीले रक्तदाता संस्था र रक्तदाता ग्रुपसँग नियमित सम्पर्क गरिरहेका छौँ,” उहाँले भन्नुभयो, “संस्थाहरूले नियमित रक्तदान गराउने र अभावको समस्या समाधान गर्ने आश्वासन दिएका छन्, आशा छ छिट्टै समाधान हुनेछ।”
वृद्ध भत्ताबाट विद्यार्थीलाई पोषणयुक्त खानेकुरा
दाङ तुलसीपुरका स्थानीय समाजसेवी एवं ज्येष्ठ नागरिक दुर्गाबहादुर खत्रीले सामाजिक सुरक्षाबापतको रकमबाट अपाङ्गता भएका विद्यार्थीलाई पोषणयुक्त खानेकुरा खरिद गरी वितरण गर्नुभएको छ। तुलसीपुर–१९ का ८४ वर्षीय खत्रीले सामाजिक सुरक्षाबापत प्राप्त गर्दै आएको रकमले प्रत्येक वर्ष सामाजिक र धार्मिक कार्यमा हस्तान्तरण गर्दै आउनुभएको छ।
विश्वविद्यालयमा प्राध्यापक अभाव, पठनपाठन प्रभावित
दाङको बेलझुण्डीस्थित नेपाल संस्कृत विश्वविद्यालय केन्द्रीय आयुर्वेद विद्यापीठमा आयुर्वेद चिकित्सामा स्नातक तह (बिएएमएस) अध्यापनका लागि ५१ प्राध्यापक चाहिन्छ । तर अहिले पाँच–सात जना प्राध्यापकले मात्रै पढाइरहनुभएको छ ।
१५८ जना विद्यार्थीलाई छात्रवृत्ति
गुल्मीको एक पालिकाले सामुदायिक विद्यालयका विद्यार्थीलाई छात्रवृत्ति वितरण गरेको छ । जिल्लाको गुल्मी दरबार गाउँपालिकाले पालिकाभित्र रहेका सामुदायिक विद्यालयमा अध्ययनरत गरिब, जेहेन्दार विद्यार्थीहरूको लागि छात्रवृत्ति वितरण गरेको हो ।
जन्ती गएका २५ जना अचानक बिरामी
प्युठान नगरपालिका वडा ६ माझकोट गुरुङ गाउँमा २५ जनाभन्दा बढी गाउँले अचानक बिरामी भएका छन् । बिरामीहरूलाई उपचारका लागि चार वटा एम्बुलेन्समार्फत प्युठान अस्पताल ल्याइएको प्युठान नगरपालिकाका उपमेयर देवेन्द्र बर्माले बताउनुभयो ।
घर बनाइदिने प्रलोभनमा गरिब परिवारको लाखौँ ठगी
रूपन्देहीको लुम्बिनी र मर्चवार क्षेत्रमा केही गरिब परिवार योजनाबद्ध तरिकाले ठगिएका छन् ।
स्याङ्जा–२ का तीन जना सांसदको पहिलो प्रयास सफल
स्याङ्जाको निर्वाचन क्षेत्र नं. २ बाट प्रतिनिधि सभा र प्रदेश सभा गरी तीनै जना सांसदले पहिलो पटकमा नै सफलता पाएका छन् ।
तलब भत्ता नपाउँदा स्वास्थ्यकर्मीद्वारा ज्ञापनपत्र हस्तान्तरण
बाँके डुडुवा गाउँपालिकाका कर्मचारी र स्वास्थ्यकर्मीले चालु आर्थिक वर्षदेखि तलब भत्ता पाएका छैनन् ।
स्थानीय तहलाई आर्थिकरुपमा बलियो बनाउन सुझाव
स्थानीय तहको आर्थिक विकासमा योगदान दिन पालिकाहरूलाई आर्थिक रूपमा बलियो बनाउनुपर्ने सुझाव सरोकारवालाहरूले बताउनुभएको छ ।
एकजना भारतीय नागरिकको मृत्यु
आइतबार राति जिल्लाको सदरमुकाम परासीमा घर आगलागीमा परी एकजना भारतीय नागरिकको मृत्यु भएको छ ।
नवलपरासीमा उखु खेतीमा आगलागीबाट लाखौँको क्षति
पश्चिम नवलपरासीको प्रतापुर गाउँपालिकामा उखुको खेतमा आगलागी हुँदा किसानको लाखौँ रुपियाँको क्षति भएको छ ।
तरकारीका बिरुवा बेचेर मनग्य कमाइ
सानो लगानीमा घरमै बसीबसी लाखौँ रकम कमाइ हुन थालेपछि गोविन्दप्रसाद दुवाडीलाई बिरुवा बेच्न भ्याइनभ्याइ छ ।
स्वदेशमै काम गर्ने वातावरण सिर्जना गर्न माग
एक पटक विदेश गएर फर्किएपछि पुनः विदेश जानु नपर्ने वातावरण बनाउन आग्रह गरिएको छ। वैदेशिक रोजगारीबाट फर्किएकाले नपालमै बसेर विभिन्न आयमूलक काम गर्न इच्छुक भएकाले त्यो वातावरण बनाइदिन सरकारसँग आग्रह गरेका हुन्। ‘परदेशको पसिना : कसरी लिने प्रतिफल ?’ विषयमा केन्द्रित रहेर बुटवलमा आयोजना गरिएको अन्तक्र्रिया कार्यक्रममा वैदेशिक रोजगारीबाट फर्किएका युवाले यस्तो आग्रह गरेका हुन्। मैले गरेको लगानी डुब्दैन भन्ने वातावरण नेपालमै बनाइदिने अवस्था भएमा विभिन्न रोजगारीका कार्यक्रम सञ्चालन गर्न सकिने सुझाव युवाको छ।
नौ सहकारी गाभिए
रुपन्देहीका नौवटा सहकारी संस्था गाभिएका (मर्ज) छन् । सहकारी संस्थाका पदाधिकारी तथा सदस्यको उपस्थितिमा शनिबार बुटवलमा आयोजित सहकारी एकीकरण कार्यक्रममा ती नौ सहकारी संस्था गाभिएर सिद्धबाबा बहुउद्देश्यीय सहकारी संस्था लिमिटेड बनेको घोषणा गरिएको हो । सार्थक, आगन्तुक, शाइन, उपदेश, उपकार, जनप्रिय, सुसन्देश शुभश्री र वरदान बहुउद्देश्यीय सहकारी संस्था गाभिएर सिद्धबाबा सहकारी संस्थामा बनेको हो ।
सम्मानपूर्वक बाँच्न पाउनु पर्ने माग
यौनिक तथा लैङ्गिक अल्पसङ्ख्यकले सम्मानपूर्वक बाँच्न पाउने माग गर्नुभएको छ । कपिलवस्तुको तौलिहवामा यौनिक तथा लैङ्गिक अन्तरक्रिया कार्यक्रममा उहाँहरूले सो माग गर्नुभएको हो ।
